اقشا، تارتۋ-تارالعى العان ۇكىمەت قىزمەتكەرلەرىن بىلاي جازالايتىن بولدى
0
2019-08-13 08:49:00
|
كەلۋقاينارى:Kazakcnr
|
جاۋاپتى رەداكتور :Dawil

ۇكىمەت قىزمەتكەرلەرى بەلگىلەمەگە قايشىلىق جاساپ، اقشا، تارتۋ-تارالعى العاندا، تۇگەلدەي الدىمەن مىندەتىنەن الىپ، ونان سوڭ ءبىرجاقتىلى ەتىلەدى


8-ايدىڭ 6-كۇنى، حۋنان ولكەلىك پارتكومنىڭ بەكىتۋىمەن حۋنان ولكەلىك ءتارتىپ تەكسەرۋ كوميتەتى ۇقتىرۋ شىعارىپ، پارتيالى كادرلاردىڭ، ۇكىمەت قىزمەتكەرلەرىنىڭ بەلگىلەمەگە قايشىلىق جاساپ، اقشا، تارتۋ-تارالعى الۋىنا قاتاڭ تيىم سالدى. ۇقتىرۋدا مىنالار تالاپ ەتىلدى: ” اقشا، تارتۋ-تارالىعى العاندار الدىمەن مىندەتىنەن الىنىپ، ونان سوڭ تەكسەرىپ ءبىرجاقتىلى ەتىلەدى؛ ال اقشا بەرگەن ۇكىمەت قىزمەتكەرلەرى اقشانى قابىلداۋشىلارمەن ۇقساس قاتاڭ ءبىر جايلى ەتىلەدى؛ ۇكىمەت اقشاسىمەن ساۋعا ۇسىنسا، قاتىستى جاۋاپتى ادامداردان اۋىر جاۋاپكەرشىلىك قۋزاستىرىلادى؛ ەرەكشە جاعداي سەبەبىنەن قابىلداۋدان باس تارتسا، 10 قىزمەت كۇنى ىشىندە جوعارىعا تاپسىرۋى ءارى جاعداي جونىندە تۇسىنىك بەرۋى قاجەت.


«اقشا بەرۋ، تارتۋ-تارالعى ۇسىنۋ، ەكىنىڭ بىرىندە، ءىرىپ-ءشىرۋدىڭ باستاماسى بولىپ قارالادى. كەيبىر پارتيالى باسشى كادرلار، ەكىنىڭ بىرىندە، ازىن-اۋلاق اقشا، بىرەر قوراپ تەمەكى الۋدان، اقىرىنداپ قىرۋار اقشا، قىمبات تارتۋ-تارالعى قابىلداپ، سوڭىندا ءىرىپ-ءشىرىپ ازعىنداۋعا بەت الادى.» حۋنان ولكەلىك ءتارتىپ تەكسەرۋ كوميتەتى، باقىلاۋ كوميتەتى ساياسات، زاڭ – ەرەجە كەڭسەسىنىڭ جاۋاپتىسى تىلشىگە بىلاي دەدى: 2018-جىلى جاريالانعان « جۇڭگو كوممۋنيستىك پارتياسىنىڭ ءتارتىپ جازاسى ەرەجەسىندە» تارتۋ-تارالعى الۋ جانە ۇسىنۋ ماسەلەسى جونىندە تيىم سالۋ سيپاتىندىق ايقىن بەلگىلەمە جاسالدى. وسى رەتكى ۇقتىرۋدى باسىپ تاراتۋ ــ پارتيالى كادرلاردىڭ، ۇكىمەت قىزمەتكەرلەرىنىڭ بەلگىلەمەگە قايشىلىق جاساپ ،اقشا، تارتۋ – تارالعى بەرۋ جانە الۋعا تيىم سالۋ بۇيرىعىنىڭ قاتاڭدىق دارەجەسىنىڭ ارتقاندىعىن كورسەتەدى.


تانىستىرۋعا قاراعاندا، وسى رەت باسىپ تاراتىلعان ۇقتىرۋ بەلگىلەمەگە قايشىلىق جاساپ، اقشا، تارتۋ ـ تارالعى الۋعا قاتاڭ تيىم سالۋ حۋنان ولكەلىك پارتكومنىڭ « اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەنى ارناۋلى وڭاۋداعى ماڭىزدى شاراسى بولىپ، پارتيانى جاپپاي قاتاڭ جونگە سالۋدى ماڭگى جالعاستىرۋدىڭ كۇشتى سيگنالى بولعان.


ۇقتىرۋدى باسىپ تاراتۋدان سىرت، حۋنان ولكەلىك ءتارتىپ تەكسەرۋ كوميتەتى تاعى دا دەلو ارقىلى ءتارتىپتى ايتۋعا تاباندى بولىپ، ولكە باسقارۋىنداعى كادرلاردىڭ بەلگىلەمەگە قايشى اقشا، تارتۋ-تارالىعى الۋ ماسەلەسىن اشكەرەلەدى: چاڭشا قالالىق حالىق ۇكىمەتى پارتيا باسشىلىق گرۋپپاسىنىڭ بۇرىنعى مۇشەسى، ورىنباسار قالا باستىعى لي شياۋحۇڭ بەلگىلەمەگە قايشىلىق جاساپ، پارتيا، ۇكىمەت كادرلارى مەن جەكە كاسىپورىن قوجايىندارىنان اقشا العان، مۇنىڭ ىشىندە 18-قۇرىلتايدان كەيىن العان اقشاسى 810 مىڭ يۋاننان استام بولعان، قازىر ول تەكسەرىلۋ ۇستىندە؛ انحۋا اۋداندىق پارتكومنىڭ بۇرىنعى شۋجيى شيۇڭ جىۋىن بەلگىلەمەگە قايشىلىق جاساپ، پارتيا، ۇكىمەت كادرلارى مەن جەكە كاسىپورىن قوجايىندارىنىڭ ۇسىنعان اقشاسىن، تارتۋ-تارالعىسىن قابىلداپ، العان سوماسى قوماقتى بولىپ، مىندەتىنەن قالدىرىلعان؛ ولكەلىك توتە قاراستى ورگاندار قىزمەت كوميتەتىنىڭ بۇرىنعى مۇشەسى، ولكەلىك پارتكومنىڭ دەمالىسقا، زەينەتكە شىعۋ قىزمەتى كوميتەتىنىڭ بۇرىنعى ورىنباسار شۋجيى جوۋ سۇڭباي مەرەكە-مەيرام، باس قوسۋ سياقتى كەزدەردەن پايدالانىپ، كوپ رەت بەلگىلەمەگە قايشىلىق جاساپ، باسقالاردان اقشا، تارتۋ - تارالعى العان، مۇنىڭ ىشىندە 18 - قۇرىلتايدان كەيىن العان اقشاسى 5 ميلليون 340 مىڭ يۋان بولعان، قازىر ول پارتيادان شىعارىلىپ، قىزمەتتەن بوساتىلىپ، ءادىليا تاراۋلارىنا وتكىزىپ بەرىلگەن.


ءتىلشىنىڭ ۇعىسۋىنشا، قازىر حۋنان ولكەلىك پارتكوم «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيەسىندە بەلگىلەمەگە قايشىلىق جاساپ، سيلىق اقشا، تارتۋ-تارالعى الۋعا قاتاڭ تيىم سالۋدى باستى قىزمەت تۇيىنى ەتىپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشى كورنەكتى ماسەلەلەردى ارناۋلى جونگە سالۋدى ورنالاستىردى.

سونىمەن بىرگە، بۇل ولكە بەلگىلەمەگە قايشىلىق جاساپ ۇكىمەت اقشاسىمەن ءىشىپ-جەۋ، ۇكىمەت اقشاسىمەن ساياحاتتاۋ، بەلگىلەمەگە قايشىلىق جاساپ توي-تومالاق، ءولىم ـ ءجىتىم ىستەرىن ىستەۋ سياقتى كورنەكتى ماسەلەلەردى ىشكەرىلەي جونگە سالىپ، ورتالىقتىڭ 8 ءتۇرلى بەلگىلەمەسىنىڭ رۋحىنا قايشى ماسەلەلەردى تەكسەرىپ ءبىر جاقتى ەتۋدى تەكسەرۋدىڭ ءتۇيىنى ەتىپ، كومەسكى، قۇبىلمالى « ءتورت ءتۇرلى بۇرىس ستيل» ماسەلەسىن، اسىرەسە، فورماشىلدىق، تورەشىلدىك ماسەلەلەرىن ىشكەرىلەي تەكسەرىپ، استە قاعىس قالدىرماي، « ءتورت ءتۇرلى ستيلدىڭ» قايتا ورشۋىنەن باتىل ساقتانىپ، ارناۋلى جونگە سالۋدىڭ ونىمدىلىگى ارقىلى پارتيانى جاپپاي قاتاڭ جونگە سالۋدى ىشكەرىلەي دامۋىن ىلگەرىلەتتى. (جۇڭگو ءتارتىپ تەكسەرۋ، باقىلاۋ گازەتىنىڭ ءتىلشىسى جوۋ تايپيڭ)

QQ浏览器截图20190813083733.jpg
QQ浏览器截图20190813083043.jpg
00.jpg
00.jpg
00.jpg