مەكتەپ كيىمى بالانىڭ تابيعاتىنا ساي كوركەم بولسا نەمەسە مەكتەپ كيىمىنىڭ كوركەمدىگىنە ءمان بەرەيىك
0
2019-03-14 14:28:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل



ەكى ءماجىلىس كەزىندە، جۇڭگو گومينداڭ توڭكەرىستىك كوميتەتىنىڭ ورتالىق كوميتەتى «ساپالى قامداۋدى ىلگەرلەتىپ، ساپاسىز مەكتەپ كيىمىن تيم سالۋ ۇسىنىسىن» كوللەكتيۆ اتىنان مەملەكەتتىك ساياسي كەڭەسكە تاپسىردى. (تومەندە قىسقاشا «ۇسىنىس» دەپ الىنادى).


ءارقايسى ولكەلەردىڭ مەكتەپ كيىمىن باسقارۋ شارالارى ۇقسامايتىندىقتان، ناتيجەسى دە ءار قيلى بولۋدا، كەي رايونداردا «ساپاسىز مەكتەپ كيىمى»، « بالانىڭ تابيعاتىنا ساي كەلمەيتىن كورىكسىز مەكتەپ كيىمى» ءالى دە ساقتالىپ وتىر.


ۇسىنىستا: مەكتەپ كيىمىن جاقسارتىپ، ورتا-باستاۋىش مەكتەپ وقۋشىلارىنىڭ مادەنيەت جاعىنداعى سەنىمىن كۇشەيتۋمەن بىرگە، باعانى شەكتەۋ جانە «جەرلىك ورىنداردىڭ قورعاشتاۋىن» ءتۇيىندى تۇردە جويىپ، اناعۇرلىم كوپ وقۋشىلار مەن اتا - انالارعا «ساپالى، لايىقتى باعاداعى» مەكتەپ كيىمىن تاڭداۋ ۇقىعىن بەرۋ سونىمەن بىرگە، مەكتەپ كيىمىنىڭ ماتەريالىن تاڭداۋ مەن مەكتەپ كيىمى ۇلگىسىن جوبالاۋدى كۇشەيتىپ، ساپاسىن باسقارۋدى تەرەڭدەتىپ، «ساپاسىز مەكتەپ كيىمىنىڭ» مەكتەپ اۋلاسىنا كىرۋىن توسۋ كەرەك،-دەلىندى.


«ۇسىنىستىڭ» مازمۇنى مىڭنان استام تەكسەرۋ قاعازىنداعى ينفورماتسيا نەگىزىندە دايىندالدى


ۇسنىستا مىنالار ورتاعا قويىلدى: «باعاعا ارالاسۋ» جانە «جەرلىك ورىنداردىڭ مونوپوليالاپ الۋىن» جويۋ قاجەت.


اۋەلى، قازىر ەلىمىزدە، مەكتەپ كيىمىن وندىرۋدە،ءىشىنارا ولكەلەر قاراماققا قاتاڭ باسقارعانسىپ، جەرلىك كاسپورىنداردى قانات استىنا الۋدا، كەي جەرلەردىڭ اكىمشىلىك باسقارۋ تاراۋلارى بۇرىنعى «باعانى شەكتەۋ» قۇجاتىمەن مەكتەپتىڭ مەكتەپ كيىمىن ساتىپ الۋىنا ارالاسىپ، ءادىل باسەكەگە ىقپال جاساپ، وقۋشىلار مەن اتا - انالاردى « كورىكسىز، ساپاسى ناشار مەكتەپ كيىمىن» تاڭداپ كيۋگە ماجبۇرلەۋدە.


مەكتەپ كيىمىنىڭ ادام تاربيەلەۋ جانە ەستەتيكالىق رولىن ساۋلەلەندىرىپ، مادەنيەت سەنىمىن كۇشەيتۋ كەرەك


كەزەكتە ەل ىشىندەگى مەكتەپ كيمىنە بولعان جۇرتشىلىق رازىلىعى % 30 تەن تومەن بولعان. كەيبىر ورتا، باستاۋىش مەكتەپتەر ءبىر تۇتاس ارناعا ءتۇسىرۋدى، بىرلىككە كەلتىرۋدى سىڭار جاقتىلىقپەن دارىپتەپ، مەكتەپ كيىمىنىڭ جايلىلىعى مەن كوركەمدىگىنە ءمان بەرمەيدى، ەكىنىڭ بىرىندە كەڭ، كورىكسىز مەكتەپ كيىمىنە تاپسىرس بەرەدى، مۇنداي مەكتەپ كيىمى ەستەتيكالىق تاربيە جانە تانىمعا اسەر ەتىپ قالماستان، وقۋشىلار اراسىندا دا مەكتەپ كيىمىن جەك كورەتىن جاعداي بەلەڭ بەرۋدە.


«ۇسىنىستا» مىناداي پىكىرلەر بەرىلدى: وقۋ - اعارتۋ تاراۋلارى، ورتا، باستاۋىش مەكتەپتەر، وقۋشىلاردىڭ اتا - انالارى، مەكتەپ كيىمىن وندىرەتىن كاسىپورىندار مەكتەپ كيىمى جونىندەگى تانىمدى جوعارىلاتىپ، ەستەتيكالىق تاربيە سياقتى جاقتارداعى ماڭىزدى رولىن جىعا تانىپ، سول ارقىلى كوركەم، جاراسىمدى، جانعا جايلى مەكتەپ كيىمىن تاڭداپ، جاساپ جانە ءوندىرىپ، وقۋشىلاردىڭ ەستەتيكالىق تانىمىن جوعارىلاتۋداعى ماڭىزدى وقىتۋ دانەكەرىنە اينالدىرۋ قاجەت.


«ۇسىنىستا» تاعى مىنالار ايتىلدى: مەكتەپ كيىمىن وندىرەتىن كاسىپورىندار ءوندىرۋ، وقىتۋ، زەرتتەۋ تەكشەلەرىنەن ۇتىمدى پايدالانىپ، ماتەريالدارعا ءمان بەرىپ، مەكتەپ كيىم ۇلگىسىن جوبالاۋدى كۇشەيتىپ، جۇڭحۋانىڭ ءداستۇرلى مادەنيەتىمەن ۇشتاستىرىپ، ەۆروپا، ا ق ش، جاپونيا، وڭتۇستىك كورەيادان پارىقتى مەكتەپ كيىمى ۇلگىسىن جاراتىپ، ورتا، باستاۋىش مەكتەپ وقۋشىلارىنىڭ مادەنيەت سەنىمىن كۇشەيتۋىنە كومەكتەسۋ قاجەت.


ساپا وتكەلىن مۇقيات باسقارۋ قاجەت


«ۇسىنىستا» مىنالار اتاپ كورسەتىلدى: قازىر بۇكىل ەلىمىز بويىنشا 250 مىڭعا تاياۋ ورتا، باستاۋىش مەكتەپ بار، الايدا مەكتەپ كيىمىن باقىلاۋ، ۇلگى الىپ تەكسەرۋ سياقتى باقىلاۋ-باسقارۋ قامتىمى % 1 كە دە جەتپەيدى.


سونىمەن بىرگە، «ۇسىنىس» جەرگىلىكتى ۇكىمەتتىڭ مەكتەپ كيىمىن باقىلاۋ-باسقارۋعا قازىنالىق جاقتان قولداۋ كورسەتۋىن، وقۋ - اعارتۋ تاراۋلارى مەكتەپ كيىمىنىڭ حاۋىپسىزدىگىن مەكتەپ حاۋىپسىزدىگىنىڭ ماڭىزدى مازمۇنى ەتىپ، مەكتەپ پەن قامداۋشى كاسپورىننىڭ ارناعا ءتۇسىرۋ توقتامىنا قول قويۋىن قۋزاپ، كەلىسىم بويىنشا تەكسەرىپ وتكىزىپ الۋدىڭ حاۋىپسىزدىك تەحنيكالىق ولشەمىن ايقىنداپ، بازار باقىلاۋ-باسقارۋ تاراۋلارىمەن سەلبەسىپ باسقارۋدى تەرەڭدەتىپ، اتا-انالاردىڭ مەكتەپ كيىمىن الاڭسىز ساتىپ الۋىنا، وقۋشىلاردىڭ مەكتەپ كيىمىن كوڭىلدى كيىنۋىنە مۇمكىندىك جاساۋ قاجەت.

ال توراپتاستار بولسا مەكتەپ كيىمى داۋىرمەن بىرگە العاباسۋى كەرەك دەگەن تىلەگىن ءبىلدىردى.

 

اۋدارىپ دايىنداعان: اينۇر گىميڭعازى قىزى

未标题-1.jpg
QQ浏览器截图20190314131140.jpg
timg-(1).jpg
未标题-1.jpg
QQ浏览器截图20190312152159.jpg