ينفورماتسيا اشكەرەلەۋ: mzjubao@cnr.cn

ماڭىزدى حابارلار

ورتالىق« ساياسي ناتيجە ينجەنەرياسىن »، « ابىروي ينجەنەرياسىن » باسقارۋ ماسەلەسى جونىندە ۇقتىرۋ باسىپ تاراتتى

来源:جۇڭگو قازاق راديو تورابى     |责编:古丽美热|     发布日期: 2019-12-03 09:41

 

ٴوز حابارىمىز. تاياۋدا ورتالىقتىڭ «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيە باسشىلىق گرۋپپاسى « كورىنىستىك جارىقتاندىرۋ ينجەنەرياسىن » شەكتەن تىس جۇرگىزۋ قاتارلى « ساياسي ناتيجە ينجەنەرياسىن »، « ابىروي ينجەنەرياسىن » باسقارۋ ماسەلەسى جونىندەگى ۇقتىرۋدى باسىپ تاراتىپ، « كورىنىستىك جارىقتاندىرۋ ينجەنەرياسىن » شەكتەن تىس جۇرگىزۋ قاتارلى « ساياسي ناتيجە ينجەنەرياسىن»، « ابىروي ينجەنەرياسىن » ارناۋلى وڭاۋ مازمۇنىنا ەنگىزىپ، ۇيرەنۋ ـ تاربيەنى تەرەڭدەتىپ، ٴوزىن ـ ٴوزى تەكسەرۋدى، باعالاۋدى مىقتى يگەرىپ، مۇقيات رەتتەپ، ارناعا ٴتۇسىرىپ، قۋزاۋ، جەتەكشىلىك ەتۋدى كۇشەيتىپ، رەتتەۋ ـ وڭاۋ قىزمەتىن قاتاڭ، شىنايى يگەرۋدى تالاپ ەتتى.


« ۇقتىرۋدا» بىلاي دەپ اتاپ كورسەتىلدى : سوڭعى جىلداردان بەرى، ٴىس جۇزىندىكتەن الشاقتاپ، كورسوقىرلىقپەن كورىنىستىك جارىقتاندىرۋ قۇرىلعىلارىن سالىپ، حالىقتى كۇيزەلتەتىن مەملەكەت بايلىعىن سىراپ ەتەتىن «ساياسي ناتيجە ينجەنەرياسىن »، « ابىروي ينجەنەرياسىن»جۇرگىزىپ، كەيبىر جەرلەردە، اسىرەسە كەدەي رايونداردا، دامىماعان رايوندارداعى قالا - قالاشىق قۇرىلىستارىندا بەلەڭ بەرىپ، مەملەكەتتىڭ قازىنالىق قۋاتى مەن قوعامدىق بايلىق قاينارىن سىراپ ەتىپ قانا قالماستان، كوز بوياۋشىلىق، ٴسان - سالتاناتقا بەرىلۋ، سىراپشىلدىق سىندى ناشار سالتتار قالىپتاستى. وسى ماسەلەلەردىڭ زالالىن جەتە تانىپ، شىندىقتى ٴىس جۇزىنەن ىزدەۋگە، دۇرىس باسقارۋعا تاباندى بولىپ، باسقارۋ قىزمەتىن ورنىقتى، ٴتارتىپتى ويداعىداي يگەرۋ كەرەك.


«ۇقتىرۋدا» مىنالار اتاپ كورسەتىلدى: ۇيرەنۋ تاربيەسىن تەرەڭدەتىپ، دۇرىس ساياسي ناتيجە كوزقاراسىن ورناتۋ قاجەت . ٴار دارەجەلى باسشىلىق القالار مەن باسشى كادرلار اسىرەسە، قالالىق، اۋداندىق پارتكومدار، ۇكىمەتتىڭ باسشىلىق القالارى جانە باسشى كادرلار شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ «اۋەلگى ماقساتتى ۇمىتپاي، بورىشتى ەستە بەرىك ساقتاۋ» جونىندەگى ماڭىزدى بايىمداۋلارىن مۇقيات ۇيرەنىپ جانە ونى ٴتۇسىنىپ، اۋەلگى ماقساتتى ەستە بەرىك ساقتاپ، حالىق ٴۇشىن قىزمەت ەتۋ ماقساتىن امالياتتا ايگىلەپ، دۇرىس ساياسي ناتيجە كوزقاراسىن بەرىك ورناتۋ كەرەك. پارتيا 19 - كەزەكتى ورتالىق كوميتەتى ٴتورتىنشى جالپى ٴماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىقتى وزەك ەتكەن دامۋ يدەياسىنا تاباندى بولىپ، جاڭا دامۋ تانىمىن ىشكەرىلەي دايەكتىلەندىرىپ جانە تياناقتاندىرىپ، ٴوز جەرىنىڭ ەكونوميكالىق دامۋ قازىرگى جاعدايى مەن قازىنا قۋاتى ورەسىنە نەگىزدەلىپ، شاماعا قاراي ٴىس جۇرگىزىپ، قالا قۇرىلىسى مەن ٴتۇرلى ىستەردى ىلگەرىلەتىپ، قازىنا كۇشىن دامۋ مەن حالىق تۇرمىسىنا شۇعىل قاجەتتى سالالارعا شىنايى جۇمساپ، ولقىلىقتاردى تولىقتاۋدى، حالىق تۇرمىسىنا تيىمدىلىك جاساۋدى قالا قۇرىلىسىنىڭ ٴتۇيىنى ەتىپ، حالىق بۇقاراسىنىڭ مۇڭ -مۇقتاجىن، كوكەيتەستى ىستەرىن شىن مانىندە ويداعىداي شەشىپ، حالىق بۇقاراسىنىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتۋ كەرەك.


«ۇقتىرۋدا» مىنالار باسا دارىپتەلدى : ٴوزىن – ٴوزى تەكسەرىپ باعالاۋدى مىقتى يگەرىپ، تۇزەتۋ– وڭاۋدى ارناعا ٴتۇسىرۋ كەرەك . قاجەتتى جارىقتاندىرۋ ينجەنەرياسىن جۇرگىزۋگە بولادى، ٴبىراق ٴىس جۇزىندىكتى شىعار ٴتۇيىن ەتۋ كەرەك. جەرگىلىكتى ٴار دارەجەلى پارتكومدار مەن ۇكىمەتتەر تەكسەرۋ جانە تۇزەتۋدى جاپپاي ورىستەتىپ، نەگىزگى تاقىرىپتىق تاربيەنى، زەرتتەۋدى، ماسەلەلەردى تەكسەرۋمەن ۇشتاستىرىپ، بۇقارانىڭ پىكىرىنە كەڭ كولەمدە قۇلاق اسىپ، جەرگىلىكتى ورىن كورىنىس رايوندارىن جارىقتاندىرۋ ينجەنەرياسى قاتارلى قالا ـ قالاشىق قۇرىلىس نىساندارىن اداقتاپ، باعالاپ، قالا ـ قالاشىقتاردىڭ دامۋ زاڭدىلىعىنا قايشى كەلەتىن، بايلىق ورتاسىنىڭ كوتەرىمدىلىك قۋاتىنان، جەرگىلىكتى ورىننىڭ قازىنالىق قۋاتىنان اسىپ كەتەتىن، حالىق بۇقاراسىنىڭ تىلەگىنە قايشى كەلەتىن «ساياسي ناتيجە ينجەنەرياسى»، « ابىروي ينجەنەريالاردىڭ» بار ـ جوقتىعىنا قاراپ، ٴبىر ـ بىرلەپ سالىستىرىپ تەكسەرۋ جۇرگىزىپ، بەلگىلەمەگە قايشى قۇرىلىس جۇرگىزۋ ارەكەتتەرىن تەكسەرىپ ٴبىر جاقتى ەتۋ كەرەك . « تاباندا وزگەرتۋ »مەن«ۇزاق ۋاقىت وزگەرتۋدى » ۇشتاستىرىپ، باياندى ونىمدىلىك پەن ولشەمدى تياناق ەتىپ، ۇسىنىس، جوبا، تەكسەرىپ بەكىتۋ، قۇرىلىس قاتارلى جاقتاردى ارقاۋ ەتىپ قاتىستى مەحانيزمدەردى ورناتىپ جانە كەمەلدەندىرىپ، «ساياسي ناتيجە ينجەنەرياسىنان »، «ابىروي ينجەنەرياسىنان» تۋباستان ساقتانۋ كەرەك.
«ۇقتىرۋدا» مىنالار باسا دارىپتەلدى: باسقارۋ جاۋاپكەرشىلىگىن تياناقتاندىرىپ، قۋزاۋ، جەتەكشىلىك ەتۋدى كۇشەيتۋ كەرەك. ولكەلىك ( اۆتونوميالى رايوندىق، توتە قاراستى قالالىق ) پارتكومدار باسشىلىقتى كۇشەيتىپ، جاۋاپكەرشىلىكتى تياناقتاندىرىپ، ٴبىرتۇتاس جوسپارلاۋدى مىقتى يگەرۋ كەرەك. قالالىق، اۋداندىق پارتكومدار مەن ۇكىمەتتەردىڭ باسشىلىق القالارى وسى ماسەلەلەرگە تىكەلەي ارالاسىپ، باسقارۋ قىزمەتىن قاتاڭ، شىنايى يگەرۋلەرى كەرەك. بارلىق ىستە ٴىس جۇزىندىكتى شىعار ٴتۇيىن ەتۋگە تاباندى بولىپ، سالىنىپ بولعان جانە سالىنىپ جاتقان كورىنىستەردى جارقىراتۋ ينجەنەرياسىنا تۇرگە ٴبولىپ جەتەكشىلىك ەتىپ، تۇزەتۋ بارىسىندا ٴبىرجولاتا شاعىپ تاستاۋدان ساقتانىپ، تاعى دا سىراپشىلدىق جاعداي تۋدىرماۋعا كەپىلدىك ەتۋ كەرەك. ورتالىقتىڭ جەتەكشىلىك گرۋپپاسى، ورتالىقتىڭ شارلاۋ جەتەكشىلىك گرۋپپاسى جانە ٴار دارەجەلى شارلاۋ جەتەكشىلىك گرۋپپاسى قۋزاۋ سالۋ جانە جەتەكشىلىك ەتۋدى كۇشەيتىپ، ماسەلە ساقتالعان ورىنداردى قۋزاۋ، رەتتەۋ، وڭاۋ ولشەمىن تياناقتاندىرىپ، اعاتتىقتىڭ تۋىلۋىنان ساقتانۋ كەرەك.

 



اۋدارعان: نازار ٴارىپ ۇلى
جۇڭگو قازاق راديو تورابى

中央广播电视总台 央广网 版权所有

ورتالىق« ساياسي ناتيجە ينجەنەرياسىن »، « ابىروي ينجەنەرياسىن » باسقارۋ ماسەلەسى جونىندە ۇقتىرۋ باسىپ تاراتتى

ورتالىقتىڭ «اۋەلگى ماقساتتى ۇمىتپاي، بورىشتى ەستە بەرىك ساقتاۋ» تاقىرىپتىق تاربيە باسشىلىق گرۋپپاسى «كورىنىستىك جارىقتاندىرۋ ينجەنەرياسىن» شەكتەن تىس جۇرگىزۋ قاتارلى « ساياسي ناتيجە ينجەنەرياسىن »، « ابىروي ينجەنەرياسىن » باسقارۋ ماسەلەسى جونىندەگى ۇقتىرۋدى باسىپ تاراتتى