ينفورماتسيا اشكەرەلەۋ: mzjubao@cnr.cn

ماڭىزدى حابارلار

شاڭحايدىڭ شەتەل قارجىسىنان پايدالانۋ مولشەرى ورنىقتى ارتتى

来源:جۇڭگو قازاق راديو تورابى     |责编:阿依娜古丽|     发布日期: 2019-10-22 16:11


    شينحۋا اگەنتتىگىنىڭ حابارى: 10-ايدىڭ 18-كۇنى شاڭحاي ەركىن ساۋدا رايونىنىڭ لينگاڭ جاڭا رايونىندا جۇمىسشىلار تەسلا ەرەن زاۆودىنىڭ سىرتىنداعى داۋال قابىرعاسىنا «T» ٴارپىن ورناتۋدا. وسىدان نەشە كۇن بۇرىن تەسلا شاڭحاي ەرەن زاۆودى 220 كيلوۆولتتىق ەلەكتر قۋاتىن سايكەستىرۋ نىسانىنىڭ العاشقى لەنياسى رەسمي ەلەكتر جەتكىزدى، سونىمەن تەسلا شاڭحاي ەرەن زاۆدى رەسمي ٴوتىنىش ەتۋدەن ەلەكتر جەتكىزۋگە دەيىن تەك 168 جۇمىس كۇنىن عانا جۇمساپ، جۇرتشىلىقتى «شاڭحاي قارقىنىنا» تاعى دا تاڭداي قاقتىردى.


    جۇڭگو ەكونوميكاسى الىپ تەڭىز سپەتتى. تۇڭعىش كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا، جۇڭگو شاڭحاي ەركىن ساۋدا رايونىنىڭ جاڭا اۋماعىن كوبەيتەتىندىگىن جاريالادى. بيىل 8-ايدا شاڭحاي ەركىن ساۋدا رايونى لينگاڭ جاڭا رايونىنا ماڭدايشالىق اسىلدى، بۇگىنگى تاڭدا، ەسىك اشۋ، توعىسۋ قادامى ارشىندى قاداممەن ىلگەرىلەپ، شاڭحايدىڭ سىرتقا ەسىك اشۋىنىڭ جاڭا تانىسقىسىنا اينالدى. 9-ايدىڭ 19-كۇنىنە دەيىن جاڭا اۋماقتا جيىنى 674 كاسىپورىن تىزىمگە الىندى، شەتەل قارجىسىنىڭ تىركەتكەن كاپيتالى 71 ميلليون 447 مىڭ 890 امەريكا دوللارى، توقتامداعى شەتەل قارجىسى 82 ميلليون 697 مىڭ 880 امەريكا دوللارى بولدى.


    بۇكىل جەر شارى ەكونوميكاسى تولقىمالى، سىرتقى سۇرانىستىڭ «قارسىلىق» قىسىمى قايتا ارتسادا، جۇڭگو ەكونوميكاسىنىڭ «ساپانى جوعارىلاتۋ» بەتالىسى ٴالى دە ورنىقتى قاداممەن العا باسادى. ەلىمىزدىڭ شەتەل قارجىسىن باۋراۋداعى ٴتۇيىندى رايونداردىڭ ٴبىرى رەتىندە، بيىل 1-ايدان 8-ايعا دەيىن، شاڭحايدىڭ شەتەل قارجىسىنان پايدالانۋى جوعارى ارتۋدى ساقتاپ، شەتەل كاپيتالىمەن قۇرىلعان كاسىپورىندار، توقتامداسقان شەتەل قارجىسى جانە ناقتى تۇراقتانعان شەتەل قارجىسى جەكە-جەكە %47.8، %9.6 جانە % ارتتى، مۇنىڭ ىشىندە ناقتى تياناقتانعان شەتەل قارجىسىنىڭ ارتۋ قارقىنى ۇقساس مەزگىلدەگىدەن 9.4 پايىز ارتتى.


    ا ق ش كوستكو توبىنىڭ (C o s t c o) جۇڭگو ۇلى قۇرلىعىنداعى تۇڭعىش دۇكەنى شاڭحايدا جۇمىس باستاعان العاشقى كۇندە، جۇڭگولىقتاردىڭ تۇتىنۋ ىنتاسى جۇڭگو قالالارىنىڭ باۋراۋ قۋاتىن ايگىلەدى؛ 8-ايدا جۇڭگوداعى دۇكەنىن جابۋدى ۇيعارعان جاپونيانىڭ گاۋداۋ اتتى تانىمال ٴتۇرلى بۇيىمدار سەرىكتىگى دە قايتا شەشىم جاساپ، جۇڭگودا جالعاستى تيجارات جۇرگىزەتىندىگىن جاريالادى.

اۋدارعان: گۇلنۇر قابىلقاق قىزى

中央广播电视总台 央广网 版权所有