شياڭگاڭ ساقشى جاعى 29 ادامدى تۇتقىندادى
0
2019-08-26 15:15:00
|
كەلۋقاينارى:
|
جاۋاپتى رەداكتور :

 

 

8-ايدىڭ 24-كۇنى، شياڭگاڭدا ەرەۋىلشىلەر ەرەۋىل وتكىزىپ، ەرەۋىل ارتىنان زورلىقتى كۇشپەن قىر كورسەتۋگە وزگەردى. ءبىر ءبولىم ەرەۋىلشىلەر جول توسىپ، ءورت قويىپ، جول بويىنداعى كوشە شىراق باعاناسىن قيراتىپ قانا قويماي، ساقشىلارعا قاراتا تالاي رەت تاس، كەرپىش جانە ۇساق – تۇيەك زاتتاردى لاقتىرعان. ساقشى جاق ەرەۋىلشىلەرگە كوپ رەت ەسكەرتۋ بەرسە دە رايىنان قايتپاعان سوڭ، توپتى تاراتىپ جىبەرگەن ءارى ءبىرتالاي ادامدى تۇتقىنداعان.


8-ايدىڭ 24-كۇنى تۇستەن كەيىن ساعات 2 دە، ءبىر ءبولىم ەرەۋىلشىلەر گۋانتاڭ ۋييە كوشەسىنە جينالىپ، بوگدى زاتتارمەن جولدى بوگەپ، قاتىناستىڭ توسىلۋىن كەلتىرىپ شىعارعان.

ءبىر ءبولىم بەتىن بۇركەپ قارا كيىم كيىنگەن زورلىقتى كۇش كورسەتۋشى ەرەۋىلشىلەر قولىنا توك ارا قاتارلى قۇرالدار الىپ كوشە شىراقتارىن ارالاپ ءبۇلدىرىپ، شىراق باعاناسى ىشىندەگى ەلەكتىر سىمدارىن قيىپ، شىراق باعاناسىن قۇلاتقان.

تۇستەن كەيىنگى ساعات 4 تەن 30 مينۋت وتكەندە، بۇلىكتەن ساقتانۋ ساقشىلارى ەرەۋىلشىلەردىڭ سوققى بەرۋ، ءبۇلدىرۋ ارەكەتىن توقتاتىپ جاياۋلار جولىنا قايتۋىن ەسكەرتەدى. ەرەۋىلشىلەر بۇعان كونبەگەنى بىلاي تۇرسىن، كەرىسىنشە ساقشىلارعا كەرپىش، تاس، ىس- تۇتەك سياقتىلاردى لاقتىراعان.

ساقشى جاق تالاي رەت ەسكەرتۋ بەرسە دە ءونىمى بولمادى. ەرەۋىلشىلەر قۇتىرىنا ۋييە كوشەسىندە ءورت قويىپ، جانار ماي بومباسىن لاقتىرىپ، ءورت كولەمى ۇلعايعان.

ساقشىلار العا ىلگەرلەپ، ەرەۋىلشەردى باعىندىردى جانە تۇتقىندادى. قارا كيىمدى ەرەۋىلشىلەر شەگىنگەنمەن قايتا توپتاسىپ، ساقشىلارعا قاراتا ۇساق-تۇيەك نارسەلەردى لاقتىرۋىن توقتاتپاعان.

كەشكى ساعات 8 مولشەرىندە، ءبىر ءبولىم ەرەۋىلشىلەر حۋاڭ داشيان لۇڭشياڭ جولىندا ۇساق – تۇيەك زاتتارمەن جول توسقان، سونداي –اق ولار تاعى لازەر قالاممەن حۋاڭ داشيان ءتارتىپ ساقتاۋ ءبولىمنىڭ جاتاعىنا جارىق تۇسىرىپ مازالاعان. بۇدان سىرت، كەشكى ساعات 10 مولشەرىندە،ولار تاعى كەمە جايعا بارىپ بوگدە زاتتاردان جول توسقاۋىلىن ورناتىپ جولدى بوگەگەن. ساقشىلارى توپتاسقان ەرەۋىلشىلەردى دەرەۋ تاراتىپ جىبەرگەن.


شياڭگاڭ ەرەكشە اكىمشىلىك رايون ۇكىمەتىنىڭ مالىمدەمەشىسى 8- ايدىڭ 24- كۇنى جيۋلۇڭ رايونىنداعى قىر كورسەتۋ قيمىلىنا جاۋاپ قايتارىپ بىلاي دەدى: ەرەكشە اكىمشىلىك رايون ۇكىمەتى ەرەۋىلشىلەردىڭ ءبۇلدىرۋ جانە زورلىقتى كۇش كورسەتۋ ارەكەتتەرىن قاتاڭ جازعىرادى، ساقشى جاق زاڭعا قايشى بارلىق ارەكەتتەردى قاتاڭ قۋزاسىتىرادى. ەرەكشە اكىمشىلىك رايون ۇكىمەتى ەرەۋىلشىلەردى زورلىقتى كۇشتى توقتاتىپ، قوعام ءتارتىبىن تەز ارادا قالپىنا كەلتىرۋگە ۇندەيدى.

8-ايدىڭ 24- كۇنى، كوپ جەردە تۋىلعان زورلىقتى كۇش، قىر كورسەتۋ قيمىلىنا قاراتا، شياڭگاڭ ساقشىلارى 8- ايدىڭ 25- كۇنى تاڭ سارىدە مالىمدەمە جاريالاپ، قاتاڭ جازعىردى. مالىمدەمەدە بىلاي دەلىنگەن: ساقشى جاق كوپ رەت ەسكەرتۋ بەرگەن بولسا دا، ءبىراق ەرەۋىلشىلەر ءبيت شاققان قۇرلى كورمەدى، سودان ساقشى جاق قيمىلدى تاراتۋعا كىرىستى. تاراتىپ جىبەرۋ ارەكەتى جۇرگىزىلگەن كەزدە ساقشى جاق لايىقتى قارۋلى كۇشپەن قىر كورسەتۋشىلەردىڭ زورلىقتى كۇش ارەكەتىنە تيىم سالدى.

ساقشى جاق ارەكەت بارىسىندا جيىنى 19 ەر مەن 10 ايەلدى تۇتقىندادى، ولاردىڭ جاسى 17 دەن 52 جاسقا دەيىن بولىپ، زاڭسىز توپتاسۋ، شابۋىلداۋ سيپاتىندىق قارۋ-جاراقتار مەن ساقشىلارعا شابۋىلدادى دەگەن كۇمان تاعىلعان.

 

 

企业微信截图_20190826170010.jpg
12181764.jpg
企业微信截图_20190826151727.jpg
شياڭگاڭ ساقشى جاعى 29 ادامدى تۇتقىندادى
201908260953041349.jpg
00.jpg