شياڭگاڭدا 12 جاستاعى ەرەۋىلشى بالا تۇتقىندالدى
0
2019-08-30 16:11:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

 

    8-ايدىڭ 25-كۇنگى شياڭگاڭ چۋانۋان جانە كۇيچيڭ رايونىنداعى زورلىقتى كۇشپەن قىر كورسەتۋ ەرەۋىلىندە ساقشى جاق جالپى 36 ادامدى زاڭسىز توپ قۇرۋ، سۋىق قارۋلار جاسىرۋ سياقتى قىلمىستارمەن تۇتقىنداعان، جاسى ەڭ كىشىسى نەبارى 12 جاستا.


    ۇعىسۋعا قاراعاندا 12 جاستاعى بۇل ۇل بالا «زاڭسىز توپ قۇرۋعا» قاتىناسقانى سەبەپتى تۇتقىندالعان، بيىلعى جاڭا وقۋ ماۋسىمىندا تولقىسىز 1-جىلدىققا كىرەتىن جىلى ەكەن، ەندى قالىپتى وقۋىن جالعاستىرا الا ما، جوق، ول جاعى قازىرشە بەيمالىم.


    12 جاستاعى، بۇعاناسى قاتپاعان بالا ٴجۇزىن تۇمشالاپ، شياڭگاڭداعى بۇلىكشىلەردىڭ الدىڭعى شەبىنە شىعىپ، بالعىن تىلىمەن «سايراي» جونەلدى، ونىڭ ايتىپ جاتقانى شياڭگاڭداعى بۇلىكشىلەردىڭ ۇگىت سوزدەرى، جاتتاپ العانى بولماسا قانشاسىن تۇسىنەر دەيسىڭ، ونى ويلاساڭ جۇرەگىڭ اۋىرادى...


    جاڭا وقۋ ماۋسىمىندا 12 جاستاعى ۇل بالا وقۋىن قالىپتى جالعاستىرا الار ما؟


    8-ايدىڭ 26-كۇنى شياڭگاڭ ليڭنان حىڭ-ي ەسكەرتكىشى ورتا مەكتەبىنىڭ باستىعى لي جىلين مەكتەپ قوعامدىق قارىم-قاتىناس توراپ بەكەتىنىڭ ارناۋلى سايىتىندا مالىمدەمە جاريالاپ، جاڭا وقۋ ماۋسىمىندا مەكتەپكە وقۋعا تۇسەتىن ٴبىر وقۋشىنى ساقشى جاقتىڭ تۇتقىنداعانىن راستادى جانە مەكتەپ بۇل بالانىڭ اتا-اناسىمەن حابارلاسىپ، جاعدايىن ۇعىسىپ تۇراتىندىعىن جەتكىزدى.


    وسى مەكتەپتىڭ ورىنباسار مەكتەپ باستىعى گۋان گوكاڭ بىلاي دەيدى: بۇل ۇل بالا ٴالى دە ساقشى جاقتىڭ قولىندا، ەگەر ساقشى جاق رەسمي دەلو تۇرعىزىپ ايىپتايتىن بولسا، وندا بۇل وقۋ جىلىندا قالىپتى وقۋىن جالعاستىرۋى قيىنداۋ. قازىرگە دەيىن مەكتەپ جاعداي وزگەرىسىنە قاتىستى جوبا الىپ شىقپادى، ٴبىراق بۇل بالانىڭ جاسى كىشى بولعاندىقتان، ساقشى جانە سوت مەكەمەسى جاعدايىنا قاراي كەپىلدىككە بوساتاتىنىنا سەنەمىن.


    مەكتەپ مالىمدەمەسى


    ٴبىزدىڭ مەكتەپتە ەندى تولىقسىز 1-ورتاعا وقۋعا تۇسەتىن ٴبىر وقۋشىنى كەشە كەشتە ساقشى جاق تۇتقىندادى، مەكتەپ ونىڭ اتا-اناسىنا حابارلاسىپ، وقۋشىنىڭ جاعدايىن ۇعىسىپ تۇرادى، سونداي-اق مەكتەپتىڭ قوعامدىق قارىم-قاتىناس ۇجىمى كومەكتەسىپ قىزمەت وتەيدى. سونىمەن بىرگە بۇگىن تولىقسىز ورتا مەكتەپكە تۇسكەن وقۋشىلارعا ساباق بەرۋ ورايىندا وقۋشىلاردىڭ كوڭىلدى بولۋى جانە باسقا وقۋشىلاردىڭ كوڭىل-كۇيىن ورنىقتىرۋ جاعىندا اقىل-كەڭەس بەرەدى.


    بىرەۋلەر مەكتەبىمىزدەگى ٴبىر وقىتۋشى تەكسەرۋ وقىپتى، قىزمەتىنەن توقتاتىلىپتى جانە وقۋشىعا قاتاڭ جازا قولدانىپتى دەگەن سياقتى وسەك-اياڭ تاراتقان، بۇل ٴىس جونىندە مەكتەپ وقىتۋشىعا قاراتا ەشقانداي پىكىر ايتپادى جانە جازالامادى، تەك وقۋشىلاردىڭ كوڭىلدى بولۋى جانە ناقتى جاعدايدى ۇعىندىرۋ جاعىندا اقىل-كەڭەس بەردى.


    ارناۋلى مالىمدەمە شىعاردىق، ٴار سالاداعى ادامداردىڭ بۇل جاعدايدان حاباردار بولۋىن ٴۇمىت ەتەمىز.


    مەكتەپ باستىعى: لي جىلين


    2019-جىلى 8-ايدىڭ 26-كۇنى 

    شياڭگاڭداعى تۇتقىندالعان بۇلىك تۋدىرۋشىلاردىڭ ىشىندە از دەگەندە بەسەۋى 16 جاسقا تولماعان وقۋشى


    شياڭگاڭداعى بۇلىكشىلەر جاستار مەن وسپىرىمدەردىڭ ٴبىلىم الۋىمەن ساناسپايدى، ولاردىڭ بولاشاعىمەن ساناسپايدى، باسىنىڭ دىمى كەپپەگەن ورتالاۋ مەكتەپ وقۋشىلارىن بۇلىك تۋدىرۋ جانە ساباق تاستاۋ سياقتى ساياسي قيمىلعا قاتىناسۋعا جەلىكتىردى.


    6-ايدان بەرگى تولاسسىز تۋىلعان ەرەۋىلدە، 16 جاسقا تولماعان وقۋشىلاردان از دەگەندە بەسەۋى تۇتقىنعا الىنعان.


    7-ايدىڭ 1-كۇنى زاڭ شىعارۋ كەڭسەسىنىڭ ۋنيۆەرسالدى عيماراتىندا تۋىلعان زورلىقتى كۇش ۋاقيعاسىندا، ساقشى جاق قاتىستى 13 ادامدى تۇتقىنداعان، جاسى ەڭ كىشىسى 14 جاستا.


    8-ايدىڭ 5-كۇنگى اتالمىش «ٴۇشتى تاستاۋ» بۇلىگىندە شياڭگاڭنىڭ كوپ رايونىندا قاقتىعىس تۋىلىپ، ساقشى جاق جالپى 148 ادامدى تۇتقىنداعان، جاسى ەڭ كىشسى 13 جاستا.

 
    8-ايدىڭ 11-كۇنى كەشتە، جيانشازۇي ساقشىلار تۇرعىنىڭ ماڭىنان ساقشىلار 30 ادامدى تۇتقىنداعان، جاسى ەڭ كىشسى 14 جاستا.


    8-ايدىڭ 14-كۇنى ەرەۋىلشىلەر جۇڭيۋان مەرەكەسىن جەلەۋ ەتىپ زاڭسىز توپ قۇرعان، ٴار رايونداعى ساقشىلار تۇراعىنىڭ ماڭىندا اتالمىش «كيىم ورتەپ، تىلەك تىلەۋ» دەگەندى سىلتاۋراتىپ بۇلىك تۋدىرعان، ساقشى جاق تۇتقىنداعان ادامداردىڭ ىشىندەگى جاسى ەڭ كىشىسى 15 جاستا.


    شياڭگاڭنىڭ وقۋ-اعارتۋىنان قانداي ماسەلە بايقالدى؟


    قانداي وقىتۋ تاربيەسى ازمات جاسىنا تولماعانداردى بۇلىكشىلەر توبىرىنىڭ الدىڭعى شەبىنە ايتاقتاعان؟ شياڭگاڭنىڭ وقۋ-اعارتۋ سالاسىنىڭ قايراتكەرلەرىن ويعا باتىردى، ولار «بوتەن نيەتتەگىلەر» ازامات جاسىنا تولماعانداردىڭ باسىنىڭ دىمى كەپپەگەنىنەن پايدالانىپ ساياسي ويىنعا اينالدىرعانى، وتە جيىركەنىشتى ەكەندىگىن ايتتى.


    شياڭگاڭنىڭ وقۋ-اعارتۋ بىرلەستىگىنىڭ ٴتوراعاسى، مەكتەپ باستىعى حۋاڭ جينلياڭ بۇل ۋاقيعاعا قاراتا وكىنىش بىلدىرەتىندىگىن، ٴتىپتى دە «جۇرەگىڭ اۋراتىنى» 12 جاستاعى بەسىكتەن بەلى شىقپاعان بالا ەكەنىن ايتادى. «جاستار بۇلىكشى توبىرلارىنىڭ الدىنا شىعىپ قاقتىعىسقا قاتىناسسا باس اماندىعىنا اسا حاۋىپتى، ول از بولعانداي قىلمىستى ىستەر جاۋاپكەرشىلىگىنە تارتىلۋى مۇمكىن»،-دەيدى. ول تاعى بىلاي دەدى: «جاستاردىڭ، اسىرەسە ورتا-باستاۋىش مەكتەپ وقۋشىلارىنىڭ باسىنىڭ دىمى كەپپەگەن، ەلدىڭ تىلىنە وڭاي ەرەدى.ٴىشىنارا بۇگدە نيەتتەگىلەر، جاستاردى ساياسي ويىنعا پايدالانعاندارى توتەنشە جيىركەنىشتى، ٴتىپتى دە ولاردى بۇلىكشىلەردىڭ الدىڭعى كەگىنە ايداپ سالعاندارى بارىپ تۇرعان ۇجدانسىزدىق!


    سونىمەن بىرگە ول جاستارعا ۇندەۋ سالىپ، دوستاسقاندا ساق بولىڭدار، استە بىرەۋدىڭ تىلىنە وڭاي ەرىپ كەتپەڭدەر، ايتپەگەندە ەگەر قىزبالىقپەن ارەكەتكە كىرىسەڭ، «ٴوز قولىڭمەن ٴومىرىڭدى ويراندايسىڭ» دەگەندى ەسكەرتتى.


    شياڭگاڭنىڭ وقۋ-اعارتۋ القالار كەڭەسىنىڭ ٴتوراعاسى، مەكتەپ باستىعى حى حانچۋان بىلاي دەدى: «اتقا مىنگەن باتىردىڭ تۇبىنە قوشامەتشىلەر جەتىپتى» دەگەن ٴسوز بار. ٴمانىسى بولسا، اتقا مىنگەن سەنىڭ تۇبىڭە جەتكەن، جول شەتىندە ساعان قوشامەت كورسەتىپ، باتىرسىڭ دەپ تۇرعاندار. توتەسىن ايتايىن، وقۋ-اعارتۋ قىزمەتكەرلەرى وزدەرىنىڭ وشپەندىلىك يدەيا تارتقان-تاراتپاعانىن جاقسىراق ويلانسىن، وقۋشىلاردى ساياسي ويىننىڭ قۇيىنا باتىرعان-باتىرماعانى جونىندە ٴوزىن تەرگەسىن، اسىرەسە وقۋ-اعارتۋ قوعامدارى ساباق تاستاۋعا وقۋشىلاردى ۇشكىرتۋى ٴتىپتى قاجەت ەمەس!


    شياڭگاڭدا بىلىقپاشىلىق تۋدىرعان تورتتىك توبەنىڭ بالالارىنىڭ ٴبارى انگليا، ا ق ش-تا شالقىپ ٴجۇر نەمەسە بىلىقپالىقتان الىس تاسالانىپ ٴجۇر، بۇلىكشىلەر ەلدىڭ بالاسىن كوشەگە شىعارعانىمەن، ٴوز بالالارىن كوشەگە جولاتپايدى!


    ولار شياڭگاڭداعى قاراپايىم حالىق بۇقاراسىنىڭ بالالارىن جەلىكتىرىپ، بولاشاعىن ويرانداپ، شياڭگاڭنىڭ بولاشاعىن قۇرتىپ تىنباقشى.

00.jpg
00.jpg
00.jpg
00.jpg
00.jpg