ءبىرىنشى سىنىپ وقۋشىسىنا ۇنايتىن 8 پايدالى زات
0
2019-08-29 11:04:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 كەز كەلگەن اتا-انا ءۇشىن بالاسىنىڭ ءبىرىنشى سىنىپقا بارۋى - ەڭ ماڭىزدى ءارى قۋانىشتى ءسات. سوندىقتان اتا-انا بالاسىنا مۇمكىندىگىنشە بارلىق قاجەتتى زاتتاردى الىپ بەرۋگە تىرىسادى. ەگەر ءبىرىنشى سىنىپقا باراتىن بالاڭىزعا پايدالى سىيلىق بەرگىڭىز كەلسە، تومەندەگى تىزىمگە كوز جۇگىرتىڭىز.

وياتقىش نەمەسە قول ساعات

 ءبىرىنشى سىنىپ وقۋشىسى ءوز ۋاقىتىن باقىلاۋدى ەندى ۇيرەنەدى. وعان وياتقىش كومەكتەسە الادى. ونى تەك تاڭەرتەڭ ويانۋعا قولدانباي، سونىمەن قاتار ۋاقىت بويىنشا وقۋعا پايدالانۋعا بولادى. ونىڭ ساندارى انىق كورىنەتىن ءتۇرلى ءتۇستى ءتۇرىن الىڭىز. بالاعا ساعاتتىڭ سەكۋندتىق جانە مينۋتتىق تىلدەرىن كورسەتىڭىز. ونىڭ ءتىلى قاي جەرگە كەلگەندە ويانعان دۇرىس ەكەنىن نەمەسە تاماق ءىشۋ كەرەگىن ايتىڭىز. سيفەربلاتتى مەڭگەرگەن بالاعا قول ساعات الىپ بەرۋگە بولادى. سول كەزدە ول ءۇزىلىستىڭ قاي ۋاقىتتا باستالاتىنىن، اتا-اناسى جۇمىستان نەشەدە كەلەتىنىن ءبىلىپ وتىرادى.

 ماگنيت تاقتاي

 ءبىرىنشى سىنىپ وقۋشىسىنا اق ماگنيت تاقتاي ساتىپ الۋعا بولادى. ول شىعارماشىلىققا ارنالعان ورىن بولا الادى جانە بالاعا ءوز كۇنىن ۇيىمداستىرۋعا كومەكتەسەدى. تاقتايعا ساباق كەستەسىن، قانداي دا ءبىر ەسكەرتۋلەردى ىلۋگە بولادى. بوس جەرىنە بالا سۋرەت سالادى، سۋرەتتەر ىلەدى نەمەسە ءتۇرلى ماگنيت فيگۋرالاردى جابىستىرا الادى.

 گلوبۋس نەمەسە قابىرعاعا ىلەتىن كارتا

كەي بالالارعا گلوبۋس قاراعان ۇناسا، باسقالارى كارتانى زەرتتەگەندى ءجون كورەدى. سوندىقتان قايسىسىن تاڭداۋدى بالا مەن اتا- انا شەشەدى. ءبىراق ەكەۋى دە بالاعا تەك پايداسىن بەرەتىنى انىق. بىرەۋلەرگە گلوبۋس وتكەن شاقتىڭ زاتى جانە بالا ۇستەلىندە تەك ورىن الاتىنداي كورىنۋى مۇمكىن. الايدا گلوبۋس جەردىڭ دوڭگەلەك ەكەنىن كورسەتەدى جانە ول الىپ الەمدى كىشىرەيتىلگەن ماسشتابتا كورۋگە مۇمكىندىك بەرەدى.

 بىرنەشە ەرەكشە قالام مەن قارىنداش

كەز كەلگەن وقۋشى كەڭسە زاتتارىنسىز مەكتەپكە بارمايتىنى انىق. بارلىق اتا-انا مەكتەپكە باراردا بالاسىنا قاجەتتى كەڭسە زاتتارىن الىپ بەرەدى. الايدا اتا-انا مەن مۇعالىمدەر ءۇشىن ءبىرتۇرلى قارىنداشتار مەن ەرەكشە وشىرگىشتەر قاجەت ەمەس زات بولىپ كورىنگەنىمەن، بالا ولاي سانامايدى. سوندىقتان بالامەن بىرگە كەڭسە زاتتارىن ساتاتىن دۇكەنگە بارىپ، وعان ۇناعان بىرنەشە ەرەكشە قالام مەن قارىنداشتارىن الىپ بەرسەڭىز، كىشكەنتاي وقۋشى مەكتەپكە باراتىنىنا مىندەتتى تۇردە قۋانادى. سپورتتىق فورما تاسۋعا ارنالعان سومكە كەز كەلگەن اتا-انا ءبىرىنشى سىنىپ وقۋشىسىنا ءبىرىنشى كەزەكتە ريۋكزاك ساتىپ الاتىنىن انىق. وقۋشى كىتاپتارمەن قوسا دەنە شىنىقتىرۋ ساباعىنا سپورتتىق فورما دا تاسيدى. سوندىقتان بالاعا ەرەكشە جانە وزىنە ۇنايتىن ەكىنشى سومكە (سپورتتىق سومكە) سىيلاۋعا بولادى.

 سالپىنشاق

مەكتەپتە بىردەڭە جوعالتىپ العان بالا ءوزىنىڭ زاتىن باسقالاردىڭ زاتىنان بىردەن ايىرا المايدى. ال سالپىنشاق ءوز زاتىن ەرەكشەلەيتىن دەتالعا اينالادى. ونىڭ ۇستىنە ءبىر سىنىپتاعى بىرنەشە وقۋشىدا بىردەي قالامساپ نەمەسە باسقا دا بىردەي زات بولۋى ابدەن مۇمكىن. سول كەزدە بالا ءۇشىن ءسىز سىيلاعان ەرەكشە سالپىنشاق ءوز زاتىن تانۋعا ارنالعان بەلگىگە اينالادى. سالپىنشاق بالاعا پسيحولوگيالىق تۇرعىدا دا كومەكتەسەدى. بۇل كىشكەنتاي اشەكەيدى بالاعا مەكتەپكە باراردا سىيلاساڭىز، بۇل زاتتى بالا اتا-اناسىمەن اسسوتسياتسيالايدى. بالا مەكتەپكە بەيىمدەلىپ كەتكەنشە ولاردى ۇيدە جاقسى كورەتىن ادامدار بار ەكەنىن ەسكە تۇسىرەتىن زاتتىڭ جانىندا بولۋى وعان جاقسى اسەرىن بەرمەي قويمايدى.

ءاميان ء

بىرىنشى سىنىپقا بارعان بالا جەكە تۇلعا رەنتىندە قالىپتاسا باستايدى. شاعىن ماتا ءاميانعا كىلت، جول ءجۇرۋ كارتاسىن جانە اقشا سالۋعا بولادى. بالاعا مەكتەپ جاسىنان اقشا ۇستاۋدى جانە ونى دۇرىس جۇمساي ءبىلۋدى ۇيرەتۋ ماڭىزدى. ال ونى بالاعا جەكە ءاميان سىيلاۋدان باستاعان ءجون. سول كەزدە بالا ءوزىن ەرەسەك سەزىنىپ، موينىنا جاۋاپكەرشىلىك الادى.

سۋ قۇيۋعا ارنالعان بوتەلكە

بالاعا كۇندە سۋ ساتىپ الىپ، بوتەلكەسىن قوقىسقا تاستاعاننان تابيعات لاستانا بەرەتىنىن ۇمىتپاڭىز. بالاعا دا وسىنى ءتۇسىندىرىڭىز: «كۇندە سۋ ساتىپ الۋ جانە ونى لاقتىرۋدىڭ» دۇرىس ەمەس ەكەندىگىن ايتىڭىز. بالاعا سۋ قۇيۋعا ارنالعان ارنايى بوتەلكە سىيلاپ، سول ىدىسپەن سۋدى ۇيدەن تاسۋدى ۇيرەتىڭىز.

00.jpg
00.jpg
00.jpg
00.jpg
00.jpg