شي جينپيڭ قازاقستاننىڭ پرەزيدەنتى توقايەۆپەن كەڭەس وتكىزدى
0
2019-09-12 11:01:00
|
كەلۋقاينارى:جۇڭگو قازاق راديو تورابى
|
جاۋاپتى رەداكتور :

    ءوز حابارىمىز: مەملەكەت ءتوراعاسى شي جينپيڭ 9-ايدىڭ 11-كۇنى حالىق سارايىندا قازاقستاننىڭ پرەزيدەنتى توقايەۆپەن كەڭەس وتكىزدى. ەكى ەل باسشىلارى ەكى جاقتىڭ تاعدىرلاس-تىنىستاس بولۋ، سەلبەسە ورتاق يگىلىكتەنۋ رۋحى بويىنشا، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قاتىناسىن دامىتۋدى ءبىر اۋىزدان بەلگىلەدى.


    كەڭەستەن ىلگەرى، شي جينپيڭ حالىق سارايىنىڭ شىعىس قاقپاسىنداعى الاڭدا سالت وتكىزىپ، قازاقستاننىڭ پرەزيدەنتى قاسىمجومارت كەمەل ۇلى توقايەۆتىڭ ەلىمىزگە مەملەكەتتىك ساپارمەن كەلگەنىن قارسى الدى.


    اسكەري وركەستىر قازاقستان مەن جۇڭگونىڭ مەملەكەت ءانىن ورىندادى، 21 رەت قۇرمەت ساليوتى اتىلدى.


    توقايەۆ شي جينپيڭنىڭ سەرىك بولۋىندا جۇڭگو حالىق ازاتتىق ارمياسىنىڭ قۇرمەت قاراۋىلىن كوزدەن كەشىردى.


    ەكى ەل باسشىلارى كوزدەن كەشىرۋ ساحىناسىنا قايتىپ كەلىپ اسكەري پاراتتى كوزدەن كەشىردى.


    وسىدان سوڭ اسكەري وركەستىر مۋزيكا ورىندادى.


    ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق سىرتقى ىستەر قىزمەت كوميتەت كەڭسەسىنىڭ مەڭگەرۋشىسى ياڭ جيەچى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۇەيۇە، مەملەكەتتىك كەڭەس مۇشەسى ۋاڭ ي، مەملەكەتتىك ساياسي كەڭەس ءتوراعاسىنىڭ ورىنباسارى شيا باۋلۇڭ، حى ليفىڭ قاتارلىلار قارسى الۋ سالتىنا قاتىناستى.


    توقايەۆپەن بىرگە زۇڭليدىڭ 1-ورىنباسارى ءارى قازىنا مينيسترى، سىرتقى ىستەر مينيسترى، ورتالىق بانكە باستىعى قاتارلىلار جۇڭگوعا ساپارلاي كەلدى.


    توقايەۆ شي جينپيڭنىڭ ۇسىنىسى بويىنشا ەلىمىزگە مەملەكەتتىك ساپارمەن كەلدى.


    قارسى الۋ سالتىنان كەيىن ءتوراعا شي جينپيڭ حالىق ساريىندا توقايەۆپەن كەڭەس وتكىزدى.


    شي جينپيڭ بىلاي دەدى: پرەزيدەنت توقايەۆ مىرزامەن كەزدەسكەنىمە وتە قۋانىشتامىن، سونىمەن بىرگە ءسىزدىڭ جاڭا جۇڭگو قۇرىلعاندىعىنىڭ 70 جىلدىعى قارساڭىندا جۇڭگوعا تۇڭعىش رەت ساپارلاي كەلگەنىڭىزدى قارسى الامىن، ءبىز 3 ايدان كەيىن قايتا جۇزدەسىپ وتىرمىز، مۇنىڭ ءوزى جۇڭگو-قازاقستان قاتىناسىنىڭ جوعارى ورەدەگى جانە ەرەكشە قاتىناس ەكەندىگىن كورسەتەدى.


    شي جينپيڭ بىلاي دەدى: ەندى 10 نەشە كۇننەن كەيىن ءبىز جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن سالتاناتتى قارسى الامىز. 70 جىلدان بەرى ج ك پ جۇڭگو حالقىن باستاپ دۇنيەنى جالت قاراتقان ۇلى تابىستارعا قول جەتكىزىپ، جۇڭحۋا ۇلتىنىڭ ۇلى كوركەيۋ نىساناسىن ىسكە اسىرۋ جولىندا ارشىنداي العا باسىپ كەلەدى. بۇل بارىس ەجەلدەن ىلعي ءساتتى بولا بەرگەن ەمەس، الايدا، سىرتقى ورتا اۋقىمىندا مەيلى قانداي وزگەرىس تۋىلسا دا، جۇڭگو ەش قانداي مىزعىماستان، ەشقانداي كۇمىلجىمەستەن ءوز ىستەرىن ويداعىداي ىستەپ، رەفورمانى جالپى بەتتىك ىشكەرىلەتىپ، سىرتقا ەسىك اشۋدى كەڭەيتىپ، اناعۇرلىم جوعارى دامۋ ساپاسىن جۇزەگە اسىرا بەرەدى. ءبىزدىڭ ءتۇرلى حاۋىپ-قاتەرلەر مەن سايىستارعا ويداعىداي توتەپ بەرۋگە قابىلەتىمىز قاپتال جەتەدى، ءار قانداي قيىنشىلىقتار ءبىزدىڭ العا باسۋ قادامىمىزدى بوگەي المايدى. ورنىقتى، اشىق ۇستالعان، كوركەيگەن جۇڭگو باستان-اياق دۇنيەنىڭ دامۋ بولاشاق ورايى بولا بەرەدى.


    شي جينپيڭ بىلاي دەدى: ديپلوماتيالىق قاتىناس ورناتقان 27 جىلدان بەرى، جۇڭگو مەن قازاقستان ەرەكشە دامۋ جولىن باسىپ ءوتىپ، قىرۋار شۇعىلالى تابىستار جاراتىپ، كورشى ەلدەر دوستىق قارىم ـ قاتىناسىنىڭ ۇلگىسىنە اينالدى. جاڭا جاعدايدا، جۇڭگو مەن قازاقستان قاتىناسىن تىڭ ساتىعا كوتەرۋ كەرەك. مەن پرەزيدەنت مىرزامەن بىرلىكتە: ەكى جاق تاعدىرلاس-تىنىستاس بولۋ، سەلبەسە ورتاق يگىلىكتەنۋ رۋحى بويىنشا، جۇڭگو مەن قازاقستاننىڭ ماڭگىلىك جالپى بەتتىك ستراتەگيالىق سەرىكتەستىك قاتىناسىن دامىتا بەرەتىندىگىن جاريالايمىن.


    شي جينپيڭ بىلاي دەپ انىق ايتتى: جۇڭگو قازاقستانمەن جالپى بەتتىك سەلبەستىكتى ىشكەرىلەتۋدى؛ جىبەك جولى ەكونوميكالىق بەلدەۋى مەن «نۇرلى جول» جاڭا ەكونوميكا ساياساتىن ۇشتاستىرۋدى؛ جالپى بەتتىك قارىم قاتىناستى كۇشەيتۋدى؛ جۇڭگو مەن قازاقستاننىڭ قۇرىلىق جانە تەڭىز بىرلەسكەن تاسىمال ارناسىن ىركىلىسسىزدەندىرىپ، ەكونوميكا-ساۋدا سەلبەستىك دارەجەسىن جوعارىلاتۋدى؛ ەنەرگيا سەلبەستىگىن تىڭعىلىقتى ىلگەرىلەتىپ، عىلىم-تەحنيكادا جاڭالىق جاراتۋ سەلبەستىگىن كەڭەيتىپ، گۋمانيتارلىق اۋىس-كۇيىستى جانە جەرلىك ورىندار قارىم-قاتىناسىن نىعايتۋدى قالايدى. جۇڭگو مەن قازاقستان كوپ جاقتىلىقتى جانە اشىق ۇستالعان الەمدىك شارۋاشىلىقتى ايقىن تۋ ۇستاي قورعاپ، اناعۇرلىم، ءادىل، تەڭ، ۇيلەسىمدى بولعان جەر شارىندىق باسقارۋ جۇيەسىن قۇرۋدى جەبەۋگە بەلسەنە ۇلەس قوسۋ كەرەك. شاڭحاي سەلبەستىك ۇيىمىنىڭ وڭىرلىك جانە حالىقارالىق ىستەردە ءتىپتى دە بەلسەندى رول اتقارۋىن جەبەۋ؛ ورتاقتىق، ۋنيۆەرسالدىق، سەلبەسۋ، ۇلاسپالى بولۋداي جاڭا حاۋىپسىزدىك كوزقاراسىن ءامالياتتا ايگىلەۋ؛ حاۋىپسىزدىك سەلبەستىگىن كۇشەيتىپ، كۇش بىرلىگىن قۇراپٴۇش كەرى كۇشكە سوققى بەرۋ، سايىستارعا تىزە قوسا توتەپ بەرۋ كەرەك.


    توقايەۆ جۇڭحۋا حالىق رەسپۋبليكاسى قۇرىلعاندىعىنىڭ 70 جىلدىعىن شىن جۇرەكتەن قۇتتىقتادى. ول بىلاي دەدى: جاڭا جۇڭگو ەرەكشە تاريحي بارىستى باستان كەشىرىپ، شۇعىلالى دامۋ ناتيجەلەرىنە قول جەتكىزىپ، جۇڭگو حالقىنا عانا باقىت جاراتىپ قويماي، دۇنيەنىڭ دامۋىن جەبەۋگە جانە ادامزات ىستەرىنىڭ العا باسۋىنا اسا زور ۇلەس قوستى. جۇڭگونىڭ رەفورما جاساپ، ەسىك اشۋى قازاقستان قاتارلى ەلدەرگە وراي اكەلدى. قازاقستان جۇڭگو ۇكىمەتى مەن حالقىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن باتىل قولدايدى. قازاقستان جۇڭگو مەن ماڭگىلىك جالپى بەتتىك ستراتەگيالىق سەرىكتەستىك قاتىناس ورناتۋدى وراي ەتىپ، قازاقستان-جۇڭگو قاتىناسىن دامىتا ءتۇسۋدى قالايدى. قازاقستان وسىدان 6 جىلدىڭ الدىندا ءسىزدىڭ «جىبەك جولى ەكونوميكالىق بەلدەۋىن» ورتاق قۇرۋ ۇلى دارىپتەسىن قازاقستاندا العا قويعانىڭىزدى ماقتانىش سانايدى، بۇل وسى ءوڭىردىڭ اۋەلى بۇكىل دۇنيەنىڭ بولاشاق دامۋى جونىنەن ماڭىزدى ءمان الادى. قازاقستان جۇڭگومەن جوعارى جىكتەگىلەر بارىس-كەلىسىن قويۋلاتىپ، «ءبىر بەلدەۋ، ءبىر جول» جۇلگەسىندە ەكونوميكا-ساۋدا، نەگىزگى قۇرىلعى، ەنەرگيا، 5 G تەحنيكاسى، عىلىم-تەحنيكا، گۋمانيتارلىق اۋىس-كۇيىس قاتارلى سالالارداعى ناقتى سەلبەستىكتى كۇشەيتۋدى ءۇمىت ەتەدى. ەكى جاق شاڭحاي سەلبەستىك ۇيىمى جانە ازيا سەلبەستىك جانە سەنىمدىلىك شاراسى جۇلگەلەرىندەگى تۇسىنىستىك پەن سايكەستىكتى كۇشەيتىپ،ٴۇش كەرى كۇشكە سوققى بەرىپ، وڭىرلىك حاۋىپسىزدىكتى قورعاپ، سىرتتىڭ كيلىگۋىنە قارسى تۇرۋ ءتيىس.


    كەڭەستەن كەيىن، شي جينپيڭ توقايەۆپەن بىرگە جۇڭحۋا حالىق رەسپۋبليكاسى مەن قازاقستان رەسپۋبليكاسىنىڭ بىرلەسكەن مالىمدەمەسىن جاريالادى. ەكى ەل باسشىلارى كوپتەگەن ەكى جاقتى سەلبەستىك كەلىسىمدەرگە قول قويۋ سالتىنا كۋا بولدى.

00.jpg
00.jpg
00.jpg
微信截图_20190909172958.jpg
QQ浏览器截图20190909100211.jpg