گوۋيۋاننىڭ ۇنەمىلىك ىستەر ماجىلىسىندە مىنا ەكى ٴىس بەكىتىلدى
0
2019-09-05 15:32:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :


    شارالاردى دالمە-ٴدال اتقارىپ، سەرپىندى ارتتىرىپ، «التىنى ورنىقتىرۋ» قىزمەتىن ويداعىداي ىستەۋدى ورنالاستىردى؛ جەرگىلىكتى ۇكىمەتتەردىڭ ارناۋلى زايوم تاراتۋ، پايدالانۋ شارالارىن جەدەلدەتىپ، ۇتىمدى قارجى قوسىپ، ىشكى سۇرانىمدى ارتتىرۋعا قولداۋ كورسەتۋ ۇيعارىلدى. 9-ايدىڭ 4-كۇنى اشىلعان مەملەكەتتىك كەڭەستىڭ ۇنەمىلىك ىستەر ماجىلىسىندە ەكى ٴىرى ٴىس بەكىتىلدى. 



    دالمە-ٴدال شارا قولدانىپ، سەرپىندى ارتتىرىپ،«التىنى ورنىقتىرۋ» قىزمەتىن ويداعىداي ىستەۋدى ورنالاستىردى


    ماجىلىستە مىنالار اتاپ كورسەتىلدى: الدىڭعى جارتى جىلدا ەلىمىز ەكونوميكاسى جالپى تۇلعالىق جاقتان ورنىقتى، ورنىقتىلىق بارىسىندا ىلگەرىلەۋ اۋقىمىن ساقتادى. قازىر سىرتقى ورتا كۇردەلى دە الماعايىپ، ەل ٴىشى ەكونوميكاسىنىڭ باسەڭدەۋ قىسىمى كۇشەيىپ، جەر-جەر، تاراۋلار پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋى بويىنشا كوكەي تەستىلىك سەزىمدى كۇشەيتىپ، ىرىقتىلىقپەن ٴىس تىندىرىپ، «التىنى ورنىقتىرۋ» قىزمەتىن ويداعىداي ىستەۋدى اناعۇرلىم كورنەكتى ورىنعا قويىپ، ٴوز ىستەرىن ويداعىداي ىستەۋدى ارقاۋ ەتىپ، كەرى اينالىمدى رەتتەۋ ساياسات قۇرالدارىنان ويداعىداي پايدالانىپ، شىعارىلعان ساياساتتاردى ويداعىداي تياناقتاندىرۋ نەگىزىندە ٴتۇيىندى سالالارداعى شەشۋشى ماسەلەلەردى اشالاپ، دالمە ـ ٴدال شارا قولدانۋ كەرەك.


    كوپ ٴتۇرلى شارالاردى قاتار قولدانىپ، جۇمىسقا ورنالاستىرۋدى ورنىقتىرىپ، جوعارى دارەجەلى كاسىپتىك مەكتەپتەردىڭ ٴبىر ميلليون ادامدى كوبەيتىپ قابىلداۋدى جانە جۇمىسسىزدىقتى قامسىزداندىرۋ قورى ىركىندىسىنەن پايدالانىپ كەڭ كولەمدى كاسىپتىك شەبەرلىككە تاربيەلەۋ سياقتى قىزمەتتەردى جەدەل ىلگەرىلەتىپ، جوعارى دارەجەلى كاسىپتىك، تەحنيكالىق مەكتەپتەردىڭ وقۋشى قابىلداۋ كولەمى مەن تەحنيكالىق شەبەرلىككە تاربيەلەۋ قارجىسىنىڭ كولەمىن ونان ارى ارتتىرۋ جونىندە زەرتتەۋ جۇرگىزۋ كەرەك.


    زات باعاسىنىڭ جالپى تۇلعالىق ورنىقتىلىعىن ساقتاپ، باعانى ورنىقتىرۋ شارالارىن تياناقتاندىرىپ، قيىنشىلىعى بار بۇقاراعا قوعامدىق كومەك بەرۋ جانە قامتاماسىزداندىرۋ ولشەمىن زات باعاسىنىڭ وسۋىمەن بايلانىستىرۋ مەحانيزمىن دەركەزىندە ىسكە قوسۋ كەرەك.

    ۇكىمەت ورىندارىن ىقشامداۋ، باجىنى ازايتۋ، اقىنى تومەندەتۋ شارالارىن شىنايى تياناقتاندىرىپ، ساۋدا ورتاسىن ساپالىلاندىرىپ، بازار سۋبيەكتىلەرىنىڭ ومىرشەڭدىك كۇشىن تاسقىنداتۋ كەرەك.


    ولقىلىقتاردى تولىقتاۋدى، حالىق تۇرمىسىنا تيىمدىلىك جاساۋدى، سەرپىندى ارتتىرۋدى كوزدە ۇستاي وتىرىپ، ۇتىمدى قارجى قوسۋدى ونان ارى كەڭەيتۋ كەرەك، بيىل شەكتى سوما ىشىندە جەرگىلىكتى ۇكىمەتتەردىڭ ارناۋلى زايوم بەلەتىن 9-ايدىڭ سوڭىنان بۇرىن تۇگەلدەي تاراتىپ بولۋعا كەپىلدىك ەتىپ، قازان ايىنىڭ سوڭىنان بۇرىن تۇگەلدەي نىسانعا بوساتىپ، جەر-جەردىڭ ناقتى قىزمەت مولشەرىن تەز ارادا قالىپتاستىرۋدى قۋزاۋ كەرەك.


    تاباندىلىقپەن ورنىقتى اقشا ساياساتىن اتقارۋمەن بىرگە ميكرولىق تەڭشەۋدى قاتار جۇرگىزىپ، ناقتى ٴوسىم دەڭگەيىن تومەندەتۋ شارالارىن جەدەل تياناقتاندىرىپ، ولشەمدى جاپپاي تومەندەتۋ جانە ولشەمدى باعىتتامالى تومەندەتۋ سياقتى ساياساتتىق قۇرالداردان دەر كەزىندە پايدالانىپ، فينانس قۇرىلىمدارىن باعالاۋ، شابىتتاندىرۋ مەحانيزمىن كەمەلدەندىرۋگە جەتەكتەپ، قارجىنى جالپىعا ٴتيىمدى فينانسقا كوبىرەك جۇمساپ، فينانستىڭ ناقتى ەكونوميكانى، اسىرەسە، شاعىن، ۇساق كاسىپورىنداردى قولداۋ تەبىنىن ارتتىرۋ كەرەك.


    جاۋاپكەرشىلىكتى تياناقتاندىرىپ،«التىنى ورنىقتىرۋ» قىزمەتىن ويداعىداي ىستەۋدىڭ بىرىككەن كۇشىن كۇشەيتىپ، ەكونوميكالىق اينالىمنىڭ ۇيلەسىمدى ارالىقتا بولۋىنا كەپىلدىك ەتۋ كەرەك.


    جەرگىلىكتى ۇكىمەتتەردىڭ ارناۋلى زايوم تاراتۋ، پايدالانۋ شارالارىن جەدەلدەتىپ، ۇتىمدى قارجى قوسۋدى جەبەپ، ىشكى سۇرانىمدى ۇلعايتۋدى قولداۋ بەلگىلەندى.

 


    جەرگىلىكتى ۇكىمەتتىڭ ارناۋلى زايومىن تەز تاراتۋ جانە ىستەتۋ ٴۇشىن جيىندا مىنالار بەكىتىلدى:


    1 . قالا-اۋىل ەلەكتر تورابى، تابيعي گاز قۇبىر تورابى جانە گاز ساقتاۋ قۇرىلعىلارى سياقتى ەنەرگيا نىساندارى، ەگىن، ورمان، سۋ يگىلىگى، قالا-قالاشىقتارداعى لاس سۋدى، قوقىر ـ قوقسىقتى ٴبىر جاقتى ەتۋ سياقتى ەكولوگيالىق ورتانى قورعاۋ نىساندارى، كاسىپتىك وقۋ-اعارتۋ جانە بالالار باقشاسى، ەمدەۋ، زەينەتكەرلىك سياقتى حالىق تۇرمىسىنا قىزمەت وتەۋ، سۋىق كۇيدە زات جەتكىزۋ قۇرىلعىلارى، سۋ، ەلەكتر، گاز، جىلۋ سياقتى قالا ىستەرى مەن كاسىپ باقشاسى رايوندارىنىڭ نەگىزدىك قۇرىلعىلارى. ارناۋلى قارىز قارجىسىن جەر زاپاسى مەن قورا-جاي شارۋاشىلىعىنا قاتىستى سالالارعا، قارىز اۋىستىرۋعا، سونداي-اق بۇكىلدەي ساۋداعا سالۋعا بولاتىن شارۋاشىلىق وبيەكتىلەرىنە جۇمساۋعا بولمايدى.


    2. ارناۋلى قارىز اقشانى نىساننىڭ كاپيتال قورى رەتىندە پايدالانۋ كولەمى جوعارىداعى ماڭىزدى تۇيىنگە ۇيلەسەتىن ماڭىزدى نەگىزدىك قۇرىلعى سالاسى دەپ ايقىن بەلگىلەندى. ولكەنى بىرلىك ەتىپ، ارناۋلى قارىز قارجىسىنىڭ نىسانعا جۇمسالعان كاپيتال سوماسىنىڭ سول ولكەنىڭ ارناۋلى قارىز كولەمىندەگى سالىستىرماسى %20 اينالاسىندا بولادى.



    3. «قارجى نىسانمەن بىرگە بولۋ» تالابى بويىنشا، ارناۋلى قارىز سوماسى ٴراسمياتى تولىق، الدىڭعى مەرزىمدىك قىزمەت دايىندىعى تولىق نىسانعا بەيىمدەلىپ، جاقسى تاراتىلعان، پايدالانىلعان رايوندار مەن بيىل قىس پەن كەلەر جىلى كوكتەمدە قۇرىلىس جۇرگىزۋ شارت-جاعدايى ازىرلەنگەن رايوندار الدىمەن ويلاستىرىلادى. جەر-جەر جانە قاتىستى تاراۋلار نىسان زاپاسىن كۇشەيتۋى، نىساننان ٴسوزسىز يگىلىككە كەنەلۋى، ەكونوميكالىق، قوعامدىق ونىمدىلىگى ٴبىرشاما كورنەكتى، بۇقارا اڭساعان، كۇندەردىڭ بىرىندە ٴسوزسىز ىستەۋگە ٴتيىستى بولعان نىسانداردى تاڭداۋلارى، سونىمەن بىرگە دۇرمەككە ىلەسۋدەن ساقتانىپ، نىسان قۇرىلىسىندا ناقتى ونىمدىلىككە قول جەتكىزۋگە شىنايى كەپىلدىك ەتۋلەرى كەرەك.

00.jpg
00.jpg
00.jpg
未标题-1.jpg
未标题-1.jpg