قورا-جايدى جاقىن تۋىسىنا وتكەرمەلەۋدە باجى الىنبايتىن بولدى
0
2019-08-31 15:31:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    ەڭ جاڭا حابارعا قاراعاندا، قازىنا مينيسترلىگى، باجى باس مەكەمەسى جەكەلەردىڭ كىرىسىنە قاتىستى جەكەلەر تابىس باجىسىن الۋعا ءتيىستى تابىس ءتۇرىن قولعا كەلتىرۋ جونىندەگى حابارلاندىرۋىن شىعاردى. مۇنىڭ ىشىندە جەكەلەر ورگاندار نەمەسە باسقالار ءۇشىن كەپىلدىك بەرىپ، كىرىس كىرگىزسە، جەكەلەر تابىس باجىسىن «كەزدەيسوق تابىس» ءتۇرى بويىنشا ەسەپتەپ تاپسىراتىندىعى؛ ءۇي مەنشىك ۇقىعى يەسى ءۇيدىڭ مەنشىك ۇقىعىن باسقالارعا تەگىن تارتۋ ەتسە، سي قابىلداۋشىنىڭ تارتۋ ەتىلگەن ۇيدەن العان تارتۋ كىرىسىنەن «كەزدەيسوق تابىس» ءتۇرى بويىنشا ەسەپتەپ جەكەلەر تابىس باجىسى تاپسىرىلاتىندىعى اشىق بەلگىلەنگەن. حابارلاندىرۋدا تاعى بىلاي دەپ بەلگىلەنگەن: ‹ءۇي مەنشىك ۇقىعى يەسىءۇيدىڭ مەنشىك ۇقىعىن جۇبايى، اكە-شەشەسى، بالالارى، اتا-اجەسى، ناعاشى اتاسى مەن ناعاشى اپاسى، نەمەرەلەرى، جيەندەرى، اعا-ءىنى، اپەكە-قارىنداستارى سياقتى جاقىندارىنا اقىسىز تارتۋ ەتسە جەكەلەر تابىس باجىسى الىنبايدى›.


    وزگەرىس ەنگىزىلگەننەن كەيىنگى «جۇڭحۋا حالىق رەسپۋبليكاسىنىڭ جەكەلەردەن تابىس باجى الۋ زاڭىن» دايەكتى تياناقتاندىرىپ، ساياساتتى ۇشتاستىرۋ قىزمەتىن ويداعىداي ىستەۋ ءۇشىن، جەكەلەردىڭ تاپقان كىرىسىنەن جەكەلەر تابىس باجىسىن الۋعا ءتيىستى تابىس باجى تۇرلەرىن قولدانۋعا قاتىستى ىستەر جونىندە مىناداي حابارلاندىرۋ شىعارىلدى :


    1. جەكەلەر ورگاندارعا نەمەسە باسقالارعا كەپىلدىك بەرىپ، كىرىس كىرگىزسە، جەكەلەر تابىس باجىسىن «كەزدەيسوق تابىس» ءتۇرى بويىنشا ەسەپتەپ تاپسىرادى.


    2. ءۇي مەنشىك ۇقىعى يەسى ءۇيدىڭ مەنشىك ۇقىعىن باسقالارعا تەگىن تارتۋ ەتسە، سي قابىلداۋشىنىڭ تارتۋ ەتىلگەن ۇيدەن العان تارتۋ كىرىسى «كەزدەيسوق تابىس» ءتۇرى بويىنشا ەسەپتەلىپ، جەكەلەر تابىس باجىسىن تاپسىرادى. «قازىنا مينيسترلىگى، مەملەكەتتىك باجى باس مەكەمەسىنىڭ جەكەلەردىڭ تەگىن قابىلداعان ۇيلەرىنىڭ جەكەلەر تابىس باجىسى ماسەلەسى جونىندەگى ۇقتىرۋىنىڭ» 1-تارماعىنداعى بەلگىلەمەگە ساي، مىناداي جاعدايلارعا ۇيلەسسە، ىسكە قاتىستى ەكى جاقتان جەكەلەر تابىس باجىسى الىنبايدى:


    (1). ءۇي مەنشىك ۇقىعى يەسى ءۇيدىڭ مەنشىك ۇقىعىن جۇبايى، اكە-شەشەسى، بالالارى، اتا-اجەسى، ناعاشى اتاسى جانە ناعاشى اپاسى، نەمەرەلەرى، جيەندەرى، اعا-ءىنى، اپەكە-سىڭلىلەرىنە تەگىن تارتۋ ەتسە؛


    (2).ءۇي مەنشىك ۇقىعى يەسى ءۇيدىڭ مەنشىك ۇقىعىن ءوزى جونىنەن تىكەلەي باعىپ-قاعۋ نەمەسە اسىراۋ بورىشىن ارقالاعان باعىپ-قاعۋشى نەمەسە اسىراۋشىعا تەگىن تارتۋ ەتسە؛


    (3).ءۇي مەنشىك ۇقىعى يەسى ءولىپ، زاڭ بويىنشا ءۇي مەنشىك ۇقىعىنا زاڭدىق مۇراگەر، وسيەتپەن مۇراگەرلىك ەتۋشى نەمەسە وسيەتپەن ميراسقا الۋشى يە بولسا.


    الدىڭعى تارماقشادا ايتىلعان تارتۋ ەتىلگەن كىرىستەن باجى الۋعا ءتيىستى تابىس سوماسى «قازىنا مينيسترلىگى، مەملەكەتتىك باجى باس مەكەمەسىنىڭ جەكەلەردىڭ تەگىن قابىلداعان ۇيلەردەن جەكەلەر تابىس باجىسىن الۋ ماسەلەسى جونىندەگى ۇقتىرۋىنىڭ» (قازىنا-باجى 〔 2009 〕 78-ءنومىرلى ) 4-تارماعىنداعى بەلگىلەمە بويىنشا ەسەپتەلەدى.


    3. كاسىپورىندار كاسىپتىك ۇگىت، جارناما سياقتى قيمىلدار بارىسىندا، ءوز ورنىنان باسقا جەكەلەرگە كەزدەيسوق تارتۋ-تارالعى ۇسىنسا ( ينتەرنەتتىك تارتۋ - تارالعى، تومەندە دە ۇقساس الىنادى)، سونداي-اق كاسىپورىنداردىڭ جىلدىق ءماجىلىسى، اڭگىمە ءماجىلىسى، قۇتتىقتاۋ سالتى جانە باسقا دا قيمىلداردا ءوز ورنىنان باسقا جەكەلەرگە تارتۋ-تارالعى ۇسىنسا، جەكەلەر العان تارتۋ-تارالعى كىرىسى «كەزدەيسوق تابىس» ءتۇرى بويىنشا ەسەپتەلىپ، جەكەلەر تابىس باجىسىن تاپسىرادى، ءبىراق كاسىپورىن تارتۋ ەتكەن باعانى ارزانداتۋ نەمەسە دولايلاستىرۋ سيپاتىنا يە تۇتىنۋ بەلەتى، ۋاكىلدىك اقشا، دولايلاستىرۋ بەلەتى، جەڭىلدىك بەلەتى سياقتى تارتۋ-تارالعىلار بۇعان كىرمەيدى. الدىڭعى تارماقشادا ايتىلعان تارتۋ-تارالعى كىرىسىنىڭ باجى تاپسىرۋعا ءتيىستى تابىس سوماسى «قازىنا مينيسترلىگى، مەملەكەتتىك باجى باس مەكەمەسىنىڭ كاسىپورىنداردىڭ ساتۋدى جەبەۋ كورمەسىندە تارتۋ-تارالعى ۇسىنۋداعى جەكەلەر تابىس باجىسى ماسەلەسى جونىندەگى ۇقتىرۋىنىڭ» 3-تارماعىنداعى بەلگىلەمە بويىنشا ەسەپتەلەدى.


    4. جەكەلەر « قازىنا مينيسترلىگى، مەملەكەتتىك باجى باس مەكەمەسى، ادام كۇش بايلىعى جانە قوعامدىق قامتاماسىزداندىرۋ مينيسترلىگى، جۇڭگو بانكە قامسىزداندىرۋدى باقىلاۋ-باسقارۋ كوميتەتى اكتسيا باقىلاۋ-باسقارۋ كوميتەتىنىڭ جەكەلەر باجىسىن كەشەۋىلدەتەتىن ساۋدا زەينەتكەرلىك قامسىزداندىرۋىن تۇيىندە سىناق ەتۋ جونىندەگى ۇقتىرۋى»نىڭ بەلگىلەمەسى بويىنشا، الىناتىن باجىسى كەشەۋىلدەتىلگەن ساۋدا زەينەتكەرلىك قامسىزداندىرۋىنىڭ زەينەتاقى كىرىسى بولادى، مۇنىڭ %25 ىنە باجى الىنبايدى، قالعان %75 ى %10 تىك سالىستىرما بويىنشا ەسەپتەلىپ جەكەلەر تابىس باجىسىن تاپسىرادى، باجى سوماسى «ەڭبەكاقى، جالاقى تابىسى» نىسانىنا كىرگىزىلەدى، قامسىزداندىرۋ قۇرىلىمى ۋاكىلەتتىكپەن ۇستاپ قالىپ، ۋاكىلدىك رەتىندە تاپسىرعاننان كەيىن، جەكەلەردەن باجىسى كەشەۋىلدەتىلگەن زەينەتكەرلىك قامسىزداندىرۋىن ساتىپ العان قۇرىلىم تۇرعان جەردە بارلىق قىزمەتكەرلەردىكىمەن ۇقساس تۇگەلدەي ۇستاپ قالىنىپ، مالىمدەلىپ تاپسىرىلادى.


اۋدارعان: مارالبەك ابدىكارىم ۇلى (تورابىمىز ۇسىنىس ەتكەن ءتىلشى)

00.jpg
00.jpg
00.jpg
00.jpg
00.jpg