ءسىز «كەشكى جۇرگىنشىلەردىڭ» قاي تۇرىنە كىرەسىز
0
2019-08-08 14:58:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

  

 

  جۋىردا، بەيجيڭ، شاڭحاي، جينان، تيانجين سياقتى قالالار جولعا قويعان جاڭا ءبىر كەزەكتى تۇتىنۋشىلار ساياساتىندا، «كەشكى ەكونوميكا» دەگەن اتاۋ جۇرتتىڭ نازارىن اۋداردى. 

    كەشكى بازاردى «جانداندىرعان» كەشكى تۇتىنۋدىڭ ارتىنا ارينە «تۇنگى جۇرگىنشىلەر» دەگەن ۇعىم جاسىرىنعان. قازىرگى كۇندە «كۇندىز ارىپتالاسىپ قىزمەت ىستەپ، كەشكە قاراي اقشا جۇمساۋعا وتەتىن» تۇتىنۋشىلار جارىققا شىقتى، بۇلاردىڭ قاتارىندا ارينە، كەشكى بازاردىڭ اس-سۋىن ازىرلەۋشىلەر، كوڭىل اشۋ ورىن قىزمەتكەرلەرى، كينوحانا قىزمەتكەرلەرى، تاماق جەتكىزۋشىلەر ت.ب لار بار. وندا ءسىز قايسى تۇردەگى «تۇنگى جۇرگىنشىلەر» قاتارىنا جاتاسىز؟ 

    «كەشكى ەكونوميكا» نىڭ جەبەۋشىلەرى «تۇنگى جۇرگىنشىلەر» 

    تاڭعا جاقىن، گانسۋلىق تاماق جەتكىزۋشى ازامات شياۋگۋان بەيجيڭدەگى ماحۋا ءدامحاناسىنان ءبىر كەسە سيىر ەتى كەسپەسىن الا سالىپ، حاريداردىڭ ۇيىنە قاراي شاپتى. ءتۇن ورتاسىنان اۋعان شاق بولسا دا، شياۋگۋان ساعات نولدەن ەكىگە دەيىن ون نەشە رەت تاماق جەتكىزىپ بولدى. 

    -قالانىڭ كەشكى تۇرمىسى بارعان سايىن جاندانىپ، مەنىڭ قىزمەتىم دە قاربالاستىقپەن ءوتىپ كەلەدى،-دەيدى ول. ونىڭ قاراۋىنشا ءوزى دە «تۇنگى جۇرگىنشىلەر» قاتارىنا جاتادى، كەش باتا تەلەفونىنا تاپسىرىس كەلەدى، ەلەكترلى تەمىراتىنا قونىپ، ءتۇن بويى جۇمىس ىستەيدى. 

    حاڭجوۋلىق ۋاڭ فاميليالى بويجەتكەننىڭ قاراۋىنشا، «تۇنگى جۇرگىنشىلەر» دەگەنىمىز «كۇندىز ارىپتالاسىپ قىزمەت ىستەپ، كەشكە قاراي اقشا جۇمساۋعا وتەتىن» توپ ەكەن. بالا كۇنىندە اكە-شەشەسىنە ەرىپ ۋ-شان كەشكى بازارىنا بارىپ ءبىر اينالىپ كەلەتىن بولسا، قازىر تاڭدى تاڭعا جالعاپ، ساۋدا جاسايتىن تۇنگى كلوب، كوڭىل اشۋ ورىندارى، ەرەن بازارلار بارعان سايىن كوبەيگەن، ءوزى دە قالانىڭ مۇنداي كۇننەن-كۇنگە كەمەلدەنىپ كەلە جاتقان دىر-دۋىنا ابدەن ۇيرەنىپ، باۋىر باسىپ العانداي. 

    جۋىردان بەرى، بەيجيڭ، شاڭحاي، جينان، تيانجين سىندى ءىرى قالالار كەشكى ەكونوميكانى قولداۋ جانە دامىتۋ جونىندە ءتۇرلى شارالاردى جولعا قويدى. ماسەلەن، بەيجيڭدەگى چيانمىن، داپىڭلان، سانليتۇن قاتارلى جەرلەر «كەشكى قالا» قۇرۋدى قولعا السا، جينان قالاسى حۋچىڭحى دارياسى جانە داميڭحۋ كولىندە كەشكى قايىق ويىن نىساندارىن اتقارا باستادى؛ شاڭحاي قالاسى تەاتر، مۋزيكا كەشى، ءان-ءبي تەاترى سياقتى كەشكى مادەنيەت كوركەمونەرلەرىن جولعا قويدى. 

    دۋماندى «كەشكى ەكونوميكا» ءۇردىسى «تۇنگى جۇرگىنشىلەر» دى جارىققا شىعاردى، ولاردىڭ اراسىندا تۇندە تۇتىناتىندار دا، قىزمەت وتەۋشىلەر دە، تيجاراتشىلار دا بار. مەيلى تۇتىنۋشىلار بولسىن، الدە قىزمەت وتەۋشىلەر بولسىن، ولار ەلىمىزدەگى ومىرشەڭدىك كۇشكە تولى تۇتىنۋ بازارىن جاراتۋشىلار،-دەيدى جىجياڭ ونەركاسىپ ـ ساۋدا داشۋەسى ساياحات شۋەيۋانىنىڭ جانە جىجياڭ ولكەلىك ساياحات عىلىمىن زەرتتەۋ ورنىنىڭ باستىعى تاڭ جيان. 

    «كەشكى ەكونوميكا» عا نازار سالعاندا 

    كەشكى ساعات التى جارىمنان اسا بەرە، حاڭجوۋ باتىس كولىنىڭ جاعالاۋىنداعى ساۋدا كوشەسىنە ورنالاسقان، حاڭجوۋدىڭ ءتۇيىندى «كەشكى ەكونوميكا» ساۋدا بازارىندا ادامدار قايشالىسىپ ءجۇر. وسى كەشكى بازاردىڭ ورىنباسار ديرەكتورى حۋ شۋچاڭنىڭ تانىستىرۋىنشا، ساۋدا بازارىنىڭ 2018-جىلى ساتىلىمى 450 ميلليون يۋان بولعان، تۇتىنۋشىلار مولشەرى 60 ميلليون ادام رەتكە جەتكەن. مۇنىڭ كوپ ساندىسى «كەشكى ەكونوميكانىڭ» ارقاسى. 

    ءتىلشى بەيجيڭ قالاسىنداعى 10 ءتۇرلى تۇنگى ءدامحانا وزگەشە اس-سۋ كوشەسىنىڭ ءبىرى بولعان حىشىڭحۇيعا بارعاندا، ساۋدا سارايىنىڭ جەر استىنداعى ءبىرىنشى جانە ەكىنشى قاباتى تۇگەلدەي «تۇنگى ءدامحانا» جانە كەشكى تۇتىنۋشىلارعا ارنالعان كوڭىل اشۋ ورىندارى ەكەنىن كورگەن. باتىستىڭ تاعامدارىن قۇشىرلانا جەپ، سۋسىن ءىشىپ وتىرعانداردى، قاقتاعان بالىق، قۋىرماشتاردى الدارىنا قويىپ، شۇيىركەلەسىپ وتىرعانداردى كوپتەپ كەزدەستىرۋگە بولادى. 

    7-ايدىڭ 27-كۇنى، بەيجيڭ حىشىڭحۇي ساۋدا بازارى كورىنىسى 

    اليبابا توبى جۋىردا جاريالاعان «اليبابا <كەشكى ەكونوميكا> مالىمەتىندە» بىلاي دەلىنگەن: ءتۇن پەردەسى تۇسە بەرە، زات ساتىپ الۋدىڭ قاربالاستىعى باستالادى، ساعات 21 دەن 22 گە دەيىن تاۋباۋدىڭ ساۋدا-ساتتىق ەڭ قاربالاس كەزى بولسا، 21 دەن كەيىن، سىرتتان تاماق الدىرىپ جەيتىندەردىڭ سانى شۇعىل ارتادى؛ كەشكى مادەنيەت تۇتىنۋ جاعدايى دا قاۋىرت ارتادى، ساعات 19 دان 21 گە دەيىنگى ارالىقتا ويىن، تەاتر كورۋ بەيجيڭ، شاڭحاي، تيانجين، چىڭدۋ، حاڭجوۋ قاتارلى مادەنيەت نەگىزدىك قۇرىلىعى-قۇرىلىستارى دامىعان قالالاردا ءتىپتى جاندانعان. 

    «كەشكى ەكونوميكانى» قالاي جانداندىرۋ كەرەك؟ 


    «الەۋمەتتىك قاتىناستىڭ كەمەلدەنبەۋى»، «كەشكە جاقىن دالادا ءجۇرۋ حاۋىپتى بولۋ»، «تۇرعىندار اۋلاسىنىڭ ماڭىندا قاتىستى قۇرىلعىلار بولماۋ»...مىنە بۇلار، كەشكى تۇتىنۋشىلاردى باي مازمۇندى قيمىلمەن، كەشكى قىزمەت وتەۋشىلەردى ءتۇرلى كەپىلدىكپەن قامداۋدا بولسىن، «كەشكى ەكونوميكانى» دامىتۋ بارىسىندا تۇبەگەيلى شەشۋگە ءتيىستى ماسەلەلەر. تاڭ دايجيان بىلاي دەيدى:«كەشكى ەكونوميكانىڭ ومىرشەڭدىك كۇشىن جانداندىرۋ ٷشىن، قالا اماندىعىن باسقارۋ ورەسىن جوعارىلاتۋعا، قاتىستى قۇرىلعى-قۇرىلىستاردى كەمەلدەندىرۋگە، ساپالى قىزمەت وتەۋدى كۇشەيتۋگە تۋرا كەلەدى». 

    مەملەكەتتىك ساناق مەكەمەسى جۋىردا جاريالاعان ساندىق مالىمەتىندە، بيىلعى وتكەن جارىم جىلدا تۇتىنۋدىڭ ەكونوميكانىڭ ارتۋىنا قوسقان ۇلەسى 60 پايىزدان جوعارى بولعان. «كەشكى ەكونوميكا»، تۇتىنۋشىلار شوعىرىنداعى جاڭا ءبىر ارتۋ ءتۇيىنى بولىپ وتىر. كوپ ساندى ماماندار بىلاي دەيدى:«كەشكى ەكونوميكانى دامىتۋ تەك ەكونوميكالىق ماسەلە عانا ەمەس، تۇبىرىنەن جونگە سالۋ جانە باسقارۋ ماسەلەسى». 

    -قالانىڭ كەشكى تۇرمىسى تەك ءىشىپ-جەۋ عانا ەمەس،-دەيدى بەيجيڭ حالىق كوركەمونەر تەاترىنىڭ ارتيسى پۋ سۇنشىن تىلشىگە،-قازىر كوپ ساندى ادامدار كەشكە قاراي تەاترگە ات باسىن بۇراتىن بولدى، سارا تۋىندى، تاماشا ويىن نومىرلەرىن تىرلىكتەرىنىڭ ارقاۋى ەتۋگە اسا پەيىلدى. قالانىڭ كەشكى تۇرمىسىنىڭ ءتۇرى كوپ، مازمۇنى باي دەسەك تە، مادەنيەت ارقىلى ارلەندىرۋ قالانىڭ كەشكى تۇرمىسىن ساپالاندىرا تۇسەدى. 

    جۇڭگو ساۋدانى جەبەۋ قوعامى زەرتتەۋ اكادەمياسى حالىقارالىق ساۋدانى زەرتتەۋ ورنىنىڭ جاۋاپتىسى جاۋ پيڭ بىلاي دەيدى:


-«كۇندىزگى ەكونوميكا» نىڭ جالعاسى «كەشكى ەكونوميكا»، بۇل ەكەۋى ءوزارا قابىسۋى ءتيىس، بۇقارانى «كەشكى ەكونوميكا» قيمىلى ارقىلى كوڭىلدەرىن كوتەرىپ، تۇرمىستارىن ارلەندىرۋگە شابىتتاندىرۋ كەرەك.


جاۋ پيڭ جانە، «كەشكى ەكونوميكانى» دامىتۋدا جاقسى جوسپارلاپ، ەكونوميكا جالپى مولشەرىن دۇرىس مەجەلەپ، بازاردى باعامداپ، جاڭا كاسىپتەردىڭ قاعىس قالماۋىنا باسا نازار اۋدارۋدى ۇسىنىس ەتەدى.

00.jpg
00.jpg
企业微信截图_20190806172935.jpg
middle_17f6a6a8a08661d7f0486835f5c3e41a.jpg
01.jpg