لي كىچياڭ گەرمانيانىڭ زۇڭليىمەن كەڭەس وتكىزدى
0
2019-09-07 10:00:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    ءوز حابارىمىز: مەملەكەتتىك كەڭەستىڭ زۇڭليى لي كىچياڭ 9 ـ ايدىڭ 6-كۇنى تۇستەن بۇرىن حالىق سارايىندا جۇڭگوعا رەسمي ساپارلاي كەلگەن گەرمانيانىڭ زۇڭليى مەركەلمەن كەڭەس وتكىزدى.


    لي كىچياڭ بىلاي دەدى: گەرمانيا جۇڭگونىڭ جالپى بەتتىك ستراتەگيالىق سەرىگى. جۇڭگو گەرمانيامەن قاتىناسىنا باسا ٴمان بەرەدى. وسى رەتكى ساپار كەزىندە ٴتوراعا شي جينپيڭ سىزبەن كەزدەستى. قازىر دۇنيە ەكونوميكاسى قۇلدىراۋ قىسىمىنا ٴدوپ كەلىپ وتىر، جۇڭگو مەن گەرمانيانىڭ ستراتەگيالىق سەلبەستىگىن كۇشەيتۋى جۇڭگو-ەۆروپا قاتىناسىنا عانا ەمەس، دۇنيەنىڭ بەيبىتشىلىگى مەن ورنىقتىلىعىنا جانە گۇلدەنۋىنە دە ٴتيىمدى . جۇڭگو ەۆروپاعا ەجەلدەن ٴمان بەرىپ كەلەدى، ەۆروپا وداعى قۇرىلىمدارىنىڭ جاڭا كەزەكتى باسشىلارىمەن تاماشا سەلبەستىك قاتىناس ورناتىپ، جۇڭگو ـ ەۆروپا قارجى قوسۋ كەلىسىمى كەلىسسوزىن جەدەل ىلگەرىلەتۋدى قالايدى.


    لي كىچياڭ بىلاي دەدى: جۇڭگو مەن گەرمانيا كوپ جاقتىلىقتى جانە ەركىن ساۋدانى قورعاپ، اشىق ۇستاۋ، وتاسىمدى بولۋ تانىمىن ۇستانىپ، قوس باعىتتا ەسىك اشۋدى كەڭەيتۋى كەرەك. جۇڭگونىڭ بازاردى ىرىقتىلىقپەن اشىق ۇستاۋ بەتالىسى وزگەرمەيدى، شەتەل قارجىسىن قارسى الۋ ساياساتى دا وزگەرمەيدى، ٴبىلىم مەنشىك ۇقىعىن قورعاۋدى كۇشەيتەدى. گەرمانيانىڭ دا بازاردى اشىق ۇستاپ، حالىقتىق تەحنيكا ەكسپورتىنىڭ شەكتەمەسىن جەڭىلدەتىپ، جۇڭگو كاسىپورىندارىنا ٴادىل، تەڭ مامىلە جاساپ، اۆتوموتتى كولىك جۇرگىزۋ، تەحنيكالىق جاڭالىق جاراتۋ، جاساندى زەيىن قاتارلى سالالارداعى سەلبەستىكتى تەرەڭدەتىپ، جاستار مەن كاسىپتىك وقۋ-اعارتۋ اۋىس-كۇيىسىن كۇشەيتۋىن ٴۇمىت ەتەمىن.


    مەركەل بىلاي دەدى: گەرمانيا زۇڭليى سالاۋاتىممەن 12 ـ رەت جۇڭگوعا ساپارلاي كەلگەنىمە وتە قۋانىشتامىن . جۇڭگو وراسان زور دامۋ جەتىستىكتەرىنە قول جەتكىزدى. ايتالىق، 2008-جىلعى حالىقارالىق فينانس داعدارىسىنا توتەپ بەرۋدە جاۋاپكەرلىك پوزيتسياسىمەن بۇكىل دۇنيەگە وراسان زور ۇلەس قوستى. باسقا مەملەكەتتەر سياقتى، جۇڭگونىڭ دا دامۋ ۇقىعى بار، جۇڭگونىڭ دامۋ اياق الىسىنا كەدەرگى بولماۋ كەرەك. گەرمانيا مەن جۇڭگونىڭ سەلبەستىك اياسى توتەنشە كەڭ، ەۆروپا-جۇڭگو قارجى قوسۋ كەلىسىمى كەلىسسوزىنىڭ تەزىرەك ورىندالۋىن ٴۇمىت ەتەمىن. كەلەر جىلى جۇڭگودا گەرمانيا-جۇڭگو ۇكىمەتتەرىنىڭ جاڭا كەزەكتى كەڭەسىن وتكىزۋىن ٴۇمىت ەتەمىن. گەرمانيا جۇڭگونىڭ فينانس، قامسىزداندىرۋ، قىزمەت وتەۋ قاتارلى سالالاردا قولدانعان ەسىك اشۋ شارالارىن قۇپتايدى، جۇڭگو كاسىپورىندارىنىڭ گەرمانياعا بارىپ قارجى قوسۋىن قارسى الادى، جۇڭگومەن اۆتوماتتى كولىك جۇرگىزۋ، سيفرلاندىرۋ، كاسىپتىك وقۋ-اعارتۋ قاتارلى سالالارداعى سەلبەستىكتى كۇشەيتۋدى قالايدى.


    كەڭەستەن كەيىن لي كىچياڭ مەن مەركەل كوپ ٴتۇرلى ەكى جاقتى سەلبەستىك حۇجاتتارىنا قول قويۋعا كۋا بولدى ٴارى تىلشىلەرمەن كەزدەستى.


    كەڭەستەن بۇرىن لي كىچياڭ حالىق سارايىنىڭ شىعىس قاقپاسىنىڭ الدىنداعى الاڭدا مەركەلگە ارناپ قارسى الۋ سالتىن وتكىزدى.


    سول كۇنى تۇستەن بۇرىن لي كىچياڭ دياۋيۇيتاي مەملەكەتتىك قوناق ۇيىندە مەركەلگە تاڭەرتەڭگى قوناعاسى وتكىزدى، ەكى ەل زۇڭليى ەكى جاقتى قاتىناس جانە سەلبەستىك، حالىقارالىق، وڭىرلىك ماسەلەلەر جونىندە ىشكەرىلەي پىكىر اۋىستىردى.


اۋدارعان: قاناتبەك جۇماباي ۇلى

00.jpg
00.jpg
00.jpg
微信截图_20190909172958.jpg
QQ浏览器截图20190909100211.jpg