ينفورماتسيا اشكەرەلەۋ: mzjubao@cnr.cn

ماڭىزدى حابارلار

ٴتوراعا شي جينپيڭنىڭ 2 ـ كەزەكتى جۇڭگو حالىقارالىق يمپورت كورمەسىنىڭ اشىلۋ سالتىندا سويلەگەن ارقاۋ ٴسوزى ماجىلىسكە قاتىناسقان حالىقاراداعى قايراتكەرلەر اراسىندا كۇشتى اڭىس قوزعادى

来源:جۇڭگو قازاق راديو تورابى     |责编:阿依娜古丽|     发布日期: 2019-11-08 16:44

 

ءوز حابارىمىز: ٴتوراعا شي جينپيڭ 2-كەزەكتى يمپورت كورمەسىنىڭ اشىلۋ سالتىندا سويلەگەن ارقاۋ سوزىندە مىنالاردى باسا دارىپتەدى: ەكونوميكانىڭ الەميلەنۋى ـ تاريح اعىمى، ٴار ەل ادامزاتتى الدىمەن ەسكەرۋ تانىمىنا تاباندى تۇرىپ، اناعۇرلىم اشىق ۇستالعان بەينەدە بولۋ جانە ناقتىلى شارالار قولدانۋ ارقىلى ەكونوميكانىڭ الەميلەنۋى قوزعاۋشى كۇشىن نەعۇرلىم زورايتۋدى، كەدەرگى كۇشتەرى نەعۇرلىم ازايتۋدى ويداعىداي ىستەۋ كەرەك. ماجىلىسكە قاتىناسقان حالىقاراداعى قايراتكەرلەر جابال بىلاي دەستى: جۇڭگونىڭ اناعۇرلىم جوعارى دەڭگەيدەگى سىرتقا ەسىك اشۋى اناعۇرلىم كوپ بازار ورايىن، قارجى قوسۋ ورايىن، ارتۋ ورايىن الا كەلىپ، ٴار ەلمەن ورتاق دامۋدى جۇزەگە اسىراتىندىعىنا سەنەمىز.


    قول ۇزۋدە ەمەس، قول ۇستاسۋدا، داۋال بۇزۋدا ەمەس، داۋال بەكەمدەۋدە تاباندى بولۋ، قورعامپازدىق پەن سىڭار جاقتىلىققا باتىل قارسى تۇرۋ كەرەك . ٴتوراعا شي جينپيڭ سوزىندە مىنانى باسا دارىپتەدى : اشىق ۇستاپ ءوزارا سەلبەسەتىن، اشىق ۇستاپ جاڭالىق جاراتاتىن، اشىق ۇستاپ ورتاق يگىلىكتەنەتىن دۇنيە ەكونوميكاسىن ورتاق قۇرۋ كەرەك. ب م ۇ ـ نىڭ جۇڭگودا تۇراتىن سايكەستىرۋشىسى لو شىلي بىلاي دەدى: قازىر دۇنيە ەكونوميكاسى ٴالى دە دارمەنسىز كۇيدە تۇر، ٴتوراعا شي جينپيڭنىڭ سوزىندە حالىقارالىق قوعامعا كۇشتى اڭىس بەرىلىپ، ساۋدا قورعانىن ازايتىپ، ەركىن ساۋداعا دەم بەرۋدىڭ ماڭىزدىلىعى باسا دارىپتەلدى . بۇل توتەنشە پايدالى.


    دۇنيە ساۋدا ۇيىمىنىڭ اقپارات مالىمدەمەشىسى كيس روكۋەل بىلاي دەدى: ٴبىز ٴتوراعا شي جينپيڭنىڭ سوزىندەگى كوپ جاقتى ساۋدا جۇيەسىن بار كۇشپەن قولداۋ كەرەك دەگەن سوزگە ەرەكشە مويىنسالمىز. سونىمەن بىرگە، جۇڭگونىڭ ٴوز ەكونوميكاسىن اشىق ۇستاۋعا قۇلشىنعانىن كورۋدەمىز. بۇل القاۋعا ابدەن تاتيدى.


    ٴتوراعا شي جينپيڭ سوزىندە مىنالاردى انىق ايتتى: ٴبىز سىرتقا ەسىك اشۋ سىندى نەگىزگى مەملەكەت ساياساتىنا، ەسىك اشۋ ارقىلى رەفورمانى، دامۋدى، جاڭالىق جاراتۋدى جەبەۋگە تاباندى بولىپ، اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتە بەرەمىز.


    ا ق ش جوعارى عىلىم-تەحنيكا ەمدەۋ سەرىكتىگى ۆاريان توپ سەرىكتىگىنىڭ بۇكىل جەر شارىندىق ۇكىمەت ىستەرىن باسقارۋعا جاۋاپتى جوعارى دارەجەلى ورىنباسار ٴتوراعاسى ۋي انجو ءوز اسەرىن بىلاي دەپ باياندادى: ٴتوراعا شي جينپيڭنىڭ ارقاۋ سوزىندە ەسىك اشۋ جانە دۇنيە بازارى اۋىزعا الىندى. ول ايتقان سىرتقا ەسىك اشۋ جونىندەگى ٴسوزدەردىڭ ءمان-ماعىناسىن ٴبىز ٴبىر سەرىكتىك رەتىندە ٴوز باسىمىزدان كەشىرۋ بارىسىندا ءتۇسىنىپ جەتتىك. بۇكىل جەر شارىندا كەيبىر ورنىقسىزدىق فاكتورلار بولعانىمەن، ۆاريان سەرىكتىگى جۇڭگو بازارىنا تولىق سەنىم ارتادى.


    جاڭا تاريحي باستامادا جۇڭگونىڭ اشقان ەسىگى بارعان سايىن ايقارا اشىلادى. ٴتوراعا شي جينپيڭ سوزىندە بولاشاقتا اناعۇرلىم جوعارى دەڭگەيدەگى سىرتقا ەسىك اشۋدى ۇزدىكسىز ىلگەرىلەتۋدىڭ «بەس ۇلكەن شاراسىن» العا قويدى. پولشانىڭ گدانسكي كەمەجاي ىستەر مەكەمەسىنىڭ باس جوراسى ۆۋكاش. گرينيك ٴتوراعا شي جينپيڭنىڭ سوزىنەن دامۋ ورايىن جانە بولاشاق ٴۇمىتتى كوردىك دەدى.


    تۋنيس ساۋدا مينيسترى ومار باحي بىلاي دەدى: ٴتوراعا شي جينپيڭنىڭ ٴسوزى بىزگە جۇڭگونىڭ ەسىكتى ونان ارى ايقارا اشۋدى قالايتىن بەكىمىن سەزىندىردى. جۇڭگو بازارىندا وراسان زور كومەسكى كۇش بار، جۇڭگو ۇكىمەتىنىڭ كەدەن سالىعىن تومەندەتۋ، يمپورت ٴتارتىبىن وڭايلاستىرۋ قاتارلى ساياساتتىق شارالاردى قولدانۋى توتەنشە ماڭىزدى.


    ٴتوراعا شي جينپيڭ ارقاۋ سوزىندە مىنالاردى انىق ايتتى: جۇڭگو جالپى بەتتىك ەسىك اشاتىن جاڭا جاعداي قالىپتاستىرۋدى جەدەل ىلگەرىلەتۋدە. اشىق ۇستالعان، توعىسپالى دامىعان جۇڭگو دۇنيە جۇزىنە دارقان پەيىل ۇستانىپ، اشىق ۇستالعان دۇنيە ەكونوميكاسىن قۇرۋدى، ادامزاتتىڭ تاعدىرلاس ورتاق تۇلعاسىن قۇرۋدى ۇزدىكسىز ىلگەرىلەتۋگە كۇش سالادى.


    انگليا لوندون ساياسي-ەكونوميكا ينستيتۋتى ازيا زەرتتەۋ ورتالىعىنىڭ اعا زەرتتەۋشىسى مارتين ياك بىلاي دەدى: الەميلەنۋ جانە جالپى بەتتىك دامۋ سىندى ەكى ۇلكەن تاقىرىپ جاعىندا جۇڭگو شەشۋشى باسشىلىق رول ساۋلەلەندىرىپ، دۇنيە جۇزىنە كلاسسيكالىق ۇلگى ورناتتى. ادامزاتتىڭ ورتاق يگىلىككە كەنەلەتىن، سەلبەسەتىن تاعدىرلاس ورتاق تۇلعاسىن بىرلىكتە قۇرۋ ارقىلى دۇنيە ٴجۇزىنىڭ دامۋى بارىسىندا جولىققان ٴتۇرلى ماسەلەلەردى اناعۇرلىم ويداعىداي شەشۋگە بولادى.


اۋدارعان: قاناتبەك جۇماباي ۇلى

中央广播电视总台 央广网 版权所有