ينفورماتسيا اشكەرەلەۋ: mzjubao@cnr.cn

ماڭىزدى حابارلار

وتاندى-اۋمىندى ٴسۇيۋ اۋمىنداعى ۇرپاقتاردىڭ ساناسىنا ٴسىڭىرىلدى

来源:جۇڭگو قازاق راديو تورابى     |责编:古丽美热|     发布日期: 2019-12-13 16:13

 

ورتالىق تەلەۆيزيا ىستانسياسىنىڭ حابارى. اۋمىننىڭ ەجەلدەن وتاندى، اۋمىندى سۇيەتىن تاڭداۋلى ٴداستۇرى بار، وتان قۇشاعىنا ورالعان 20 جىلدان بەرى، اۋمىنداعى باۋىرلاستاردىڭ مەملەكەتكە دەگەن مۇراتتاستىعى مەن ۇيىسقىشتىعى ۇزدىكسىز كۇشەيىپ، وتاندى، اۋمىندى ٴسۇيۋ تۇتاس قوعامىنىڭ وزەكتى قۇنىنا اينالدى. ۇكىمەتتەن قوعامدىق ۇيىمدارعا، مەكتەپتەن وتباسىلارىنا دەيىن كوپ ٴتۇرلى فورماداعى وتاندى، اۋمىندى ٴسۇيۋ تاربيەسى «ٴبىر ەل، ەكى ٴتۇزىمنىڭ» باپتى قاداممەن باياندى ىلگەرىلەۋىنە كەپىلدىك ەتتى.


اۋمىننىڭ جيڭپيڭ مەكتەبىندەگى تولىق ورتا 2-جىلدىعىندا وقيتىن وقۋشىلاردىڭ ٴبىر رەتكى نەگىزگى تاقىرىپتىق كلاس ساباعىندا اۋمىن وتان قۇشاعىنا ورالعاندىعىنىڭ 20 جىلدىعى مازمۇن ەتىلدى. وقىتۋشى نەگىزگى زاڭ مەن ٴتۇبىرلى زاڭدى ەگجەي - تەگجەيلى ٴتۇسىندىردى، وقۋشىلار ساندى مالىمەتتەر جانە مىسالدار ارقىلى مەملەكەتتىڭ دامۋى مەن اۋمىن وتان قۇشاعىنا ورالعان 20 جىلدان بەرگى وزگەرىستەردى بايقادى. وسى اياداي ساباقحانادا وقۋشىلار ٴوزارا ىقپالداستىق جاساۋ ارقىلى مەملەكەتكە بولعان تانىمدارى نىعايا ٴتۇستى ٴارى مەملەكەتتىڭ دامۋى بارىسىندا وراعىتقان ورايلاردى قالاي ىزدەۋ جونىندە مۇقيات ويلانىپ تولعاندى.


اۋمىن ەرەكشە اكىمشىلىك رايون ۇكىمەتى سوناۋ 2006 - جىلى «جوعارى دارەجەلى وقۋ - اعارتۋعا جاتپايتىن ٴتۇزىم پروگرامماسى زاڭىن» شىعارىپ، وتاندى-اۋمىندى ٴسۇيۋ، سونداي-اق وتانعا-اۋمىنعا بولعان جاۋاپكەرلىك تانىمىن وقۋ-اعارتۋدىڭ باس نىساناسى ەتىپ بەلگىلەدى.


حاۋجياڭ ورتا مەكتەبى 70 جىلدىڭ الدىندا اۋمىن بويىنشا ٴبىرىنشى رەت بەس جۇلدىزدى قىزىل تۋدى جەلبىرەتكەن بولاتىن. قازىر بەس جۇلدىزدى قىزىل تۋ اۋمىننىڭ بارلىق ورتا، باستاۋىش مەكتەپتەرىندە اسپانمەن بوي تالاسىپ تۇر.


بيىل جىل باسىندا «مەملەكەت ٴانى زاڭىنىڭ» شىعارىلۋىنا بايلانىستى، ەرەكشە اكىمشىلىك رايون ۇكىمەتى بۇرىنعى زاڭدارعا وزگەرىس ەنگىزىپ، مەملەكەت تۋىن، مەملەكەت بەلگىسىن جانە مەملەكەت ٴانىن قولدانۋدى ونان ارى ارناعا ٴتۇسىرىپ، ازاماتتاردىڭ مەملەكەت كوزقاراسىن كۇشەيتتى.

وتانشىلدىق ٴداستۇر اۋمىندەگى سابيلەردىڭ جۇرەگىنە ۇيالاپ، ۇرپاقتان-ۇرپاققا جالعاسىپ كەلەدى. وتان قۇشاعىنا ورالعاننان بەرى، ەرەكشە اكىمشىلىك رايون ۇكىمەتى قوعامنىڭ ٴار سالاسىنداعىلارمەن قول ۇستاسىپ، مەملەكەت جاعدايى تاربيەسىن ٴتۇرلى فورمالارمەن ورىستەتتى. نەگىزگى زاڭ مەن ٴتۇبىرلى زاڭ ۇگىتتەلىپ، جالپىلاستىرىلىپ، مەملەكەت حاۋىپسىزدىگى تاربيەسى كورمەسى، ديپلوماتيالىق ساۋات جارىسى ىركەس-تىركەس وتكىزىلدى، بيىل تاعى ارناۋلى وتانعا ماحاببات سارايى قۇرىلىپ، مەملەكەت جاعدايى، رايون جاعدايى تاربيەسى ۇدايىلاندىرىلدى. ال اۋمىندىق نەشە ون مىڭ وقىتۋشى - وقۋشى «وتاندى تانۋ، جۇڭحۋانى ٴسۇيۋ» دەي نىساندار ارقىلى ىشكى ولكەلەرگە بارىپ، وتاننىڭ دامۋ جاعدايىن ۇعىستى.


وتان قۇشاعىنا ورالعان 20 جىلدان بەرى، اۋمىن وتانشىلداردى نەگىزگى تۇلعا ەتكەن اۋمىندى اۋمىندىقتار باسقارۋدى شىن مانىندە جۇزەگە اسىردى. اۋمىننىڭ ٴار سالاسى ٴتۇرلى ىستەردى باسقارۋعا كۇشتى جاۋاپكەرشىلىك سەزىممەن جانە بورىشتىلىق سەزىممەن اتسالىستى. بۇگىنگى اۋمىندا وتاندى، اۋمىندى ٴسۇيۋ بۇكىل قوعامنىڭ وزەكتى قۇنىنا اينالدى، مىنە بۇل دا اۋمىننىڭ دامۋىنداعى كۇش قاينارى.

 


اۋدارعان: امانتاي مۇسايىپ ۇلى
جۇڭگو قازاق راديو تورابى

中央广播电视总台 央广网 版权所有

وتاندى-اۋمىندى ٴسۇيۋ اۋمىنداعى ۇرپاقتاردىڭ ساناسىنا ٴسىڭىرىلدى

وتانشىلدىق ٴداستۇر اۋمىندەگى سابيلەردىڭ جۇرەگىنە ۇيالاپ، ۇرپاقتان-ۇرپاققا جالعاسىپ كەلەدى