ينفورماتسيا اشكەرەلەۋ: mzjubao@cnr.cn

ماڭىزدى حابارلار

جاڭا ٴداۋىر جاڭا ناتيجە جاڭا داستان-باس شۋجيدىڭ جوعارى ساپالى دامۋعا نازار اۋدارعاندىعى جونىندە- قۇمايتتانۋدى تىزگىندەۋدەن جۇڭگو جاسىل القابىنىڭ ۇزدىكسىز كەڭەيگەندىگىنە نازار سالعاندا

来源:جۇڭگو قازاق راديو تورابى     |责编:古丽美热|     发布日期: 2020-01-14 16:00

 

شينحۋا اگەنتتىگىنىڭ حابارى. جاسىل ٴتۇس-كورىكتى جۇڭگونىڭ جالپى رەڭى. باس شۋجي شي جينپيڭ بىلاي دەپ اتاپ كورسەتتى: تاماشا ەكولوگيالىق ورتا-ەكونوميكانىڭ، قوعامنىڭ باياندى، اقاۋسىز دامۋىنىڭ ماڭىزدى نەگىزى، ەكولوگيالىق وركەنيەت قۇرىلىسىن كورنەكتى ورىنعا قويىپ، تۇنىق سۋ، جاسىل تاۋ-باعالى بايلىق دەيتىن تانىمدى كوكەيگە ۇيالاتىپ، ارەكەتتە تياناقتاندىرىپ، تاۋ، سۋ، ورمان، اتىز، كول، جايلىم جۇيەسىن باسقارۋدى ٴبىر تۇتاس جوسپارلاپ، وتاننىڭ بايتاق دالاسىن ۇزدىكسىز جاسىلداندىرىپ، كورىكتەندىرۋ كەرەك.

جاڭا جىل باستالىسىمەن ىشكى موڭعۇل وردوس قالاسى يجينحولو اۋدانىنىڭ حولو ورمان الاڭىن قار باسىپ قالدى، ورمان الاڭىنداعى جۇمىسشىلار وتكەن جىلى ەگىلگەن الحور اعاشى مەن الما اعاشىنىڭ ٴوسۋ جاعدايىن تەكسەرىپ جاتتى. 3 ۇرپاق ورمان وسىرۋشىلەردىڭ تىنباي قۇلشىنىس جاساۋىمەن بۇرىنعى قاعىر دالا قازىرگى سايالى باققا اينالدى.

كوپ جىلدىڭ الدىندا ورمان الاڭى ەندى عانا قۇرىلعان كەزدە،تۇتاس اۋداننىڭ ورمانمەن كومكەرىلۋ مولشەرى % 3 كە دە جەتپەيتىن، قۇمدى ٴشول ادامداردىڭ تىرشىلىك ورتاسىنا سۇعىنىپ كىرە باستاعان. ورمان الاڭىنىڭ ٴبىرىنشى ۇرپاق جۇمىسشى-قىزمەتكەرلەرى وتىندىق، سابان - توپان، اعاش بۇتاقتارىنان كوشپەلى قۇم توسقاۋىلىن جاساپ، جەلدىڭ جەمىرۋىن السىرەتكەن سوڭ، الدىمەن قۇم جۋسان، ليمون اعاشى قاتارلى قۇمدى تىزگىندەيتىن اعاشتاردى ەگىپ، ونان سوڭ تال -تەرەك ەكتى. ەكىنشى ۇرپاق ورمان وسىرۋشىلەر قۇمدى جەرلەردە وسۋگە ۇيلەسەتىن قاراعاي ەگە باستادى. ال بۇگىنگى تاڭداٴۇشىنشى ۇرپاق ورمان وسىرۋشىلەر ساپالى اعاش تۇرلەرى مەن وزىق تەحنيكالاردان پايدالانىپ ورمان وسىرۋدە.


ورمان الاڭىنىڭ جاۋاپتىسى شۇي گۋاڭجۇڭ بىلاي دەدى: ورمان الاڭى مايسا جەتىلدىرۋ جاڭا تەحنيكاسى، جاڭبىرلى ماۋسىمدا ورمان ٴوسىرۋ تەحنيكاسى قاتارلىلاردى قولدانىپ، عىلىم ـ تەحنيكا جولىمەن ورمان ٴوسىرىپ، توپىراق كۇرەۋىش، اينالمالى جەر جىرتۋ ماشيناسى جانە ارىق قازۋ ماشيناسىمەن قۇمدى جەرلەردى تەگىستەپ، اعاش شۇڭقىرلارىن قازىپ، قالامشا ەكتى، تاعى ۇشقىشسىز ۇشاقتاردان پايدالانىپ ورمانداعى دەرت-دەربەزدەر مەن زياندى جاندىكتەردىڭ الدىن الدى جانە ورمان الاڭىن قورعادى. قازىر جەرلىكتىڭ ورمانمەن كومكەرىلۋ مولشەرى 88 % كە جەتتى. ورمان وتىرعىزۋ ماشينالاندىرۋدى جۇزەگە اسىردى، قارقىنى اناعۇرلىم تەزدەپ، كولەمى ۇزدىكسىز كەڭەيدى.
قۇم شەگىنىپ،ورماندىق الاپ كەڭەيە تۇستى. ٴۇش تەرىستىك قورعانىس ورمانى،ەگىستىككە اينالدىرعان جەرلەردى ورماندىققا، جايلىمعا قايتارۋ،تابيعي ورماندى قورعاۋ، مال باعۋدى توقتاتىپ جايلىمدى تىنىقتىرۋ، بەيجيڭ ـ تيانجين قۇمدى بوران قاينارىن تىزگىندەۋ سياقتى ەكولوگيالىق ينجەنەريالاردى كەڭ كولەمدە اتقارۋ ارقىلى تاۋ ـ قىراتتار جاسىل جەلەك جامىلىپ، تىرشىلىك ورتاسى كورىكتەنە ٴتۇستى. بۇكىل ەل بويىنشا ورمانمەن كومكەرىلۋ مولشەرى وتكەن عاسىردىڭ 70 - جىلدارىنىڭ باسىنداعى % 12.7 تەن قازىرگى % 22.96 كە جوعارىلادى، ورمان كولەمى مەن ورمان قورى ٴۇرتىس 30 نەشە جىل «قوس ارتۋدى» ساقتادى.


جاڭا تەحنيكامەن اعاش ەگىپ ورمان وتىرعىزۋ فورماسى الۋانداندى،ٴونىمدىلىك ۇزدىكسىز جوعارىلادى. اعاش ەگەتىن ەڭبەككۇشتەردى تەڭ ورنالاستىرۋ ٴۇشىن بەيجيڭ قالاسى قاتارلى ٴىشنارا قالالار توراپتان پايدالانىپ مىندەتتى اعاش ەگۋگە جۇمىلدىرۋ فورماسىندا جاڭالىق جاراتتى، ادامدار ارناۋلى توراپقا شىعىپ الدىن الا ۋادەلەسىپ، اعاش ەگۋ تۇيىندەرىنە بارىپ اعاش ەگەدى، ەڭبەك ناتيجەسى سول كۇنى توراپتا جاريالانادى.

2016 ـ جىلدان باستاپ، ادامدار الەۋمەتتىك يگىلىك ورمان ەگۋ تەكشەسىندە ٴوزىنىڭ كۇندەلىكتى تۇرمىسىنداعى تۇتىنسىز زالالسىز ٴجۇرىس ـ تۇرىسىن ەستەلىككە الۋ، جەلىدە سۋ ـ ەلەكتر اقىسىن تولەۋ سياقتى تومەن كومىرتەكتى تۇتىنۋ ارەكەتتەرىن ورىستەتتى، قول تەلەفوندا اعاش ەگۋ ينفورماتسيالارىن قابىلداپ مىندەتتى تۇردە اعاش ەكتى. 3 جىلدان بەرى، 500 ميلليونداي ادام وسى تاسىلدەن پايدالانىپ، 122 ميلليون ٴتۇپ اعاش ەكتى.


كۇپچي قۇمدىعىنىڭ ىشكى قويناۋىنداعى قۇمدى تىزگىندەۋ بازاسىندا 1 ميلليون 780 مىڭ فوتوولتتى تاقتايشا بەينە جاسىل تەڭىز سەكىلدى جاسىل اۋماق قۇراپ، قۇمدى شولدەگى كوگىلدىر الەمىن قالىپتاستىردى.


ىشكى موڭعۇلدىڭ دالاتى اۋداندىق ەنەرگيا مەكەمەسى باستىعىنىڭ ورىنباسارى ليۋ گۇيۋىن بىلاي دەدى: بازا قۇرىلعاننان كەيىن 100 مىڭ مۋعا جۋىق قۇمياتتانعان جەر ٴونىمدى تۇردە تىزگىندەلىپ، قۇمدى بوراننان ساقتانىپ، قۇمايتتانۋى تىزگىندەۋ ەكولوگيانى جاقسارتۋ جالپى جەر اۋماعى 200 مىڭ مۋعا تاياپ، كۇبشي قۇمدىعىنىڭ كەڭەيۋى ٴونىمدى تەجەلىپ، بەيجيڭ ـ تيانجين ـ حىبيعا كەلەتىن قۇم قاينارىن تىزگىندەۋدە بەلسەندى رول اتقاردى.


ەكولوگيانى قالپىنا كەلتىرۋ بارىسىندا، كوپتەگەن ەگىنشى-مالشىلار ەكونوميكالىق ورمان ەگىمشىلىك ينجەنەرياسىن كوتەرەگە الۋعا بەلسەنە اتسالىسىپ، «كىم وسىرسە سول يگىلىكتەنۋ» پرينسيبى بويىنشا پايدا ٴبولىس جۇرگىزىلدى. سونىمەن بىرگە ٴشول ساياحاتى، فوتوۆولتتىق تاقتايشاسى زالالسىز تۇتىنۋى، قوجالىق قىزمەت وتەۋ قاتارلى قىزمەتتەرمەن شۇعىلدانۋ ارقىلى جەرلىك ورىندا جىلىنا 1200 ادام جۇمىسقا قابىلداندى.


قورعاۋدى الدىمەن ەسكەرۋ العى شارتىندا، قۇمسارىمساق، الاقات سياقتى قۇمدى ٴوڭىر ەرەكشەلىگىندىك ەگىمشىلىك كاسىبى شارۋالار كىرىسىنىڭ ارتۋ تۇيىنىنە اينالدى. شينجياڭدا ەرەكشە ورمان جەمىس شارۋاشىلىعى زور كۇشپەن دامىتىلسا؛ شانشي ولكەسىندە ەگىمشىلىك، باعىمشىلىق، ساياحات، جاڭا ەنەرگيانى نەگىز ەتكەن قۇمدى ءوڭىر شارۋاشىلىعى جۇيەسى قۇرىلدى؛ نيڭشيانىڭ يانچى اۋدانى 4 ميلليون مۋدان استام جەرگە ليمون ەگىپ، ليمون تالشىعىن مانەرلەۋ ارقىلى ٴار جىلى مال شارۋاشىلىعىنا 40 مىڭ توننادان استام جەم ـ ءشوپ دايىنداپ، قۇمدى تىزگىندەۋ جەتىستىكتەرىن ەكونوميكالىق دامۋدىڭ قوزعاۋشى كۇشىنە اينالدىردى.


ۇزدىكسىز كەڭەيگەن جاسىل القاپ جۇڭگونىڭ جوعارى ساپالى دامۋعا قادام تاستاعان مىعىم اياق الىسىنىڭ ايعاعىنا اينالۋدا.

 


اۋدارعان: كۇلان ىرىسباي قىزى

中央广播电视总台 央广网 版权所有

جاڭا ٴداۋىر جاڭا ناتيجە جاڭا داستان-باس شۋجيدىڭ جوعارى ساپالى دامۋعا نازار اۋدارعاندىعى جونىندە- قۇمايتتانۋدى تىزگىندەۋدەن جۇڭگو جاسىل القابىنىڭ ۇزدىكسىز كەڭەيگەندىگىنە نازار سالعاندا

تاۋ، سۋ، ورمان، اتىز، كول، جايلىم جۇيەسىن باسقارۋدى ٴبىر تۇتاس جوسپارلاپ، وتاننىڭ بايتاق دالاسىن ۇزدىكسىز جاسىلداندىرىپ، كورىكتەندىرۋ كەرەك.