مەملەكەت تۋىن قورلاعانى ءۇشىن كەپىلدىككە بوساتىلمايدى!
0
2019-09-09 17:28:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :داۋىل

دەلونىڭ سيپاتى اۋىر، دالەل-سپاتى تولىق بولعاندىقتان جاۋاپكەر ۇكىم شىعۋدان بۇرىن قاماۋدا وتىرۋى مۇمكىن، ونىڭ ۇستىنە بۇل دەلودا ءالى دە قولعا تۇسپەي قاشىپ جۇرگەندەر بار، جيۋلۇڭ قالالىق تورەشى سوتىنىڭ تورەشىسى جاۋاپكەردى كەپىلگە بوساتۋ ءوتىنىشىن تويتارىپ تاستادى.


تۇتقىنعا الىنعان حۋاڭ جولي


8-ايدىڭ 24-كۇنگى جيۋلۇڭ شىعاناعى جانە 9-ايدىڭ 1-كۇنى دۇڭيۇڭدا تۋىلعان ەرەۋىل قيمىلىنا قاراتا شياڭگاڭ ساقشىلارى 6-كۇنى تاڭەرتەڭ 22 جاستاعى حۋاڭ فاميلليالى جەرگىلىكتى تۇرعىندى تۇتقىندادى، سونداي-اق بۇل جىگىتتىڭ تۇراعىنان ۇزارىپ-قىسقاراتۋعا بولاتىن ساقشىلاردىڭ شوقپارى مەن قولدان جاسالعان ءبىر مىلتىقتى قولعا ءتۇسىردى. بۇل تۇتقىندالعان جىگىتتى «قىلمىستىق بۇزىپ-قيراتۋ»، «مەملەكەت تۋىن قورلاۋ»، «ءورت قويۋ» سياقتى قىلمىستىق ارەكەتتەرىمەن ايىپتادى. دەلونىڭ سوت تەرگەۋى 9-ايدىڭ 7-كۇنى جيۋلۇڭ قالاسى تورەشىلەر سوتىندا اشىلدى.

شياڭگاڭنىڭ احپارات مەديالارىنىڭ ەڭ جاڭا حابارىنا قاراعاندا، حۋاڭ جولي قىلمىستىق ارەكەتتەرىمەن ايىپتالعاندا باسىن تومەن سالبىراتىپ «بىلەمىن» دەپ جاۋاپ بەرگەن. سوڭىنان ايىپتاۋشى جاق تۇتقىندالعاننان باستاپ 11-ايدىڭ 15-كۇنىنە دەيىن باتىس جيۋلۇڭ تورەشىلەر سوتىندا قايتا ءبىر رەت قاراۋدى تالاپ ەتىپ، بۇل ارالىقتا جاۋاپكەر باقىلاۋعا الىنىپ، ساقشى جاقتىڭ جالعاستى تەكسەرۋىن كۇتەدى دەلىندى. جيۋلۇڭ قالالىق تورەشىلەر سوتىنىڭ تورەشىسى چىن حۇيميڭ جاۋاپكەردى كەپىلىگە بوساتۋ ءوتىنىشىن قابىلدامادى. چىن حۇيميڭ: دەلونىڭ سيپاتى اۋىر، دالە-سپاتى تولىق، جاۋاپكەر ۇكىم شىعۋدان بۇرىن قاماۋدان بوساتىلماۋى مۇمكىن، ونىڭ ۇستىنە بۇل دەلودا قاشىپ جۇرگەندەر ءالى قولعا تۇسپەدى،-دەپ كەسەتتى. چىن حۇيميڭ تاعى دا جاۋاپكەر 8 كۇن ىشىندە كەپىلگە بوساتىلۋعا قايتالاي ءوتىنىش بەرۋگە ۇقىقتى، قايتالاي بەرگەن ءوتىنىشى 9-ايدىڭ 13-كۇنى باتىس جيۋلۇڭ تورەشىلەر سوتىندا ءبىر جاقتى بولادى دەگەندى جەتكىزدى.

حاباردىڭ ارتقى كورىنىسى:

9-ايدىڭ 1-كۇنى تۇستەن كەيىنگى ساعات 5:30 دا شياڭگاڭداعى زورلىقتى كۇش ەرەۋىلشىلەرى دۇڭيۇڭ تەمىرجول بەكەتىن بۇزىپ-قيراتىپ، تۇيىق جولدى تەلەۆيزورلاردى شاعىپ، پويەز توقتاتۋ تيەكتەرى مەن ءورت ءوشىرۋ جابدىقتارىن بۇلدىرگەن، سونداي-اق جولاۋشىلارعا قىزمەت وتەۋ ورتالىعىنىڭ اينەكتەرىن تالقانداعان. ول از بولعانداي ەلەۋرەگەن ەرەۋىلشىلەر دۇڭيۇڭنىڭ كوپ جەرلەرىندە جولدى بوگەپ، مەملەكەت تۋى مەن جول توسقاۋىلدارىن ورتەگەندىكتەن، سول ماڭداعى جولداردا اۋىر قاتىناس كەپتەلىسى تۋىلعان.

ساقشىلار ەرەۋىلشىلەرگە زاڭسىز ارەكەتىن دەرەۋ توقتاتۋىن جانە كەتىپ قالۋىن ەسكەرتكەن، سونداي-اق، جاقىن ماڭداعى قالا تۇرعىندارىنا ساقشىلاردىڭ حابارلاندىرۋىنا نازار اۋدارۋعا ۇندەگەن بولاتىن.

 

اۋدارعان: ءشاربات جۇمان قىزى

00.jpg
2222.jpg
QQ浏览器截图20190909100211.jpg
00.jpg
00.jpg