ينفورماتسيا اشكەرەلەۋ: mzjubao@cnr.cn

ماڭىزدى حابارلار

شياڭگاڭ قوعامىنىڭ ٴارسالاسى شياڭگاڭ مەملەكەت حاۋىپسىزدىگىن قورعاۋ زاڭىنىڭ اتقارىلۋىن اسىعا كۇتۋدە

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 10:27

 

ٴوز حابارىمىز: 13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 20-ٴماجىلىسى جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭى جوباسىن قاراۋدا. ورتالىق شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ جونىندەگى زاڭ شىعارۋ قىزمەتىنە ايرىقشا ٴمان بەردى، جۋىقتان بەرى، كوپ ٴتۇرلى فورمالار ارقىلى شياڭگاڭ قوعامىنداعى ٴار سالا قايراتكەرلەردىڭ پىكىرىن كەڭ كولەمدە تىڭداپ، عىلمي زاڭ شىعارۋعا، دەموكراتيالىق زاڭ شىعارۋعا، زاڭ بويىنشا زاڭ شىعارۋعا كەپىلدىك ەتىپ، شياڭگاڭنىڭ مەملەكەت حاۋىپسىزدىگىن قورعاۋ جونىندە زاڭ شىعارۋىنا بەرىك حالىقتىق نەگىز قالادى.


    شياڭگاڭنىڭ وتان قۇشاعىنا ورالعاندىعىنىڭ 23 جىلدىعىن ەسكە ٴتۇسىرۋ قارساڭىندا، شياڭگاڭ تۇرلىشە قۇتتىقتاۋ قيمىلدارىن وتكىزدى. شياڭگاڭداعى ٴار سالا قايراتكەرلەر بىلاي دەدى: مەملەكەت حاۋىپسىزدىگىن قورعاۋ زاڭىنىڭ تەز ارادا اتقارىلىپ، شياڭگاڭدا تىنىشتىق پەن بەيبىتشىلىك ورناۋىن شىنايى ءٴۇمىت ەتەمىز.


    تاياۋدا، كوپتەگەن شياڭگاڭدىق تۇرعىندار تيانما باقشاسىندا «كولەمدى مەملەكەت تۋىن كورسەتۋ قيمىلىن »ورىستەتىپ، شياڭگاڭنىڭ مەملەكەت حاۋىپسىزدىگىن قورعاۋ زاڭىن قولداپ، شياڭگاڭنىڭ وتان قۇشاعىنا ورالعاندىعىنىڭ 23 جىلدىعىن قارسى الدى. 

    6-ايدىڭ 28-كۇنى وتكىزىلگەن ٴىشىنارا قيمىلدارعا قاتىناسقان ٴار سالا قايراتكەرلەر الۋان ٴتۇرلى فورماداعى قيمىلدار ارقىلى شياڭگاڭنىڭ مەملەكەت حاۋىپسىزدىگى زاڭىن قولداپ، شياڭگاڭنىڭ وتان قۇشاعىنا ورالعاندىعىنىڭ 23 جىلدىعىن قارسى الدى. شياڭگاڭداعى ٴار سالا قايراتكەرلەر: شياڭگاڭنىڭ مەملەكەت حاۋىپسىزدىگىن قورعاۋ زاڭىنىڭ تەز ارادا اتقارىلۋىن ٴۇمىت ەتەتىندىكتەرىن،-ٴبىلدىردى.


    شياڭگاڭدىق تۇرعىن لى ياڭدي بىلاي دەدى: وسى ارقىلى كوپشىلىككە زاڭعا قايشىلىق جاساۋدىڭ زاردابىن تۇسىندىرۋ كەرەك، مەملەكەت حاۋىپسىزدىگىن قورعاۋ زاڭى رەسمي اتقارىلعاننان كەيىن قوعامدا جاقسى وزگەرىستەر بولۋىن ٴۇمىت ەتەمىز.


    شياڭگاڭ ەرەكشە اكىمشىلىك رايون زاڭ شىعارۋ كوميتەتىنىڭ مۇشەسى لياۋ چاڭجياڭ بىلاي دەدى: مەملەكەتتىڭ حاۋىپسىزدىگى مەملەكەتىمىزدىڭ يەلىك ۇقىعىنا، تەريتوريا تۇتاستىعىنا، سونداي-اق ٴبىر ميلليارد 400 ميلليون حالىقتىڭ باقىتىنا سايادى.


    شياڭگاڭ زاڭ شىعارۋ كوميتەتىنىڭ مۇشەسى لياڭ جىشياڭ بىلاي دەدى: مەملەكەتىمىزدىڭ زور كۇشپەن قولداۋى جانە شياڭگاڭدىقتاردىڭ كۇش سالۋىندا بولاشاقتا ەكونوميكانىڭ ۇزدىكسىز داميتىندىعىنا سەنەمىن، مەملەكەت حاۋىپسىزدىگى زاڭى اتقارىلعاننان كەيىن، شياڭگاڭنىڭ قوعام تىنىشتىعىن، حاۋىپسىزدىگىن اناعۇرلىم كۇشەيتىپ، شەتەلدىكتەردىڭ قارجى قوسۋ سەنىمىن اناعۇرلىم ارتتىراتىندىعىنا سەنمىمىز كامىل.


    مەملەكەتتىك حالىق قۇرىلتايىنىڭ ۋاكىلى ساي ي بىلاي دەدى: مەملەكەت حاۋىپسىزدىگى زاڭىن شىعارۋ ارقىلى شياڭگاڭنىڭ گۇلدەنۋى مەن ورنىقتىلىعىنٴونىمدى قورعايمىز، بۇل كەيبىر قارجى قوسۋشىلارعا توتەنشە تيمدى جاعداي ەسەپتەلمەك، ۇزاق بولاشاقتان الىپ ايتقاندا شياڭگاڭنىڭ ەكونوميكالىق دامۋىنا، شياڭگاڭنىڭ حالىق تۇرمىسىنا ايرىقشا پايدالى بولماق.


اۋدارعان: اينۇر گىمىڭعازى قىزى

中央广播电视总台 央广网 版权所有

شياڭگاڭ قوعامىنىڭ ٴارسالاسى شياڭگاڭ مەملەكەت حاۋىپسىزدىگىن قورعاۋ زاڭىنىڭ اتقارىلۋىن اسىعا كۇتۋدە

13-كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 20-ٴماجىلىسى جۇڭحۋا حالىق رەسپۋبليكاسى شياڭگاڭ ەرەكشە اكىمشىلىك رايونىنىڭ مەملەكەت حاۋىپسىزدىگىن قورعاۋ زاڭى جوباسىن قاراۋدا.