شي جينپيڭ 2019-جىلعى حالىقارالىق باسكەتبولشىلار بىرلەستىگىنىڭ باسكەتبول دۇنيە جۇزىلىك ساۋىتىنا تالاسۋ جارى...
0
2019-08-31 10:57:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    ٴوز حابارىمىز: مەملەكەت ٴتوراعاسى شي جينپيڭ 8-ايدىڭ 30-كۇنى كەشتە بەيجيڭدەگى مالتاۋ سارايىندا 2019-جىلعى حالىقارالىق باسكەتبول قۇراماسى الەمدىك ساۋىتىنا تالاسۋ جارىسىنىڭ اشىلۋ سالتىنا قاتىناستى.


    ساعات 19 دان 55 مينۋت وتكەندە شي جينپيڭ مەن حالىقارالىق باسكەتبول بىرلەستىگىنىڭ ٴتوراعاسى مۇراترا، باس حاتشى زاگريس جانە جۇڭگودا ساپاردا جۇرگەن فيليپپيننىڭ زۇڭتۇڭى دۋتەرتپەن بىرگە مالتاۋ سارايىنىڭ وليمپيادا زالىنا كىردى. كورەرمەندەر ورىندارىنان تۇرىپ شاپالاق سوعىپ، قىزۋ قارسى الدى.


    كورەرمەندەردىڭ ۋاقىتتى شەگەرىپ ەسەپتەۋ ٴۇنى ىشىندە اشىلۋ سالتى باستالدى. باسكەتبولشى ورەندەر «مەن باسكەتبولشىمىن» دەگەن جالىندى ويىن ٴنومىرىن ورىندادى. باسكەتبول كيىمىن كيگەن 32 جاس ٴوسپىرىم ارتارتىنان بوي كورسەتىپ، جارىسقا قاتىناسقان 32 ەل تاڭباسى باسىلعان باسكەتبولدى كورسەتتى.


    كورەرمەندەر ورىندارىنان تۇرىپ، جۇڭحۋا حالىق رەسپۋبليكاسىنىڭ مەملەكەت ٴانىن ورىندادى، بەس جۇلدىزدى قىزىل تۋ باياۋ كوتەرىلدى.


    حالىقارالىق باسكەتبول بىرلەستىگىنىڭ ٴتوراعاسى مۇراترا ارناۋ سوزىندە بىلاي دەدى : 2019 ـ جىلعى باسكەتبول دۇنيە جۇزىلىك ساۋىتىنا تالاسۋ جارىسى تاريحتاعى جارىس وتكىزەتىن قالالار ەڭ كوپ، كولەمى ەڭ ۇلكەن، جۇرت نازارىن اۋدارعان ٴىرى جارىسى ٴتۇرى. ول جۇڭگونىڭ دەن قويا جاساعان دايىندىق قىزمەتىنە جوعارى باعا بەردى ٴارى شىن جۇرەكتەن العىس ايتتى. وسى كەزەكتى باسكەتبول دۇنيە جۇزىلىك ساۋىتىنا تالاسۋ جارىسىنىڭ ٴساتتى، تارتىمدى بولاتىندىعىنا سەنىم ٴبىلدىردى.


    مۇراترانىڭ ۇسىنىسىمەن ٴتوراعا شي جينپيڭ: 2019-جىلعى حالىقارالىق باسكەتبولشىلار بىرلەستىگىنىڭ باسكەتبول دۇنيە جۇزىلىك ساۋىتىنا تالاسۋ جارىسى باستالدى !،-دەپ جاريالادى.


    الاڭدا حالىقارالىق باسكەتبول بىرلەسپە جارىسىنىڭ تۋى مەن 2019-جىلعى حالىقارالىق باسكەتبول بىرلەسپە     جارىسىنىڭ دۇنيە     جۇزىلىك ساۋىتىنا تالاسۋ جارىسىنىڭ تۋى كوتەرىلدى.


    وسى كەزەكتى باسكەتبول دۇنيە جۇزىلىك ساۋىتىنا تالاسۋ جارىسى «ارمان تۇلەگى» اتتى ىسقىرىق ٴۇنى ىشىندە «ارمان جىرى» ادەبيەت-كوركەمونەر كونسەرتىمەن شىمىلدىعىن اشتى.


    بەيجيڭ تەاترى مەن پيانينو قابىسترىلىپ «تيانشيڭ ارداگەرلەرىنىڭ ٴوزىن الۋەتتەندىرۋى» اتتى كونسەرت قويىلدى. جاس انشىلەر «ارمانعا بىرگە قانات قاعايىق» دەگەن ٴاندى بىرگە شىرقادى. بايىرعى سكريپكانىڭ سۇيەمەلىندە «كوپ بولىپ جۇمىلساق الىنبايتىن قامال جوق» دەگەن ٴنومىر ورىندالىپ، بىرلىكتە ٴومىر ٴسۇرىپ، ورتاق كوركەيەتىن شىعىس فيلوسوفياسىن ۇعىندىردى. ەسا باسكەتبول كومانداسى «اسقاق ارمان جۇرەگىمدە» اتتى ٴاندى شىرقاپ، 16 جاستاعى باسكەتبولشى ٴوسپىرىم ەسانىڭ قايتىس بولعاننان كەيىن دەنە مۇشەسىن تارتۋ ەتكەن جان تەبىرەنتەر ىستەرىن جىرلاپ، وسى دەنە مۇشەسىنە يە بولعانداردان قۇرالعان باسكەتبول كومانداسى ەسانىڭ ارمانىن اڭگىمەلەدى . بەس قۇرلىقتان كەلگەن باسكەتبول جاستارى مەن جۇڭگونىڭ كوركەمونەرشىلەرى دە تارتىمدى كونسەرت قويدى.

    جۇڭگو باسكەتبول قوعامىنىڭ ٴتوراعاسى ياۋ ميڭ وسى كەزەكتى باسكەتبول دۇنيە جۇزىلىك ساۋىتىنا تالاسۋ جارىسىنىڭ اعا جۇلدەگەر ساۋىتىن قورعاپ الاڭعا كىردى. جارىس وتكىزگەن 8 قالانىڭ باسكەتبولشى ورەندەرى رەتى بويىنشا: «جۇڭگو دايىندالىپ بولدى!» دەپ جاريالادىٴارى «قايراتتان! باسكەتبول» دەگەن ٴاندى شىرقاپ، وسى كەزەكتى باسكەتبول دۇنيە جۇزىلىك ساۋىتىنا تالاسۋ جارىسىنا تاماشا تىلەك ٴبىلدىردى.


    حالىقارالىق باسكەتبول بىرلەسپە     جارىسى حالىقارالىق باسكەتبول بىرلەستىگى ۇيىمداستىرعان دۇنيەجۇزىلىك ەڭ جوعارى ورەدەگى مەملەكەتتىك كوماندا دارەجەلى باسكەتبول جارىسى، ٴار 4 جىلدا ٴبىر كەزەك وزدىرىلادى. 2019-جىلعى دۇنيە جۇزىلىك باسكەتبول ساۋىتىنا تالاسۋ جارىسىنىڭ كەزەڭدىك جارىسى 8-ايدىڭ 31-كۇنىنەن 9-ايدىڭ 15-كۇنىنە دەيىن جۇڭگودا وتكىزىلەدى.


اۋدارعان: ٴرادىل جاۋدات ۇلى

00.jpg
00.jpg
00.jpg
00.jpg
00.jpg