جاڭالىق: مىنا كاسىپتى وقىعان وقۋشىلار كەلەشەكتە وڭاي كاسىپتەنەدى
0
2019-07-07 18:18:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    بيىل «ۇكىمەت قىزمەتىنەن باياندامادا» كاسىپتىك ونەردى جوعارىلاتۋ ارەكەتى ورتاعا قويىلىپ، «جۇمىسسىزداردى قامسىزداندىرۋ قورىنىڭ قالدىعىنان 100 ميلليارد يۋان شىعارىپ، ونى 15 ميلليوننان استام (ادام – رەت) جۇمىسشى – قىزمەتكەرلەردىڭ تەحنيكالىق قابىلەتىن جوعارىلاتۋعا جانە قىزمەت ورنىنا، كاسىپكە اۋىسۋعا تاربيەلەۋ ٴۇشىن پايدالانۋ» ورتاعا قويىلدى. 

    كاسىپتىك ونەردى ٴوسىرۋدىڭ كەڭ كولەمدى قيمىلى بۇكىل ەل كولەمىندە ورىستەتىلدى. 

    1 
    حيلۇڭجياڭ تەحنيكتەر شۋەيۋانى: وقۋ بىتىرمەي جاتىپ جۇمىس ورىندارى ولارمەن كاسىپتەنۋ توقتامىنا قول قويدى، وقۋ بىتىرگەندە جىلدىق ەڭبەكاقىسى 200 نەشە مىڭ يۋاننان استى 


    حيلۇڭجياڭ ولكەسى جيشي قالاسىنداعى ءمالىم ٴبىر ەرمەك جانۋارلار شيپاحاناسى 

    بۇل ءبىر قىزمەت كۇنى، ٴبىراق حيلۇڭجياڭ ولكەسى جيشي قالاسىنداعى ءمالىم ٴبىر ەرمەك جانۋارلار شيپاحاناسىنىڭ ەمدەۋ توسەگى جانۋارلارعا تولىپ تۇر. پراكتيكانت دارىگەردىڭ كومەكشىسى لي رۋ تۇستەن بۇرىن 6 ەرمەك جانۋاردى قابىلدادى، ەگەر اپتا سوڭىنا تۋرا كەلسە مولشەرى بۇدان دا كوپ بولار ەدى.


    وسى اراعا ەرمەك جانۋارلاردى اكەلىپ ەمدەتۋ قاراجاتى نەشە ٴجۇز يۋاننان نەشە مىڭ يۋانعا دەيىن بولادى. قىزمەت مولشەرىنە قاراي لي رۋ دا سايكەستى پايدا ۇلەسىن الادى. لي رۋ قازىر حيلۇڭجياڭنىڭ تەحنيكتەر ينستيتۋتىنىڭ ەرمەك جانۋارلار مەن ولاردى كۇتىمدەۋ كاسىبىنىڭ وقۋشىسى، ٴار ايداعى ەڭبەكاقىسى 2000 يۋان اينالاسىندا، ەگەر وقۋ تاۋىسقاننان كەيىن ەرمەك جانۋارلار شيپاگەرىنىڭ تولىمدىلىق كۋالىگىن الاتىن بولسا، وندا ول ايىنا ەڭ از بولعاندا 5000 يۋان ەڭبەكاقى الادى. ونىڭ ۇستىنە بۇل 3 -، 4 - شەپتەگى قالالاردىڭ ەڭبەكاقى ورەسىمەن دەڭگەيلەس. ەگەر بەيجيڭ، شاڭحاي سياقتى ٴىرى قالالارعا بارسا، ەڭبەكاقىسى 10 مىڭ يۋاننان اسادى. 


    لي رۋ ەرمەك حايۋاناتتاردى ەمدەۋدە. 

    لي رۋدىڭ وقىپ جاتقان حيلۇڭجياڭ تەحنيكتەر شۋەيۋانى، ۇكىمەت باسقارۋىنداعى كاسىپتىك شەبەرلىككە تاربيەلەۋ مەكتەبى. اۋىل - قىستاق نوپوسىن، قالاداعى اۋىل شارۋاشىلىعىنا ساياتىن كاسىپتىك وقۋشىلاردى، سونداي - اق وتباسىندا ەكونوميكالىق قيىنشىلىعى بار وقۋشىلاردى وسى ارادا تەگىن وقۋعا الادى. وقۋشىلار تەك ءوزىنىڭ تاماق، جاتىن ورىن قاراجاتىن كوتەرسە بولعانى. مەملەكەتتىڭ بەلگىلەمەسى بويىنشا، ول وسى ارادا كاسىپتىك تولىمدىلىق كۋالىگىن السا، تولىق ورتا مەكتەپ نەمەسە ورتا تەحنيكۋم وقۋ تاۋىسۋ كۋالىگىمەن بىردەي بولادى دا، جالعاستى جوعارىلاپ تەحنيكۋم مەكتەپتەرىن وقۋىنا بولادى.


    قازىر حيلۇڭجياڭ تەحنيك ينستيتۋتىندا جيىنى 27 كاسىپ بار، مۇنىڭ ىشىندەگى 9 كاسىپ سوڭعى 3 جىلدا بازار سۇرانىمى بويىنشا تىڭنان اشىلعان. ٴتىپتى كوپتەگەن كلاستاعى وقۋشىلاردى كاسىپورىننىڭ قاجەتىنە ساي، تىكەلەي باعىتتامالى تاربيەلەيدى. 


    حيلۇڭجياڭ تەحنيكتەر ينستيتۋتى 

    لي رۋ سياقتى دۋ جۇڭي دا حيلۇڭجياڭنىڭ تەحنيكتەر ينستيتۋتىنىڭ وقۋشىسى، 2017 ـ جىلى مەكتەپكە كىرىپ ۇشقىشسىز ۇشاق پەن ولشەۋ ـ سىزۋ كاسىبىن وقىعان، وقۋ بىتىرگەلى تۇرعان ول ٴبىر سەرىكتەستىكتە 3 اي پراكتيكا جاسادى. پراكتيكا دەگەن كۇندە دە، دۋ جۇڭي ءوزىنىڭ قازىرگى ىستەگەن بارلىق نىساندارىنان ءوز ۇلەسىن الادى، وعان نەگىزگى ەڭبەكاقىسىن قوسقاندا، پراكتيكا كەزىندە ايىنا 5000 يۋانعا جۋىق ەڭبەكاقى الادى. بۇل قىزمەتكە ەندى عانا قاتىناسقان دۋ جۇڭيي جونىنەن العاندا، توتەنشە قاناعاتتانارلىق ءىس بولدى.


    حيلۇڭجياڭ ولكەلىك تەحنيكتەر شۋەيۋانىنىڭ باستىعى شۇي شياۋۋي: «مەكتەبىمىزدەن وقۋ تاۋىسقان كوپتەگەن وقۋشىلار قازىر تۇگەل 18 - 19 جاستاعى بالالار، ولاردىڭ جىلدىق ەڭبەكاقىسى ٴجۇز نەشە مىڭ يۋان، ەڭ جوعارىسى 200 مىڭ يۋاننان اسادى. بۇل بالالار جونىنەن العاندا، وتە جاقسى قىزمەت پەن تۇرمىستىڭ كەپىلى»،- دەدى. 


    ۇشقىشسىز ۇشاق جۇمىسى. 

    حيلۇڭجياڭدا تەحنيكالىق جۇمىسشىلار مەكتەبىنەن 129 ى بار بولىپ، 140 تان استام كاسىپ اشقان. تۇتاس كاسىپ بازار سالاسىنىڭ قاجەتىنە قاراي اشىلعان كاسىپ، وقۋشىلار تەك ٴبىر ونەردى يگەرسە بولعانى، كاسىپتەنۋ ءىسى ولارعا ماسەلە بولمايدى، ٴتىپتى ولار كاسىپورىنداردىڭ تالاساتىن «اسىلىنا» اينالۋى مۇمكىن. حيلۇڭجياڭداعى تەحنيكتەر ينستيتۋتىندا تولىق كۋرس تاۋىسقاننان كەيىن، ارناۋلى وسى اراعا كەلىپ كاسىپتىك تەحنيكا ۇيرەنگەن ءبىر وقۋشى بار. ول شيزاڭنىڭ شيگازە قالاسىنان كەلگەن، بۇرىن شيزاڭ ۋنيۆەرسيتەتىنىڭ تولىق كۋرسىنەن وقۋ تاۋىسقان وقۋشى ەدى. 


    بۇل سۆانگاتسو ەسىمدى وقۋشى. 

    سۋانگاسو ەلەكتر ينجەنەرياسى كاسىبىن ۇيرەنۋدە. ويتكەنى اتا مەكەنىندە ەلەكتر كاسىبىنىڭ دامۋى وتە تەز، ماشينا - ەلەكتر ينجەنەرياسىنىڭ دارىندىلارى تاپشى، قايتىپ بارعان سوڭ دامۋ كەڭىستىگى وتە كەڭ بولعاندىقتان، العاشىندا وسى كاسىپتى تاڭدادى. مۇنان سىرت، ەلەكترلى دانەكەرلەۋ، ۇشقىشسىز ايروپلانعا دا ەرەكشە قىزىعادى. ونىڭ قايتىپ بارىپ كاسىپتىك كۋرسپەن شۇعىلدانىپ، وزىنە ٴتان كاسىپتىك مەكتەپ اشۋ ويى بار. ول وسى ونەرگە باۋلۋ ارقىلى شيزاڭ رايونىنداعى جاستاردىڭ كاسىپپەن شۇعىلدانۋ جولىن وزگەرتۋدى ٴۇمىت ەتەدى. 


    سۆانگاسو جۇمىس امالياتىن ۇيرەنۋدە. 

    ٴىس جۇزىندە، مەيلى ەرمەك جانۋارلار شيپاگەرلىگىن ۇيرەنگەن لي رۋ بولسىن، الدە ولشەۋ - سىزۋ كاسىبىندەگى دۋ جۇڭي بولسىن، سونداي - اق الىس جەردەن كەلىپ ٴبىلىم الۋعا تالپىنعان سۆانگاسو بولسىن، ۇيرەنگەن ونەرى ولاردىڭ كاسىپتەنۋ باعىتى مەن ٴومىر جولىن وزگەرتتى.
2
________________________________________ 


    كاسىپتىك وقۋ – اعارتۋعا سۇرانىس ارتىپ، ٴىرى زاۆودتار ارت - ارتىنان كەلىسىمگە قول قويىپ، وسى وقۋشىلارعا تالاسا باستادى 

    ساندى مالىمەتتە كورسەتىلۋىنشە، بيىل 1- ايدان 5- ايعا دەيىن، بۇكىل ەل بويىنشا تۇرمىستىق قىزمەت وتەۋ تۇرىندەگى، ادەتتەگى تەحنيك جۇمىسشىلاردىڭ ادام ىزدەۋ ەسەلىگى 24.77 بولدى. بىلايشا ايتقاندا، كاسىپورىن 25 قىزمەت ورنىمەن قامداۋى مۇمكىن، ٴبىراق قوعامدا تەك ٴبىر عانا تەحنيك جۇمىسشى بار. ولاي بولسا، تەحنيك جۇمىسشىلارى نە ٴۇشىن وسىنشاما تاپشى، كاسىپتىك تەحنيكالىق دارىندىلاردى تەگى قالاي تاربيەلەۋ كەرەك؟ 


    شاندۇڭنىڭ جينان قالاسىنداعى ٴمالىم ءبىر ستانوك جاساۋ كاسىپورنى. 

    جيناننىڭ 2 - ستانوگى 82 جىلدىق تاريحقا يە ستانوك جاسايتىن كاسىپورىن، ەلىمىزدەگى تۇڭعىش ۇلكەن ستانوك وسى ارادا دۇنيەگە كەلگەن.


    بۇگىنگى تاڭدا، زاۆود ۇيلەرىندەگى لۋڭمىن سۇرگى ستانوكتىڭ ورنىن، وسىزاماندانعان سيفرلى مەڭگەرگىش ستانوك باستى. ەلىمىز دەربەس زەرتتەپ جاساعان ءىرى تۇرپاتتى لۋڭمىن سيفىرلى توسەپ جونۋ ستانوگىنىڭ مانەرلەۋ دالدىگى، شاشتىڭ 50 دەن بىرىندەي بولىپ، ميكرومەتر دارەجەسىنە جەتەدى. ٴدال وسىنداي جوعارى دالدىكتەگى سيفرمەن مەڭگەرىلەتىن جونعىلاۋ ستانوگى بولعاندىقتان عانا، شىنجوۋ جەلىلەس عارىش كەمەسى، جوعارى قارقىندى تەمىر جول جانە ەلىمىزدە وندىرىلەتىن ٴىرى تيپتى ۇشاق قاتارلىلاردىڭ جابدىقتارىن قامتىعان بولشەكتەردى مانەرلەۋ مۇمكىندىگى بار. 


    ٴىرى تۇرپاتتى لۋڭمىن سيفرمەن مەڭگەرىلەتىن توسەپ جونۋ ستانوگى 

    پان گۋاڭدۇڭ وسى سيفرمەن تىزگىندەۋ ستانوگىنىڭ جۇرگىزۋشىسى. 2003 - جىلى ول زاۆودتاعى تەحنيكالىق مەكتەپتى بىتىرگەننەن كەيىن، قولمەن جۇرگىزىلەتىن سۇرگى ستانوكتان باستاپ، قازىرگە دەيىن 16 جىل قىزمەت ىستەدى. قازىر ونىڭ جىلدىق كىرىسى 100 مىڭ يۋاننان اسىپ، اۆتوكولىك، ٴۇي ساتىپ الدى ٴارى تولىق كۋرستىڭ تولىمدىلىق كۋالىگىن دە الدى. الايدا، ول قىزمەت ىستەپ جاتقان سالاۋاتتى ٴارى اقشانى مول تابۋعا بولاتىن وسى جۇمىس ورنى، جۇمىسشى قابىلداۋدىڭ قيىندىعىنا ٴدوپ كەلىپ وتىر.


    سەرىكتەستىكتىڭ ادام كۇشى بايلىعى ٴبولىمىنىڭ باستىعى لي حاني تانىستىرىپ بىلاي دەدى: «قازىر كاسىپورىندار ٴار جىلى كاسىپتىك ينستيتۋتتاردان 200 دەي وقۋشى قابىلدايدى، الايدا، ولاردىڭ ٴىس جۇزىندىك مەڭگەرۋ قابىلەتى جاپپاي كەمشىل. امالسىزدىقتان ولار تەك وزدەرى عانا زاۆود قۇرىپ، دارىندىلاردى ٴوزى تاربيەلەي الادى. ٴبىراق كاسىپورىنداردىڭ مەكتەپ باسقارۋ قابىلەتى شەكتى بولعاندىقتان، ٴبىر جىلدا نە ٴبارى 100 - 200 مولشەرىندە وقۋشى بىتىرەدى. ونىڭ ۇستىنە تەڭ جارىمىنان استامى قوعامعا بەت الادى، زاۆودتاعى تەحنيكالىق مەكتەپ بىتىرگەن وقۋشىلار، كاسىپورىننىڭ ادام ىستەتۋدەگى ولقىلىقتارىن مۇلدە قاناعاتتاندىرا المايدى. 


    تەحنيك جۇمىسشىلاردى تاربيەلەۋدە. 

    جينان قالاسىنداعى حالىق باسقارۋىنداعى ءمالىم ٴبىر جوعارى دارەجەلى كاسىپتىك وقۋ - اعارتۋ مەكتەبىنىڭ، سيفرمەن مەڭگەرىلەتىن كاسىپتىك وقىتۋ سەحى، وسى مەكتەپ وقۋشىلارىنىڭ «وقۋعا تۇسكەن سوڭ اقشا تاباتىن» بىردەن - ٴبىر جەرى. وقۋشىلار شەتەلمەن سەلبەسىپ مانەرلەۋ ٴتاسىلى ارقىلى، كاسىپورىنداردىڭ دەتالداردى مانەرلەۋىنە كومەكتەسىپ، ٴاربىر دەتالدىڭ مانەرلەۋ اقىسىنان 70 پرونسەنت كىرىس كىرگىزىپ، ٴبىر ايدا 2000 يۋاننان استام ەڭبەكاقى الادى. بۇل ولاردىڭ تەحنيكالىق ورەسىن جوعارىلاتىپ قانا قويماي، تۇرمىس قاراجاتىن دا شەشەدى. بۇل قازىر كوپ ساندى تەحنيكالىق مەكتەپتەردىڭ ماشينا مانەرلەۋ كاسىبىنىڭ داعدىلى ادىسىنە اينالدى. 


    سيفرمەن مەڭگەرىلەتىن كاسىپتىك وقىتۋ سەحى. 

    بۇل كاسىپتىڭ وقۋشىلارى 400 دەن اسادى. ولار جونىنەن العاندا، جۇمىسقا ورنالاسۋ ٴۇشىن جۇمىس ىزدەۋ قيىن ٴىس ەمەس، مەكتەپتەگى كەزىندە – اق ٴىرى زاۆودتار ولارمەن توقتام جاساسىپ قويعان. كاسىپورىندار بۇل ارادان قىزمەتكەر قابىلداۋ ٴۇشىن، جارىم جىل بۇرىن الدىن الا تاپسىرىس بەرەدى. كاسىپتىك وقۋ - اعارتۋدىڭ ساپاسىن جوعارىلاتۋ، قوعامدا تەحنيكالىق دارىندىلاردىڭ تاپشى بولۋ ماسەلەسىن شەشەدى. وقۋشىلار تۇرعىسىنان الىپ ايتقاندا، ولار تەحنيكا ۇيرەنۋ ارقىلى ءوز تاعدىرىن وزگەرتۋ ارمانىنا قول جەتكىزەدى. 


    شاندۇڭنىڭ جينان قالاسىنداعى ءمالىم ءبىر حالىق باسقارۋىنداعى جوعارى دارەجەلى كاسىپتىك وقۋ - اعارتۋ مەكتەبى.


    مەكتەپتە تاعدىرىن وزگەرتۋدى ارماندايتىنداردان تاعى تيان شينيا مەن حۇڭسى قاتارلىلار بار. ولاردىڭ ٴۇيى حۋنان ولكەسى شياڭشي تۋجيا ـ مياۋزۋ اۆتونوميالى وبلىسىنداعى كەدەي وتباسىلارىنىڭ ءبىرى. كەدەيلەردى سۇيەمەلدەۋ بويىنشا وقۋعا كومەك بەرۋ نىسانى بولعاندىقتان، بىلتىر ولار تاۋ قويناۋىنان شىعىپ، جيناندا وقۋعا ٴتۇستى. بۇل ارادا وقۋ قاراجاتىن كەشىرىم ەتىپ قالماستان، اي سايىن 200 يۋان تۇرمىس قاراجاتىن بەرەدى. وسىدان بۇرىن ورتالاۋ مەكتەپتى بىتىرگەن تيان شينيا ونەرسىز بولعاندىقتان جۇمىس تابا الماي، قۇرىلىس ورنىندا كىرپىش تاسىدى، ونىڭ كىرپىش تاسىعان كەزدە قولىندا قالعان جاراقات ىزدەرى ءالى بار، الايدا ول مۇنى ءوزىن قۇلشىنا ۇيرەنۋگە جەتەلەۋدىڭ قوزعاۋشى كۇشىنە اينالدىردى. 


    تيان شينيا مەن حۇڭسى. 

    بۇل ارادا وقىپ جاتقان ٴاربىر وقۋشىنىڭ كوڭىلىندە، بىردەن كاسىپ كوزىن اشۋ ارمانى بار. ولار ەڭبەكشىدەن تەحنيك جۇمىسشىعا، تەحنيك جۇمىسشىدان شەبەرگە اينالۋدى ارماندايدى. ولار ماعلۇماتى جوعارى بولماعانىمەن، الايدا تەحنيكا تەتىگىن يگەرسە، وزدەرىنىڭ ەلدەن ەرەك تابىسقا جەتە الاتىندىعىنا كامىل سەنەدى . 


    اجارلاندىرۋ، شاش ساندەۋ كاسىبىنىڭ ەرەسەكتەر قىسقا مەرزىمدى كۋرسى. 

    ولاردىڭ وزىنە دەگەن سەنىمى مۇلدە ورىنسىز ەمەس. كەزەكتە، بازاردىڭ قامداۋ - قاجەتسىنۋ جاعدايىنان قاراعاندا، جۇمىستانۋدىڭ قۇرىلىمدىق قامداۋ - قاجەتسىنۋ قايشىلىعى توتەنشە كورنەكتى بولىپ، «جاي جۇمىسشى اسىپ قالۋ، تەحنيك جۇمىسشى تاپشى بولۋ» قۇبىلىسى توتەنشە اۋىر بولىپ وتىر.


    ادام كۇشى بايلىعى جانە قوعامدىق قامتاماسىزداندىرۋ مينيسترلىگى كاسىپتىك قابىلەت قۇرىلىسى مەڭگەرمەسىنىڭ ورىنباسار باستىعى ۋاڭ شياۋجۇن: «جوعارى دارەجەلى قابىلەت يەلەرى جونىنەن العاندا، باسقالارعا باعىتتالعىشتىق اسەرىنىڭ ساندىق ٴمانى ٴتىپتى دە زور بولادى. ەسەلىگى 1.7، 1.8، ٴتىپتى 2 اينالاسىندا بولادى. بۇل ٴبىزدىڭ جۇمىستانۋداعى قۇرىلىمدىق قايشىلىعىمىزدىڭ وتە كورنەكتى ەكەندىگىن بەينەلەيدى. اتاپ ايتقاندا، ناقتى بەينەسىندە كەيبىرەۋلەر جۇمىس تابا المايدى، ال كەيبىر ورىندار كاسىپتىك جۇمىسكەر تابا المايدى.


    ۇزاق ۋاقىتتان بەرى، ەلىمىزدە جوعارى دارەجەلى تەحنيك جۇمىسشىلار وتە تاپشى بولدى. جاپونيانىڭ تۇتاس ونەركاسىپ جۇمىسشىلارى قوسىنىندا جوعارى دارەجەلى تەحنيك جۇمىسشىلار % 40 كە، گەرمانيادا %50 كە جەتتى، ال ەلىمىزدە بۇل سالىستىرما تەك %6 اينالاسىندا عانا بولدى. سوندىقتان قازىرگى تاڭدا، ەڭبەكشىلەردى ومىرلىك كاسىپتىك ونەرگە باۋلۋ ٴتۇزىمىن ورناتىپ، كاسىپتىك ونەرگە باۋلۋدى كەڭ كولەمدە ەتەك الدىرىپ، جوعارى ونەرلى دارىندىلاردى جەتىلدىرۋدى تەزدەتۋ، كەزەك كۇتتىرمەيتىن مىندەتكە اينالدى.


    بيىل 5- ايدا مەملەكەتتىك كەڭەس كەڭسەسى باسىپ تاراتقان، «كاسىپتىك شەبەرلىكتى جوعارىلاتۋ ارەكەت جوباسى (2019 ـ جىلدان 2021 ـ جىلعا دەيىن)» بويىنشا، 2019 ـ جىلدان 2021ـ جىلعا دەيىن ٴتۇرلى قوسىمشا قاراجات بەرىلەتىن كاسىپتىك ونەرگە تاربيەلەۋ، جيىنى 50 ميلليون ادام ـ رەتتەن استى. «جالپى حالىقتىڭ جالپىعا تيىمدىلىك جاساۋ فورماسى» سىندى ونەردى جوعارىلاتۋ ارەكەت شايقاسى باستالعالى تۇر، كاسىپتىك تەحنيكالىق وقۋ - اعارتۋ تاريحي تاماشا ورايعا يە بولدى. قوعامدىق سيپاتتى كەڭ كولەمدى كاسىپتىك شەبەرلىككە تاربيەلەۋ − ەلىمىزدىڭ بۇرىلىس جاساپ، دارەجەسىن جوعارىلاتۋداعى، جاساۋ ورەسىن جوعارىلاتۋداعى شەشۋشى شايقاس بولماق. 

    ەلىمىز ەكونوميكاسى جوعارى قارقىنمەن دامۋدان، جوعارى ساپالى دامۋ ارناسىنا ٴتۇستى، جوعارى ساپالى دامۋ جوعارى ساپالى دارىندىلاردى قاجەت ەتەدى. ٴبىز جوعارى مەكتەپتەر تاربيەلەگەن جوعارى وقۋ تاريحىنا يە دارىندىلاردى قاجەت ەتەمىز، سونداي - اق تەحنيكا ءتىلىن بىلەتىن، ناقتى ىستەي الاتىن تەحنيك جۇمىسشى دارىندىلاردى دا قاجەت ەتەمىز. «تەحنيك جۇمىسشىلاردىڭ تاپشىلىق» ماسەلەسى ٴبىزدىڭ دارىندىلار زاپاسىندا، قۇرىلىمدىق ولقىلىقتاردىڭ بار ەكەندىگىن تۇسىندىرەدى.


    كەزەكتە، مەملەكەتتىڭ قاتىستى تاراۋلارى الۋان ٴتۇرلى شارا قولدانىپ، ەڭبەكشىلەردىڭ كاسىپتىك ونەرىن زور كۇشپەن جوعارىلاتىپ، دارىندىلار ولقىلىعىن تولىقتاۋعا ٴارى مەملەكەتتىڭ زور كۇشپەن ىلگەرىلەتۋىنە، سونداي-اق ەڭبەكشىلەردىڭ جۇمىستانۋ كوزقاراسىندا بۇرىلىس جاساۋعا جانە ونى جوعارىلاتۋعا كۇش سالدى. كاسىپتىك وقۋ – اعارتۋ − ورنىقتى كاسىپتەنۋدىڭ ٴونىمدى ءتاسىلى ءارى ەكونوميكانىڭ جوعارى ساپالى دامۋىنىڭ بەرىك كەپىلى، ول تۇتاس قوعامنىڭ مويىنداۋىنا جانە نازار اۋدارۋىنا مۇقتاج.


اۋدارعان: امانتاي انيكون ۇلى

00.jpg
00.jpg
QQ浏览器截图20190706152627.jpg
未标题-2.jpg
未标题-2.jpg