قارمانىڭىز! ايىنا 10 مىڭ يۋان الاتىن جاڭا كاسىپ، جاڭا ساۋدا ورايى كەلدى
0
2019-07-08 08:40:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

    قوقىر-قوقسىقتى تۇرگە ايىرۋ ءبىر ءتۇرلى جاڭا اۋقىمعا اينالدى. ول از بولماعان جاڭا كاسىپتەردى جارىققا شىعارۋمەن بىرگە، جاڭا ساۋدا ورايىن دا الا كەلدى. ءسىز ءوز ەركىڭىزبەن «قوقىر- قوقسىقتى تۇرگە ايىرىپ تاستاي الاسىزبا؟»، «ونىڭ قانداي قوقسىق ەكەندىگىن پارىقتاي الاسىزبا؟»، ال كەيبىرەۋلەر وسىنداي قوقىر-قوقسىقتى تۇرگە ايىرۋدان قالتالارىن قامپيتىپ، قانى جەرگە تيمەيتىن ساۋدا كاسىبىمەن شۇعىلدانۋدا.


    جاڭا ماۋسىم كەزىندەگى قىزعىندى ساۋدا: «ءار سەكۋندتا ءبىر قوقسىق شەلەگى ساتىلادى»


    7- ايدىڭ 1-كۇنىنەن باستاپ، شاڭحاي قالاسى «تاريحتاعى ەڭ قاتاڭ قوقىر-قوقسىقتى تۇرگە ايىرۋ» جاڭا بەلگىلەمەسىن رەسىمي اتقارا باستادى. بۇكىل ەلدەگى 46 قالا قوقىر- قوقسىقتى تۇرگە ايىرۋدىڭ «زورلىقتى داۋىرىنە» ىركەس-تىركەس قادام تاستادى.


    وسى وزگەرىس بارىسىندا، قوقىر- قوقسىق ساندىعىن ساتۋشى مەن ءوندىرۋشى ورىندار ەڭ ۇلكەن پايدا تابۋشىلاردىڭ ەگەيىنە اينالدى.


    ساندى مالىمەتتە كورسەتىلۋىنشە، 6-ايدىڭ تۇسىنداعى ەڭ نازار اۋداراتىن ءىس «تۇرگە ايىرىلعان قوقىر-قوقسىق ساندىعىنىڭ» تيانماۋ تورابىنان تۇتىنۋ مولشەرى وتكەن جىلدىڭ ۇقساس مەزگىلىنەن ٪300 ارتقان. تۇرگە ايىرىلعان قوقىر-قوقسىق ساندىعىنىڭ سول ايداعى ساتىلۋ مولشەرى وتكەن جىلدىڭ ۇقساس مەزگىلىنەن ٪50 ارتقان. تەك تاۋباۋ مەن تيانماۋ تەكشەسىندەگى جەكە تۇتىنۋشىلار تۇرگە ايىرىلعان قوقىر-قوقسىق ساندىعىنا 250 ميلليون يۋان جۇمساعان. تاۋباۋ كاسىپورىندارىنىڭ قىزمەت وتەۋ تەكشەسىندە تۇرگە ايىرىلعان قوقىر-قوقسىق ساندىعىنىڭ جيىلىگى ٪70 تەن اسقان.


    «ءار سەكۋندتا ءبىر قوقسىق شەلەگى ساتىلدى». تاۋباۋ تەكشەسى ساندىق مالىمەتىنىڭ كورسەتىلۋىنشە: تۇتاس 6-ايدا قوقىر-قوقسىق ساندىعىنىڭ ساتىلۋ مولشەرى 3 ميلليون يۋانعا جەتكەن. اسىرەسە، 6-ايدىڭ 24-كۇنىنەن 6-ايدىڭ 30-كۇنىنە دەيىنگى ءبىر اپتا ىشىندە، قوقىر-قوقسىق ساندىعىنىڭ ساتىلۋ مولشەرى وتكەن جىلدىڭ ۇقساس مەزگىلىندەگىدەن ٪50 جوعارى بولعان. ساتىلۋ مولشەرىنىڭ سانى بارعان سايىن ارتىپ، ساتىپ الۋعا شەك قويىلماعان قانى جەرگە تيمەيتىن جاڭا ساۋداعا اينالعان.


    ءتىلشى توراپ جەلىسىندە ءبىر قوقسىق ساندىعىن يمپورت ەتەتىن تاۋباۋ ساتۋشىدان كەڭەس سۇرادى. ونىڭ دۇكەنىنىڭ ايىلىق ساتىلۋ مولشەرى 25 مىڭنان استى. ساۋداگەر بىلاي دەدى: تاياۋدا قوقىر- قوقسىق ساندىعىنىڭ ساتىلۋ مولشەرى كۇرت ارتتى. ونىڭ « قۇرعاق، دىمقىل» قوقىر-قوقسىقتى ايىرۋ شەلەگىنىڭ باعاسى 178 يۋان دا 208 يۋان ارالىعىندا ساتىلىپ، شەكتى ساتىپ الۋ جولعا قويىلعان، ءار ادامعا ءبىر تال عانا ساتىپ الۋ شەكتەلدى. ۇيتكەنى، بۇل قاجەتتى توراپ تەكشەلەرى قاناعاتتاندىرا الماي وتىر.


    قوقسىق شەلەگىن جاسايتىن ساۋداگەرلەر دە قاربالاس ءارى ساۋداسى كۇسەت


    جىجياڭ ولكەسى تايجوۋ قالاسى قوقىر-قوقسىقتى تۇرگە ايىرۋ شەلەگى سياقتى سۇلياۋ ونىمدەرىن وندىرەتىن كاسىپ ورنى ءبىر ايعا جۋىق ۋاقىتتان بەرى، تايجوۋداعى 3000 نان استام كاسىپورىندار قوقىر-قوقسىقتى تۇرگە ايىرۋدان يگىلكتەندى. 1688 توراپ تەكشە جەلىسىندەگى ساتىپ الۋشى وتباسىلارى ءبىر ەسەگە جۋىق ارتتى. ال كاسىپورىنداردىڭ ونىمدەرىنىڭ ساتىلۋ مولشەرى وتكەن جىلدىڭ ۇقساس مەزگىلىندەگىدەن ٪45 ارتتى.


    جىجياڭ ولكەسى تايجوۋ قالاسى حۇڭشىڭ ونەركاسىپ- ساۋدا شەكتى سەرىكتەستىگىنىڭ باس مەڭگەرۋشىسى چىن دۇڭشىڭ تىلشىگە: قازىر سەرىكتەستىك وندىرگەن تۇرگە ايىرىلعان قوقىر-قوسىق شەلەگى قاجەتتى قاناعاتتاندىرا الماي وتىر. تاپسىرىس نەگىزىنەن شاڭحاي سياقتى جەرلەردەن كەلەدى. قازىر جالپى تاۋلىك بويى ءونىم وندىرىلۋدە. كۇندىك ءونىم مولشەرى 30-40 مىڭ دانا قوقىر-قوقسىق شەلەگى ءوندىرىپ جاتىر،-دەدى.


    «بىلتىر بۇل سەرىكتەستىكتىڭ جالپى پايداسى 10 ميلليون يۋاننان اسىپ، تازا پايداسى ءبىر ميلليوننان اسقان ەدى. مەجەمەن، بيلىعى تازا پايداسى 2 ميلليون يۋانعا جەتەدى»،-دەدى چىن دۇڭشىڭ.


    جىجياڭ ولكەسى تايجوۋ قالاسى لۋچياۋ فاڭشيڭ سۇلياۋ قالىپ زاۆودىنىڭ ۇنەمىلىك ىستەرگە جاۋاپتى ورىنباسار باس ديرەكتورى تاڭ چۋانيۇي بىلاي دەدى: بيىل 2-ايدان باستاپ، تۇرگە ايىرىلعان قوقىر-قوقسىق ساندىعىنا شاڭحاي قالاسىنىڭ تاپسىرىسى قاۋىرت ارتتى. جۇمىسشىلار ءۇش سەحتا جۇمىس ىستەپ، ءوندىرىس جۇرگىزەدى.


    ول تاعى: سەرىكتەستىك باسقا سۋلياۋ بۇيىمدار ءوندىرىس جەلىسىن توقتاتىپ، تۇرگە ايىرىلعان قوقىر-قوقسىق شەلەگى ءوندىرىسىن بار كۇشپەن قامتاماسىز ەتۋگە كۇش سالۋدا. ٪70 كە جۋىق ساتىپ الۋشىلار توراپ جەلسىنەن ساتىپ الۋعا تاپسىرىس بەردى. كەيبىر ساتىپ الۋشىنىڭ تاپسىرىس سانى نەشە ءجۇز مىڭعا جەتتى،-دەدى.


    تۇرگە ايىرىلعان قوقىر-قوقسىق شەلەگىنەن سىرت، اسحاناداعى قوقىر-قوقسىقتى ءبىرجاقتىلى ەتۋ اسپابى (ۇنتاقتاعىش) تۇرگە ايىرىلعان قوقىر-قوقسىق دورباسى، تۇرگە ايىرىلعان قوقىر-قوقسىق بەلگىسى، قوقىر-قوقسىقتى تۇرگە ايىرىپ وقىتۋ جابدىعى قاتارلى قاتىستى تاراۋلاردا قىزۋ ساتىلدى. ساندىق مالىمەتتە كورسەتىلۋىنشە، 6-ايدا، تاۋباۋدىڭ «قوقىر-قوقسىقتى تۇرگە ايىرىپ وقىتۋ جابدىقتارىن» ىزدەۋ مولشەرى 17 ەسە ارتقان.


    جاڭا كاسىپ


    عالامتوردا قوقىر-قوقسىقتى ۋاكىلەتتى جيىپ الۋعا كەلىسكەن جۇمىسشىلاردىڭ ەڭبەكاقىسى 10 مىڭ يۋانعا جەتتى


    قوقىر-قوقسىقتى تۇرگە ايىرىپ جيناپ الۋ جاڭا كاسىپتى تۋىنداتتى. «قوقىر- قوقسىقتى تۇرگە ايىرۋ» تورابىندا ۋادەلەسەتىن جۇمىسشى دەگەن ءسوزدىڭ وزىنەن- اق، الارمانداردىڭ جەلىدە الدىن-الا كەلىسۋى ارقىلى جەلىدەگى جاراقسىز زاتتاردى جيناپ الاتىن ادامدى مەڭزەپ وتىرعانىن بىلۋگە بولادى.


    حۋادۇڭ قالاسىنىڭ توراپ جەلىسىنىڭ مەڭگەرۋشىسى ۋاڭ يفي تىلشىگە بىلاي دەدى: قوقىر-قوقسىقتى ۋاكىلەتتى جيناپ الۋ نەگىزىنەن ەكى ءتۇرلى بولادى. ءبىرى، تولىق مىندەت، ەندى ءبىرى، قوسىمشا مىندەت. جىفۋباۋدا قوقىر- قوقسىقتاردى تۇرگە ايىرىپ جيناپ الۋ تۇعىرىندا قازىر 50 دەن استام قوقىر-قوقسىقتى جيناپ الۋعا قىزمەت وتەيتىن ساۋداگەرلەر بار. كولەمى ۇلكەن بولعاندارىندا، نەشە ونداعان ادام، از بولعاندارىندا 7-8 ادام جۇمىس ىستەيدى.


    كەيبىر قوقىر-قوقسىقتاردى ۋاكىلەتتى جينايتىن جۇمىسشىلاردىڭ ايلىق كىرىسى 10 مىڭ يۋانعا جەتكەن. شاڭحايدا 30 نەشە جاستاعى «قوقىر- قوقسىقتى ۋاكىلەتتى جينايتىن جۇمىسشى» لو چيدىڭ اي سايىن الاتىن ەڭبەكاقىسى تۇتاس جۇمىسشى-قىزمەتكەرلىك ەڭبەكاقىسى مەن ەڭبەك اقى قۇرىلىمىندا ەكى بولەك ەڭبەكاقى العان. مۇنىڭ ءبىر ءبولىمى نەگىزگى ەڭبەكاقى بولىپ 5000 يۋان اينالاسىندا، ەندى ءبىر ءبولىمى جيناپ الىنعان قوسىمشا قاراجات پەن قايتارىپ الىنعان زاتتىڭ ارتقان قۇن كىرىسىنەن كىرگەن ەڭبەكاقىسىن قامتيدى.


    لو چي بىلاي دەدى: «قوقىر-قوقسىقتى وتە لات دەپ قاراماڭىز، ءىس جۇزىندە، بۇل ءبىر قانى جەرگە تيمەيتىن كاسىپ تۇرىنە اينالىپ وتىر، تىرىسىپ قۇلىشىنساڭىز، ايىنا ون مىڭ يۋان اقشا قالتاڭىزعا تۇسەدى.


    ۋاڭ يفي: لو چي بۇكىل ەلدەگى نەشە مىڭ توراپ جەلىسىندەگى قوقىر-قوقسىقتى تۇرگە ايىرىپ جيناپ الۋعا قىزمەت وتەيتىن جۇمىسشىلاردىڭ ءبىرى، قوقىر-قوقسىقتى ۋاكىلەتتى جيناپ الۋدىڭ پايداسى تۇگەلدەي ۋاكىلەتتى تاپسىرىپ الۋشىعا ءتان بولادى. مىسالى، تۇتىنۋشى ۋاكىلدىك رەتىندە تاپسىرىپ الۋشى بولادى. باعا پارقى تۇگەلدەي ونىڭ وزىنە ءتان بولادى،-دەدى.


    جاقىنعى ءبىرنەشە ايدان بەرى، كۇنى بۇرىن شاقىرىلاتىن تاپسىرىس كۇننەن-كۇنگە كوبەيىپ كەلەدى. عالامتوردا قوقىر-قوقسىقتى قايتارىپ الۋ جۇمىسشىسى بولعان لي مىڭحى دا بىلاي دەدى: تەك قۇلشىنا ىستەپ، كوپ ەڭبەك ەتسەڭ، كوپ اقشا الاسىڭ، ايلىق كىرىسىم 10 مىڭ يۋاننان اسىپ، بۇرىنعىدان 3 تە 4 مىڭ يۋان ارتتى.


    بۇدان سىرت، قوقىر-قوقسىقتى تۇرگە ايىرۋدىڭ قاتىستى كاسىپتىك ەڭبەكاقىسى دا وتە كورنەكتى جوعارلاعان. تاپسىرىستىق سياقتى ءىرى ساندى مالىمەت زەرتتەۋ ورنىنىڭ ساندى مالىمەتىنە نەگىزدەلگەندە، 2019-جىلدىڭ العاشقى جارتىسىنداعى ءتۇرلى توراپ جەلىسىندەگى تەكشەلەردە قوقىر-قوقسىقتى تۇرگە ايىرىپ ءبىرجاقتى ەتۋگە قاتىستى قىزمەت وتەۋ ورىندارىنىڭ ورتاشا ايلىق ەڭبەكاقىسى 16 مىڭ يۋانعا جەتكەن.


    مۇنىڭ ىشىندە تۇرمىستىق قوقىر-قوقسىقتى ورتەۋ، توك شىعارۋ ينجەنەرلەرىنىڭ قاتىستى جۇمىس ورنىنىڭ ورتاشا ايلىق ەڭبەكاقىسى 22 مىڭ يۋان، قاتتى جاراقسىز قوقىر-قوقسىقتى ءبىرجاقتىلى ەتىپ اشۋعا قاتىستى جۇمىس ورنىنىڭ ورتاشا ايلىق ەڭبەكاقىسى 19 مىڭ يۋان، قوقىر-قوقسىقتى تۇرگە ايىرۋ بازارىنىڭ ديرەكتورىنىڭ قاتىستى جۇمىس ورنىنىڭ ورتاشا ايلىق ەڭبەكاقىسى 14 مىڭ يۋان، سۋدى ءبىرجاقتىلى ەتۋ جانە ورگانيكالىق قوقىر- قوقسىقتى جوبالاۋ ينجەنەرىنىڭ قاتىستى جۇمىس ورنىنىڭ ايلىق ەڭبەكاقىسى 12 مىڭ يۋان بولعان.


    جاڭا ساۋدا ورايى


    ەسىك الدىندا تۇرگە ايىرۋ


    ءىس جۇزىندە جوعارىدا ايتىلعان قوقىر-قوقسىقتى ۋاكىلەتتىكپەن جيىپ الۋ ماسەلەسى نەگىزىنەن قايتا جيىپ الۋعا بولاتىن قوقىر-قوقسىقتى جيناپ الۋ ماسەلەسىن شەشتى. ال، شاڭحايداعى قوقىر-قوقسىقتاردى تۇرگە ايىرۋدا «بەلگىلەنگەن ۋاقىتتا، بەلگىلەنگە ورىنعا تاستاۋ» تالابى بولعاندىقتان، كوپتەگەن ادامداردىڭ باس اۋىرتاتىن ىسىنە اينالىپ وتىر.


    تاۋباۋدا جۇمىس ىستەيتىن ساۋداگەر تىلشىگە بىلاي دەدى: «كوپتەگەن ادامداردىڭ قىزمەتى قاربالاس نەمەسە جاسى ەگدەلەگەن، ٴجۇرىپ-تۇرۋى قولايسىز تاعى باسقا فاكتورلار سەبەبىنەن قوقىر-قوقسىقتى بەلگىلەنگەن ورىنعا دەركەزىندە قويا المايدى. ءبىز ۋاكىلدىك رەتىندە، قوقىر-قوقسىقتاردى تۇرگە ايىرىپ، جيناپ الۋعا قىزمەت وتەدىك.


    ساۋداگەر تاعى بىلاي دەدى: قوقىر-قوقسىقتاردى تۇرگە ايىرىپ، ۋاكىلدىك رەتىندە تۇرگە ايىرىپ جيناپ الۋدا، ءار وتباسىنان ايىنا 320 يۋان اقى الىنادى. ءسىز قوقىر-قوقسىقتى ەسىكتىڭ الدىنا قويىپ قويساڭىز بولعانى، ءبىز ەسىكتەن جيىپ الىپ، ونان سوڭ تۇرگە ايىرىپ قويا بەرەمىز. ادەتتە ءوزىڭىز ەڭ جاقسى تۇرگە ءبولىپ ۋاكىلدىك رەتىندە جيناپ قويىڭىز. ۇيتكەنى اقىسى ارزانداۋ بولادى، مۇنداي بولعاندا، ءار ايدا 120 يۋان عانا جۇمسايتىن بولاسىز.


    ءتىلشىنىڭ بايقاۋىنشا، بۇل دۇكەننىڭ ايلىق ساتىلۋ مولشەرى 226 داناعا جەتكەن. ال جەلىدە وسىنداي قىزمەت وتەۋ جارىققا شىقتى. شاڭحايدا كەيبىر ساۋداگەرلەر شاعىن رايونداعى تۇرعىندارعا قوقسىق تاستاۋعا قىزمەت وتەۋدى جولعا قويىپ، ءاركۇنى ءار وتباسىنان 1-2 يۋان اقى الىپ وتىرعان.


    APP تۇردەگى قوقىر-قوقسىقتى تۇرگە ايىرۋ شاعىن باعدارلارماسىن اشۋ


    قوقىر-قوقسىقتى ۋاكىلدىك رەتىندە جيىپ الىپ تاستاۋدان سىرت، APP قوقىر- قوقسىقتى تۇرگە ايىرۋ شاعىن باعارلاماسىن اشۋ جاڭا ساۋدا ورايىنا اينالدى.


    سۋرەتتە: جىفۋباۋدا قوقىر-قوقسىقتى تۇرگە ايىرۋ شاعىن باعدارلاماسىنىڭ قيما سۋرەتى


    بۇل «قانداي قوقسىق»، «ۇساق تەڭىز شايانى ما»، «نە تۇردەگى قوسىق»، «دىمقىل قاعاز ما، الدە وراما قوقسىق پا» دەگەن سياقتى تۇتىنۋشىلاردىڭ قوقىر-قوقسىقتارىن تۇرگە ايىرۋ نەمەسە شاعىن ءتارتىپ ارقىلى تەكسەرىپ بىلە الادى. وتە قولايلى.


    7- ايدىڭ 3-كۇنى تۇسكى ساعات 12 گە دەيىن، جىفۋباۋ تەكشەسىندەگى قوقىر-قوقسىقتى ايىرۋ تۇرگە ايىرۋدىڭ شاعىن ءتارتىبى بويىنشا تىڭنان قوسىلعان وتباسى سانى ميلليون ادامنان استى. تۇتىنۋشىلاردىڭ ورنالاسۋى دا شاڭحايدان جىجياڭ، گۋاڭدۇڭ، بەيجيڭ، تيانجين سياقتى مەملەكەت بويىنشا كوپتەگەن وڭىرلەرگە دەيىن كەڭەيدى. جۇڭگونىڭ شىعىس رايونىنداعى 60 تان استام جەكە توراپ اشۋشىلار اقشا تولەۋ تەكشەسىندە قوقىر-قوقسىقتى تۇرگە ايىرۋدىڭ قاتىستى شاعىن ءتارتىبىن اشۋدى ءوتىنىش ەتتى.


    جايشىلىقتا توراپتا ىزدەۋ مەن سۇراۋدان تىس، وسى جاڭا تۇردەگى اشۋشىلار تەكشەدەگى دىبىس تانۋ، كەسكىن تانۋ، ىقپالىن ءبىلۋ سياقتى اشىق قابىلەتتى جاپپاي قولداندى.


    ۋاڭ يفي بىلاي دەدى: كەيبىر ۇساق باعدارلامالار قوقىر- قوقسىقتى قايتارىپ الۋ سەرىكتىگىن اشقان. ولار ينتەرنەت تەكشەسى ارقىلى قوناق قابىلداۋدى، ءتىپتى دە كوپ تۇتىنۋشىعا يە بولۋدى ءۇمىت ەتتى؛ كەيبىرەۋلەرىن جەكەلەر اشقان، توراپ اعىنى مولشەرى قارايلاس بولعان سوڭ، جارناما قابىلداۋ ارقىلى پايدا تابۋعا دا بولادى.


    قوقىر- قوقسىقتى تۇرگە ايىرۋدىڭ ورايى سونشا كوپ، ءسىز قايسى كاسىپ ءتۇرىن، قايسى ساۋدا ورايىن تالدايسىز؟


    دەرەككوزى: جۇڭگو ەكونوميكا گازەتى تورابى 
    حانزۋشادان اۋدارعان: قاليما بوقان قىزى (تورابىمىز ۇسىنىس ەتكەن ءتىلشى)

00.jpg
00.jpg
00.jpg
00.jpg
00.jpg