باس شۋجي شي جينپيڭنىڭ پارتيا مەن مەملەكەت قۇرىلىمدار رەفورماسىن ىشكەرىلەتۋ قورتىندى ماجىلىسىندە سويلەگەن ...
0
2019-07-07 10:09:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

ءوز حابارىمىز: باس شۋجي شي جينپيڭنىڭ پارتيا مەن مەملەكەت قۇرىلىمدار رەفورماسىن ىشكەرىلەتۋ قورىتىندى ماجىلىسىندە سويلەگەن ماڭىزدى سوزىندە پارتيا مەن مەملەكەت قۇرىلىمدارى رەفورماسىن ىشكەرىلەتۋدە قول جەتكەن كەلەلى تابىستار مەن قۇندى تاجىريبەلەر تولىق تۇراقتاندىرىلىپ، قۇرىلىم رەفورماسىنىڭ جەتىستىكتەرىن بەكەمدەۋگە، رەفورمانى جالپى بەتتىك ىشكەرىلەتۋگە جان ـ جاقتى ورنالاستىرۋ جاسالدى. ٴار دارەجەلى كادرلار ٴتۇرلى رەفورمالاردىڭ تىڭعىلىقتى تياناقتانۋىن ىلگەرىلەتىپ، رەفورمانى جالپى بەتتىك ىشكەرىلەتۋدە ۇزدىكسىز جاڭا جاعداي جاراتامىز، دەستى.


    باس شۋجي شي جينپيڭ بىلاي دەپ باسا دارىپتەدى: پارتيا مەن مەملەكەت قۇرىلىمدارى رەفورماسىن ىشكەرىلەتۋ-پارتيا مەن مەملەكەتتىڭ ۇيىمدىق قۇرىلىمى مەن باسقارۋ ٴتۇزىلىسى جونىنەن ٴبىر رەتكى جۇيەلى، تۇلعالىق سيپاتتى قايتا قۇرۋ بولىپ تابىلادى. ول جۇڭگوشا سوتسياليستىك ٴتۇزىمدى كەمەلدەندىرىپ جانە دامىتىپ، مەملەكەت باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋدى پارمەندى ۇيىمدىق كەپىلمەن قامدايدى. جاراتىلىستىق بايلىق مينيسترلىگى مەملەكەتتىك جەر بايلىعى جوبالاۋ مەكەمەسى باستىعىنىڭ ورىنباسارى مىن شياۋيىڭ بىلاي دەدى: وسى رەتكى قۇرىلىم رەفورماسى بارىسىندا كوپ جىلداردان بەرى تاراۋلاردىڭ فۋنكتسياسى بىتىراپ، ارالاسىپ كەتكەندىكتەن شەشۋگە بولماعان كەيبىر ماسەلەلەر شەشىلدى. ايتالىق، كوپتەگەن ەرەجەلەردى بىرىكتىرۋ ارقىلى پلانداردىڭ ءبىر-بىرىنە قارسى كەلۋى، پلاننىڭ بەدەل كۇشى جەتكىلىكسىز بولۋ قاتارلى ماسەلەلەر شەشىلدى. سونىمەن بىرلىكتە، نىسانداردى تەكسەرىپ بەكىتۋدە كوپ ءتۇرلى تەكسەرۋلەردى ءبىر تۇردەگى تەكسەرۋگە بىرىكتىرۋ، كوپ تۇردەگى ىسپاتتاردى ءبىر تۇردەگى ىسپاتتاۋعا بىرىكتىرۋدى جەبەۋ ارقىلى تەكسەرىپ بەكىتۋ ونىمدىلىگى جوعارىلاتىلدى، تەكسەرىپ بەكىتۋ بۋىندارى مەن وعان كەتەتىن ۋاقىت قىسقارتىلدى.


    بۇرىنعى قوعام حاۋىپسىزدىگى ٴورت ٴسوندىرۋ، ورتتەن ساقتانۋ جانە قارۋلى ساقشى ورمان ساقشى ءبولىمى سىندى ەكى اسكەري ٴبولىم وسى رەتكى قۇرىلىم رەفورماسى بارىسىندا مەملەكەتتىڭ ٴورت ٴسوندىرۋ، ورتتەن ساقتانۋ ۋنيۆەرسال قۇتقارۋ-كومەكتەسۋ قوسىنى بولىپ وزگەرتىپ قۇرىلىپ، اۋىر حاۋىپسىزدىك حاۋىپ-قاتەرىنەن ساقتانۋ جانە ونى شەشۋ، ٴتۇرلى اپات، شىرعالاڭدارعا توتەپ بەرۋ، ٴبىرجاقتىلى ەتۋ ماڭىزدى مىندەتى جۇكتەلدى. شۇعىل جاعدايعا توتەپ بەرۋ-باسقارۋ مينيسترلىگىنىڭ ٴورت ٴسوندىرۋ، ورتتەن ساقتانۋ قۇتقارۋ-كومەكتەسۋ مەكەمەسىنىڭ باس ينجەنەرى جوۋ تيان بىلاي دەدى: وسى رەتكى قۇرىلىم رەفورماسى ارقىلى شۇعىل جاعدايعا توتەپ بەرۋ، قۇتقارۋ-كومەكتەسۋ نەگىزگى كۇشتەرىنىڭ، مەملەكەتتىك قوسىننىڭ ورىن دارەجەسى تۇراقتاندىرىلىپ، فورمادا بۇرىلىس جاساپ، دارەجەسىن جوعارىلاتۋ جەدەلدەتىلدى ءارى ٴورت اپاتى، تاسقىن اپاتى، جەر سىلكىنىسى، گەولوگيالىق اپات قاتارلى ءار الۋان اپاتتاردان ۋنيۆەرسال قۇتقارۋ-كومەكتەسۋ فۋنكتسياسى جالپى بەتتىك قامتىلدى. ٴبىزدىڭ بۇل قوسىنىمىز قۇرىلعاننان بەرگى اماليات پارتيا ورتالىق كوميتەتىنىڭ پارتيا مەن مەملەكەت قۇرىلىمدار رەفورماسىن ىشكەرىلەتۋ ستراتەگيالىق شەشىمىنىڭ بۇكىلدەي دۇرىس ەكەندىگىن تولىق دالەلدەدى.


    باس شۋجي شي جينپيڭ: ۇيىمدىق قۇرىلىمدى قايتا قۇرۋدى ورىنداۋ، قۇرىلىمدىق فۋنكتسيانى رەتتەۋدى جۇزەگە اسىرۋ تەك جالپى كورىنىستىك كولەمدەگى ماسەلەلەردى عانا شەشتى، ال، ماندىك سيپاتتى وزگەرىس تۋدىرۋ ٴۇشىن ٴالى دە قىرۋار قىزمەتتەر ىستەۋگە تۋرا كەلەدى، دەپ باسا دارىپتەدى. مەملەكەتتىك باجى باس مەكەمەسى كادرلار مەڭگەرمەسىنىڭ باستىعى حاۋ جۇنحۇي بىلاي دەدى: باجى سالاسىنداعى قالىڭ كادرلار مەن جۇمىسشى-قىزمەتكەرلەر باس شۋجي شي جينپيڭنىڭ تالابى بويىنشا، قازىر ورىستەتىلىپ جاتقان «اۋەلگى ماقساتتى ۇمىتپاۋ، بورىشتى ەستە بەرىك ساقتاۋ» تاقىرىپتىق تاربيەسىمەن ۇشتاستىرىپ، جاڭا باجى قۇرىلىمدارىنىڭ توعىسۋىن ۇزدىكسىز ىلگەرىلەتىپ، باجى ازايتۋ، اقى تومەندەتۋ قاتارلى ٴتۇيىندى قىزمەتتەرگە بار كۇشپەن ات سالىسىپ، مەملەكەتتىك باجى، جەرلىك باجى قۇرىلىمدارى بىرىكتىرىلگەننەن كەيىنگى «جۇمىستى، قىزمەتكەرلەردى، كۇش قۋاتتى، يدەيانى بىرىكتىرۋ سىندى «ٴتورتتى بىرىكتىرۋ» قىزمەتىن ويداعىداي ىستەۋ كەرەك.


    باس شۋجي شي جينپيڭ: پارتيا مەن مەملەكەت قۇرىلىمدار رەفورماسىن ىشكەرىلەتۋدە قول جەتكەن كەلەلى تابىستار مەن باعالى تاجىريبەلەردى مۇقيات قورىتىندىلاۋ، قۇرىلىم رەفورماسىنىڭ جەتىستىكتەرىن بەكەمدەۋ، پارتيا مەن مەملەكەت قۇرىلىمدارىنىڭ فۋنكتسيالىق جۇيەسىن ۇزدىكسىز كەمەلدەندىرۋ، مەملەكەت باسقارۋ جۇيەسى مەن باسقارۋ قابىلەتىن وسىزامانداندىرۋدى ىلگەرىلەتۋ كەرەك، دەپ باسا دارىپتەدى. جۇڭگو مەملەكەتتىك تەمىر جول توبى شەكتى سەرىكتىگى دامۋ-رەفورما ٴبولىمى كاسىپورىن رەفورماسى باسقارماسىنىڭ باستىعى ليۋ دافۋ بىلاي دەدى: كەلەسى قادامدا ٴبىز باس شۋجي شي جينپيڭنىڭ ماڭىزدى ٴسوزىنىڭ رۋحىن مۇقيات ۇيرەنىپ دايەكتىلەندىرىپ، تەمىر جول رەفورماسى قىزمەتىنىڭ ىشكەرىلەي دامۋىن تاباندىلىقپەن ىلگەرىلەتۋىمىز؛ كاسىپورىنداردىڭ ىشكى باسقارۋ جۇيەسىن كەمەلدەندىرۋىمىز؛ حالىقارالىق كاسىپورىنداردىڭ بازارعا بەت الۋىن ىلگەرىلەتۋىمىز؛ تۇتىنۋشىلارعا قىزمەت وتەۋ ساپاسىن جوعارىلاتىپ، حالىق بۇقاراسىنىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋىمىز كەرەك.

اۋدارعان: قاناتبەك جۇماباي ۇلى

未标题-2.jpg
未标题-2.jpg
QQ浏览器截图20190706152627.jpg
未标题-2.jpg
未标题-2.jpg