ورتالىق كەلەشەگىمىزگە ساياتىن كەرەمەت ساياساتتار شىعاردى
0
2019-08-13 08:24:00
|
كەلۋقاينارى:Kazakcnr
|
جاۋاپتى رەداكتور :Dawil

2019- جىلدىڭ جارىمى اتتاي جەلىپ وتە شىقتى. ال وقۋ- ءبىلىم الۋ جولىنداعى وزگەرىستەردى بىلە الدىڭىزدارما؟ بيلعى «ۇكىمەت بايانداماسىندا» بىلاي دەپ اتاپ كورسەتىلدى: « قۇندى قارجىدان شىن مانىندە ويداعىداي پايدالانىپ، حالىق رازى بولاتىن وقۋ- اعارتۋدى ويداعىداي جۇرگىزۋگە كۇش سالىپ، بولاشاقتىق ءۇمىتتى ارقالاۋ كەرەك». بيىل الدىڭعى جارىم جىلدا، مەملەكەتتىك كەڭەستىڭ كوپتەگەن تاراۋلارى مىندەتتى وقۋ- اعارتۋ، ورتا مەكتەپ وقۋ- اعارتۋى، كاسىپتىك وقۋ- اعارتۋ سياقتى جاقتارعا دا ۇلكەن شارالار قولداندى.


1. مىندەتتى وقۋ- اعارتۋعا كەدەرگىلىك جاساۋعا تيىم سالىنادى

 


وقۋ جاسىنداعى بالالاردىڭ، ورەندەردىڭ اكە- شەشەسى نەمەسە باسقا دا زاڭدىق قامقورشىلارى قامقورلىق مىندەتىن شىن مانىندە وتەۋ كەرەك. بالالار مەن ورەندەردى زاڭ بويىنشا مىندەتتى وقۋ- اعارتۋدى جۇزەگە اسىراتىن مەكتەپتەرگە جىبەرۋدەن نەمەسە اۋدان دارەجەلى وقۋ- اعارتۋ اكىمشىلىك تاراۋلارىنىڭ بەكىتۋىنەن وتكەن مىندەتتى وقۋ- اعارتۋدى وزدىگىنەن جۇزەگە اسىراتىن قاتىستى قوعامدىق ۇيىمداردان سىرتقى باسقا دا تاسىلدەرمەن مىندەتتى وقۋ- اعارتۋدى قابىلداۋعا، ۇيرەنۋگە ۇيىمداستىرۋعا بولمايدى.


وقۋ جاسىنداعى مۇگەدەك بالالار مەن ورەندەردى دەنساۋلىق سەبەبىنەن مەكتەپكە بارىپ مىندەتتى وقۋ- اعارتۋدى قابىلداي الماسا، اتا- انالاردىڭ نەمەسە باسقا دا زاڭدىق قامقورشىلاردىڭ مىندەتتى وقۋ- اعارتۋدى قابىلداۋ- قابىلداماۋىن ءوز بەتىمەن ناقتىلى ءتاسىلدى بەلگىلەۋىنە بولمايدى. سول جەردەگى وقۋ- اعارتۋ اكىمشىلىك تاراۋلارىنا ءوتىنىش بەرۋلەرى كەرەك.


مەكتەپ سىرتىنداعى تاربيەلەۋ قۇرىلىمدارى مىندەتتى وقۋ- اعارتۋ باسقىشىنداعى وقۋ جاسىنداعى بالالار مەن ورەندەردى زاڭعا قايشى قابىلداپ، مىندەتتى وقۋ- اعارتۋدى جۇزەگە اسىرۋدىڭ ورنىن باستىرۋعا بولمايدى. وقۋشى قابىلداۋ جونىندەگى جالعان ەرەجەلەردى نەمەسە جارنامالاردى جاريالاۋعا، اتا- انالاردىڭ وقۋ جاسىنداعى بالالاردى، ورەندەردى كۋرستان وتكىزۋ قۇرىلىمدارىنا جىبەرىپ، مىندەتتى وقۋ- اعارتۋدىڭ ورنىن باستىرىپ شىرعالاۋعا بولمايدى.


2. ورتا، باستاۋىش مەكتەپ وقۋشىلارىنىڭ اۋىرتپالىعىن جەڭىلدەتۋ كەرەك


تاپسىرما:


باستاۋىش مەكتەپتىڭ 1-، 2- جىلدىعىنا وتباسى جازباشا تاپسىرماسى ورنالاستىرىلمايدى. 3- جىلدىقتان 6- جىلدىققا دەيىنگى وتباسى تاپسىرماسى 60 مينۋدتان، ورتالاۋ مەكتەپتىڭ وتباسى تاپسىرماسى 90 مينۋدتان اسپاۋى كەرەك.


ەمتيقان:


باستاۋىش مەكتەپتىڭ 1-، 2- جىلدىعىنىڭ ءار وقۋ ماۋسىمىندا مەكتەپ ءبىر رەت ءبىر تۇتاس ەمتيحان الادى. باسقا جىلدىقتار ءار وقۋ ماۋسىمىندا، ءبىر تۇتاس ەمتيحاندى ەكى رەتتەن اسىرمايدى.


ساباقتان سىرتقى تۇرمىس


بالانى ءار كۇنى سىرتقا شىنعۋعا ورنالاستىرىپ، بالالاردى ءتۇرلى فورماداعى دەنە- تاربيە قيمىلدارىنا قاتىناسۋىنا دەم بەرىپ، قولداۋ كورسەتىپ، 1 دە 2 ءتۇرلى دەنە- تاربيە اۋەسكەرلەرىن جەتىلدىرەدى.


بالالاردىڭ ۇيقىسى تۋرالى


باستاۋىش مەكتەپ وقۋشىلارىنىڭ ءار كۇنگى ۇيىقتاۋ ۋاقىتى 10 ساعاتتان، ورتالاۋ مەكتەپ وقۋشىلارىنىڭ ءار كۇنگى ۇيىقتاۋ ۋاقىتى 9 ساعاتتان، تولىق ورتا مەكتەپ ساتىسىنداعى وقۋشىلاردىڭ ءار كۇنگى ۇيىقتاۋ ۋاقىتى 8 ساعاتتان كەم بولماۋى كەرەك.

3. ورتا مەكتەپ تۇرمىسىندا جاڭا وزگەرىستەر بولادى


جاڭا ساباق، جاڭا وقۋلىق


ادەتتەگى ورتا مەكتەپتەردىڭ جاڭا ساباقتارىن اتقارۋ جوباسى جاسالىپ، 2022- جىلدان بۇرىن، جاڭا ساباقتار جاپپاي اتقارىلىپ، جاڭا وقۋلىقتار پايدانىلادى.


جالپىعا بىردەي قىزمەت وتەۋدى جەبەۋ


ادەتتەگى ورتا مەكتەپتەر مەن ورتا دارەجەلى كاسىپتىك مەكتەپتەردىڭ ساباعىن ءوزارا تالداۋىنا، وقۋ ءنومىرىن ءوزارا تانىپ- بىلۋىنە، بايلىق قاينارىن ءوزارا اۋىستىرۋىنا دەم بەرىلەدى.


ساباق تالداۋدى العا ىلگەرلەتۋ


مەكتەپتەردىڭ ساباق تالداۋىنا جەتەكشىلىك ەتىپ، ساباق ورنالاستىرۋ ينفورماتسياسىن باسقارۋ جۇيەسىن اشىپ، كلاس ورنالاستىرۋ، وقۋشىلاردى باسقارۋ، وقىتۋشىلاردى ورنالاستىرۋ، وقىتۋ قۇرىلعىلارىن ورنالاستىرۋ سياقتى جاقتارداعى ءبىر تۇتاس جوسپارلاۋ تەبىنىن ارتتىرۋ كەرەك.


وقىتۋدى باسقارۋدى ساپالىلاندىرۋ


ساباق ولشەمىنەن اسىرىپ وقىتۋعا، وقىتۋ قارقىنى مەن ساباقتى مەرزىمىنەن بۇرىن اياقتاتۋعا قاتاڭ تيىم سالىنادى. اقىلى ساباق تولىقتاۋعا قاتاڭ تيىم سالىنادى. وقۋشىلاردىڭ ساباعى وتە اۋىر بولۋ اۋىرتپالىعىن شىنايى جەڭىلدەتىلەدى.


4. جوعارى دارەجەلى قىزمەتكەرلەردەن ءبىر ميلليون ادام اسىرا قابىلدانادى!


وقۋشى قابىلداۋ كولەمىن كەڭەيتۋ


ساپالى، جوعارى كاسىپتىك مەكتەپتەر ءتۇيىندى تۇردە، وڭىرلىك ەكونوميكالىق قۇرىلىس شۇعىل قاجەت ەتىپ وتىرعان قوعامدىق، حالىق تۇرمىسى سالاسىنداعى تاپشى كاسىپتەرمەن جۇمىسقا ورنالاسۋ مولشەرى جوعارى كاسىپتەردەن وقۋشى قابىلداۋ، سونداي- اق، كەدەي رايوندار، اسىرەسە، ەرەكشە قيىنشىلعى بار رايوندار ءتۇيىن ەتىلەدى. قوسىننان شەگىنگەن اسكەريلەر، جۇمىستان بوساعان جۇمىسسىزدار، ديقان جۇمىسكەرلەر، جاڭا كاسىپتىك شارۋالار سياقتى بۇقارالىق توپتار جونىندە ايىرىم جوسپارلار جاسالادى.


كاسىپتەنۋ مامىلەسى


كاسىپتىك مەكتەپ بىتىرگەن وقۋشىلاردى نوپوسقا قوندىرۋ، جۇمىسقا ورنالاستىرۋ، ورگان، ءىسورىندارىنا قىزمەتكە قابىلداۋ، كاسىپتىك اتاقتى باعالاۋ، كاسىپتىك دارەجەگە ءوسىرۋ سياقتى جاقتاردا ادەتتەگى جوعارى مەكتەپ بىتىرگەن وقۋشىلارمەن ۇقساس مامىلەدەن يگىلىكتەنۋىن جەبەۋ كەرەك.


يگىلىك قوسىمشا قاراجاتى


قاتىستى وقۋ سيلىق اقشاسى، وقۋ قاراجاتىن كەمەيتۋ، وقۋ قاراجاتىن كەشىرىم ەتۋ سياقتى قارجىلاي كومەك بەرۋ ساياساتتارى كەمەلدەندىرىلەدى جانە تياناقتاندىرىلادى


5. كاسىپتىك وقۋ- اعارتۋعا مىناداي رەفورما جاسالادى!


2019- جىلدان باستاپ، 1+X كۋالىك ءتۇزىمىن تۇيىندە سىناق ەتىلەدى


كاسىپتىك مەكتەپتەردە، قولدانىلمالى تولىق كۋرس جوعارى مەكتەپتەرىندە «وقۋ تاريحى كۋالىگى + ءبىرقانشا كاسىپتىك ونەر دارەجە كۋالىگى» ءتۇزىمىن تۇيىندە سىناق ەتۋ جۇمىسى باستالادى.


كاسىپتىك وقۋ- اعارتۋدىڭ جەكە ۇيرەنۋ ەسەپ ءنومىرىن ورناتۋ جونىندە ىزدەنىس جاساپ، ۇيرەنۋ جەتىستىكتەرىن قۋزاستىرۋعا، تەكسەرىپ سۇراستىرۋعا، اۋىستىرۋعا بولادى.


جوعارى دارەجەلى كاسىپتىك مەكتەپتەردىڭ مەملەكەتتىك وقۋ سيلىق قاراجاتىنان يگىلىكتەنۋشىلەردىڭ سانى كوبەيتىلەدى.


ارناۋلى كۋرس وقۋشىلارىنىڭ مەملەكەتتىك وقۋ سيلىق اقشاسىنان يگىلىكتەنەتىن وقۋشىلار سانى 50 مىڭنان 60 مىڭعا كوبەيتىلەدى. ارتتىرىلعان سان تۇگەلدەي تولىق كۇندىك جوعارى كاسىپتىك مەكتەپتەردىڭ ۇزدىك وقۋشىلارىن ەرەكشە شابىتتاندىرىپ سيلاۋىنا پايدانىلادى. سيلىق ولشەمى ءار وقۋشىعا جىلىنا 8000 يۋان وقۋ سيلىق اقشاسى بەرىلەدى.


ورتا دارەجەلى كاسىپتىك وقۋ- اعارتۋعا مەملەكەتتىك وقۋ سيلىق اقشاسىن بەرۋ جۇزەگە اسىرىلادى


ورتا دارەجەلى كاسىپتىك وقۋ- اعارتۋعا مەملەكەتتىك وقۋ سيلىق اقشاسىن بەرۋ جۇزەگە اسىرىلىپ، ورتا دارەجەلى كاسىپتىك مەكتەپتەردىڭ (تەحنيك جۇمىسشىلار مەكتەبىن قامتيدى) تولىق كۇندىك مەكتەپتەگى وقۋشىلاردىڭ ىشىندەگى ەرەكشە ۇزدىك وقۋشىلارىن سيلاۋعا جۇمساۋ كەرەك. سيلىق بەرىلەتىن وقۋشى سانى جىلىنا 20 مىڭ وقۋشى بولىپ، سيلىق ولشەمى جىلىنا ءار وقۋشىعا 6000 يۋاننان وقۋ سيلىق اقشاسى بەرىلەدى.


حانزۋشادان اۋدارعان: قاليما بوقان قىزى (تورابىمىز ۇسىنىس ەتكەن ءتىلشى) 


00.jpg
00.jpg
00.jpg
00.jpg
21082014f239479798754a2c6964bb6c.png