ناچار ئۇچۇرلارنى پاش قىلىش: mzjubao@cnr.cn

ماڭىزدى حابارلار

ەلەۋلى ەڭبەك: گاۋ ميڭشۋان-جاڭا جۇڭگونىڭ زاڭمەن باسقارۋ جولىنا كۋا بولدى

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 09:54


    «ەلەۋلى ەڭبەك» اتتى تىزبەكتى حاباردا بۇگىن: « گاۋ ميڭشۋان-جاڭا جۇڭگونىڭ زاڭمەن باسقارۋ جولىنا كۋا بولدى» دەگەن مازمۇن بەرىلەدى


    1979-جىلى 7-ايدىڭ 1-كۇنى ساعات 16 دان 5 مينۋت وتكەن شاق بەيجيڭدەگى حالىق قۇرىلتايى سارايى، گاۋ ميڭشۋان قولىن كوتەرىپ، داۋىس بەردى، وسى ٴسات ونىڭ كوكەيىندە ماڭگى قالدى، ويتكەنى ول مەملەكەتتىك حالىق قۇرىلتايىنىڭ ۋاكىلى رەتىندە جۇڭحۋا حالىق رەسپۋبليكاسىنىڭ تۇڭعىش قىلمىستى ىستەر زاڭدار جيناعىن ماقۇلداۋعا داۋىس بەردى.


    وسىدان كەيىنگى 40 جىل ىشىندە، مەيلى 1997-جىلعى قىلمىستىق ىستەر زاڭدار جيناعىنىڭ جاسالىپ، جاريالانۋى، الدە قىلمىستىق ىستەر زاڭىنا وزگەرىس ەنگىزۋ جوباسى جونىندەگى تالقى بولسىن، گاۋ ميڭشان بارلىعىنا قاتىناستى جانە كۋا بولدى. 1981-جىلى گاۋ ميڭشۋان زەيىن-قۋاتىن سارقا جۇمساپ، «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنىڭ ازىرلەنۋى جانە جاريالانۋى» دەگەن حانزۋشا 200 مىڭ ارىپكە جۋىق كىتاپ جازدى، بۇل جاڭا جۇڭگونىڭ قىلمىستىق ىستەر زاڭ عىلىمىنداعى تۇڭعىش شىعارماعا اينالدى. 1984-جىلى 1-ايدا ەلىمىزدىڭ قىلمىستىق ىستەر زاڭ عىلىمى كاسىبى بويىنشا تۇڭعىش دوكتورلىق اسپيرانت جەتەكشىسى بولعاننان بەرى، ول قىلمىستىق ىستەر زاڭ عىلىمى بويىنشا 67 دوكتور تاربيەلەپ شىقتى. «حالىق اعارتۋشىسى» دەگەن مەملەكەتتىك داڭقتى اتاق الدىندا، گاۋ ميڭشۋان بۇل ونىڭ جەكە اتاق-ابىرويى عانا ەمەس، ەڭ الدىمەن پارتيا مەن مەملەكەتكە ٴتان ەكەندىگىن ايتا كەلىپ بىلاي دەدى: مەنىڭ ٴبىلىمىم قايدان كەلەدى؟ مۇنىڭ بارلىعى پارتيانىڭ باسشىلىعىنىڭ، مەكتەپتىڭ مەنى تاربيەلەۋى مەن باۋلۋىنىڭ جەمىسى. اتاق-ابىرويعا يە بولعاندا داندايسىپ، العا باسپاي قويۋعا بولمايدى، جۋ ىنلاي زۇڭليدىڭ: ٴومىر بويى ۇيرەنۋ، قارتايعانشا ۇيرەنۋ كەرەك،-دەگەن ٴسوزى ماعان تەرەڭ اسەر قالدىردى.

اۋدارعان: گۇلنۇر قابىلقاق قىزى

中央广播电视总台 央广网 版权所有