قاساقانا مازالايتىن تەلەفون اپانىنا جاسىرىن جاسالعان تىلشىلىك
0
2019-08-13 08:34:00
|
كەلۋقاينارى:Kazakcnr
|
جاۋاپتى رەداكتور :Dawil


توۆار تانىستىرۋشى كۇنىنە 2000 ادامعا ادەيى مازالايتىن تەلەفون جالعايدى


تاياۋدا ءتىلشى «بەيجيڭ جۇڭباڭ فۋتۇڭ فينانستىق قىزمەت وتەۋ سەرىكتىگى» ( تومەندە قىسقارتىلىپ «جۇڭباڭ فينانسى» دەلىنەدى ) دەگەن ورىننىڭ بەتپە – بەت ەمتيحاننا قاتىناسۋ ارقىلى تەلەفوندا توۆار ساۋدالاۋشىعا اينالدى. بۇل سەرىكتىك نەگىزىنەن تەلەفون ارقىلى قارىز اقشا بەرۋ كاسىبىن تانىستىرادى، ءارى قارىز اقشا سوماسىنىڭ % 3 ى بويىنشا كاسىپتىك قىزمەت وتەۋ قاراجاتىن الادى. وسى اراداعى تاجىريبەلى قىزمەتكەردىڭ ايتۋىنشا، ورتا ەسەپپەن ءار 40 مينۋتتا 250 تەلەفون نومىرىنە، كۇنىنە 2000 تەلەفون نومىرىنە تەلەفون جالعايدى ەكەن. قىزمەتكە جاڭا كىرگەن ادامدار كۇنىنە كەم دەگەندە 600 تەلەفون نومىرىنە حابارلاسقاندا عانا تولىمدى ەسەپتەلەدى.


بەلگىلى «شىنحاي جياۋيۇي» اتتى تاربيەلەۋ قۇرىلىمىنىڭ تاياۋدا مەزگىلدە قىزمەتكەر قابىلداۋ ينفورماتسياسى ءبىرشاما كوپ تاراتىلادى، سونىمەن ءتىلشى جاسىرىن تۇردە وسى قۇرىلىمدى تەكسەرەدى. بۇل ارادا جەكەلىك ينفورماتسيا «العاشقى كەڭەس الۋ» جانە «اشىق تەڭىز» دەپ ەكى ۇلكەن تۇرگە بولىنەدى، «العاشقى كەڭەس الۋشى» ەجەلدەن مازالانباعان ادامنىڭ جاڭا ينفورماتسياسىن مەڭزەيدى، بۇنى تاجىريبەلى ۇزاق ىستەگەن قىزمەتكەرلەر قولعا كەلتىرە الادى. «اشىق تەڭىز» دەگەنى كەزىندە مازالاعانىمەن تابىسقا جەتە الماعان كونە ينفورماتسياعا قاراتىلادى. توۆار تانىستىرۋشىلار ءار كۇنى «اشىق تەڭىزدەن» 600 داناسىن الادى. بۇل قۇرىلىم تاعى دا « A I شاقىرۋ » جۇيەسىن ەنگىزگەن، تەك «تاۋەت وقۋ-اعارتۋى بۇلتت» تەكشەسىنە تىركەلىپ، ءتىنتۋىردى باسىپ تەكشەنىڭ جالعانىمىن تۇسىرسە بولعانى، مازالايتىن تەلەفون اۆتوماتتى تۇردە m i c r o s i p جۇمساق بولشەگى ارقىلى تەلەفون جالعايدى.


تۇتاس «سويلەۋ ونەرى»، «ۇرەيلەندىرۋ بارىسى» قاتارلى باسقىشتاردى تەكسەرۋگە نەگىزدەلگەندە، «جۇڭباڭ فينانسى» ادەتتە «تانىس-بىلىستەرگە سالەمدەسۋ» سىندى سويلەۋ ونەرىن تاڭدايدى . قارسى جاق تانىستىرعان كاسىپ تۇرىنە قارسىلىق بىلدىرسەدە، توۆار تانىستىرۋشى ونىڭ ۋيچات ءنومىرىن سۇراپ مازالايدى. «شىنحاي جياۋيۇي» قۇرىلىمىندا جاسىرىن بارعان ءتىلشى ادەيى مازالايتىن تەلەفون سوعۋدىڭ 8 ءتۇرلى ولشەمدى باسقىشتارىن ۇيرەنگەن. بۇندا توۆار تانىستىرۋشىلار تەلەفون قابىلداعاندارعا الدىمەن وزدەرىنىڭ ونىمدەرىنىڭ ماڭىزدىلىعىن اۋىز جاپپاي ماقتايدى، ەكىنشى باسقىشتا، قارىز اقشا كاسىبىن بىتىرگەن حاريدارلارعا ۇرەيلەندىرۋ، قورقىتۋ مازمۇنىندا ينفورماتسيا جولداپ، قارىزدى قايتارۋدى قۋزايدى.


ءونىم تانىستىرۋشى قىزمەتكەر مازالاۋ تەلەفونىن قابىلداعان بارلىق ادامدى تۇرگە ايىرادى: A نىڭ قارىز اقشا كاسىبىن ءبىتىرۋ نيەتى كۇشتى، B كوپ رەت قايتالاي تەلەفون سوعىپ ۇعىستى، R باس تارتۋدا دەگەن بەلگى قويادى. ءبىراق، سويلەسۋ ەستەلىكتەرىن قاراساڭىز، اشىق باس تارتقان كوپ ساندى ادامدارعا جانەدە A دەپ بەلگى قويىلاتىندىعىن بايقايسىز، R بەلگىسى قويىلعان ادامدار بولسا دا، ولار تىنباي مازالايتىن تەلەفوندار جالعايدى. بانكە، قوراجاي كاسىبى، ينتەرنەت شونجارى قاتارلىلار جەكە ينفورماتسياسى اشكەرەلەنۋشىلەردىڭ باستى قاينارى، كاپيتالدى تەكسەرۋ بارىسىندا، «جۇڭباڭ فينانسى» قىزمەتكەرلەرىنىڭ ايتۋىنشا، سەرىكتىكتىڭ ساندى مالىمەتى نەگىزىنەن ەكى جاقتان توپتالادى: ءبىرى بانكە، اسىرەسە، بۇرىن قارىز اقشا العان بانكە قاريدارلارى؛ ەكىنشىسى، قوراجاي كاسىبىنىڭ دەلدالدارى، مىسالى ۋوءاي ۋوجيا، ءمايتيان، ءليانجيا قاتارلى سەرىكتەستىكتىڭ حاريدارلارعا قىزمەت وتەۋشى ديرەكتورلارى، «بايلىق قاينارىن» ، ياعني، جەكەلەر ينفورماتسياسىن مازالاۋشى تەلەفون سوعاتىن سەرىكتەستىكتەرگە ساۋدالايدى.


«شىنحاي جياۋيۇي» تاربيەلەۋ قۇرىلىمىنىڭ جاۋاپتىسىنىڭ ايتۋىنشا، سەرىكتەستىكتەگى جەكەلەر ينفورماتسياسى، باستىسى، بايدۋ سياقتى كەيبىر ايگىلى ينتەرنەت كاسىپورىندارىنان كەلگەن. وسىدان كەيىن ءتىلشى بايدۋ تورابىنان كەزدەيسوق «پسيحولوگيالىق كەڭەس بەرۋشى» سياقتى ماڭىزدى سوزدەردى ەنگىزىپ تەكسەرگەندە نەگىزىنەن تاربيەلەۋ جارناماسى شىعاتىنىن بايقادى. وسى تەكتەس جالپىلاستىرۋشى ينفورماتسيالاردى اشقاندا، «بايدۋداعى قۇلاقتاندىرۋدى اشقان ادامنىڭ جەكەلىك ينفورماتسياسى الدە قاشان تاربيەلەۋ قۇرىلىمدارىنىڭ سيفىر قامباسنا تۇسكەن بولۋى مۇمكىن»،- دەيدى جاعدايدى بىلەتىن ءبىر قىزمەتكەر. وسىدان كەيىن ءتىلشى بالالاردى تاربيەلەۋ قۇرىلىمى اتىنان بايدۋ تورابىنىڭ قاتىستى جاقتارىمەن سەلبەستىك ءجايىن اقىلداستى. قارسى جاقتىڭ بەرگەن جاۋابى: ءبىر جەكەلىك ينفورماتسيانىڭ «ساتىپ الۋ باعاسى» شامامەن 150-100 يۋان بولىپ، ناقتى سۇرانىسقا ساي زاكاز بەرۋگە بولادى.

مەديالار جاريالاعان جەكەلەردىڭ ينفورماتسيا حاۋىپسىزدىگى ماسەلەسىنە قاراتا، 8-ايدىڭ 8-كۇنى بايدۋ توراپ تەحنيكاسى بەيجيڭ شەكتى سەرىكتىگىنىڭ «بايدۋ حاۋىپسىزدىگى» مالىمدەمەسىندە بىلاي دەلىندى: باسقالارعا ازاماتتاردىڭ جەكە ينفورماتسياسىن ساتۋ نەمەسە بەرۋ زاڭدا تيىم سالىنعان ارەكەتكە جاتادى، بايدۋ بۇل ارەكەتتى باتىل تەجەيدى، مۇنداي كاسىپ تۇرىن مۇلدە جۇرگىزبەيدى. ءارقانداي ۋاقىتتا، ءارقانداي قارا ءتۇستى ءونىمدى ساۋدالاعان زاڭسىز ارەكەتتەردى بايقالسا، قوعام حاۋىپسىزدىگى تاراۋلارىنا مالىمدەپ، زاڭ بويىنشا جازالاۋ كەرەك.


ونەركاسىپ جانە ينفورماتسيالاندىرۋ مينيسترلىگى مازالاۋشى تەلەفونداردى باسقارۋ، مەڭگەرۋدە دارمەنسىزدىك ىستەگەنى ۇشىن جۇڭگوجىلجىمالى حابارلاسۋ سەرىكتەستىگىمەن ەسكەرتىپ اڭگىمەلەستى

8-ايدىڭ 9-كۇنى ونەركاسىپ جانە ينفورماتسيالاندىرۋ مينيسترلىگىنىڭ ينفورماتسيا حابارلاسۋىن باسقارۋ مەكەمەسى مازالاۋشى تەلەفوندى باسقارۋدىڭ دارمەنسىز بولۋ ماسەلەسى جونىندە جۇڭگو جىلجىمالى حابارلاسۋ توبى مەن بەيجيڭ، حىبەي قاتارلى ماسەلەلەر كورنەكتى بولعان ەكى ولكەدەگى ( توتە قاراستى قالا ) جىلجىمالى حابارلاسۋ سەرىكتەستىگىن شاقىرىپ اڭگىمەلەستى. ماجىلىستە جۇڭگو جىلجىمالى حابارلاسۋ توبى سەرىكتەستىگى مەن ماجىلىسكە قاتىناسقان ەكى ولكە (توتە قاراستى قالا) جىلجىمالى حابارلاسۋ سەرىكتەستىگى «رەتتەۋ ـ تۇزەتۋ ۋادەناماسىنا» قول قويىپ، ءتۇرلى رەتتەۋ ـ تۇزەتۋ تالاپتارىن قاتاڭ دايەكتىلەندىرىپ، تياناقتاندىرىپ، جاپپاي تەكسەرىپ، دەرەۋ اتقارىپ، دەرەۋ تۇزەتىپ، وتكەننەن ساباق قابىلداپ، باتىل رەتتەۋ ـ تۇزەتۋ جونىندە ۋادە بەردى.


بۇدان سىرت، تاياۋدا مەديالار حابارلاعان تاربيەلەۋ قۇرىلىمدارى، فينانس قۇرىلىمدارى جانە قوراجاي سەرىكتىكتەرى قاتارلى ورىندار مەن كاسىپورىنداردىڭ جەكەلىك ينفورماتسيادان پايدالانىپ، مازالاۋ تەلەفونىن سوعۋ سياقتى ماسەلەلەرگە قاراتا، ونەركاسىپ جانە ينفورماتسيالاندىرۋ مينيسترلىگى ايرىقشا نازار اۋدارىپ، قاتىستى كاسىپ سالاسىنىڭ باسقارۋشى تاراۋلارىمەن بىرگە تۋ باستان جونگە سالۋ تەبىنىن ارتتىرىپ، تۇتىنۋشىلاردىڭ سەنىمدىلىك باسقارۋ ءتۇزىمىن ورناتۋ جونىندە زەرتتەۋ جۇرگىزىپ، مازالايتىن تەلەفون بەرۋشىلەردىڭ حالىقتى مازالاۋ ماسەلەسىن جان - جاقتى وڭاپ رەتتەۋدى قولعا الدى.

 

اۋدارعان: قۋات جۇماش ۇلى

QQ浏览器截图20190813083043.jpg
00.jpg
00.jpg
00.jpg
00.jpg