باس شۋجي شي جينپيڭنىڭ ۇزاق جورىق رۋحى جايلى بايىمداۋلارى
0
2019-06-12 11:31:00
|
كەلۋقاينارى:
|
جاۋاپتى رەداكتور :

 

    ءوز حابارىمىز. بيىل قىزىل ارميانىڭ ۇزاق جورىققا اتتانعاندىعىنا 85 جىل تولادى. ۇزاق جورىق ماڭگى جالعاسادى، ءاربىر ۇرپاقتىڭ وزىنە ءتان ۇزاق جورىعى بولادى، ءاربىر ۇرپاق ءوزىنىڭ ۇزاق جورىعىن ويدعىداي ورىنداۋى كەرەك. پارتيا 18-قۇرىلتايىنان بەرى، باس شۋجي شي جينپيڭ ۇزاق جورىق جانە ۇزاق جورىق رۋحى جونىندە تالاي رەت ماڭىزدى بايىمداۋلار جاسادى. تومەندە باس شۋجي شي جينپيڭنىڭ جەلىلەس ماڭىزدى سوزدەرىن ەسكە تۇسىرەتىن. « باس شۋجي شي جينپيڭنىڭ ۇزاق جورىق جانە ۇزاق جورىق رۋحى جايلى بايىمداۋلارى » دەگەن ماقالانى ۇسىندىق.

 

1934-جىلى 10-ايدان باستاپ باستاپ جۇڭگو كوممۋنيستىك پارتياسى قىزىل ارميانىڭ 1 -، 2 -، 4-باعىتتاعى ارميالارىنا جانە 25-كورپۋس ارمياسىنا باسشىلىق ەتىپ، ۇلى ۇزاق جورىققا اتتاندى. 1936 - جىلى 10-ايدا قىزىل ارميانىڭ ءۇش ءىرى نەگىزگى كۇشى جياڭتايبۋدا باس قوسىپ، 25 مىڭ شاقىرىمدىق ۇزاق جورىقتىڭ جەڭىسپەن اياقتاعاندىعى جاريالاندى.

 

2016-جىلى 7-ايدا باس شۋجي شي جينپيڭ نيڭشيادا قىزمەت تەكسەرگەندە، جياڭتايبۋعا ارنايى بارىپ، قىزىل ارميا ۇزاق جورىق ەسكەرتكىشىنە قۇرمەت كورسەتىپ، ۇزاق جورىقتا باس قوسۋ ەسكەرتكىش باقشاسىن، ەسكەرتكىش سارايىن ەكسكۋرسيالادى. شي جينپيڭ بىلاي دەدى: قىزىل ارميانىڭ ۇزاق جورىعى جۇڭگو جانە شەتەل تاريحىنداعى تاڭعاجايىپ كەرەمەت جاراتتى، ءبىز ۇلى ۇزاق جورىق رۋحىنا مۇراگەرلىك ەتۋىمىز جانە ونى ساۋلەلەندىرۋىمىز كەرەك. توڭكەرىستىك مۇراتتى بارىنەن جوعارى قويۋ، قۇربان بەرۋدەن قورىقپاۋ، قات-قابات قيىنشىلىقتاردى جەڭە جەڭىسكە جەتۋگە ۇمتىلۋ، ءتۇرلى جاۋلارعا قارسى شەشۋشى شايقاس جۇرگىزىپ، جاۋدى جەڭىپ، جەڭىسكە جەتۋ قاتارلى وسىناۋ وسكەلەڭ رۇحتاردىڭ ءبارى-ۇزاق جورىق رۋحىنىڭ ءمانى بولپ تابىلادى. مەنىڭ وسى جولى بۇل اراعا ارنايى كەلۋىمنىڭ ءوزى اعابۋىن قۇربانداردى ساعىنا ەسكە الىپ، اۋەلگى ماقساتتى ۇمىتپاۋ، جاڭا ۇزاق جورىققا اتتانۋ، ۇزاق جورىقتى ماڭگى جالعاستىرۋ كەرەكتىگىن كورسەتەدى. قازىر «قوس 100 جىلدىق» كۇرەس نىساناسىن ىسكە اسىرۋدىڭ جاڭا ۇزاق جورىعى باستالىپ وتىر. ءبىز وسى ۇرپاق ادامدار وسىناۋ ۇزاق جورىقتى ويداعىداي ورىنداۋىمىز كەرەك.

 

2016-جىلى 10-ايدا باس شۋجي شي جينپيڭ قىزىل ارميا ۇزاق جورىعىنىڭ جەڭىسكە جەتكەندىگىنىڭ 80 جىلدىعىن ەسكە ءتۇسىرۋ جينالىسىندا ۇزاق جورىق جانە ۇزاق جورىق رۋحى جونىندە جۇيەلى بايىمدادى. ول مىنالاردى انىق ايتتى: ۇزاق جورىق-مۇرات-سەنىمنىڭ ۇلى ۇزاق جورىعى، اقيقاتتى سىننان وتكىزۋدىڭ ۇلى ۇزاق جورىعى، حالىق بۇقاراسىن وياتۋدىڭ ۇلى ۇزاق جورىعى، جاڭالىق جاراتۋدىڭ ۇلى ۇزاق جورىعى. جاپا ماشاقاتتارعا تولى ۇزاق جورىقتا وسكەلەڭ مۇرات، بەرىك سەنىم قىزىل ارميانى العا باسۋعا جىگەرلەندىردى جانە جەتەكتەدى. قىزىل ارميانىڭ 1-باعىتتاعى ارمياسىنىڭ 25 مىڭ شاقىرىمدىق جورىعىندا ورتا ەسەپپەن ءار 300 مەتر جورىق جولىندا ءبىر قىزىل ارميا جاۋىنگەرى قۇربان بولدى. ۇزاق جورىق سىندى وسىناۋ قىزىل گالۋستوك سانسىز قىزىل ارميا جاۋىنگەرلەرىنىڭ ىستىق قانىمەن بويالعان. تاۋقىمەتتى جاپالار ادام جانىن جارالاي الادى، اجال ادام جانىن جالماي الادى، ءبىراق، ەشقانداي كۇش جۇڭگو كوممۋنيستەرىنىڭ مۇرات-سەنىمىن شايقالتا المايدى.

 

ۇزاق جورىق-ۇگىت جارناما حاتى، ۇزاق جورىق ۇگىت قوسىنى، ۇزاق جورىق-تۇقىم سەبۋ ماشيناسى بولدى. باس شۋجي شي جينپيڭ بىلاي دەپ باسا دارىپتەدى: ۇزاق جورىق جەڭىسى پارتيامىزدىڭ قۋاتتاماسىن ۇگىتتەپ، توڭكەرىستىڭ الاۋىن جاقتى، پارتيا مەن قىزىل ارميانىڭ ىقپالىن كەڭەيتىپ، پارتيانىڭ حالىق بۇقاراسىمەن ەتەنە بايلانىسىن بەكەمدەدى، پارتيانى حالىق اراسىنا مىقتاپ تامىر تارتقىزدى. ۇزاق جورىق جەڭىسى جۇڭگو كوممۋنيستىك پارتياسىنىڭ سيپاتى مەن تۇپكى ماقساتىنىڭ كۇش-قۇدىرەتىن تولىق ايگىلەدى، جۇڭگو كوممۋنيستىك پارتياسىنىڭ، ءسوز جوق، حالىق اراسىندا تامىر تارتىپ، وركەندەپ دامىعاندىعىن، حالىققا بەرىك سۇيەنىپ، قيىنشىلىقتاردى جەڭىپ، جەڭىسكە قول جەتكىزگەندىگىن تولىق ءتۇسىندىردى.

 

باس شۋجي شي جينپيڭ بىلاي دەپ باسا دارىپتەدى: ۇلى ۇزاق جورىق رۋحى جۇڭگو كوممۋنيستەرىنىڭ توڭكەرىستىك گەنى جانە رۋحاني ۇلت شەجىرەسىنىڭ ماڭىزدى قۇرامداس بولەگى رەتىندە، جۇڭحۋا ۇلتىنىڭ قان تامىرىمەن، جان دۇنيەسىمەن تەرەڭ توعىسىپ، سوتسياليستىك وزەكتى قۇن كوزقاراسىنىڭ مايەگىنە، جۇڭگو حالقىن ۇزدىكسىز قامال الىپ، قيىنشىلىقتاردى جەڭىپ، جەڭىستەن جەڭىسكە جەتۋگە ىنتالاندىراتىن جانە شابىتتاندىراتىن قۇدىرەتتى رۋحاني قوزعاۋشى كۇشكە اينالدى. ءاربىر ۇرپاقتىڭ ۇزاق جورىعى بولادى، ءاربىر ۇرپاق ءوزىنىڭ ۇزاق جورىعىن ويداعىداي ورىنداۋى كەرەك. بۇگىنگى تاڭدا، كەيىنگى ۇرپاق بىزدەرىڭ جاسايتىن ۇزاق جورىقى ــ «قوس 100 جىلدىق » كۇرەس نىساناسىن، جۇڭحۋا ۇلتىنىڭ ۇلى كوركەيۋى جۇڭگو ارمانىن ىسكە اسىرۋ بولىپ تابىلادى.

 

ۇلى ۇزاق جورىق رۋحىن ساۋلەلەندىرىپ، جاڭا ۇزاق جورىق جولىندا ەرلىكپەن العا باسۋ كەرەك. 2017-جىلى 10-ايدا باس شۋجي شي جينپيڭ جۇڭگو كوممۋنيستىك پارتياسىنىڭ مەملەكەتتىك 19-قۇرىلتايىندا سويلەگەن ماڭىزدى سوزىندە بۇكىل پارتيادان جاڭا داۋىردەگى ۇزاق جورىقتى قۇلشىنا ويداعىداي جۇرگىزۋدى تاعى ءبىر رەت تالاپ ەتتى. ول بىلاي دەدى: تاريح تاباندىلارمەن، العاباسارلارمەن، كۇرەسكەرلەرمەن عانا ساناسادى، ءارى-ءسارى بولۋشىلاردى، بويكۇيەزدەردى، قيىنشىلىقتان قورىققانداردى كۇتىپ تۇرمايدى. بۇكىل پارتيا قاجىرلىلىقپەن كۇرەس جۇرگىزۋ، داندايسىماۋ، ۇشقالاقتىققا سالىنباۋ ستيلىن ۇستانىپ، ءسوز جوق، ساقتاي بەرۋ؛ ۋاقىت كۇتتىرمەۋ، ۋاقىتپەن تالاسۋ رۋحىمەن جاڭا داۋىردەگى ۇزاق جورىقتى قۇلشىنا ويداعىداي جۇرگىزۋ كەرەك.

 

بيىل 5-ايدا باس شۋجي شي جينپيڭ جياڭشيدا قىزمەت تەكسەرگەندە، ورتالىق قىزىل ارميانىڭ باس قوسىپ جينالىپ ۇزاق جورىققا اتتانعان جەرى بولعان گانجوۋ قالاسى يۇيدۋ اۋدانىنا بارىپ، ورتالىق قىزىل ارميانىڭ ۇزاق جورىققا اتتانۋ ەسكەرتكىشىنە گۇل شارباق قويدى. ول يۇيدۋ اۋدانىنداعى قىزىل ارميانىڭ ۇرپاقتارىمەن، توڭكەرىستىك قۇربانداردىڭ وتباسىنداعىلاردىڭ ۋاكىلدەرىمەن كەزدەستى. باس شۋجي شي جينپيڭ اسەرلەنە بىلاي دەدى: جۇڭحۋا حالىق رەسپۋبليكاسىن قۇرۋ سانسىز توڭكەرىستىك قۇربانداردىڭ ىستىق قاندارىن توگە قۇرباندىق بەرۋىنىڭ بوداۋىندا ورىندالدى. سوناۋ جىلداردا پارتيا مەن قىزىل ارميا ۇزاق جورىقتا مۇشكىل جاعدايلاردا جول اشا ارت - ارتىنان جەڭىستەردەن جەڭىستەرگە جەتە الۋدا توڭكەرىستىك مۇراتتى بارىنەن جوعارى قويا ءبىلدى ءارى وسىنداي قۇدىرەتتى سەنىم كۇشتىڭ ارقاسىندا ەڭ سوڭىندا تاڭعاجايىپ كەرەمەتتەر جاراتتى.

 

شي جينپيڭ بىلاي دەدى: جۇڭحۋا حالىق رەسپۋبليكاسى قۇرىلعانىنا 70 جىل بولدى. وتكەندى استە ەستەن شىعارماۋ كەرەك. سۋ ىشكەندە قاينارىن ۇمىتپا! توڭكەرىستىك اعا بۋىندار مەن توڭكەرىستىك قۇربانداردى ۇمىتپاۋ، اۋىلداستاردى، حالىقتى ۇمىتپاۋ كەرەك.

 

باس شۋجي شي جينپيڭ ورتالىق قىزىل ارميا ۇزاق جورىققا اتتانۋ ەسكەرتكىش باقشاسىنان اتتاناردا، تاياۋ ماڭداعى بۇقارا باس شۋجيگە ىستىق ىقىلاسپەن امانداستى. قوشتاساردا شي جينپيڭ كوپشىلىكتى شابىتتاندىرىپ بىلاي دەدى: قازىر جاڭا ۇزاق جورىق باستالدى، ءبىز مىنەكي، تاعى دا ۇزاق جورىققا اتتاندىق!

 

 

企业微信截图_20190612113358.jpg
باس شۋجي شي جينپيڭنىڭ ۇزاق جورىق رۋحى جايلى بايىمداۋلارى
企业微信截图_20190612115126.jpg
02.jpg
921286e2aed04b1b85d385f9c1de80e4_th.jpg
0b28a41a-8a7e-41a0-8684-9ecaf5d70dc1.gif