مەكتەپ قالاعانشا تەكسەرۋ جۇرگىزەتىن كوكونىس بازارى ەمەس
0
2019-08-15 09:03:00
|
كەلۋقاينارى:Kazakcnr
|
جاۋاپتى رەداكتور :Dawil


اقى الۋ ىستەرى، قازىنا-باجى، مەكتەپ ىستەرى، جاپپاي وڭاۋ جانە ورنىقتىلىقتى قورعاۋ، ستيل قۇرىلىسى، دەنساۋلىق ساقتاۋ، ءورت ءوشىرۋ، حاۋىپسىزدىك، ەسىرتكىگە تيىم سالۋ، زاڭدى جالپىلاستىرۋ، وركەنيەتتى الەۋمەتتىك اۋماق، زات باعاسى… مەكتەپتەردە جۇرگىزىلگەن كەيبىر تەكسەرۋلەر سان الۋان بولىپ، ادامدى قايران قالدىرادى. وسى جونىندە وقۋ-اعارتۋ، وقىتۋ رەفورماسىن تەرەڭدەتىپ، مىندەتتى وقۋ-اعارتۋدىڭ ساپاسىن جاپپاي جوعارىلاتۋ جونىندەگى پىكىردە بىلاي دەپ ايقىن اتاپ كورسەتىلدى: جەر-جەر ءبىرتۇتاس جوسپارلاۋ، سايكەستىرۋ مەحانيزمىن كەمەلدەندىرىپ، مىندەتتى وقۋ-اعارتۋ مەكتەپتەرىنە باعىتتالعان ءتۇرلى تەكسەرىپ بەكىتۋ، تەكسەرىپ وتكىزىپ الۋ، قۇرۋ جانە باعالاۋ سياقتى قيمىلداردى قاتاڭ تىزگىندەپ، جەرگىلىكتى وقۋ-اعارتۋ تاراۋلارىنىڭ ماقۇلداۋىنسىز ءارقانداي ورىن مەكتەپتە قاتىستى قيمىلداردى ورىستەتۋىنە رۇقسات ەتىلمەيدى.


بۇل تالاپتىڭ الدىڭعى شەپتەگى وقىتۋشىلاردىڭ كوپ جىل باسىن اۋىرتقان تۇيىنگە ءداپ باسىپ تيگەندىگى داۋسىز. ءتىلشى مەكتەپ باستىقتارى جانە وقىتۋشىلاردىڭ تەكسەرۋگە دايىندالۋ قىزمەتىن قينالىپ اۋرە-سارساڭعا ءتۇسۋ دەگەنىن تالاي رەت ەستىدى. ورتا بولەك رايونداعى ءبىر مەكتەپ باستىعى بۇكپەسىز بىلاي دەگەن بولاتىن: ءبىر وقۋ ماۋسىمىندا ۇلكەندى-كىشىلى تەكسەرۋلەردەن نەشە ون رەت قابىلدادىق، ەڭ كوپ بولعاندا ءبىر كۇندە ءۇش رەت تەكسەرۋ كەلدى، « تەكسەرۋ كەلەدى دەسە، بارلىق وقىتۋشى-قىزمەتكەرلەر تىنىم تاپپاي، اۋرە-سارساڭعا تۇسەدى» دەۋگە بولادى.تەكسەرۋگە دايىندالۋدا، قالىڭ قۇجات پەن ماجىلىستەن باس كوتەرە الماۋدان اۋلاق بولۋ قيىن.


الدىمەن، ارناۋلى تەكسەرۋدى، ءسوز جوق، الدىن-الا ورنالاستىرۋ، بارلىق ورنالاستىرۋدا، ءسوز جوق، جيىن اشۋ


الدىڭعى شەپتەگى وقىتۋشىلار بىلاي دەپ سۋرەتتەدى: «ءبىر تەلەفونمەن بۇكىل وقىتۋشى-قىزمەتشىلەر تولىق ءازىر بولادى»، اۋەلى كەيدە وقۋشىلار دا سايكەسۋ كەرەك. زور كۇش جۇمساپ دايىندىق جاساعانىمەن، ءبىراق كەيبىر تەكسەرۋلەر تەك بىرنەشە مينۋتتا «ءبىر جول اينالىپ كورۋ، ماتەريالدى شولىپ وتۋمەن» تامامدالادى.


ەكىنشىدەن، تەكسەرۋ بولعان ەكەن، وعان سەرىك بولۋ


مەكتەپتەردەگى قىزمەتكەرلەردىڭ شتاتى جاپپاي كەمشىل، كەيبىر اكىمشىلىك ورىنداردىڭ باسشىلارى دا وقىتۋ مىندەتىن قوسىمشا وتەۋدە. ادام شىعارىپ تەكسەرۋشىلەرمەن بىرگە بولۋ ءۇشىن، ساباق اۋىستىرۋعا تۋرا كەلەدى، بۇل وقىتۋ تارتىبىنە اۋىر كەدەرگىلىك جاساۋدا. مەكتەپ باستىعى بارلىق زەيىنىن تەكسەرۋشىلەرمەن بىرگە بولۋعا جۇمساپ، « ات ءۇستى وتكىزىپ، جالعان جۇمىس تىندىرۋعا » اينالعان.


ۇشىنشىدەن، تەكسەرۋگە دايىندالۋدا ماتەريال مەن مالىمەت كەستەسى اسا زور اۋىرتپالىققا اينالعان


كەيبىر مەكتەپتەردىڭ كەڭسەسىندەگى ماتەريالدار تاۋ توبە ءۇيىلىپ، وقىتۋشىلار ماتەريال جازۋ جانە ساندى مالىمەت توپتاۋ جاقتارىنا كوپ كۇش جۇمساپ، ولاردىڭ ساباق دايىنداۋ، تاپسىرما تەكسەرۋ سياقتى وقىتۋ نەگىزگى كاسىبىنە جۇمسايتىن ۋاقىتى مەن زەيىنىن تەكسەرۋ قىزمەتى اۋىر دارەجەدە يەمدەنگەن.

كىسىنى ءتىپتى دە الاڭداتاتىنى، ءاسىلى بالاعا «شىندىققا تالپىنۋدى» ۇيرەتەتىن مەكتەپ، تەكسەرۋگە دايىندالۋ قىسىمىندا «جالعاندىق ىستەۋگە» ءماجبۇر بولىپ، قاتە ۇلگى قالىپتاسىپ، زاردابى اۋىر بولىپ وتىر.


ءار قايسى تاراۋلار نە ءۇشىن مەكتەپتى تەكسەرۋگە قىزعىن كىرىسەدى؟

ونىڭ سەبەبى مىنا ءۇش جاقتا بولۋى مۇمكىن:

ءبىرىنشى، ءتۇرلى نەگىزگى ساتى ورىندارىندا، مەكتەپتىڭ فۋنكتسيالىق ىستەرى ءبىرشاما تولىق بولىپ، كوپتەگەن باسقارۋ تاراۋلارىنىڭ قىزمەتىنە سايادى. سونىمەن بىرگە، مەكتەپ نەگىزگى ساتىداعى سويلەۋ ۇقىعى جاعىندا ءبىرشاما دارمەنسىز، كوپتەگەن تاراۋلاردىڭ كاسىپتىك باسقارۋ كولەمىنە جاتاتىندىقتان، «باس تارتايىن دەسەدە باس تارتا الماي، توسايىن دەسەدە توسا المايدى».

ەكىنشى، باسقا ورىندارمەن سالىستىرعاندا، مەكتەپ مەيلى الاڭ بولسىن، الدە ادام سانى جاعىنان بولسىن، ونىڭ كولەمى ايتارلىقتاي ءتارتىپتى، ءىز قالدىرۋشىلىقتىڭ تۇرتكىسىندە، ءىشنارا اكىمشىلىك فۋنكتسيالىق تاراۋلاردىڭ تەكسەرۋ، باعالاۋدا «ابىرويىن اسىرۋداي» بۇرمالانعان ساياسي ناتيجە كوزقاراسىن تولىق قاناعاتتاندىرا الادى.

ءۇشىنشى، وقىتۋشى جانە وقۋشىلاردىڭ مەكتەپتەگى ۋاقىتى تۇراقتى، توبى قاراپايىم، قىزمەتكەرلەردى ۇيىمداستىرۋ، قۇجات رۋحىن جەتكىزۋ وڭاي، قىزمەت ورنالاستىرۋىن ويداعىداي تياناقتاندىرۋعا بولادى. مىناۋ جىلدارى «كىشى قول ۇلكەن قولدى تارتۋ» دەگەن سياقتى قىزمەت ۇراندارى جيى ۇشىراپ، بالالار ارقىلى ۇلكەندەرگە ىقپال جاساۋ ۇگىت-تاربيە جۇرگىزۋدىڭ وزىندىك قۇنىن تومەندەتەدى دەلىندى، ءىس جۇزىندە بۇل ۇيلەسىمدى بولسىن-بولماسىن، ايتەۋىر ءارقانداي ءىس « بالادان باستاپ مىقتى ۇستالدى».

ەرەكشە نازار اۋدارۋعا تاتيتىن سوراقى ءىس مىناۋ: قىزمەتتى قانشالىق جاقسى ىستەگەن مەكتەپتىڭ تەكسەرۋدى قابىلداۋ جۇمىسى سونشالىق كوپ بولادى. اسحانا نەعۇرلىم تازا بولعان سايىن، دەنساۋلىق ساقتاۋ تاراۋلارى جاعىنان «تۇتقيىلدان» كوپ تەكسەرىلەدى؛ نەگىزدىك شارت-جاعدايى قانشالىقتى تياناقتانعان مەكتەپتەر، مەكتەپ اۋلا قۇرىلىسىن «ۋاقىتتىق» كوزدەن كەشىرۋگە سونشالىقتى كوپ ورنالاستىرىلادى… ءاسىلى ماسەلە تابۋ، قازىرگى جاعدايىنا تەكسەرىپ-زەرتتەۋ جۇرگىزۋ، مەكتەپتى كۇشەيتۋ جولىن قاراستىرۋ ءۇشىن جۇرگىزىلگەن تەكسەرۋلەر، ءىس جۇزىندە تاراۋلاردىڭ قىزمەتىن «كوتەرمەلەيتىن» سىرتقى اڭگىمەگە اينالعان. بۇل كەيبىر مەكتەپتەردە: « قىزمەتتى ناشار ىستەسەڭ دە مەزى بولاسىڭ، جاقسى ىستەسەڭ دە مەزى بولاسىڭ، ورتادا ءجۇرىپ ءىز قالدىرماعان ەڭ ابزال.» دەگەن ءبىر ءتۇرلى سوراقى سىڭاي تۋدىرعان.

مەكتەپ كوكونىس بازارى ەمەس. قاجەتتى تەكسەرۋ بولعان كۇندە دە، جان-جاقتان كەلۋگە، كۇندە تەكسەرۋ جۇرگىزۋگە بولمايدى. قايتا عىلىمي ورنالاستىرۋ جاساپ، ۇيلەسىمدى تاسىلمەن جۇرگىزىلۋى ءتيىس. مىسالى، ارناۋلى جەتەكشىلىك ەتۋدى جالپىلىق تەكسەرىپ-زەرتتەۋمەن ورگانيكالى تۇردە بىرىكتىرىپ، تۇراقتى ۋاقىت ىشىندە ءبىر تۇتاس ورنالاستىرۋ. جەكە-جەكە قيمىلداۋدان، از-ازدان تىندىرا بەرۋدەن ساقتانىپ، ۋاقىتتىق تەكسەرۋ شەكتى، تەجەمدى بولۋى كەرەك. تاعى ءبىر مىسال، قىزمەتتى تىڭعىلىقتى ىستەپ، ادەتتەگىدەي تياناقتاندىرىپ، داعدىلى ەرەجە قالىپتاستىرۋ، «ءبىر مەزەتتىك قيمىل بورانىن ورىستەتۋگە» بولمايدى.

وقۋ-اعارتۋدىڭ وزىندىك بەدەلى بولۋ، مەكتەپتەردىڭدە وزىندىك ۇقىعى بولۋ كەرەك. مەكتەپتەردى عىلمي، ءونىمدى تۇردە تەكسەرۋگە رۇقسات ەتۋ ءتۇزىمىن قاراستىرىپ، قايسى تاراۋلار مەن ورىنداردىڭ تەكسەرۋدى اتقارۋ ۇقىعىنا يە ەكەنىن، ۇقىق پەن جاۋاپكەرشىلىكتى قالاي ايقىنداۋ، قاي ۋاقىتتا تەكسەرۋ، قانداي تاسىلمەن تەكسەرۋ سياقتى ناقتىلى ماسەلەلەردى تولىق ايقىنداپ، مەكتەپتى كەلگىسى كەلسە كەلەتىن ەركىن بازار رەتىندە قاراماۋ ءتيىس.

جەرگىلىكتى ءار دارەجەلى ۇكىمەت تاراۋلارى «وقۋ-اعارتۋدى تەكسەرۋ ءتيىس» دەۋدەن اباي بولۋ، تورەشىلدىك، فورماشىلدىق كىناراتتارىنىڭ جوعارى وقۋ ورىندارىن شىرىتۋىنە استە جول بەرمەۋ ءتيىس. وقۋشى تاربيەلەۋ، كاسىپتىك ادامداردىڭ كاسىپتىك ىستەرمەن شۇعىلدانۋىن قاجەت ەتەدى. ماتەريال جيناۋ، كەستە تولتىرۋ ۋاقىتىن وقىتۋشىعا قايتارىپ بەرىپ، وقىتۋشىنىڭ ەركىن ساباق دايىنداۋىنا، ساباق وتۋىنە جول قويۋ؛ جيىن اشىپ جۇمىلدىرۋ، تەكسەرۋگە دايىندالۋ زەيىنىن وقىتۋشىعا قايتارىپ بەرىپ، وقىتۋشىلاردىڭ بالامەن كوبىرەك اڭگىمەلەسىپ، سىرلاسۋىنا مۇمكىندىك جاساۋ. بالاعا ستيلى پاك، سالتى دۇرىس مەكتەپ اۋلاسىن قايتارۋ- وقۋ-اعارتۋ رەفورماسىن تەرەڭدەتۋ تاقىرىبىنداعى بولۋعا ءتيىستى ءمان دەپ قاراۋ ءتيىس.

QQ浏览器截图20190815090059.jpg
00.jpg
00.jpg
00.jpg
未标题-1.jpg