ينفورماتسيا اشكەرەلەۋ: mzjubao@cnr.cn

ماڭىزدى حابارلار

جۇڭگو كوممۋنيستىك پارتياسىنىڭ 99 جىلدىق مەرەي تويىنىڭ الەمدىك اسەرى جايلى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 15:47

 

شينحۋا اگەنتتىگىنىڭ حابارى. 1921-جىلى، جياشيڭ قالاسىنىڭ نانحۋ كولىندەگى قىزىل كەمەدە جۇڭگو كوممۋنيستىك پارتياسى دۇنيەگە كەلدى، سونىمەن جۇڭگو توڭكەرىسىنىڭ تىڭ پاراعى اشىلدى. 99 جىلدان بەرى، جۇڭگو كوممۋنيستىك پارتياسىنىڭ اۋەلگى ماقساتىن وزگەرتپەي، حالىقتى بارىنەندە جوعارى ورىنعا قويۋ قۇن كوزقاراسى ارقىلى جۇڭگو حالقىنىڭ باقىتىن كوزدەپ، دۇنيە جۇزىنە پايدا جەتكىزۋدەي حالىقارالىق كوز اياسىن ايگىلەدى.


    2020-جىل-جۇڭگو كوممۋنيستىك پارتياسى قۇرىلعاندىعىنىڭ 99 جىلدىعى، ٴارى جاپپاي دوڭگەلەك داۋلەتتى قوعام ورناتۋدىڭ جانە «13 -بەسجىلدىق» جوبانىڭ اياقتالاتىن جىلى. جۇڭگو كوممۋنيستىك پارتياسى جۇڭگو حالقىن ىنتىماقتاستىرىپ جانە باستاپ، جۇدىرىقتاي جۇمىلىپ، سايىس پەن سىنداردى جەڭىپ، ۇلى نىساناعا باتىل ۇمتىلىپ، دۇنيە ساحىناسىندا جۇڭگونىڭ اقىل-پاراساتىن، جۇڭگو جوباسىن جانە جۇڭگو كۇشىن ارنادى، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ---جۇڭگونىڭ جاۋاپكەرشىلىك ارقالايتىن ٴىرى ەلدىك وبىرازىن ايگىلەيدى.


    پالەستين ۇلت ازاتتىق قوزعالىسى ورتالىق كوميتەتىنىڭ مۇشەسى، اراب قاتىناسى جانە جۇڭگو ىستەرى ٴبولىمىنىڭ باستىعى ابباس زاكي بىلاي دەدى: جۇڭگو كوممۋنيستىك پارتياسى دۇنيەگە كەلگەن كۇننەن باستاپ، حالىقتى باقىتقا كەنەلتۋدەي اۋەلگى ماقساتى مەن بورىشىن باتىل جالعاستىردى. جۇڭگو كوممۋنيستىك پارتياسى قۇرىلعاندىعىنىڭ 99 جىلدىق تاريحى--حالىققا باحىت جاراتۋ تاريحى دەۋگە بولادى.


    2020 ـ جىلى توسىننان تۋىلعان جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋرۋى بۇكىل ەلەمگە اۋىر سىن-سايىس الا كەلدى. دۇنيە ٴجۇزى جۇڭگو كوممۋنيستىك پارتياسىنىڭ جۇڭگو حالقىن باستاپ، ىندەتكە قارسى قۇرىش قورعان قۇرىپ، حالىقتى بارىنەن دە جوعارى ورىنعا قويۋ، حالىققا سۇيەنۋدەي ىندەتكە قارسى سوعىس داستانىن جازدى.


    جۇڭگو كوممۋنيستىك پارتياسى نە ٴۇشىن وسىلاي مىقتى بولدى؟ لاوس حالىق توڭكەرىستىك پارتياسى ورتالىق كوميتەتى كەڭسەسىنىڭ ورىنباسار مەڭگەرۋشىسى جينپەي ٴوز اسەرىن بايىمداپ بىلاي دەدى: «جۇڭگو كوممۋنيستىك پارتياسىنىڭ نەگىزى دە، جان تامىرى دا حالىقتا، ىندەتكە قارسى تۇرۋ شايقاسىندا، جۇڭگو كوممۋنيستىك پارتياسىنىڭ حالىقتى بارىنەندە جوعارى ورىنعا قويۋ سىندى قاسيەتى بارىنشا ايگىلەندى.


    سريلانكا كوممۋنيستىك پارتياسىنىڭ باس شۋجيى گۋناسايكە بىلاي دەپ قارادى: جۇڭگو باسشىلارى بارلىق بايلىق جانە ٴتاسىلدى باتىل قولدانىپ، جۇقپالى اۋرۋدىڭ تارالۋىن ٴونىمدى تىزگىندەدى، ٴبىز جۇڭگو كوممۋنيستىك پارتياسىنىڭ ادامزات ىستەرىنە قوسقان ۇلەسىن بارىنشا القايمىز جانە سۇيىنەمىز.


    جۇڭگو كوممۋنيستىك پارتياسى 99 جىلدىق مەرەي تويىن قارسى الدى، بيىل، جۇڭگونىڭ جاپپاي دوڭگەلەك داۋلەتتى قوعام قۇرىپ شىعاتىن جانە «13-بەسجىلدىق» جوبانى اياقتاتاتىن جىلى. كەدەيلىكتەن ارىلتۋدان قامال الۋ شايقاسىندا جەڭىسكە جەتۋ، جاپپاي دوڭگەلەك داۋلەتتى قوعام ورناتۋ-جۇڭگو كوممۋنيستىك پارتياسىنىڭ حالىققا بەرگەن ايبىندى ۋادەسى.


    بۇل جونىندە ابباس زاكي بىلاي دەدى: ىندەت جاعدايى جۇڭگونىڭ كەدەيلىكتەن قۇتىلدىرۋ نىساناسىن جۇزەگە اسىرۋىنا تىڭ سايىس جاريالاعانىمەن، جۇڭگو وسى نىسانانى ورىنداۋدان جازباي العا تارتا بەرەدى. كەدەيلىكتەن قۇتىلدىرۋدان قامال الۋ مىندەتىن ۋاعىندا ورىنداعاننان كەيىن، جۇڭگو ب م ۇ-نىڭ 2030-جىلعا دەيىنگى باياندى دامۋ كۇن تارتىبىندەگى كەدەيلەر سانىن ازايتۋ نىساناسىن كۇنى بۇرىن جۇزەگە اسىراتىن بولادى. دۇنيەدە وسىنداي قىسقا ۋاقىت ىشىندە وسىنشاما كوپ ادامنىڭ كەدەيلىكتەن قۇتىلۋىنا كومەك كورسەتكەن بىردە-ٴبىر ەل جوق. بۇل جۇڭگو جانە دۇنيە ٴجۇزى جونىنەن العاندا كەلەلى ماڭىز الادى.


    كۋبا حالىقارالىق ساياسي زەرتتەۋ ورتالىعىنىڭ اعا زەرتتەۋشىسى حوسە روۆاينا بىلاي دەدى: جۇڭگو كوممۋنيستىك پارتياسى جۇڭگو حالقىنىڭ باقىتىن كوزدەيتىن ساياسي پارتيا عانا ەمەس، ادامزاتتىڭ العاباسارلىق ىستەرى ٴۇشىن كۇرەس جۇرگىزەتىن ساياسي پارتيا، باستان-اياق وزىندىك دامۋدى دۇنيەنىڭ دامۋ اعىمىنا ۇلەستىرىپ، ادامزاتتىڭ تاعدىرلاس ورتاق تۇلعاسى تانىمىن بەرىك ۇستانىپ، ٴىرى ەلدىك جاۋاپكەرشىلىك ارقالايتىن رولىن ساۋلەلەندىردى.


    دۇنيە جۇزىلىك الەۋمەتتىك دەنساۋلىق ساقتاۋ داعدارىسى جانە ەكونوميكانىڭ اۋىر قۇلدىراۋى قاتارلى سىن-سايىستار الدىندا، جۇڭگو ادامزاتتىڭ تاعدىرلاس ورتاق تۇلعاسى تانىمىن ۇستانىپ، حالىقارالىق قوعامنىڭ سەلبەسىپ ىندەتكە قارسى تۇرۋىن، قيىنشىلىقتاردى بىرگە جەڭۋىن، جانە دۇنيە ٴجۇزى ەكونوميكاسىنىڭ ورنىقتىلىعىن، الەمدىك جونگە سالۋ قاتارلى ىستەردى جەبەپ، ب م ۇ-ىن وزەك ەتكەن حالىقارالىق جۇيە مەن حالىقارالىق ٴتارتىپتى قورعاپ، جاۋاپكەرشىلىك ارقالايتىن ٴىرى ەلدىڭ وبىرازىن ايگىلەپ، دۇنيە جۇزىنە سەنىم جانە كۇش-قۋات سيلادى.


    كوپ جىلداردان بەرى، جۇڭگونىڭ دۇنيە ٴجۇزى ەكونوميكاسىنىڭ ارتۋىنا قوسقان ۇلەسى %30 تەن اسىپ، دۇنيە ٴجۇزى ەكونوميكاسىنىڭ ارتۋىن ىلگەرىلەتەتىن ماڭىزدى قوزعالتقىشقا اينالدى. جۇڭگو «ٴبىر بەلدەۋ، ٴبىر جول» قۇرىلىسىن ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى جەبەدى ٴارى ادامزات ٴدوپ كەلىپ وتىرعان ماسەلەلەردى شەشۋگە جۇڭگونىڭ اقىل-پاراساتى مەن جۇڭگو جوباسىن ارنادى.


اۋدارعان: نازار ٴارىپ ۇلى

中央广播电视总台 央广网 版权所有

جۇڭگو كوممۋنيستىك پارتياسىنىڭ 99 جىلدىق مەرەي تويىنىڭ الەمدىك اسەرى جايلى

99 جىلدان بەرى، جۇڭگو كوممۋنيستىك پارتياسىنىڭ اۋەلگى ماقساتىن وزگەرتپەي، حالىقتى بارىنەندە جوعارى ورىنعا قويۋ قۇن كوزقاراسى ارقىلى جۇڭگو حالقىنىڭ باقىتىن كوزدەپ، دۇنيە جۇزىنە پايدا جەتكىزۋدەي حالىقارالىق كوز اياسىن ايگىلەدى.