ينفورماتسيا اشكەرەلەۋ: mzjubao@cnr.cn

ماڭىزدى حابارلار

حۋبەي ولكەسىندە وسى رەتكى وكپە اۋرۋىنا جاڭادان شالدىققانداردىڭ سانى 14 مىڭ 840 ادامعا جەتتى

来源:جۇڭگو قازاق راديو تورابى     |责编:古丽美热|     发布日期: 2020-02-13 21:18

ٴوز حابارىمىز. حۋبەي ولكەلىك دەنساۋلىق ساقتاۋ-سالاماتتىق كوميتەتى 2-ايدىڭ 13-كۇنى مىناداي حابارلاندىرۋ شىعاردى: جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا بولعان تۇسىنىكتىڭ تەرەڭدەۋىنە جانە دياگنوز قويۋ، ەمدەۋ تاجىريبەسىنىڭ مولايۋىنا بايلانىستى، حۋبەي ولكەسىندەگى جۇقپالى اۋرۋ جاعدايىنىڭ وزگەشەلىگىنە قاراتا، مەملەكەتتىك دەنساۋلىق ساقتاۋ-سالاماتتىق كوميتەتى كەڭسەسى مەن مەملەكەتتىك جۇڭگوشا ەمدەۋ، ء دارى – دارمەك باسقارۋ مەكەمەسى كەڭسەسى بىرلەسىپ باسىپ تاراتقان « جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىن ەمدەۋ جوباسىنىڭ ( سىناق رەتىندە اتقارىلاتىن 5 – نۇسقاسىندا ) » حۋبەي ولكەسىنىڭ وسى اۋرۋعا شالدىققاندارعا دياگنوز قويۋ تۇرىنە « كلينيكالىق دياگنوز قويۋ » باسقىشى قوسىلىپ، ناۋقاستاردىڭ دياگنوزى تۇراقتاندىرىلعان اۋرۋ ادامدار قاتارىندا ەرتەرەك جۇيەلى ەمدەلۋىنە، ساۋىعىپ بالنيتسادان شىعۋ مولشەرىن جوعارىلاتۋعا قولايلىلىق جاراتىلدى. وسى جوباعا ساي، حۋبەي ولكەسى جۋىردا بۇرىنعى كۇماندى اۋرۋ ادامداردىڭ جاعدايىن تەكسەرۋ جۇمىسىن قولعا الدى ٴارى دياگنوز ناتيجەسىن انىقتاپ تۇزەتتى، جاڭادان دياگنوز قويدىرعان ناۋقاستارعا جاڭا دياگنوز ٴتۇرى بويىنشا دياگنوز قويىلۋدا. بۇكىل ەلدەگى باسقا ولكەلەردىڭ جاريالاعان اۋرۋ ادامدارعا دياگنوز قويىپ تۇرگە ايىرۋىمەن بىردەي بولۋ ٴۇشىن، حۋبەي ولكەسى 2-ايدىڭ 13 - كۇنىنەن باستاپ كلينيكادا دياگنوز قويىلعان اۋرۋ ادامداردى دياگنوزى تۇراقتاندىرىلعان ادامدار قاتارىندا جاريالادى.

 

 2020 - جىلى 2-ايدىڭ 12 - كۇنى ساعات 0 دەن 24 كە دەيىن، حۋبەي ولكەسىندە وسى اۋرۋعا جاڭادان شالدىققانداردىڭ سانى 14 مىڭ 840 ادامعا جەتتى، ( بۇلاردىڭ ىشىندە كلينيكالىق دياگنوز قويىلعان 13 مىڭ 332 ادام بار). 2-ايدىڭ 12-كۇنى ساعات 24 كە دەيىن، حۋبەي ولكەسى جاڭا ٴتيپتى ايدارشا ۆيرۋسپەن جۇعىمدالعان وكپە قابىنۋ اۋرۋىنا شالدىققان ادام سانىنىڭ 48 مىڭ 206 عا جەتكەندىگىن، جۇيەدەن 13 مىڭ 332 ادامعا كلينيكالىق دياگنوز قويىلعاندىعىن مالىمدەدى، وسى ادامداردىڭ 3441 ى ساۋىعىپ، 1310 ى قايتىس بولدى، 33 مىڭ 693 ادام الىگە دەيىن دوحتىرحانادا ەمدەلۋدە. كەزەكتە 9028 ادامنىڭ اۋرۋمەن جۇعىمدالۋ كۇمانى بار، سول كۇنى 3317 ادام كۇماندىلەر قاتارىنان شىعارىلىپ، 6126 ادام شوعىرلى تۇردە اۋاشالاندى. اۋرۋ جۇقتىرعاندىعى تۇراقتاندىرىلعان ادامدارمەن قويۋ بايلانىستا بولعان 158 مىڭ 377 ادام وكشەلەي باقىلاندى، 77 مىڭ 308 ادام الىگە دەيىن مەديتسينالىق باقىلانۋدا.

 

اۋدارعان: امانتاي مۇسايىپ ۇلى

 

中央广播电视总台 央广网 版权所有

حۋبەي ولكەسىندە وسى رەتكى وكپە اۋرۋىنا جاڭادان شالدىققانداردىڭ سانى 14 مىڭ 840 ادامعا جەتتى

حۋبەي ولكەسىندە وسى اۋرۋعا جاڭادان شالدىققانداردىڭ سانى 14 مىڭ 840 ادامعا جەتتى