ينفورماتسيا اشكەرەلەۋ: mzjubao@cnr.cn

ماڭىزدى حابارلار

جۇڭگو مەن ا ق ش ءبىرىنشى باسقىشتاعى ەكونوميكا - ساۋدا كەلىسىمىنىڭ جازباشا نۇسقاسى جونىندە بىرلىككە كەلدى

来源:جۇڭگو قازاق راديو تورابى     |责编:达吾力别克 |     发布日期: 2019-12-14 10:22

ءوز حابارىمىز. جۇڭگو مەن ا ق ش - تىڭ ەكونوميكا - ساۋدا ۇيىرمەلەرىنىڭ ورتاق قۇلشىنۋىندا، ەكى جاق تەڭدىك جانە ءوزارا قۇرمەت ەتۋ پرينسيپى نەگىزىندە، جۇڭگو مەن ا ق ش - تىڭ ءبىرىنشى كەزەڭدەگى ەكونوميكا - ساۋدا كەلىسىمىنىڭ نۇسقاسى جونىندە بىرلىككە كەلدى. كەلىسىمنىڭ جازباشا نۇسقاسى العى ءسوز، ءبىلىم مەنشىك ۇقىعى، تەحنيكا وتكەرمەلەۋ، ازىق - تۇلىك جانە اۋىل شارۋاشىلىق ونىمدەرى، فينانستىق قىزمەت وتەۋ، سىندىرىلىم جانە ونىڭ جاريا بولۋى، ساۋدانى كەڭەيتۋ، ەكى جاقتى باعالاۋ جانە داۋ - شارلاردى شەشۋ، ەڭ سوڭعى تارماق سىندى 9 تاراۋدى قامتيدى. وسى تارماقتار جايلى ەكى جاق ءبىر اۋىزدىلىققا كەلدى، ا ق ش جۇڭگوعا بەرىلەتىن ونىمدەردەن ۇستەمەلەپ الىناتىن كەدەن باجىسىن ساتىعا ءبولىپ كۇشىنەن قالدىرۋعا قاتىستى ۋادەلەردى اتقارىپ، كەدەن باجىسىن ۇستەمەلەپ الۋدى جوعارىلاتۋدان تومەندەۋگە قاراي بۇرىلىس جاساۋىن جۇزەگە اسىرادى.


جۇڭگو بىلاي دەپ قارايدى: جۇڭگو مەن ا ق ش دۇنيە جۇزىندەگى ەڭ ۇلكەن ەكونوميكالىق تۇلعا رەتىندە، ەكى ەلدىڭ ەكونوميكا ـ ساۋدا قاتىناسىن شەشۋدە، ءسوز جوق، جالپى جاعدايدى شىعار ءتۇيىن ەتۋ كەرەك، ەكونوميكا ـ ساۋدا كەلىسىمىنە كەلۋ جۇڭگو ـ ا ق ش ەكى ەل حالقى مەن دۇنيە ءجۇزى حالقىنىڭ ءتۇبىرلى مۇددەسىنە ءتيىمدى، ەكونوميكا ـ ساۋدا، قارجى قوسۋ، فينانس بازارى قاتارلى جاقتاردا بەلسەندى رول اتقارادى. بۇل كەلىسىم جالپى تۇلعالىق جاقتان جۇڭگونىڭ رەفورما جاساپ، ەسىك اشۋ جالپى بەتالىسىنا، سونداي - اق ەكونوميكانىڭ جوعارى ساپالى دامۋىن جەبەۋدىڭ ىشكى قاجەتىنە ۇيلەسەدى. كەلىسىمنىڭ قاتىستى مازمۇندارىنىڭ تياناقتانۋى ءبىلىم مەنشىك ۇقىعىن قورعاۋدى كۇشەيتۋگە، ساۋدا ورتاسىن جاقسارتۋعا، بازارعا كىرۋ رۇقساتىن كەڭەيتۋگە، شەتەل كاسىپورىندارىن قامتىعان ءتۇرلى كاسىپورىنداردىڭ جۇڭگوداعى زاڭدى ۇقىق - مۇددەسىن اناعۇرلىم ويداعىداي قورعاۋعا، سونداي - اق جۇڭگو كاسىپورىندارىنىڭ ا ق ش - عا قاراتىلعان ەكونوميكا - ساۋدا قيمىلىنداعى زاڭدى ۇقىق - مۇددەسىن قورعاۋعا پايدالى. جۇڭگونىڭ ىشكى بازارىنىڭ كەڭەيۋىنە بايلانىستى، جۇڭگو كاسىپورىندارى دۇنيە جۇزىلىك ساۋدا ۇيىمىنىڭ ەرەجەسى جانە بازارلاندىرۋ، ساۋداعا سالۋ پرينسيپى بويىنشا، ا ق ش ـ تىن قامتىعان ءار ەلدەن ساپالى، باسەكەلىك قۋاتقا يە ونىمدەر مەن قىزمەت وتەۋدى مولايتۋى ەل ىشىندەگى تۇتىنۋدىڭ جوعارىلاۋ بەتالىسىنا سايكەسىپ، حالىقتىڭ كۇن سايىن ارتىپ وتىرعان تاماشا تۇرمىس قاجەتىن قاناعاتتاندىرۋعا ءتيىمدى. بۇل كەلىسىم جۇڭگو مەن ا ق ش ـ تىڭ ەكونوميكا ـ ساۋدا سالاسىنداعى سەلبەستىكتى كۇشەيتىپ، ەكونوميكا ـ ساۋدا سالاسىنداعى الاۋىزدىقتاردى ءونىمدى تىزگىندەپ جانە شەشىپ، جۇڭگو مەن ا ق ش ـ تىڭ ەكونوميكا ـ ساۋدا قاتىناسىنىڭ ورنىقتى دامۋىن جەبەۋگە ءتيىمدى. كەزەكتە دۇنيە ءجۇزى ەكونوميكاسى قۇلدىراۋ قىسىمىنا ءدوپ كەلگەن جاعدايدا، بۇل كەلىسىم دۇنيە ءجۇزى بازارىنىڭ سەنىمىن كۇشەيتۋگە، بازار مەجەسىن ورنىقتىرۋعا ءتيىمدى بولىپ، قالىپتى ەكونوميكا - ساۋدا جانە قارجى قوسۋ قيمىلىنا تاماشا ورتا جاراتتى.


ەكى جاق كەلەسى قادامدا وزدەرىنىڭ زاڭدىق تەكسەرۋ، اۋدارىپ سالىستىرۋ قاتارلى قاجەتتى تارتىپتەرىن تەز ارادا ورىنداپ، رەسمي كەلىسىم جاساسۋ جايلى ناقتى ورنالاستىرۋ جونىندە كەڭەسەدى.


كەلىسىمگە قول قويىلعاننان كەيىن، ەكى جاقتان كەلىسىمدە بەرگەن ۋادەلەرىنە بويسۇنىپ، ءبىرىنشى باسقىشتاعى كەلىسىمدەگى قاتىستى مازمۇنداردى كۇش سالا ويداعىداي تياناقتاندىرىپ، ەكى جاقتى ەكونوميكا ـ ساۋدا قاتىناسىنىڭ دامۋىنا جانە الەمدىك ەكونوميكا ـ فينانستىڭ ورنىقتىلىعىنا ءتيىمدى ىستەردى كوبىرەك ىستەپ، دۇنيە ءجۇزىنىڭ بەيبىتشىلىگى مەن گۇلدەنىپ ـ كوركەيۋىن قورعاۋىن ءۇمىت ەتەمىز.


نازار ءارىپ ۇلىنىڭ اۋدارماسى

جاۋاپتى رەداكتور: داۋىل قادىلبەك ۇلى


中央广播电视总台 央广网 版权所有

جۇڭگو مەن ا ق ش ءبىرىنشى باسقىشتاعى ەكونوميكا - ساۋدا كەلىسىمىنىڭ جازباشا نۇسقاسى جونىندە بىرلىككە كەلدى

ءوز حابارىمىز. جۇڭگو مەن ا ق ش - تىڭ ەكونوميكا - ساۋدا ۇيىرمەلەرىنىڭ ورتاق قۇلشىنۋىندا، ەكى جاق تەڭدىك جانە ءوزارا قۇرمەت ەتۋ پرينسيپى نەگىزىندە، جۇڭگو مەن ا ق ش - تىڭ ءبىرىنشى كەزەڭدەگى ەكونوميكا - ساۋدا كەلىسىمىنىڭ نۇسقاسى جونىندە بىرلىككە كەلدى. كەلىسىمنىڭ جازباشا نۇسقاسى العى ءسوز، ءبىلىم مەنشىك ۇقىعى، تەحنيكا وتكەرمەلەۋ، ازىق - تۇلىك جانە اۋىل شارۋاشىلىق ونىمدەرى، فينانستىق قىزمەت وتەۋ، سىندىرىلىم جانە ونىڭ جاريا بولۋى، ساۋدانى كەڭەيتۋ، ەكى جاقتى باعالاۋ جانە داۋ - شارلاردى شەشۋ، ەڭ سوڭعى تارماق سىندى 9 تاراۋدى قامتيدى.