شي جينپيڭ وزبەكستاننىڭ زۇڭليى اليبوۆپەن كەزدەستى
0
2019-08-29 10:32:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    ٴوز حابارىمىز: مەملەكەت ٴتوراعاسى شي جينپيڭ 8-ايدىڭ 28-كۇنى حالىق سارايىندا وزبەكستاننىڭ زۇڭليى اليبوۆپەن كەزدەستى.


    شي جينپيڭ اليبوۆقا پرەزيدەنت ميرزيويەۆكە ىقىلاستى سالەمىن جەتكىزۋدى تاپسىردى. شي جينپيڭ مىنالاردى اتاپ كورسەتتى: جۇڭگو-وزبەكستان قارىم-قاتىناسىنىڭ سەكىرمەلى دامۋدى جۇزەگە اسىرۋىنىڭ تەتىگى--ەكى جاقتىڭ قاشاندا تاتۋ كورشىلىك، دوستىق، ٴوزارا تيىمدىلىك، ٴوزارا كومەكتەسۋ رۋحىنا بويسۇنىپ، ٴوزارا قۇرمەت ەتۋ، تەڭدىك، ٴوزارا تيىمدىلىك جاساۋ پرينسيبىنە باستان-اياق تاباندى بولىپ، ۇرپاقتان-ۇرپاققا جالعاسقان دوستىق، ورتاق دامۋ ۇستانىمىن اتقارۋىنىڭ ناتيجەسى.


    شي جينپيڭ مىنالاردى باسا دارىپتەدى: جۇڭگو مەن وزبەكستان «ٴبىر بەلدەۋ، ٴبىر جولدى» جوعارى ساپامەن ورتاق قۇرۋدى ۇزدىكسىز ىلگەرىلەتىپ، مەملەكەتتىڭ دامۋ ستراتەگياسىن بارىنشا توعىسترىپ، شەكارا اتتاعان تاس جول مەن تەمىر جولدان ويداعىداي پايدالانىپ، ٴوزارا بايلانىستى جيىلەتىپ، ەكونوميكا-ساۋدا، قارجى قوسۋ، جوعارى-جاڭا تەحنيكا، ەنەرگيا سياقتى سالالارداعى سەلبەستىكتى كەڭەيتىپ، گۋمانيتارلىق سەلبەستىكتىڭ تىڭ جارقىن ٴتۇيىنىن جاراتۋ كەرەك. جۇڭگو وزبەكستاننان ساپالى اۋىل شارۋاشىلىق ونىمدەرىن يمپورت ەتۋ كولەمىن كەڭەيتۋدى قالايدى، 2 ـ كەزەكتى جۇڭگو حالىقارالىق يمپورت كورمەسىنە وزبەكستاننىڭ قۇرمەتتى قوناق رەتىندە قاتىناسۋىن قارسى الادى. ەكى جاق «ٴۇش كەرى كۇش» جانە ەسىرتكى ساۋداسى سياقتى ەل اتتاعان ۇيىمدىق قىلمىستارعا بىرلەسە سوققى بەرىپ، ٴوڭىردىڭ حاۋىپسىزدىگى مەن ەكى ەلدىڭ دامۋىن قامتاماسىز ەتۋلەرى كەرەك.


    شي جينپيڭ مىنالاردى باسا دارىپتەدى: جۇڭگو وزگە ەلدەردىڭ تاريحتاعى مەملەكەت قۇدىرەتتەنسە، ٴسوز جوق زورەكەر بولادى دەيتىن كونە سۇردەگىمەن جۇرمەيدى، جۇڭحۋا ۇلتىنىڭ كوركەيۋى-جۇڭگو حالقىنىڭ باقىتىن ٴارى دۇنيە ٴجۇزىنىڭ بەيبىتشىلىگى مەن ادامزاتتىڭ العا باسۋىنا ٴتىپتى دە زور ۇلەس قوسۋدى ماقسات ەتەدى. جۇڭگو وزبەكستانمەن حالىقارالىق ىستەردەگى سايكەستىك پەن سەلبەستىكتى كۇشەيتىپ، ەكى ەلدىڭ ورتاق مۇددەسىن، كوپ جاقتىلىقتى قورعاپ، حالىقارالىق قاتىناستىڭ دەموكراتيالانۋىن جەبەۋدى قالايدى. جۇڭگو مەن وزبەكستان شاڭحاي سەلبەستىك ۇيىمىنا مۇشە ەلدەرمەن بىرگە تاعدىرلاس ورتاق تۇلعا تانىمىن كۇشەيتىپ، ٴار سالاداعى سەلبەستىك دەڭگەيىن جوعارىلاتىپ، وسى ۇيىمنىڭ ونان ارى دامۋىن ىلگەرىلەتىپ، وڭىردەگى ٴار ەل حالقىنا باقىت جاراتۋى كەرەك.


    اليبوۆ پرەزيدەنت ميرزيويەۆتىڭ شي جينپيڭگە جولداعان ىقىلاستى سالەمىن جانە وسكەلەڭ قۇرمەتىن جەتكىزدى. پرەزيدەنت ميرزيويەۆ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن قىزۋ قۇتتىقتاپ،ٴتوراعا شي جينپيڭنىڭ باسشىلىعىندا جۇڭگونىڭ اناعۇرلىم گۇلدەنىپ-قۇدىرەتتەنىپ، ۇلتتىڭ ۇلى گۇلدەنۋىن ەرتەرەك جۇزەگە اسىرۋىن شىن جۇرەكتەن تىلەدى.


    اليبوۆ بىلاي دەدى: جۇڭگو وزبەكستاننىڭ ەڭ جاقىن جانە ەڭ سەنىمدى كورشىسى جانە سەرىگى. وزبەكستان جۇڭگومەن بىرگە ەكى ەل باسشىلارى كەلىسكەن ماڭىزدى ورتاق تانىمدى باتىل تياناقتاندىرادى. پرەزيدەنت ميرزيويەۆ وزبەكىستان مەن جۇڭگونىڭ دامۋ ستراتەگياسىن ۇشتاستىرىپ، «ٴبىر بەلدەۋ، ٴبىر جول» سەلبەستىگىن بەلسەنە ىلگەرىلەتىپ، حالىقتىق جانە گۋمانيتارلىق اۋىس-كۇيىستى كەڭەيتىپ، ەكى ەلدىڭ ٴداستۇرلى دوستىعىن تەرەڭدەتۋ ٴۇشىن وزبەكستاندا ارناۋلى قۇرىلىم قۇرۋدى بەلگىلەدى. وزبەكستاننىڭ جۇڭگونىڭ مەملەكەتتىڭ يەلىك ۇقىعىن، حاۋىپسىزدىگىن جانە بىرلىككە كەلۋىن قورعاۋىن باتىل قولداپ، جۇڭگونىڭ «ٴۇش كەرى كۇشكە» سوققى بەرۋىنە بەلسەنە سايكەسۋدى قالايتىندىعىن ايىتتى .


    ياڭ جيەچى، ۋاڭ ي، حى ليفىڭ قاتارلىلار كەزدەسۋدە بىرگە بولدى.


    8 ـ ايدىڭ 28-كۇنى تۇستەن كەيىن اليبوۆ تيان-انمىن الاڭىنا بارىپ، حالىق قاھارماندارى ەسكەرتكىشىنە گۇل شەڭبەر قويدى.

00.jpg
00.jpg
00.jpg
00.jpg
00.jpg