شي جينپيڭ ورتالىق پارتيا مەكتەبىندە ماڭىزدى ٴسوز سويلەدى
0
2019-09-04 11:07:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    وز حابارىمىز: ورتالىق پارتيا مەكتەبىنىڭ (مەملەكەتتىك اكىمشىلىك ينىيستيتۋتىنىڭ) 2019-جىلعى كۇز ماۋسىمىنداعى ورتا جاس جانە جاس كادرلاردى تاربيەلەۋ كۋرسى 9-ايدىڭ 3-كۇنى تۇستەن بۇرىن ورتالىق پارتيا مەكتەبىندە باستالدى. ج ك پ ورتالىق كوميتەتىنىڭ باس شۋجيى، مەملەكەت ٴتوراعاسى، ورتالىق اسكەري ىستەر كوميتەتىنىڭ ٴتوراعاسى شي جينپيڭ وقۋ باستاۋ سالتىندا ماڭىزدى ٴسوز سويلەپ بىلاي دەپ باسا دارىپتەدى : قالىڭ كادرلار، وتە-موتە، جاس كادرلار يدەيالىق جاقتان شىڭدالىپ، ساياسي جاقتان سومدالىپ، امالياتتىق جاقتان شىنىعۋدى كۇشەيتىپ، كۇرەسكەرلىك رۋحتى ساۋلەلەندىرىپ، كۇرەس قابىلەتىن كۇشەيتىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جولىندا قايسارلىقپەن كۇرەس جۇرگىزۋ كەرەك. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق شۋجيچۋدىڭ شۋجيى ۋاڭ حۋنيڭ وقۋ باستاۋ سالتىنا قاتىناستى.


    شي جينپيڭ بىلاي دەپ انىق ايتتى: ماركسيزمنىڭ جارىققا شىعۋى مەن دامۋىنىڭ، سوتسياليستىك مەملەكەتتىڭ دۇنيەگە كەلۋى مەن دامۋىنىڭ بارىسى كۇرەسكەرلىك جاپا-ماشاقاتتارعا تولى. جۇڭگو كوممۋنيستىك پارتياسىن قۇرۋ، جۇڭحۋا حالىق رەسپۋبليكاسىن قۇرۋ، رەفورما جاساپ، ەسىك اشۋ، جاڭا داۋىردەگى جۇڭگوشا سوتسياليزم ىستەرىن ىلگەرىلەتۋ كۇرەس بارىسىندا دۇنيەگە كەلدى، كۇرەس بارىسىندا دامىدى، كۇرەس بارىسىندا زورايدى.
شي جينپيڭ بىلاي دەپ انىق ايتتى: بۇگىنگى دۇنيە ٴجۇزى 100 جىلدا بولماعان زور وزگەرىس تۋىلۋدا، پارتيامىز باسشىلىق ەتكەن ۇلى كۇرەس، ۇلى ينجەنەريا، ۇلى ٴىس، ۇلى ارمان دابىرالى جۇرگىزىلۋدە. رەفورما، دامۋ، ورنىقتىلىق مىندەتى جاپالى دا اۋىر، ٴبىز تاپتىرماس تاريحي ورايعا، سونداي-اق ٴبىرسىپىرا اۋىر حاۋىپ-قاتەرلەر مەن سىن-سىناقتارعا ٴدوپ كەلىپ وتىرمىز. پارتيامىز بەلگىلەگەن نىسانا-مىندەتتەردى جەڭىسپەن ورىنداۋ ٴۇشىن كۇرەسكەرلىك رۋحتى ساۋلەلەندىرۋ، كۇرەس جۇرگىزۋ قابىلەتىن كۇشەيتۋ كەرەك. كۇرەسكەرلىك رۋح جەتەرسىز بولسا، كۇرەس قابىلەتى كۇشتى بولماسا، پارتيامىز بەلگىلەگەن نىسانا-مىندەتتەردى جەڭىسپەن جۇزەگە اسىرۋعا بولمايدى .
شي جينپيڭ مىنالاردى باسا دارىپتەدى: جۇڭحۋا ۇلتىنىڭ ۇلى كوركەيۋى استە قۇر ايعاي-سۇرەنمەن عانا جۇزەگە اسپايدى، ۇلى ارماندى جۇزەگە اسىرۋ ٴۇشىن، ٴسوز جوق، ۇلى كۇرەستەر جۇرگىزۋ كەرەك. العا باسۋ جولىمىزدا ٴبىز ٴدوپ كەلىپ وتىرعان حاۋىپ-قاتەرلەر بارعان سايىن كۇردەلەسىپ بارادى، ٴتىپتى، ويلاپ كورمەگەن اساۋ تولقىندارعا تاپ بولامىز. ٴبىز ٴدوپ كەلىپ وتىرعان ٴتۇرلى كۇرەستەر قىسقا مەرزىمدىك كۇرەس ەمەس، قايتا ۇزاق ۋاقىتتىق كۇرەس، كەمىندە، ەكىنشى 100 جىلدىق كۇرەس نىساناسىن جۇزەگە اسىرۋدىڭ تۇتاس بارىسىنا ۇلاسادى. ٴسوز جوق، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداۋ، كۇرەس جىگەرىن بەكەمدەۋ، قاتاڭ جاعداي مەن كۇرەس مىندەتى الدىندا، رۋحتى بەكەمدەپ، باتىلدىقپەن شابۋىلعا ٴوتىپ، باتىلدىقپەن جەڭىسكە جەتۋ كەرەك.


    شي جينپيڭ مىنالاردى باسا دارىپتەدى: كوممۋنيستەردىڭ كۇرەس جاساۋىندا باعىت، مايدان، پرينسيپ بولادى، مۇنداعى جالپى بەتالىس-جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك تۇزىمىنە تاباندى بولۋ.


    شي جينپيڭ مىنالاردى انىق ايتتى: جۇڭگو كوممۋنيستىك پارتياسىنىڭ باسشىلىعىنا جانە ەلىمىزدىڭ سوتسياليستىك تۇزىمىنە زالال جەتكىزەتىن ٴتۇرلى حاۋىپ-قاتەرلەمەن جانە سىن-سايىستارمەن؛ ەلىمىزدىڭ يەلىك ۇقىعىنا، حاۋىپسىزدىگىنە، دامۋ مۇددەسىنە زيان جەتكىزەتىن ٴتۇرلى حاۋىپ-قاتەرلەرمەن جانە سىن-سايىستارمەن؛ ەلىمىزدىڭ وزەكتى مۇددەسى مەن كەلەلى پرينسيپتەرىنە زالال جەتكىزەتىن ٴتۇرلى حاۋىپ-قاتەرلەر مەن جانە سىن-سايىستارمەن؛ ەلىمىز حالقىنىڭ ٴتۇبىرلى مۇددەسىنە زيان جەتكىزەتىن ٴتۇرلى حاۋىپ-قاتەرلەرمەن جانە سىن-سايىستارمەن؛ ەلىمىزدىڭ «قوس 100 جىلدىق» كۇرەس نىساناسىن جۇزەگە اسىرىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىراۋىنا تونەتىن ٴتۇرلى حاۋىپ-قاتەرلەرمەن جانە سىن-سايىستارمەن، ٴبىز، ٴسوز جوق، باتىل كۇرەس جۇرگىزۋىمىزء ارى ءسوزسىز جەڭىسكە جەتۋىمىز كەرەك. ٴبىزدىڭ وي-سانامىز ەرەكشە سەرگەك، مايدانىمىز ەرەكشە بەرىك بولۋى، دۇرىس كۇرەس بەتالىسىن مىقتى يگەرۋىمىز، ٴتۇرلى كەلەلى كۇرەس سىناقتارىنىڭ الدىندا «كوز جانارىمىزدى بۇلتتارعا كولەگەيلەتپەي، بۇلتتاردان بيىكتە تۇرىپ الىسقا كوز سالاتىن» بولۋىمىز كەرەك.
شي جينپيڭ مىنالاردى انىق ايتتى: ٴبىز كوممۋنيستەردىڭ كۇرەسى ەجەلدەن قايشىلىق، ماسەلە، حاۋىپ-قاتەر، سىن-سايىستارعا تولى بولىپ كەلەدى. كەزەكتە جانە بۇدان بىلايعى ٴبىر مەزگىلدە، ەلىمىزدىڭ دامۋى ٴتۇرلى حاۋىپ-قاتەر، سىن-سايىستار ۇزدىكسىز جيناقتالاتىن، ٴتىپتى شوعىرلى تۇردە بەينەلەنەتىن داۋىرگە قادام تاستايدى، ٴدوپ كەلەتىن كەلەلى كۇرەستەر از بولمايدى. بۇل كۇرەستەر مەن سىن-سايىستار ەكونوميكا، ساياسي، مادەنيەت، قوعام، ەكولوگيالىق وركەنيەت قۇرىلىسى جانە مەملەكەت قورعانىسى، ارميا قۇرىلىسى، شياڭگاڭ-اۋمىن-تايۋان قىزمەتى، ديپلوماتيالىق قىزمەت، پارتيا قۇرىلىسى قاتارلى جاقتاردىڭ بارلىعىندا كەزدەسەدى، ونىڭ ۇستىنە بارعان سايىن كۇردەلەسەدى.


    شي جينپيڭ مىنالاردى انىق ايتتى: باسشى كادرلاردا ءشوپتىڭ قوزعالىپ جاپىراقتىڭ سىبدىرلاعانىنان ەلىكتىڭ ء جۇرىسىن، جەل ەسىپ ەكپىن جەتكەنىنەن جولبارىستىڭ سىبىسىن، جاپىراقتىڭ سارعايىنان كۇز كەلەرىن سەزەتىن بولماشى ىستەردەن بولاتىن ىستەردى الدىن الا بايقايتىن سەرگىرلىك قابىلەت بولۋ، كومەسكى قاتەرلەرگە عىلمي تۇسپال جاساي الاتىن، حاۋىپ-حاتەردىڭ قاي جەردە ەكەنىن، بەينەسىنىڭ قانداي بولاتىنىن، دامۋ اۋقىمىنىڭ قانداي بولاتىنىن سەزە بىلەتىن بولۋ، كۇرەسۋگە تيىستىلەرىمەن كۇرەس جۇرگىزەتىن بولۋ كەرەك. شي جينپيڭ مىنالاردى باسا دارىپتەدى : كۇرەس جاساۋدىڭ ءوزى ءبىر ءتۇرلى ونەر، كۇرەس جۇرگىزۋگە شەبەر بولۋ كەرەك . ٴتۇرلى كەلەلى كۇرەستەردە ٴبىز تاۋقىمەت تانىمىن كۇشەيتۋ مەن ستراتەگيالىق ۇستامدىلىقتى ساقتاۋدىڭ بىرلىگىنە، ستراتەگيالىق تۇجىرىم مەن تاكتيكالىق تۇجىرىمنىڭ بىرلىگىنە، كۇرەس بارىسى مەن كۇرەستىڭ ناقتى ونىمدىلىگىنىڭ بىرلىگىنە تاباندى بولۋىمىز كەرەك. باسشى كادرلار ٴوز جاۋاپكەرشىلىكتەرىن، ٴوز بورىشتارىن ادالدىقپەن ادا ەتۋى، اتتانىسقا كەلتىرگەن دە دەرەۋ دايىن بولۋى، دەرەۋ شايقاسقا كىرىسەتىن، شايقاستا ٴسوزسىز جەڭىپ شىعاتىن بولۋى كەرەك .
شي جينپيڭ مىنالاردى باسا دارىپتەدى: تاكتيكا مەن ادىسكە ٴمان بەرۋ، كۇرەس شەبەرلىگىنە ٴمان بەرۋ كەرەك. باستى قايشىلىقتى، قايشىلىقتىڭ باستى جاعىن مىقتى ۇستاۋ؛ ورىندى، ٴتيىمدى، تەجەمدى بولۋعا تاباندى بولۋ؛ كۇرەس ٴتاسىلىن ۇيلەسىمدى تاڭداپ، كۇرەس دەڭگەيىن ءدال يگەرىپ؛ پرينسيپتىك ماسەلەدە تيتتەي دە جول بەرمەۋ؛ تاكتيكا ماسەلەسىندە جاندى، يكەمدى بولۋ كەرەك. جاعدايدىڭ قاجەتىنە ساي، ۋاقىتتى، ولشەمدى، ٴونىمدى يگەرە ءبىلۋ. كۇرەس تاكتيكاسىن دەر كەزىندە رەتتەۋ كەرەك . ىنتىماقتاسۋعا بولاتىن بارلىق كۇشتەرمەن ىنتىماقتاسىپ، بارلىق بەلسەندى فاكتورلاردى جۇمىلدىرىپ، كۇرەس بارىسىندا ىنتىماقتىلىققا قول جەتكىزۋ، كۇرەس بارىسىندا سەلبەستىك ورناتۋ، كۇرەس بارىسىندا ورتاق يگىلىكتەنەتىن بولۋ كەرەك.


    شي جينپيڭ مىنالاردى باسا دارىپتەدى: كۇرەسكەرلىك رۋح، كۇرەس قابىلەتى تۋادا بىرگە قالىپتاسپايدى. باسشى كادرلار قاتاڭ يدەيالىق سومدالۋدان، ساياسي شىنىعۋدان، امالياتتىق شىڭدالۋدان ٴوتۋ؛ كۇردەلى دە اۋىر كۇرەس بارىسىندا بوران-شاشىندى باستان كەشىرۋ؛ دۇنيەنى كورىپ، رۋحتى سەرپىلتىپ، شىنداپ شىنىعۋ، شىنداپ شىڭدالۋ كەرەك. پارتيانىڭ جاڭالىق جاراتۋ نازارياسىن جەتە ۇيرەنۋ، جەتە يگەرۋ؛ ماركستىك مايدان، كوزقاراس، ٴادىستى يگەرۋ؛ باتىلدىقپەن كۇرەس جۇرگىزەتىن، شەبەرلىكپەن كۇرەس جۇرگىزەتىن يدەيالىق نەگىزدى بەكەمدەۋ كەرەك ؛ نازاريالىق جاقتا سەرگەك بولعاندا عانا، ساياسي جاقتا تاباندى بولۋعا بولادى؛ كۇرەس جۇرگىزگەندە عانا نەگىز، كۇش-قۋات پايدا بولادى. كەلەلى كۇرەس بارىسىندا شىڭدالۋعا تاباندى بولۋ كەرەك، قيىنشىلىق اۋىر، قايشىلىق كوپ بولعان سايىن، جاعداي اۋىر، جاعداي كۇردەلى بولعان سايىن، جىگەردى شىڭداپ، دارىنىن ارتتىرا ٴتۇسۋ كەرەك. باسشى كادرلار ٴتۇرلى كۇرەستەرگە ىرىقتىلىقپەن ات سالىسۋ؛ ۇلكەن دۇرىس پەن ۇلكەن بۇرىس الدىندا باتىل پوزيتسيا ٴبىلدىرۋ؛ قايشىلىقتار مەن قاقتىعىستار الدىندا قيىنشىلىقتان تايسالماي العا ۇمتىلۋ؛ داعدارىس، قيىنشىلىق الدىندا كەۋدە كەرىپ العا شىعىپ، بۇرىس ستيل، تەرىس پيعىلدارمەن باتىل كۇرەس جۇرگىزۋى كەرەك.


    شي جينپيڭ مىنالاردى انىق ايتتى: قوعام قايشىلىق قوزعالىسى بارىسىندا العا باسادى، قايشىلىق بولسا كۇرەس تە بولادى. باسشى كادرلار مەيلى قايسى ورىندا بولسىن، قانداي مىندەت وتەسىن، جاۋاپكەرشىلىكتى باتىلدىقپەن ارقالاۋ، قيىندىقتاردى جەڭىپ ٴارى قولباسشى، ٴارى جاۋىنگەر بولا ء بىلۋ، قايسار كۇرەس رۋحىن، قايسار كۇرەس جىگەرىن، ەرەن كۇرەس ونەرىن جەتىلدىرۋ جانە ساقتاۋ كەرەك.


    شي جينپيڭ بىلاي دەدى: ٴبىز قىزمەت بارىسىندا ٴدوپ كەلىپ وتىرعان كۇرەس كوپ جاقتى بولادى، رەفورما، دامۋ، ورنىقتىلىق، ىشكى ىستەر، ديپلوماتيا، مەملەكەت قورعانىسى، پارتيانى، مەملەكەتتى، ارميانى باسقارۋدا كۇرەسكەرلىك رۋحتى ساۋلەلەندىرۋگە، كۇرەس قابىلەتىن جوعارىلاتۋعا تۋرا كەلەدى. پارتيانى جالپى بەتتىك قاتاڭ باسقارۋ؛ ماركسيزمنىڭ يدەولوگيا سالاسىنداعى جەتەكشىلىك ورنىنا تاباندى بولۋ؛ رەفورمانى جالپى بەتتىك ىشكەرىلەتۋ؛ قامداۋ جاعىنداعى قۇرىلىمدىق رەفورمانى ىلگەرىلەتۋ؛ جوعارى ساپالى دامۋدى جەبەۋ؛ فينانس سالاسىنداعى كومەسكى قاتەرلەردى جويۋ؛ حالىق تۇرمىسىن قامتاماسىزداندىرۋ جانە جاقسارتۋ؛ كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ؛ ەكولوگيالىق ورتانى وڭاۋ؛ اۋىر جاراتىلىستىق اپاتتارعا توتەپ بەرۋ؛ مەملەكەتتى جالپى بەتتىك زاڭمەن باسقارۋ؛ توپتىق وقيعالاردى ٴبىر جاقتى ەتۋ؛ سۇرقيا كۇشتەرگە سوققى بەرۋ، مەملەكەتتىڭ حاۋىپسىزدىگىن قورعاۋ قاتارلى ءتۇرلى قىزمەتتەردىڭ ٴبارى دە باتىل كۇرەس جۇرگىزۋدى، شەبەرلىكپەن كۇرەس جۇرگىزۋدى قاجەت ەتەدى. باسشى كادرلار كۇرەسكە باتىل، كۇرەسكە شەبەر جاۋىنگەر بولۋى كەرەك.


    چىن شي كۇرستىڭ اشىلۋ سالتىن باسقاردى ٴارى ٴسوز سويلەدى. ول بىلاي دەدى: شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ۇيرەنۋدى، دايەكتەندىرۋدى ٴتۇبىرلى مىندەت، بارلىق قىزمەتتىڭ نەگىزگى جەلىسى ەتىپ، سانالى، ىرىقتى تۇردە ۇيرەنۋ، دەر كەزىندە ىلەسە ۇيرەنۋ، ٴىس جۇزىندىكپەن ۇشتاستىرىپ ۇيرەنۋ، مىعىم سەنىممەن ۇيرەنۋ، «ٴتورت تانىمدى» كۇشەيتىپ، «ٴتورت سەنىمدى» بەكەمدەپ، «ەكىنى قورعاۋدى» ورىنداۋ كەرەك. ادال، كىرشىكسىز، جاۋاپكەرشىلىك ارقالايتىن ساياسي قاسيەتتى سومداپ، كۇرەسكەرلىك رۋحتى ساۋلەلەندىرىپ، كۇرەس قابىلەتىن جوعارىلاتىپ، اۋەلگى ماقسات پەن بورىشتى ٴوز قىزمەت ورنىندا، ٴسوز-ارەكەتتە تياناقتاندىرىپ، «قوس 100 جىلدىق» كۇرەس نىساناسىن، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋعا ٴتيىستى ۇلەس قوسۋ كەرەك.


    ديڭ شۋەشياڭ، حۋاڭ كۇنميڭ كۇرستىڭ اشىلۋ سالتىنا قاتىناستى.


    ورتالىق پارتيا مەكتەبىنىڭ (مەملەكەتتىك اكىمشىلىك ينىيستيتوتىنىڭ) 2019-جىلعى كۇزگى وقۋ ماۋسىمىنداعى ورتا جاس جانە جاس كادرلاردى تاربيەلەۋ كۋرسىنداعى كۋرسانتتار وقۋ باستاۋ سالتىنا قاتىناستى، ورتالىقتاعى قاتىستى تاراۋلاردىڭ جاۋاپتى جولداستارى وقۋ باستاۋ سالتىنا سىرتتاي قاتىناستى.

00.jpg
00.jpg
00.jpg
微信截图_20190909172958.jpg
QQ浏览器截图20190909100211.jpg