ناچار ئۇچۇرلارنى پاش قىلىش: mzjubao@cnr.cn

ماڭىزدى حابارلار

شينجياڭ بيىل الدىڭعى 3 توقساندا 180 ميلليون ادام ـ رەتتەن استام ساياحاتشى قابىلدادى

来源:جۇڭگو قازاق راديو تورابى     |责编:阿依娜古丽|     发布日期: 2019-10-09 10:00


    شينحۋا اگەنتتىگىنىڭ حابارى: ٴتىلشىنىڭ شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىنشا، 1-ايدان 9-ايعا دەيىن، شينجياڭ ەل ٴىشى-سىرتىنان 183 ميلليون 858 مىڭ 400 ادام-رەت ساياحاتشى قابىلداپ، بىلتىرعى سول تۇستاعىدان %40.9 ارتقان؛ ساياحات كىرىسى 304 ميلليارد 638 ميلليون يۋان بولىپ، وتكەن جىلدىڭ ۇقساس مەزگىلىندەگىدەن %40.78 ارتىپ، تاريحتاعى ەڭ جوعارى ورە جاراتىلدى.


    بيىل «1-قازان» مەملەكەت مەرەكەسىنىڭ التىن اپتالىعىندا، شينجياڭنىڭ «تۇيىندى كورىنىس رايونداردىڭ» ساياحاتى ۇزدىكسىز جانداندى . ٴداستۇرلى وتىمدى كورىنىس رايونى قاناس وڭىرىنىڭ بيىل جىل باسىنان بەرى ەل ٴىشى-سىرتىنان جيىنى 10 ميلليون 2 مىڭ 100 ادام-رەت ساياحاتشى قابىلدادى، مايتاۋدان كورلاعا دەيىنگى تاس جولى، شينجياڭ حالىقارالىق ۇلكەن بازارى، قورعاس ـ جۇڭگو ـ قازاقستان حالىقارالىق ساياحات رايونى سياقتى كورىنىس تۇيىندەرى دە ساياحاتشىلاردى ەرەكشە باۋرادى.


    بيىل التىن اپتالىقتا شينجياڭنىڭ كوپتەگەن جەرلەرىندە «توڭكەرىستىك ساياحات» ەرەكشە قارسى الۋعا يە بولدى. ٴۇرىمجى قالاسى 8-ارميانىڭ شينجياڭداعى ٴىس باسقارۋ ورنى ەسكەرتكىش سارايى، شىحىزى قالاسى شينجياڭ بيڭتۋان اسكەري تىڭ يگەرۋ مۇراجايى، ارال قالاسىنداعى 359 ـ بريگاداسىنىڭ تىڭ يگەرۋ ەسكەرتكىش سارايى قاتارلى ورىندار كوپتەگەن ساياحاتشىلاردى ەكسكۋرسيالاۋعا باۋرادى.

اۋدارعان: نازار ٴارىپ ۇلى

中央广播电视总台 央广网 版权所有