مىنا ۆنيۋەرسيتەتتەر وتباسى شارۋاسى كاسىبىن وقىتاتىن بولدى! كۇتۋشى دە ۆنيۋەرسيتەت وقيتىن بولعانى ما؟!
0
2019-07-08 08:46:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    «كۇتۋشى بولۋ ءۇشىن دە ۆنيۋەرسيتەت وقۋ قاجەت پا؟»


    «بۇدان بىلايعى جەردە كۇتۋشى وتباسىندا بالانىڭ ماتەماتيكا جانە اعىلشىن ساباقتارىن پىسىقتاۋىنا كومەكتەسەدى!»


    «ۆنيۋەرسيتەتتەردە قوقىسىقتى تۇرگە ءبولۋ كاسىبىن وقىتۋعا دا تاياۋ قالدى!» 

    جاقىندا، «وقۋ-اعارتۋ مينيستىرلىگى ۆنيۋەرسيتەتتەردى وتباسى شارۋاسى كاسىبىن وقىتۋعا شابىتتاندىردى» دەگەن تاقىرىپ ينتەرنەت جەلىسىندە قىزۋ تالقىعا اينالدى. 

    «ءار ولكە پرينسىپ بويىنشا كەمىندە جەرگىلىكتى ءبىر ۆنيۋەرسيتەتتە وتباسى شارۋاسى كاسىبىن وقىتۋى كەرەك»


    مۇنىڭ ارتقى كورنىسىنە نازار سالايىق. جۋىق جىلداردان بەرى، ەلىمىزدە وتباسى شارۋاسىندىق قىزمەت وتەۋدىڭ قاجەتسىنۋى جىل سايىن %20 قارقىنمەن ارتىپ وتىردى. 2017-جىلعا كەلگەندە 400ميلليارد يۋاندىق كىرىس نىساناسىنان قامال الىندى. ءبىراق، وتباسى شارۋاسى كاسىبى جاعىندا دارىندىلار كەمشىل، وسى كاسىپپەن شۇعىلدانۋشىلاردىڭ سانى مەن ساپاسى بازار قاجەتسىنۋىن قاناعاتتاندىرا الماي وتىر. 

    ولاي بولسا، ۆنيۋەرسيتەتتەن وتباسى شارۋاسى كاسىبىن ءبىتىرىپ شىققاندار شىنىمەن كۇتۋشى بولاما؟ 

    2009-جىلى، لياۋچىڭ داشۋەسى وتباسى شارۋاسى كاسىبىن اشتى. ءبىراق، وقۋشى قابىلداۋ قيىن بولۋ، وقىتۋشى كەمشىل بولۋ سياقتى جاعدايلاردى باستان كەشىردى. دەگەنمەن تۇڭعىش كەزەكتى مەكتەپ بىتىرگەن وقۋشىلاردىڭ كاسىپتەنۋ جاعدايى نەداۋىر جاقسى بولدى. «تولىق كۋرس تاۋىسقان وتباسى شارۋاسى قىزمەتكەرلەرى» اسىلعا اينالدى. 


    حۋنان قىزدار ينستيتۋتى دا 2013-جىلى وتباسى شارۋاسى كاسىبىن اشىپ، العاشقى قادامدا 37 قىز وقۋشى قابىلدادى. 

    ۇعىسۋعا قاراعاندا، بۇكىل ەلىمىزدە وتباسى شارۋاسى كاسىبىن اشقان ۆنيۋەرسيتەت 7 گە جەتتى. 

    ولارعا وقىتىلاتىن كاسىپتىك ساباق تازالىق ىستەپ، تاماق جاساۋ ەمەس، قايتا فيلوسوفيا، تاريح، ادەبيەت، ايەلدەر ءىلىمى، وسىزامانعى جول-جوسىن، وتباسى ينفورماتسياسىن باسقارۋ، تۇرمىس فيلوسوفياسى، وسىزامانعى ءۇي ءىشىن جوبالاۋ، وتباسى حورەكتىگى، وتباسى نەكە ءىلىمى..... 

    جۇمىستانۋ بەتالىسى سەميالىق قىزمەت وتەۋ كاسىبىنەن سىرت، ۇكىمەت تاراۋلارىنا، حالىق ىستەرى جۇيەسىنە، ايەلدەر بىرلەستىگى جۇيەسىنە، قوعامدىق قىزمەت وتەۋ جۇيەسىنە بارۋىنا دا بولادى.
قىسقاسى، بۇل كاسىپتى بىتىرگەن وقۋشىنىڭ قىزمەت تابۋىنان الاڭداۋدىڭ قاجەتى جوق! 

    ينتەرنەت پايدالانۋشىلار


    @فوتوگراف اۋەسكەرى: بازاردىڭ قاجەتسىنۋى!


    @كىشكەنە بالىق: وتباسى شارۋاسى كاسىبىن تازالىقشى جەتىستىرۋ دەپ تۇسىنۋگە بولمايدى. كەرسىنشە وتباسى شارۋاسىن باسقاراتىن دارىندى، بۇل قوعامدىق عىلىمنىڭ ءبىر تارماعى، ءارى تۇرمىستىق قولدانىلمالى عىلىم.


    @ۋاڭ زاي ءسۇت ءتاتتى: وتباسى شارۋاسى كاسىبى كوپ جاقتى قامتيدى، حورەك ءىلىمى، قازىنا باسقارۋ، پسيحولوگيا، كۇتىمدەۋ ءىلىمى. بۇدان سىرت، مەديتسيناعا دا سايادى....، ۆنيۋەرسال ءبىلىم بەرەدى ەكەن.


    @ياۋتاي كوز سۇرىندىرەر دۇنيە: عاجاپ، ءار ءىستىڭ بەلگىلى ماماندىققا اينالۋى تابيعي بەتالىس، سوندىقتان، بۇل كاسىپتى دە ماماندىق رەتىندە دۇرىس قابىلداۋ قاجەت.


    @جابايى ماڭتۇن: ۆنيۋەرسيتەت دەگەن ءبىلىم بەرەتىن جەر، ءبىلىم جوعارى-تومەن، باعالى-ارزان دەپ بولىنبەيدى.

 

اۋدارعان شاربات جۇمان قىزى

00.jpg
00.jpg
00.jpg
00.jpg
00.jpg