ينفورماتسيا اشكەرەلەۋ: mzjubao@cnr.cn

ماڭىزدى حابارلار

سىرتقى ىستەر مينيسترلىگى: ا ق ش-تىڭ شياڭگاڭعا ساياتىن كەڭەس جوباسى بىر پارشا كەرەكسىز قاعاز دەدى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 09:44


    ءوز حابارىمىز. ا ق ش پارلامەنتى كەڭەس پالاتاسىنىڭ تاياۋدا «شياڭگاڭنىڭ اۆتونوميا زاڭ جوباسى» مەن شياڭگاڭعا قاتىستى قارار جوبانى قاراپ ماقۇلداعانىنا قاراتا سىرتقى ىستەر مينيسترلىگىنىڭ مالىمدەمەشىسى جاۋ ليجيان 6-ايدىڭ 29-كۇنى بىلاي دەدى: شياڭگاڭدى بىلىقتىرعان بولشەكتەۋشى كۇشتەر قالاي ورشەلەنە داۋرىقسادا، جۇڭگوعا قارسى شەتەل كۇشتەرى قالاي قىسىم جاساسا دا، جۇڭگونىڭ شياڭگاڭعا ساياتىن مەملەكەت حاۋىپسىزدىگىن قورعاۋ زاڭىن شىعارۋ بەكىمى مەن ارەكەتىنە بوگەت بولا المايدى. ولاردىڭ بوگدە نيەتى، ءسوز جوق، جەڭىلىسكە ۇشىرايدى، قاتىستى كەڭەس جوبالارى دا ء بىر پارشا كەرەكسىز قاعازعا اينالادى.


    جاۋ ليجيان سول كۇنگى داعدىلى تىلشىلەر جينالىسىندا بىلاي دەدى: ا ق ش پارلامەنتى كەڭەس پالاتاسى جۇڭگو جاقتىڭ قاتاڭ مايدانىن ەسكەرمەي، شياڭگاڭعا ساياتىن كەرەناۋ كەڭەس جوباسىن قاسارىسا قاراپ ماقۇلداپ، شياڭگاڭعا ساياتىن مەملەكەت حاۋىپسىزدىك زاڭىنا جات نيەتپەن جالا جاپتى، شياڭگاڭ ىستەرى مەن جۇڭگونىڭ ىشكى ىستەرىنە اۋىر دارەجەدە كيلىگىپ، حالقارالىق زاڭ مەن حالىقارالىق قاتىناستىڭ نەگىزگى ولشەمىنە قايشىلىق جاسادى، جۇڭگو بۇعان باتىل قارسى تۇرادى، ا ق ش پەن قاتاڭ سويلەسۋ تالابىن العا قويادى.


    جاۋ ليجيان بىلاي دەدى: شياڭگاڭعا ساياتىن مەملەكەت حاۋىپسىزدىك زاڭىن شىعارۋداعى ماقسات-مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاپ، شياڭگاڭنىڭ باياندى تىنىشتىعىن جانە ۇزاق ۋاقىت گۇلدەنىپ-كوركەيۋىن، ورنىقتىلىعىن قامتاماسىزداندىرۋ، «ٴبىر ەل، ەكى ٴتۇزىم» امالياتىنىڭ ورنىقتى، باياندى بولۋىنا شىنايى كەپىلدىك ەتۋ بولىپ تابىلادى. شياڭگاڭ ىستەرى جۇڭگونىڭ ىشكى ٴىسى، بۇعان ٴارقانداي شەتەلدىڭ كيلىگۋ ۇقىعى جوق. جۇڭگو ۇكىمەتىنىڭ مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ بەرىك بەكىمى، ”ءبىر ەل، ەكى ءتۇزىم“ باعىتىن دايەكتىلەندىرۋ بەكىمى، ءارقانداي سىرتقى كۇشتەردىڭ شياڭگاڭ ىستەرىنە ارالاسۋىنا قارسى تۇرۋ بەكىمى استە مىزعىمايدى.


    جاۋ ليجيان بىلاي دەدى: ءبىز ا ق ش-تى جاعدايدى جىعا تانىپ، شياڭگاڭ ىستەرى مەن جۇڭگونىڭ ىشكى ىستەرىنە ٴارقانداي تاسىلمەن كيلىگۋدى دەرەۋ توقتاتۋىن، شياڭگاڭعا ساياتىن كەرەناۋ كەڭەس جوبالارىن قاراۋعا جانە اتقارۋعا بولمايتىندىعىن، وسىنى سەبەپ ەتىپ جۇڭگو جاققا ايتىلمىس جازا قولدانۋعا تىپتى دە بولمايتىندىعىن ەسكەرتەمىز، ويتپەگەندە جۇڭگو باتىل دا پارمەندى توتەپ بەرۋ جانە قارسى تۇرۋ شارالارىن قولدانادى. بارلىق زارداپتى ا ق ش ۇستىنە الادى.


اۋدارعان: كۇلان ىرىسباي قىزى

中央广播电视总台 央广网 版权所有

سىرتقى ىستەر مينيسترلىگى: ا ق ش-تىڭ شياڭگاڭعا ساياتىن كەڭەس جوباسى بىر پارشا كەرەكسىز قاعاز دەدى

شياڭگاڭدى بىلىقتىرعان بولشەكتەۋشى كۇشتەر قالاي ورشەلەنە داۋرىقسادا، جۇڭگوعا قارسى شەتەل كۇشتەرى قالاي قىسىم جاساسا دا، جۇڭگونىڭ شياڭگاڭعا ساياتىن مەملەكەت حاۋىپسىزدىگىن قورعاۋ زاڭىن شىعارۋ بەكىمى مەن ارەكەتىنە بوگەت بولا المايدى.