ءومىردىڭ ءاربىر ءساتى - اسىل تاستىڭ قۇنىنداي
0
2019-07-11 11:12:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :اينا

كوزىڭدى اشىپ، ويان. سەنى كۇن سايىن ءار ءتۇرلى، جاڭا نارسەلەر كۇتىپ تۇر.

 

ءومىردىڭ قىزىعىن، ءتاتتىسىن جىبەرىپ الما. قاراڭعى تۇنەكتەن جارىق جۇلدىزدى ىزدەۋگە تىرىس. قولىڭنان كەلمەسە، ازعانتاي ۋاقىتقا توقتا، سودان كەيىن جالعاستىر.

 

سۇرعىلت رەڭكتەگى ومىردەن الشاقتاعىڭ كەلسە، تومەنگى قاعيدالارعا جۇگىنسەڭ بولادى:

 

جاتپا، ەڭبەكتەن! ايتپەسە ءومىرىڭدى زايا كەتىرىپ الاسىڭ.

 

قاجەتسىز اقپاراتتى ساقتاما، ەڭ نەگىزگىسى جۇرەككە جاقىن ۇستاما. ارتىق نارسە جانىڭدى تەرگەيدى، الاڭداتادى. سەن ۋايىمدايسىڭ. بۇل دەنساۋلىققا زالالىن تيگىزەدى. ال بىزگە ول تىپتەن كەرەك بولماس.

 

ءومىردىڭ اشى تۇستارىن قابىلداي ءبىل. وڭاي ەمەس، بىلەمىن. الايدا عۇمىر كەشۋ وڭاي دەپ كىم ايتتى؟

 

جان قالاۋىن قاندىرىپ ال. ءوزىڭ جاقسى كورەتىن تاعامىڭدى جە، اقىلىڭدى سەرگىتەتىن كىتاپ وقى، كوڭىلىڭدى جۇباتاتىن ءان تىڭدا.

 

ءومىردىڭ ساتتەرىنەن ءلاززات ال. ءدال وسى قاعيدامدى ماڭىزدى دەپ ەسەپتەيمىن، سەبەبى ءومىر ەرتەڭ قانداي توسىن سي اكەلەتىنىن بىلمەيسىڭ، سوندىقتان ءدال قازىرگى ساتىڭنەن راحات الۋىڭ كەرەك.

00.jpg
00.jpg
00.jpg
00.jpg
00.jpg