ءسىزدىڭ ۇنەمشىل ەمەس، بەيشارا قايىرشى ەكەنىڭىزدىڭ 10 بەلگىسى
0
2019-07-11 11:09:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :



    ءوزىڭىزدى ءوزىڭىز الداعاندى قويىپ، قارجىلىق ماسەلەڭىزدى ءبىر جاقتى قىلىڭىز.


    1. ءسىز ەڭ ارزان ازىق-تۇلىكتى ساتىپ الاسىز


    سۋپەرماركەتتە ازىق-تۇلىكتىڭ قۇرامىنا نەمەسە كالورياسىنا قارامايسىز-ءسىزدىڭ بار ويلاعانىڭىز باعاسى عانا. ءونىمنىڭ ماڭىزدى ەسكەرەرلىك جاقتارى ىشىندە جارامدىلىق مەرزىمى دە بولۋى مۇمكىن: مەرزىمى ۇزاق بولعان سايىن ءونىمدى بۇزىلىپ كەتكەنشە تۇتىنىپ ۇلگەرۋ ىقتيمالدىعى جوعارى بولادى. كەي جاعدايدا ارزان ازىق-تۇلىكتى ساتىپ الۋ-ۇنەمدى ساتىپ الۋشىنىڭ دۇرىس تاڭداۋى. جەرگىلىكتى ماۋسىمدىق الما وزگە كونتينەنتتەن پىسپەي جاتىپ اعاشتان جۇلىپ الىپ كەلگەن المادان كوبىنەسە دامدىرەك جانە ءيىسى دە جاقسىراق. ال توپىراعى تۇسپەگەن كارتوشكانى تازاسىنىڭ جارتى باعاسىنا الىپ، ۇيدە جۋىپ جىبەرۋ قيىن شارۋا ەمەس. ءبىراق كەي ازىق-تۇلىك تۇرلەرىن العاندا ۇنەمشىلدىككە سالىنباعان ابزال، ايتپەسە ساپاسى مەن كوڭىلىڭىزدەن شىعا بەرمەۋى مۇمكىن ءونىمدى الىپ قالاسىز. ونىڭ ۇستىنە، ارزانعا جۇگىرەمىن دەپ، ءسىز ءوزىڭىز العىڭىز كەلگەندى ەمەس، قۇنى تيىن-تەبەندىك نارسەنى الاسىز. العان زاتتارىڭىزدىڭ ىشىندە تيىن-تەبەندىك جارتىلاي دايار ونىمدەر عانا بولادى، جەمىس-جيدەك پەن كوكونىس بولمايدى. بۇنداي ۇنەمشىلدىكتىڭ ءجونى جوق جانە دەنساۋلىققا زيانى ءتيۋى مۇمكىن. 2. ءسىز تەز ارادا پايدا كورگىڭىز كەلەدى


    سىزگە كىر جۋاتىن ۇنتاق كەرەك. ۇلكەن وراماسىن الۋ تيىمدىرەك ەكەنى انىق، ءبىراق ءسىز كىشكەنتايىن الاسىز - ارزانىراق قوي! بۇنى تەك ءبىر جاعدايدا: ماتەماتيكادان دىم حابارىڭىز بولماسا عانا، ۇنەم دەپ اتاۋعا بولادى. ەسەپتەي الاتىندارعا بۇنداي تاڭداۋ اقشاڭىزدى ۇنەمدى جۇمساۋعا ەشقانداي كومەكتەسپەيتىنى تۇسىنىكتى. ەگەر ءسىز تۇرمىستىق حيميانىڭ ءبىر ءتۇرىن عانا پايدالانىپ جۇرسەڭىز، ۇلكەن ورامالاردى الۋدىڭ نەمەسە ەسكىسى ءالى تاۋسىلماسا دا، جەڭىلدىكپەن جاڭاسىن الىپ قويۋدىڭ قيسىنى بار. بۇنداي قۇرالداردى الىپ پايدالانۋعا اقشا جەتىڭكىرەمەي تۇرسا، ماسەلە باسقا. بۇنداي جاعدايدا ايتەۋىر جانباعىستى ۇنەمشىلىك دەۋدى قويىپ، ءوز قارجىلىق جاعدايىڭىزدى قايتا ويلاستىراتىن ءسات كەلدى دەگەن ءسوز.


    3. ءسىز وزىڭىزگە قاجەتتىنى ساتىپ المايسىز


    سمارتفوننىڭ ەسكى مودەلى جاقسى ىستەپ تۇرعاندا جاڭاسىن ساتىپ الماي قويۋ-ءبىر باسقا دا، جاڭاسىن سالىستىرمالى تۇردە ارزانعا الۋعا بولسا دا، اجەڭىزدەن قالعان قولايسىز جانە كورىكسىز جىلتىراعان شكافتى پايدالانىپ جۇرە بەرۋ-مۇلدەم باسقا نارسە. ورىندىقتىڭ اياقتارى سەنىمدىرەك بولۋ ءۇشىن سكوتچپەن شاندىپ وراپ تاستالعان بولسا، بۇل ۇنەمدەۋ ەمەس. وسىنداي زاتتاردى سۋرەتكە تارتىپ الىڭىز دا، وعان جاقسىلاپ قاراڭىز: وسىنداي سۋرەتتەرمەن جاعدايى ناشار وتباسىلارى تۋرالى ماقالالاردى «بەزەندىرەدى». ۇنەمدى ادامنىڭ قايىرشىدان ايىرماشىلىعى سول، ول ءجونسىز شىعىنداردان اۋلاق جۇرسە دە، ءوز ءومىرىنىڭ ساپاسىنا ءمان بەرەدى.


    4. ءسىز ءبارىن اقشامەن ولشەيسىز


    تۇسىندىرمە سوزدىكتەردە «ۇنەمدەۋ» ءسوزى «سىراپشىلىققا ۇرىنباي، ءجونسىز اقشا جۇمساماي، ابايشا ايتقاندا «بەكەر مال شاشپاي»، زاتتى قۇنتتاپ، كۇتىپ، مۇمكىندىگىنشە زيان شەكپەي ۇستاۋدى» بىلدىرەدى. ارتىق تولەمەۋ-تابىسىڭىزدىڭ قاي دەڭگەيدە بولسا دا، پايدالى ماشىق. ءبىراق ماندىمايتىن بيۋدجەت كەزىندە ۇنەمدەۋ ءبىر تيىندى ارتىق جۇمساۋدان قورقاتىن كۇيگە اينالادى، ويتكەنى قانشا جۇمساعانىڭىزعا كۇنىڭىز قاراپ قالادى. وسىنىڭ سالدارىنان ادام ءبارىن اقشامەن ولشەي باستايدى، ۇنەمى اقشا تۋرالى ويلايدى، ادامدار مەن زاتتاردى اقشا ارقىلى باعالايتىن بولىپ كەتەدى. دەگەنمەن، ءبىر سەكۋندقا ادەتتەگى ويلاۋ جۇيەسىن ۇزە تۇرساق، قۇندىلىق باعاعا تەڭ ەمەس ەكەنىن انىق كورۋگە بولادى. ءبىراق قايىرشى (ونىڭ ىشىندە رۋحاني قايىرشى) ادام بۇعان كوڭىل اۋدارماۋعا تىرىسادى، ويتكەنى ونىڭ الەمى اقشاعا تىرەلىپ قالعان.


    5. ءسىز ۇنەمدەپ جۇرگەنىڭىزدى ايتۋعا ۇيالاسىز


    بۇل ءبارىن اقشامەن ولشەيتىن ادەتتەن تۋىندايدى. مودى كيىمدەردى كيەتىن، ءبىراق ەدەنى ءشىرىپ كەتكەن جانە تۇرعىن ءۇي-كوممۋنالدىق قىزمەت ءۇشىن وتەلمەگەن قارىزى كوپ پاتەردە تۇراتىن اسا ۇلكەن ادامدار توبى بار. مىنە، ءدال وسى ادامدار تانىستارىنىڭ جاعدايىنىڭ جاقسى-ناشارلىعىن، ءتىپتى ولار ورتالىقتا جانە جۇمىسىنا ءبىر كوشە جەردە عانا تۇرسا دا، كولىگىنىڭ بارى-جوعىنا قاراي باعالايدى. ونداي ادامدار ءۇشىن ۇنەمدەپ جۇرگەنىن ايتۋ جارتى الەمگە قايىرشى ەكەنىن جاريالاعانمەن بىردەي. ايىرماشىلىعى سول، ونداي ادامدار كوبىنە شىنىمەن-اق سونداي بولىپ شىعادى. ۇنەمدەۋدى اقشانى ساقتاۋ جونىندەگى سىن دەپ بىلەتىن ادام كوبىنە الدەنەنى ءتيىمدى ساتىپ العانى جانە پارمەندى ستراتەگيالار جايىندا ماقتانا ايتىپ جۇرەدى.


    6. ءسىز تەك جاپپاي ساتىلىم كەزىندە ساۋدا جاسايسىز


    جاپپاي ساتىلىمدارعا بۇيرەگىڭىز بۇرىپ تۇراتىن بولعانىندا الىپ بارا جاتقان ەشتەڭە جوق. ماسەلە وزىڭىزگە كەرەك زاتتى، وعان جەڭىلدىك بولماعاندىقتان نەمەسە ونىڭ باعاسى ءۇش جىل بۇرىنعىدان قىمباتتاپ كەتكەندىكتەن، ءسىز ول زاتتى ساتىپ الماي قوياتىن كەزىڭىزدە باستالادى. قىسقى ەتىكتەر جاپپاي ساتىلىمعا قاڭتاردا شىعاتىنى سەبەپتى جەلتوقساندا قىسقى ەتىكسىز ءجۇرۋ بۇل - ۇنەمدىلىك ەمەس. اۋىرىپ قالاتىن بولساڭىز، ءدارى-دارمەككە دە شىعىندالاسىز.


    7. ءسىز تەگىن الۋعا قۇمارسىز


    «ەسەسىنە تەگىن» - ۇنەمشىل مەن قايىرشىنىڭ اراسىنا جىك سالىپ تۇرعان ءسوز وسى. ۇنەمشىل «بۇل تەگىن نارسە ماعان كەرەك پە، ول كوڭىلىمنەن تولىق شىعىپ تۇر ما» دەپ ويلايدى، كوڭىلىنەن شىقپاسا، ول نارسەدەن باس تارتادى نەمەسە وزىنە كەرەگىن تولىق باعاسىن تولەپ ساتىپ الادى. ال قايىرشى بولسا، تەگىن كەلگەننىڭ بارىنە ريزا.


    8. ءسىز اقشانى وزىڭىزگە جۇمسامايسىز


    ءسىزدىڭ شىعىندارىڭىز فيزيكالىق قاجەتتىلىكتەرىڭىزبەن شەكتەلەدى. بازالىق مۇقتاجدىقتارىڭىزدان تىس نارسەنىڭ ءبارى: ەرمەگىڭىز (حوببي)، تەاتر، كينو، ساياحات، سپورتپەن اينالىسۋ ت. ب - وتە قىمبات، ءسىز ولارسىز-اق امالداپ جۇرە بەرەسىز. شىنىمەن دە ۇنەمدى بولادى، ءبىراق ۇنەمدەۋ بۇكىل جان راحاتىنان باز كەشۋ دەگەندى بىلدىرمەيدى.


    9. ءسىز اقشا ۇنەمدەيمىن دەپ ءجۇرىپ، باسقا رەسۋرستارىڭىزدى پايدالانا الماي قالاسىز


    سەنبى كۇنگى تۇگەلدەي گيپەرماركەتتەردى ارالاۋعا كەتەدى، ويتكەنى بىرەۋىندە ەتكە جانە سۇتكە جەڭىلدىك بار، ەكىنشىسىندە - سۇزبەگە، ۇشىنشىسىندە - سابىنعا جەڭىلدىك جاساپ قويىپتى. وسى ماشاقاتپەن بۇكىل كۇنىڭىز ءوتىپ كەتەدى دە، ءسىز ءجوندى ۇيىقتاي المايسىز، ۋاقىتتى وتباسىڭىزبەن دۇرىستاپ وتكىزە المايسىز، سەرۋەنگە شىعا المايسىز. ال ۇنەمدەگەن اقشاڭىزدى ەسەپتەگەندە ءسىز ءبىر-ەكى ساعاتتا تاباتىن سومانى ۇنەمدەگەن بولىپ شىعۋىڭىز مۇمكىن. اقشا دەگەن نەبارى رەسۋرس قانا. ونى قايتا تابۋعا بولادى، ال قوسىمشا ۋاقىتتى قايتارۋ مۇمكىن ەمەس.


    10. ءسىز ارزان قىزمەتتى تۇتىنۋعا دايىن تۇراسىز


    ءسىز ارلەۋشى، تاقتانى قويىپ شىققانى ءۇشىن، جۇمىسىن ءبىر- ەكى-اق ساعاتتا ىستەپ تاستاسا دا، نەگە كوپ اقشا العىسى كەلەتىنىن شىنىمەن-اق تۇسىنبەيسىز. ال ينتەرنەتتە كەز كەلگەن ادام جۇمىس ىستەي الادى، انە، كورشىنىڭ بالاسى كۇندىز-ءتۇنى كومپيۋتەرگە شۇقشيىپ (تابىس تاۋىپ) وتىرادى. ءسويتىپ ءجۇرىپ ءسىز ارزانىنا جۇگىرەسىز دە، جامان ناتيجەگە تاپ بولاسىز جانە تومەنگى تابىس پەن ناشار ساپا قۇرايتىن تۇيىق شەڭبەرگە ءوز ۇلەسىڭىزدى قوساسىز. ايتپاقشى، ەسىڭىزدە بولسىن: بۇل كۇندەردىڭ كۇنىندە ءسىزدىڭ تابىسىڭىزعا دا اسەر ەتپەي قويمايدى. ۇنەمشىل ادام اقشانىڭ پارقىن بىلەدى جانە ساپالى نارسە ارزان بولا المايتىنىن تۇسىنەدى. ول وڭدى ناتيجە ءۇشىن اقىسىن تولەۋگە دايىن، سەبەبى ناتيجە ونىڭ قايتا ىستەۋگە كەتەتىن ۋاقىتىن، جۇيكەسىن جانە اقشاسىن ساقتايدى.

00.jpg
00.jpg
00.jpg
00.jpg
00.jpg