لي كىچياڭ فيليپپيننىڭ پرەزيدەنتىمەن كەزدەستى
0
2019-08-31 11:35:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    ٴوز حابارىمىز: مەملەكەتتىك كەڭەستىڭ زۇڭليى لي كىچياڭ 8-ايدىڭ 30-كۇنى حالىق سارايىندا فيليپپيننىڭ پرەزيدەنتى دۋتەرتپەن كەزدەستى.


    لي كىچياڭ بىلاي دەدى: فيليپپين جۇڭگونىڭ شىعىس وڭتۇستىك ازياداعى ماڭىزدى سەلبەستىك سەرىگى. وتكەن 3 جىلدا ەكى ەل قاتىناسى جاقسارۋ، بەكەمدەلۋ نەگىزىندە اقاۋسىز ارنامەن العا باستى. ٴتوراعا شي جينپيڭ پرەزيدەنت مىرزامەن كەزدەسىپ، ەكى ەل قاتىناسىنىڭ بولاشاق دامۋىن جوسپارلادى. جۇڭگو مەن فيليپپيننىڭ ورتاق مۇددەسى الاۋىزدىقتان الدەقايدا كوپ، ٴبىز فيليپپينمەن ٴوزارا قۇرمەت ەتۋ، تەڭدىك، ٴوزارا تيىمدىلىك نەگىزىندە ەكى ەل قاتىناسى مەن سەلبەستىگىنىڭ باياندى، ورنىقتى، اقاۋسىز دامۋىن ىلگەرىلەتۋدى قالايمىز.


    لي كىچياڭ مىنالاردى اتاپ كورسەتتى: جۇڭگو فيليپپينمەن جانە شىعىس وڭتۇستىك ازيا ەلدەر وداعىنداعى ەلدەرمەن بىرگە قۇلشىنىپ، فيليپپين جۇڭگو-شىعىس وڭتۇستىك ازيا ەلدەر وداعى قاتىناسىنىڭ سايكەستىرۋشى ەلى بولعان مەزگىلدە، «نانحاي تەڭىزى ارەكەت ولشەمىنە» قول قويىپ، تەڭىزدەگى مۇناي ـ گاز اشۋدى ىلگەرىلەتىپ، نانحاي تەڭىزى مەن ٴوڭىردىڭ بەيبىتشىلىگىن، ورنىقتىلىعىن ويداعىداي قورعاۋدى قالايدى.


    دۋتەرت بىلاي دەدى: فيلليپپين مەن جۇڭگونىڭ ٴداستۇرلى دوستىعى تەرەڭ. فيليپپين جۇڭگومەن ماڭگى قارسىلاسپايدى، جۇڭگومەن «نانحاي تەڭىزى ارەكەت ولشەمى» جونىندە كەڭەستى ىلگەرىلەتىپ، تەڭىزدەگى مۇناي، تابيعي گازدى بىرگە اشۋدى ىلگەرىلەتۋدى قالايدى. باتىس ەلدەرى «نانحاي تەڭىزى ارەكەت ولشەمىنىڭ» كەلىسسوزىنە قاتىناسۋشى ەمەس، ولار وڭىرلىك ەلدەردىڭ قۇلشىنىسىنا كەدەرگى بولماۋى كەرەك.

اۋدارعان: گۇلنۇر قابىلقاق قىزى

00.jpg
00.jpg
00.jpg
00.jpg
00.jpg