سانگەر جىگىت سەرجان باعدات ۇلى
0
2019-07-25 19:15:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :



    2018-جىلى 10–ايدىڭ سوڭىندا، حىنان ولكەسىنىڭ كايفىڭ قالاسىندا وتكىزىلگەن «2018-جىلعى جۇڭگو شولپان سانگەرلەرىنىڭ اعا جۇلدەگەرلىك باسەكەسى»نىڭ مەملەكەتتىك جالپى شەشۋشى جارىسىندا مەملەكەتتىڭ ءارقايسى جارىس رايونىنان بارعان 60 عا جۋىق شاباندوز  2018-جىلعى جۇڭگو شولپان سانگەرىنىڭ اعا جۇلدەگەرلىگىنە تالاستى، شينجياڭ جارىس رايونىنان بارعان سەرجان اتتى قازاق ازاماتى وسى جارىستىڭ ەرلەر گرۋپپاسىنىڭ اعا جۇلدەگەرى بولىپ، بۇكىل ەلدىڭ جەر-جەرىنەن بارعان سانگەرلەردىڭ ىشىنەن كوزگە ءتۇسىپ، ماراپاتتالىپ، ساحىنا تورىنەن كورىنەدى. 


    قىر مۇرىندى، اققۇبا ءوڭدى، بويىcm 191 كەلەتىن سەرجاننىڭ الپەتى ونى كوپ ىشىنەن ەرەكشەلەپ، كەلبەتتى كورسەتكەن-دى. وسىنداي بوي-تۇرقىنداعى ساندىلىگى مەن ونىڭ سانگەرلىك جاعىنداعى تالانتى سەرجاندى باسىمدىلىق ناتيجەمەن جارىستا جەڭىپ شىعۋىنا مۇمكىندىك تۋدىردى. 


    سەرجاندى سانگەرلىك جولىنا باستاۋعا ونىڭ بۇرىننان دەنە ماشىعىن جالعاستىرىپ كەلگەن ادەتى، سونداي-اق ونىڭ ساندىلىككە دەن قويۋى سەبەپ بولعان-دى. ءۇرىمجى اۋدانىنىڭ تۇلەگى سەرجان باعدات ۇلى جوعارى مەكتەپتى شينجياڭ وفيتسەرلەر شۋەيانىنان تاۋىسقان كەيىن، ۋحان قالاسىنا بارىپ، ارناۋلى تاربيەلەۋ كلاسىندا دەنە-تاربيە ماشىعىنىڭ نازاريالىق جانە امالياتتىق بىلىمدەرىن وقىپ، كاسىپتىك ورەدەگى دەنە ماشىعىنىڭ جاتتىقتىرۋشى بولىپ جۇمىس ىستەيدى. ءدال وسى كەزدەن باستاپ، سەرجان دەنە تۇلعا مەن وبرازدى جاقسى ساقتاۋدىڭ ادام تۇرمىسى مەن دەنساۋلىعىنا بولعان ماڭىزدىلعىن جەتە تانىعان ەدى. 


    ۇزاق جىلداردان بەرى، كۇنىنە بىردە ەكى ساعات كۇش ماشىعىن جاساۋ ونىڭ كۇندەلىكتى ىستەۋگە ءتيىستى ادەتى بولىپ قالىپتاسقان. ماشىق كلۋبىنداعى جاي كۇندەردىڭ بىرىندە، باسقالاردىڭ ۇسىنىسىمەن سەرجان 2018-جىلعى مەملەكەتتىك سانگەرلەر جارىسىنا قاتىناسۋ بەكىمىن جاسايدى، وسىلايشا سەرجان مەملەكەتتىك سانگەرلەر باسەكەسىنىڭ شينجياڭ جارىس رايونىنداعى جارىسقا تىزىمدەلەدى. ءتۇرلى جارىس كەزەڭدەرىنەن سۇرىنبەي الدا جۇرگەن سەرجان باعدات ۇلى 2018-جىلعى جۇڭگو شولپان سانگەرلەر باسەكەسىنىڭ شينجياڭ جارىس رايونىنداعى جارىستا اعا جۇلدەگەرلىكتى قانجىعاسىنا بايلايدى. 


    سەرجان: جارىستان كەيىن، تۇرمىسىمدا زور وزگەرىستەر بولدى، سەنىمگە يە بولدىم، اسىرەسە بۇدان بىلايعى ماشىقتى تاباندىلىقپەن جالعاسترۋمەن قاتار تۇرمىستاعى ءجۇرىس-تۇرىسما، كيىم كيۋگە، سىرتقى وبرازىما كوپ دەن قويا باستادىم، بۇل دا بولسا، تۇرمىسقا ۇستانعان بەلسەندى، اقاۋسىز پوزيتسيا دەپ تانيمىن،-دەيدى. 


    بۇگىنگى كۇنى سەرجان ماشىعىن جالعاستىرۋمەن بىرگە، شينجياڭ سانگەرلەر قوعامىنىڭ مۇشەسى بولىپ، شينجياڭداعىءتۇرلى جاسوسپىرىمدەر دەڭگەيىندەگى سانگەرلەر جارىسىنىڭ باعالاۋشىلىق جۇمىستارىن دا قاتار الىپ ءجۇردى. الدا سەرجان «سانگەر تاربيەلەۋ تەكشەسىن» قۇرىپ، سانگەرلىك اۋەسى بار جاستاردىڭ ۇلكەن ساحىنالاردان كورىنۋىنە مۇمكىندىكتەر تۋدىرسام دەگەن تىلەگى مەن ويلارىن جەتكىزدى.

 

 

00.jpg
00.jpg
00.jpg
00.jpg
00.jpg