اۋىل-قىستاقتارداعى ەسكى سالت-سانا قالاي وزگەرتىلگەنى ٴجون؟
0
2019-08-09 11:00:00
|
كەلۋقاينارى:
|
جاۋاپتى رەداكتور :

 

    كۇن سۋىتقان كەزدە، ەكى كىرپى جاقىنداپ ٴبىرىن-ٴبىرى جىلىتپاقشى بولعان. ەكەۋى ٴبىر-بىرىنە وتە جاقىنداسسا، قارسى جاعىنا تىكەنى قادالادى؛ وتە الىس بولسا، جىلىنا المايدى. «كىرپى قاعيداسى» -ادامگەرشىلىك قارىم-قاتىناستى قالاي مەڭگەرۋ دەگەن ماعىنانى بەرەدى. اۋىل-قىستاقتىڭ ەسكىلىكتى سالت-ساناسن وزگەرتۋ قىزمەتىندە، اۋىل-قالاشىق بيلىگى مەن نەگىزگى ساتى ومىرشەڭدىگى ٴدال وسى «ەكى كىرپىگە» ۇقساڭقىراپ قالادى.

 

جۇرت ەسكىلىكتى سالتتان ايتىپ تاۋىسقىسىز ازاپ شەككەنىمەن، ٴبىراق قۇتىلا المادى

 

ادامگەرشىلىك قارىم-قاتىناسقا ساياتىن ٴتۇرلى اۋىل سالتى، بۇرىن كورشى-قولاڭدارمەن ىنتىماقتاسۋ، جۇرت تىلەگىن توعىستىرۋ، ٴوزارا كومەكتەسىپ، تەڭ يگىلىككە كەنەلۋدەي ماڭىزدى رول اتقارعان. الايدا، جاقىنعى جىلداردان بەرى ٴىشىنارا اۋىل-قىستاقتارداعى سالت-ساناعا بايلىعىن كورسەتۋ، قارا تالاسۋ سياقتى فاكتورلار قوسانجارلانعان ٴارى بىرتە-بىرتە ەلەۋلىسىنىڭ ورنىن ەلەۋسىزى باسىپ، بۇرىس سالتتار بارعان سايىن ورشىگەن.

 

مەرەكە-مەيرامدا تورسىلداق اتۋدا كىمنىڭ كوپ، قىمبات تورسىلداق اتقانىنا قاراۋ؛ قوناعاسى شاقىرعاندا سەن 20 ۇستەل جايساڭ، مەن 30 ۇستەل جايامىن، سەن قوي سويساڭ، مەن ٴىرى قارا سويامىن دەپ باستەسۋ؛ نەشە جىلدىڭ الدىندا، تويلىق 50 يۋاننان باستاپ بەرىلەتىن، ال قازىر كىم 50 يۋان تويلىق السا بۇكىل اۋىلدىڭ مازاعىنا قالعان؛ ٴىشنارا جەرلەردە، كەلىنشەك العان سوڭ «تاقىر كەدەيگە» اينالۋ، قىز ۇزاتىپ «باي كەمپىرگە» اينالۋداي عاجايىپ ىستەر ارت-ارتىنان تۋىلدى. توي ىستەرىندە باستەسىپ بولعان سوڭ ٴولىم ىستەرىندە دە قارا تالاسىپ، جۇڭگو مەن باتىستىڭ وركەستىرىن ۇسىنىس ەتۋ، ارۋلار ٴبيى، ٴان-ٴبي جارىسىن وتكىزۋ؛ ساۋلەتتى قابىر سالىپ، اۋەلى ٴتىرى ادامعا قابىر سالۋ…

 

«بەرگەنگە تۇرمايدى، پەيىلگە تۇرادى» دەگەندەي، بەرگەنىن قايتارىپ الۋ ٴۇشىن، كەيبىر قىستاق تۇرعىندارى ٴتۇرلى سەبەپ ىزدەپ قوناعاسى شاقىرىپ، توي-تومالاق كوبەيگەن ٴتيىمسىز جاعداي تۋىلعان. اۋىل شارۋاشىلىعى جانە اۋىل-قىستاق مينيسترلىگىنىڭ قىستاقتا تۇرىپ تەكسەرۋىندە كورسەتىلۋىنشە، توي-تومالاق، ٴولىم-ٴجىتىم شىعىمى ەمدەلۋ شىعىمىنان اسىپ، ازىق-تۇلىكتەن قالسا شارۋالار تۇتىناتىن ەكىنشى شىعىمىنا اينالعان. ناشار سالتتاردىڭ كوبەيۋىنەن بۇقارالار ايتىپ تاۋىسقىسىز ازاپ ارقالاپ، ٴبىراق ودان قاشىپ قۇتىلا الماعان.

 

حۋبي ولكەسى فاڭشيان اۋدانى چيڭفىڭ قالاشىعى چيڭفىڭجيە قىستاعىنىڭ تۇرعىنى ليۋ شانيىڭ وتباسىنا ساقتاپ قويعان بۇرىنعى جىلدارداعى تويلىق الۋ ٴتىزىمىن كورسەتتى، تويلىقتىڭ ارتۋى ونىڭ وتباسىنا اۋىر ەكونوميكالىق جۇك تۋدىرعان.

 

بيلىكتىڭ تىم ىشكەرلەي ارالاسۋىنىڭ كەرى اسەرى دە بار

 

مۇنداي جاعدايدا اۋىل-قالاشىق ۇكىمەتتىڭ ارالاسۋىنىڭ وزىندىك قاجەتتىلىگى بار. قاعيدا-ٴتارتىپ ورناتۋ ارقىلى پارتيالى كادرلاردان باستاماشى بولۋدى تالاپ ەتىپ، سيلاۋ-جازالاۋ شارالارىن ايقىنداپ، ٴبىر مەزەت كۇشتى جونگە سالعاننان كەيىن، ناتيجەسى شىنىندا كورنەكتى بولىپ، ناشار سالتتار ازايىپ، بۇقارانىڭ اۋىرتپالىعى جەڭىلدەدى.

 

الايدا، ٴدال «كىرپى قاعيداسى» سياقتى بيلىكتىڭ تىم ىشكەرلەي ارالاسۋى كەرى اسەر دە تۋدىردى.

 

كەيبىر جەرگىلىكتى ۇكىمەتتەر دورەكەلىكپەن ارالاسىپ، «ٴبىر شىبىقپەن ايداۋ» ٴتاسىلىن قولدانىپ، بەلگىلەمەگە قايشى قوناعاسى بەرگەن قىستاق تۇرعىندارىنىڭ ەڭ تومەنگى تۇرمىستى قامتاماسىزداندىرۋ، كۇتىم قوسىمشا قاراجاتى سياقتىلاردى كۇشىنەن قالدىرعان، ٴتىپتى «ماتاستىرىپ»، «ٴبىر وتباسى بەلگىلەمەگە قايشىلىق جاساسا، تۇتاس قىستاقتى جازالاعان.»

 

مۇنداي قىزمەت ٴتاسىلىن قولدانۋدا، «پوزيتسيا» مەن «ولشەمدە » ماسەلە بار. ونان دا ماڭىزدىسى، جەرگىلىكتى ۇكىمەت اكىمشىلىك بۇيرىق پەن الەۋمەتتىك بايلىقتى باسقارۋدى ىسكە قوسسا، قىسقا مەرزىم ىشىندە ناتيجەسى كورنەكتى بولۋى مۇمكىن، ٴبىراق حالىق بۇقاراسىنىڭ ومىرشەڭدىگىن قوزعاماي تۇرىپ، باياندى جونگە سالۋ مەحانيزمىن قالىپتاستىرۋ قيىن.

 

وسىنداي ۇلگىدە، ٴمۇبادا، جوعارى دارەجەلى ۇكىمەتتىڭ باسقارۋ تەبىنى السىرەپ، قىزمەت ٴتۇيىنى جاڭالانسا، بۇل قىزمەت بىرتىندەپ توقتاپ، ناشار سالتتار قايتا ٴوربۋى مۇمكىن. بۇل ٴتۇيىن اماليات بارىسىندا ۇزدىكسىز دالەلدەنىپ وتىر.

 

اۋىل-قالاشىق بيلىگى مەن نەگىزگى ساتى ومىرشەڭدىگىنىڭ قاتىناسى مىنە وسىنداي كۇردەلى. الدىڭعىسى كۇشتى بولسا، كەيىنگىسىن تەجەي الادى؛ الدىڭعىسى بارلىعىن ۇستىنە السا، سوڭعىسىنىڭ ومىرشەڭدىگىن قوزعاي المايدى.

 

اۋىل-قىستاقتاردى ىشكى جاقتاعى ولقىلىقتاردى تۇزەتۋ مەحانيزىمىن ورناتۋعا جەتەكتەۋ

 

«ٴبىر جولاتا تيىم سالۋ»، «ٴبىر جولاتا قويا بەرۋدىڭ» بارلىعى دا بۇنىڭ تۋرا جاۋابى ەمەس.

 

پارتيا 19-قۇرىلتايىنىڭ بايانداماسىندا اۋىل-قىستاق نەگىزگى ساتىلارىنىڭ نەگىزدىك قىزمەتىن كۇشەيتىپ، ٴوزىن ٴوزى باسقارۋ، زاڭمەن جونگە سالۋ، مورالمەن جونگە سالۋ ۇشتاستىرىلعان اۋىل-قىستاق باسقارۋ جۇيەسىن اقاۋسىزداندىرۋ ورتاعا قويىلدى. تاياۋدا ج ك پ ورتالىق كوميتەتى كەڭسەسى، مەملەكەتتىك كەڭەس كەڭسەسى باسىپ تاراتقان «اۋىل-قىستاقتى جونگە سالۋدى كۇشەيتۋ جانە جاقسارتۋ جونىندەگى جەتەكشى پىكىردە» مىنالار العا قويىلدى: ٴوزىن ٴوزى باسقارۋ ارقىلى ومىرشەڭدىك كۇشتى ارتتىرۋ، زاڭمەن جونگە سالۋ ارقىلى قامتاماسىزداندىرۋدى كۇشەيتۋ، مورالمەن جونگە سالۋ ارقىلى تۋراشىلدىقتى ايگىلەۋ، پارتيا ۇيىمى باسشىلىعىنداعى ٴوزىن ٴوزى باسقارۋ، زاڭمەن جونگە سالۋ، مورالمەن جونگە سالۋ ٴوزارا ۇشتاستىرىلعان اۋىل-قىستاقتى جونگە سالۋ جۇيەسىن اقاۋسىزداندىرۋ، بىرگە قۇرۋ، بىرگە جونگە سالۋ، تەڭ يگىلىكتەنەتىن قوعامدىق جونگە سالۋ جۇيەسىن ورناتىپ، جۇڭگوشا سوتسياليستىك اۋىل-قىستاقتى ويداعىداي جونگە سالۋ جولىمەن ٴجۇرۋ كەرەك.

 

ٴداۋىر اۋىل-قىستاقتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ۇندەدى، ٴبارىن ۇستىنە الۋعا بولمايدى، باسقارۋعا، قويا بەرۋگە تيىستىلەرىن، ٴسوز جوق، ايقىنداپ، قالاي باسقارۋدى، قالاي قويا بەرۋدى ۇعىنىپ، نەگىزگى ساتىنىڭ ومىرشەڭدىك قۋاتىن ۇزدىكسىز كۇشەيتۋگە تاباندى بولۋ كەرەك.

 

ەكى كىرپىنىڭ قاتىناسىنا قايتا ورالايىق. اۋىل-قىستاقتىڭ ىشكى ٴتارتىپ قۋاتى تومەندەگەن جەرلەر اكىمشىلىك ۇقىقتى دەركەزىندە، ٴدال، پارمەندى جۇرگىزۋى ٴتيىس. بۇل قاجەتتى قادام، الايدا، ەڭ ابزالى قىستاق تۇرعىندارىنىڭ ٴوزىن ٴوزى باسقارۋىمەن ۇزدىكسىز ىقپالداستىق قالىپتاستىرىپ، اۋىل-قىستاقتىڭ ىشكى ٴتارتىبىن قالىپتاستىرۋدى ماقسات ەتە وتىرىپ، ٴوزىن ٴوزى باسقارۋ، زاڭمەن باسقارۋ جانە مورالمەن باسقارۋدىڭ ٴوزارا ۇشتاسۋىن جەبەۋ كەرەك.

 

مەيلى ەسكىلىكتى سالت-سانانى وزگەرتۋ، الدە تۇتاس اۋىل-قىستاقتى ويداعىداي جونگە سالۋ بولسىن، قىستاق تۇرعىندارىنىڭ وزىنە ٴوزى قوجا بولۋى مەن جاسامپازدىعىن تولىق ساۋلەلەندىرىپ، اۋىل-قىستاقتى ىشكى جاقتاعى ولقىلىقتى تۇزەتۋ مەحانيزمىن ورناتۋعا جەتەكتەپ، قىستاق تۇرعىندارىن سانالىلىققا تالپىنۋعا ىنتالاندىرۋ ەشتەمەمەن جۇمىسى بولمايتىن، ٴبارىن ۇستىنە المايتىن ۇكىمەتتىك باسقارۋمەن سالىستىرعاندا ٴونىمدى بولادى.


00.jpg
2f7e-iaxiufn7537717.jpg
企业微信截图_20190808170156.jpg
00.jpg
00.jpg