دەمالىس الۋ، نەلىكتەن قيىنعا سوقتى؟
0
2019-06-11 17:40:00
|
كەلۋقاينارى:
|
جاۋاپتى رەداكتور :

 

 

    قىزمەت ىستەگەنىنە 10 نەشە جىل بولسادا، كوپتەگەن ادامدار تۋىسشىلاۋ دەمالىسىن الىپ كورمەگەن، «جالعىز پەرزەنتتەردىڭ اتا-اناسىن كۇتىمدەۋ دەمالىسىنان» دا حابارسىز بولعان، ال ايەل جۇمىسشى-قىزمەتكەرلەر «ەتتەككىر كەلۋگە»، «بالا ەمىزۋگە» قاتىستى دەمالىستاردى بىلسەداعى، ىڭعايسىزدانىپ ۋاعىندا وسى تيىمدىلىكتەن يگىلىكتەنە الماعان... جاقىندا ٴتىلشى تەكسەرۋ بارىسىندا، ساياساتتا ايقىن بەلگىلەنگەن كەيبىر دەمالىستاردىڭ، اماليات بارىسىندا اتقارۋ قيىن بولۋ ماسەلەلەسىنە جولىققانىن بايقاعان. ٴاسىلى «مەيىر مەن قامقورلىققا» تولى وسى دەمالىس شارالارى، سوڭىندا قاعاز بەتىندە عانا قالعان.


كەيبىر دەمالىستاردان حابارسىز بولسا، كەيبىر دەمالىستى بىلە تۇرىپ يگىلىكتەنە الماعان

 

 

بيىلعى ايەلدەر مەرەكەسى كۇنى، مىڭ يۋان تۇرعان سەرىكتىك سول كۇنگى قىزمەتتى تولىق ورنالاستىرىپ، ايەل جۇمىسشى – قىزمەتكەرلەرگە دەمالىس بەرگەنى بىلاي تۇرسىن، ۇستەمەلەپ قىزمەت ٴماجىلىسىن اشىپتى. ول بىلاي دەدى: «قىزمەتكە قاتىناسقانىمنا 3 جىل بولدى، بۇدان كەيىندە وسى جارىم كۇندىك دەمالىستان ۇمىتتەنبەيمىن».

 

تىلشىلىك بارىسىندا ٴتىلشى مىنانى بايقادى، ايەلدەر مەرەكەسى، جاستار مەرەكەسى سياقتى «جارىم كۇندىك دەمالىستى» تياناقتاندىرۋ قيىنعا سوعىپ قانا قويماي، بالا ەمىزۋ دەمالىسى سياقتى «قىسقا مەرزىمدىك، تومەن جيىلىكتەگى» ايەلدەردىڭ يگىلىك سيپاتىنداعى دەمالىسىنىڭ تياناقتانۋ جاعدايى دا ناشار بولعان.

 

شاندۇڭدا ۇزاق جىل قىزمەت ىستەگەن جياڭسۋلىق شيە لينشيننىڭ تىلشىگە ايتۋىنا قاراعاندا، «مەملەكەتتىك كەڭەستىڭ جۇمىسشى ـ قىزمەتكەرلەردىڭ تۋىسشىلاۋ مامىلەسى جونىندەگى بەلگىلەمەسىنە» ساي، سىرت ولكەلەردە قىزمەت ىستەيتىن، اتا ـ اناسىنان الىس جۇرگەن جۇمىسشى ـ قىزمەتكەرلەر ٴار 4 جىلدا 20 كۇندىك تۋىسشىلاۋ دەمالىسىنان يگىلىكتەنۋىنە بولادى ەكەن، ٴبىراق ونىڭ قىزمەت ىستەگەنىنە 10 نەشە جىل بولسادا، وسى دەمالىستان يگىلىكتەنىپ كورمەگەن. «العاشىندا بۇل دەمالىستى بىلمەيدى ەكەنمىن، بۇدان حابار تاپقان سوڭ رۇقسات سۇرادىم، ٴبىراق قىزمەت ورنىم دەمالىس ۋاقىتى تىم ۇزاق، قىزمەتكە اسەر ەتەدى دەپ قاراپ، كۇنى بۇگىنگە دەيىن دەمالىس بەرمەدى».

 

تيانجين بازار باقىلاۋ - باسقارۋ تاراۋىندا قىزمەت ىستەگەنىنە 7 جىلعا جۋىق بولعان جاڭ چيدىڭ اكە - شەشەسى جيناندا تۇرادى. ول تىلشىگە: «ٴار كۇنگى قىزمەتىم توتەنشە قاربالاس، تۋىسشىلاۋ دەمالىسى سىندى وسى تيىمدىلىكتى بىلگەن كۇننىڭ وزىندە دە، ودان يگىلىكتەنەتىن ۋاقىتىم جوق بولىپ تۇر-عوي»،-دەيدى.

 

تۋىسشىلاۋ دەمالىسى سياقتى ساياساتتىڭ اتقارىلعانىنا كوپ جىل بولسادا، ٴبىراق سالعىرت كۇيدە جاتقان تيىمدىلىك سيپاتىنداعى دەمالىستار از ەمەس. مىسالى، بۇكىل ەلدەگى ٴارقايسى ولكەدە ەرلەردىڭ «ايەلى بوسانعاندا، ولارعا قارايلاسۋ دەمالىسىنا» ەڭ قىسقا بولعاندا 7 كۇن، ەڭ ۇزاق بولعاندا ٴبىر اي بەرىلەدى دەپ ايقىن بەلگىلەنگەن. الايدا، كوپتەگەن ەر جۇمىسشى - قىزمەتكەرلەر «ايەلى بوسانعاندا، ولارعا قارايلاسۋ دەمالىسىن» الۋدىڭ قيىن ەكەندىگىن، دەمالىستى العان كۇننىڭ وزىندە، سونشا ۋاقىت دەمالىسقا كەتۋگە جاعدايدىڭ جوقتىعىن اشىق ايتادى. ايگىلى كاسىپتىك قوعامدىق قارىم - قاتىناس تەكشەسى لىنكاديننىڭ (LinkedIn) تاياۋدا جاساعان تەكسەرۋىندە كورسەتىلۋىنشە، جۇڭگونىڭ 35 پايىز ەرلەرى تۇرعان سەرىكتىكتەر «ايەلى بوسانعاندا، ولارعا قارايلاسۋ دەمالىسىن» بەرمەيدى نەمەسە ەرلەر قىزمەت سەبەبىنەن امالسىزدان دەمالىستان باس تارتادى ەكەن.

 

زاڭدا، بەلگىلەمەدە ايقىن جازىلعانىمەن، اتقارۋ قيىن بولۋدا

 

زاڭدا دا، ەرەجەدە دە ايقىن بەلگىلەنگەن يگىلىكتى دەمالىس بولا تۇرسادا، نەلىكتەن اتقارۋ قيىنعا سوعادى؟ ٴتىلشى كوپتەگەن جۇمىسشى - قىزمەتشىلەر مەن كاسىپورىن جاۋاپتىلارىنا تىلشىلىك ىستەۋ ارقىلى، بۇندا سايكەستى ساياساتتىڭ ىلەسە الماۋىنداعى فاكتور دا، ادام ىستەتەتىن ورىنداردىڭ «دەمالىس بەرمەۋىندەگى» سەبەپتە بار ەكەنىن بايقادى. 

 

-- اتقارۋ ەرەجەسى ايقىن ەمەس، سايكەستى ساياساتتا ولقىلىق بار. مىسالى، سىچۋان، حىنان، سانشي قاتارلى جەرلەر سوڭعى جىلدارى «جالعىز پەرزەنتتەردىڭ اتا-اناسىن كۇتىمدەۋ دەمالىسىن» ارت - ارتىنان شىعارىپ، جالعىز پەرزەنتتەردىڭ اتا - اناسى بالنيتساعا جاتقان كەزدە، ادام ىستەتۋشى ورىننىڭ جۇمىسشى – قىزمەتشىلەرگە كۇتىمدەۋ دەمالىسىن بەرۋى كەرەك، دەمالىس ۋاقىتى ادەتتە 5 - 20 كۇن بولادى دەپ بەلگىلەگەن. سانشيدىڭ تاييۋان قالاسىندا قىزمەت ىستەيتىن لۋ مىرزا بىلتىر كۇتىمدەۋ دەمالىسىن الۋدى ٴوتىنىش ەتكەنىمەن، ماقۇلداۋعا يە بولا الماعان. لۋ مىرزا: «بەلگىلەمەنى اتقارۋداعى ناقتى ەرەجە كەمشىل، قالاي ٴوتىنىش بەرۋ، دەمالىس كەزىندە ەڭبەكاقى الۋ ـ الماۋدا دا انىق ايتىلماعان، مەكەمە دە بەي حابار»،ـ دەدى.

 

-- قولدانىلۋ كولەمى شەكتى بولعاندىقتان، دەمالىس الۋ قيىن. شاندۇڭنىڭ دۇڭيىڭىنداعى ٴبىر حالىق باسقارۋىنداعى كاسىپورىندا قىزمەت ىستەيتىن لي كاي تىلشىگە تۋىسشىلاۋ دەمالىسىنان بەلگىلەمە بويىنشا مەملەكەت ورگاندارى، حالىقتىق ۇيىمدار جانە جالپى حالىقتىق مەنشىكتەگى كاسىپورىندار (مەملەكەت مەنشىگىندەگى كاسىپورىندار)، ٴىس ورىندارىنداعى جۇمىسشى ـ قىزمەتكەرلەر عانا يگىلىكتەنە الاتىندىعىن، حالىق باسقارۋىنداعى كاسىپورىن جۇمىسشى ـ قىزمەتكەرلەرىنىڭ بەينە بيىك داۋالمەن اۋاشالانىپ تۇراتىندىعىن ايتتى. ساياساتتىق نەگىز بولماسا، سەرىكتىك دەمالىستى ارينە ماقۇلدامايدى عوي.

_ _ رۇقسات سۇراۋ ٴتارتىبى وتە كۇردەلى، قاتىستى بەلگىلەمەلەردى ساپالىلاندىرۋعا تۋرا كەلەدى. شاندۇڭ، حىنان، انحۇي قاتارلى ولكەلەر ايەل جۇمىسشى - قىزمەتكەرلەردىڭ ەتەككىر كەلۋدەن قاتتى جايسىزدانىپ، قالىپتى قىزمەت ىستەي المايتىندارىنا، 1 كۇن دە 2 كۇن دەمالۋىنا بولاتىندىعىن ايقىن ورتاعا قويدى. الايدا، كوپتەگەن ايەل جۇمىسشى - قىزمەتكەرلەر تىلشىگە بۇل دەمالىستان ەشقاشان يگىلىكتەنىپ كورمەگەنىن ايتتى. ٴبىر جاعىنان، فيزيولوگيالىق جايسىزدىق جەكەلەردىڭ قۇپيالىعىنا ساياتىندىقتان، اۋىز اشۋ قيىنعا سوعادى؛ ەندى ٴبىر جاعىنان، جەر – جەر «ەتەككىر كەلۋ دەمالىسىن» بەرۋگە ەمدەۋ قۇرىلىمدارىنان انىقتاما الۋدى تالاپ ەتەدى. دەمەك وسى قىسقا ۋاقىتتىق دەمالىس ٴۇشىن، تاعى جارىم كۇن ۋاقىت جۇمساپ، دوحتىرحاناعا بارىپ تەكسەرىلىپ، انىقتاما كەستىرۋ راسىندا ادامدى قالجىراتادى.

 

--كاسىپورىنداردىڭ جۇمىسشى ىستەتۋىنىڭ وزىندىك قۇنى بار بولاتىندىقتان، بەلگىلەمەلەردى اتقارۋعا دارمەنسىز. «ۇكىمەتتىڭ يگىلىك سيپاتىنداعى دەمالىستى ورتاعا قويۋىنداعى العاشقى ماقساتى جاقسى، ٴبىراق كاسىپورىنداردىڭ ونى اتقارۋعا شاماسى كەلمەيدى»، ـ دەدى جينان قالاسىنداعى ٴبىر حالىق باسقارۋىنداعى كاسىپورىننىڭ جاۋاپتىسى تىلشىگە. «كوپتەگەن قىزمەت ورنىندا ادام كەمشىل، ەگەر قىزمەتكەر دەمالىسقا كەتسە، قىزمەت اقساپ قالادى، بۇدان سىرت، دەمالىس ۋاقىتىنىڭ تىم كوپ بولۋى دا كاسىپورىنداردىڭ جۇمىسشى ىستەتۋىنىڭ وزىندىك قۇنىن ارتتىرادى.» 

 

 
قامتاماسىزداندىرۋ ٴتۇزىمىن كەمەلدەندىرىپ، ٴتىپتى دە كوپ دەمالىس كۇندەرىنىڭ ناقتى تياناقتانۋىنا كەپىلدىك ەتۋ كەرەك

 

حالىقتىڭ تۇرمىس ورەسىنىڭ ۇزدىكسىز جوعارىلاۋىنا بايلانىستى، «دەمالىس كۇندەرىن الۋ» بارعان سايىن قالىڭ جۇمىسشى - قىزمەتكەرلەردىڭ نازارىن اۋداردى. قاتىستى ماماندار بىلاي دەپ قارادى: «دەمالىس كۇندەرىن الۋدىڭ قيىن بولۋى» سىندى جاعدايدى وڭاۋ ٴۇشىن، دەمالىسقا قاتىستى بەلگىلەمەلەردىڭ اتقارۋ ادىستەرىن ونان ارى اشالاپ، ايقىنداۋ قاجەت، سونىمەن بىرگە قامتاماسىزداندىرۋ ٴتۇزىمىن كەمەلدەندىرىپ، ٴتىپتى دە كوپ دەمالىس كۇندەرىن تياناقتاندىرۋعا كەپىلدىك ەتىپ، جۇمىسشى – قىزمەتكەرلەردىڭ دەمالىس ٴتۇزىمىنىڭ جۇرت كوڭىلىنەن شىعۋىن شىنايى ىسكە اسىرۋ قاجەت.

 

ٴبىرىنشى، داۋىرمەن بىرگە العا باسىپ، سايكەستى دەمالىس ٴتۇزىمىن رەتكە سالۋ كەرەك.

 تۋىسشىلاۋ دەمالىسىن مىسالعا الساق، دەمالىس ۋاقىتىنىڭ تىم ۇزاق بولۋىنان، اتقارىلۋ قيىنعا سوعۋ، حالىق باسقارۋىنداعى كاسىپورىندارداعى جۇمىسشى - قىزمەتكەرلەرگە نەمقۇرايدى قاراۋ ماسەلەلەرى ساقتالىپ وتىر. بۇل جونىندە ٴبىر ٴبولىم ماماندار ۋاقىتتى قىسقارتىپ، جيىلىكتى جوعارىلاتىپ، قولدانىلۋ كولەمىن كەڭەيتۋ ارقىلى ٴتىپتى دە كوپ جۇمىسشى - قىزمەتكەرلەردىڭ زاڭدى دەمالىس كۇندەرىن كەپىلدەندىرۋگە مۇمكىندىك جاساۋدى ۇسىنىس ەتتى.

 

ەكىنشىدەن، دەمالىس ٴتۇزىمىن تانىستىرۋ جانە باقىلاۋ تەبىنىن كۇشەيتۋ قاجەت.

شاندۇڭ ۋنيۆەرسيتەتىنىڭ سوتسيولوگيا پروفەسسورى ۋاڭ جۇڭ-ۋ بىلاي دەپ قارادى: ۇكىمەت دەمالىس ۋاقىتىن بەلگىلەپ بولعاننان كەيىن، ۇگىتتەۋ مەن جالپىلاستىرۋدى ونان ارى كۇشەيتىپ، بۇقاراعا حاباردار ەتۋ كەرەك؛ سونىمەن بىرگە، ادام ىستەتەتىن ورىنداردىڭ دەمالىستى قاقپايلاۋ ماسەلەسىنە قاراتا، ەڭبەك باقىلاۋ تاراۋلارى دەمالىس كۇنىنىڭ تياناقتانۋ احۋالىن وكشەلەي تەكسەرۋى كەرەك. «قازىر ناقتى جازالاپ ساقتاندىرۋ شارالارى از، بەلگىلەمەگە قايشى جازالاۋ شارالارىن اناعۇرلىم ايقىنداۋ كەرەك»، ـ دەدى ۋاڭ جۇڭ-ۋ.

 

ٴۇشىنشى، قامتاماسىزداندىرۋ جۇيەسىن كەمەلدەندىرىپ، كاسىپورىنداردىڭ دەمالىستى تياناقتاندىرۋىن جەبەۋ كەرەك.

جۇمىسشى - قىزمەتكەرلەردىڭ دەمالىسقا كەتۋى كاسىپورىنداردىڭ قالىپتى ٴوندىرىس - تيجاراتىنا ىقپال جاساۋى مۇمكىن بولعان ماسەلەلەردى كوزدە ۇستاي وتىرىپ، ۋاڭ جۇڭ-ۋ بىلاي دەپ قارادى: قاتىستى تاراۋلار باجى، قوسىمشا قاراجات سياقتى ساياساتتاردى اقىلداسىپ بەلگىلەپ، كاسىپورىنداردىڭ قاتىستى دەمالىس كەزىندەگى بەلگىلەمەلەردى اتقارۋ سەبەبىنەن تۋدىرعان ىقپالىن جويىپ نەمەسە جەڭىلدەتىپ، دەمالىس سىندى حالىق تۇرمىسى باقىتىنىڭ ٴونىمدى قامتاماسىزداندىرىلۋىنا كەپىلدىك ەتۋ كەرەك.

 

 


شاندۇڭداعى مەملەكەت مەنشىگىندەگى ٴبىر كاسىپورىندا قىزمەت ىستەيتىن مىڭ يۋان تىلشىگە: «8 ـ ناۋرىز ايەلدەر مەرەكەسى دەمالىسىنان ەجەلدەن يگىلىكتەنگەن ەمەسپىن»،-دەدى. «مەملەكەتتىك جىلدىق مەرەكە جانە ەسكە ٴتۇسىرۋ كۇندەرىندە دەمالىس بەرۋ ادىسىندە» ايەل جۇمىسشى - قىزمەتكەرلەردىڭ ايەلدەر مەرەكەسىندە جارىم كۇندىك دەمالىس كۇنى بار ەكەندىگى ايقىن بەلگىلەنگەن.
企业微信截图_20190612113358.jpg
企业微信截图_20190612115126.jpg
02.jpg
921286e2aed04b1b85d385f9c1de80e4_th.jpg
دەمالىس الۋ، نەلىكتەن قيىنعا سوقتى؟
0b28a41a-8a7e-41a0-8684-9ecaf5d70dc1.gif