انبەي جينسان رەسەيگە ساپارلاي بارسادا بەيبىتشىلىك شارتىنىڭ كەلىسسوز اياق الىسىن جەبەي المادى
0
2019-09-09 17:23:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل

جاپونيانىڭ باس ءۋازىرى انبەي جينسان 9-ايدىڭ 5-كۇنى رەسەيدىڭ ۆلاديۆوستوك قالاسىندا رەسەي پرەزيدەنتى ۆلاديمير پۋتينمەن كەزدەستى، سوڭىنان رەسەيدىڭ 5 ـ كەزەكتى شىعىس ەكونوميكا تالقى مىنبەسىنە قاتىناستى. انبەي پۋتيندى جاپونيا - رەسەي بەيبىتشىلىك شارتىن جاساسۋ سىندى «تاريحي جاۋاپكەرشىلىكتى» ارقالاۋعا قۋزادى، الايدا رەسەي جاقتىڭ ەمەۋىرىنىنەن قاراعاندا، رەسەيدىڭ شارت جاساسۋ مايدانىندا «وزگەرىس جوق».

رەسەي اۋەلگى مايدانىنان جازبادى

انبەي پۋتينمەن كەزدەسكەندە بىلاي دەدى: بەيبىتشىلىك شارتى جانە حالىقارالىق ىستەر سياقتى ماسەلەلەر جونىندە رەسەيمەن ۇزدىكسىز پىكىر الماستىرۋدى، سونىمەن بىرگە ەكى جاقتىڭ وسىدان بۇرىن ورتاقتىققا كەلگەن ىستەردىڭ تياناقتانۋ اياق الىسىن تۇراقتاندىرۋدى ءۇمىت ەتەمىن.

پۋتين جاۋاپ رەتىندە بىلاي دەدى: ەكى جاقتى قاتىناس ورنىقتى دامىدى، رەسەي بۇدان بىلايعى قارىم ـ قاتىناس جونىندە ۇزدىكسىز پىكىرلەسۋدى قالايدى.

ەكى ەل باسشىلارى 10 ـ ايدا تالاس ارالداردا بىرلەسىپ ساياحاتتاۋ كاسىبىن ورىستەتۋگە قوسىلدى.

جاپونيا جاق حوككايدو ارالىنىڭ سولتۇستىگىندەگى چى-ۋ، سى-دان، گوحوۋ، زىجو سياقتى ءتورت ارالدى سولتۇستىكتەگى ءتورت ارال دەپ اتاسا، رەسەي جاق وڭتۇستىك كۋريل توپ ارالى دەپ اتاپ كەلەدى. وسى ارالدار دۇنيە جۇزىلىك ەكىنشى سوعىستان بۇرىن جاپونياعا ءتان ەدى، دۇنيە جۇزىلىك ەكىنشى سوعىستان كەيىن سوۆەت وداعى باسىپ الدى، سوۆەت وداعى ىدىراعاننان كەيىن رەسەي مۇراگەرلىك ەتەتىن ەل رەتىندە قاراماعىندا مەڭگەردى. رەسەي مەن جاپونيا سودان بەرى وسى ارالداردىڭ يەلىگىنە تالاسىپ، كۇنى بۇگىنگە دەيىن بەيبىتشىلىك شارتىن جاساسپادى.

رەسەي پرەزيدەنتىنىڭ كومەكشىسى يۋري ۋشاكوۆ تاياۋدا رەسەي مەديالارىنا رەسەي مەن جاپونيا باسشىلارىنىڭ قازىرگى سەلبەستىك جۇلگەسىن جالعاستىرۋعا قوسىلاتىندىعىن ايتتى، الايدا رەسەي بەيبىتشىلىك شارتىن جاساسۋ مايدانىن «وزگەرتپەدى». ەكى ەل باسشىلارى بيىل 11-ايدا چيليدە وتكىزىلەتىن ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ ءماجىلىسى كەزىندە جالعاستى كەڭەسپەكشى.

انبەي مەن پۋتين بىلتىر «جاپونيا مەن ءوز كەزىندەگى سوۆەت وداعىنىڭ 1956-جىلعى ورتاق جارناماسىنا» نەگىزدەلىپ، بەيبىتشىلىك شارتىن جاساسۋ كەلىسسوزىنىڭ اياق الىسىن تەزدەتۋدى بەلگىلەدى، الايدا كەيىنگى كەلىسسوزدە ىلگەرىلەۋشىلىك بولمادى. جارناماداعى قاتىستى تارماقتاردا بىلاي دەپ بەلگىلەنگەن: سوۆەت وداعى شارت جاسالعاننان كەيىن جاپونياعا تالاس ارالداردىڭ ىشىندەگى كولەمى كىشىرەك سى دان، چى ۋ ارالدارىن وتكىزىپ بەرەدى. پۋتين 2018 ـ جىلى 11 ـ ايدا بىلاي دەدى: جارنامادا سوۆەت وداعى جاپونيامەن بەيبىتشىلىك شارتىن جاساسقاننان كەيىن، جاپونياعا ەكى ارالدى وتكىزىپ بەرۋگە پەيىل بولعانىمەن، وسى ارالداردىڭ يەلىك ۇقىعى اۋىزعا الىنبادى.



انبەي رەسەيدىڭ شىعىس ەكونوميكا تالقى مىنبەسىندە ءسوز سويلەپ بىلاي دەدى: جاپونيا مەن رەسەيدىڭ قۇلشىنۋىنىڭ ارقاسىندا ەكى جاقتى سەلبەستىكتە ىلگەرىلەۋشىلىك بولدى. بۇدان تىس، ءبىز بەيبىتشىلىك شارتىن جاساسۋ سىندى تاريحي جاۋاپكەرشىلىكتى ارقالاپ وتىرمىز. تاريحي جاۋاپكەرشىلىكتى ورىنداپ، بەيبىتشىلىك شارتىن جاسايىق ءارى حالىقتىڭ شەكسىز كومەسكى كۇشىن اشايىق.

انبەي جاپونيا مەن رەسەيدىڭ ەكونوميكالىق سەلبەستىگىن تىلگە تيەك ەتىپ، وسى سەلبەستىكتەر وتكەن 3 جىلدا 200 دەن استام جەكەشە وبيەكتىنى جەبەدى،- دەدى.

ول تاعى بىلاي دەدى: جاپونيا كەمە جاساۋ توبىنا قاراستى ءبىر كاسىپورىن موسكۆا ماڭىنداعى جەردەن قوقىر - قوقسىقتاردى ورتەۋ زاۆودىن قۇرىپ، كۇنىنە 7600 توننا جاراقسىز زاتتاردى ءبىر جايلى ەتەدى، توك شىعارۋ مولشەرى 1 ميلليون 500 مىڭ ادامنىڭ ەلەكتر قاجەتىن قاناعاتتاندىرا الادى، بۇل موسكۆاعا قاجەتتى ەلەكتر مولشەرىنىڭ %10 ىنە بارابار.

كيودو اگەنتتىگىنىڭ حابارىنا قاراعاندا، انبەي سولتۇستىكتەگى ءتورت ارالدا ورتاق ەكونوميكالىق قيمىلدى ەرتەرەك جۇزەگە اسىرىپ، كەلىسسوزدە جاعداي جاراتۋدى ءۇمىت ەتۋدە.

اۋدارعان: گۇلنۇر قابىلقاق قىزى

00.jpg
2222.jpg
00.jpg
00.jpg
00.jpg