ينفورماتسيا اشكەرەلەۋ: mzjubao@cnr.cn

ماڭىزدى حابارلار

«شياڭگاڭ وتان قۇشاعىنا ورالعاندىعىنىڭ 23 جىلدىعى» وتان قۇشاعىنا ورالعاندىعىنىڭ 23 جىلدىعىندا شياڭگاڭ كۇش-قۋاتىن شوعىرلاندىرىپ قايتا اتتاندى

来源:جۇڭگو قازاق راديو تورابى     |责编:阿依娜古丽|     发布日期: 2020-06-30 16:07

 

ٴوز حابارىمىز. 1-شىلدە پارتيا قۇرىلعان كۇن قارساڭىندا، بەسجۇلدىزدى قىزىل تۋ ۆيكتوريا پورتىنىڭ ەكى جاعالاۋىنداعى عيماراتتاردىڭ الدىندا جەلمەن بىرگە جەلبىرەپ كوزدىڭ جاۋىن الۋدا. 23 جىلدىڭ الدىندا شياڭگاڭ وتان قۇشاعىنا ورالىپ، تاريحتىڭ تىڭ پاراعى اشىلعان بولاتىن. 23 جىلدان كەيىن، شياڭگاڭعا ساياتىن مەملەكەت حاۋىپسىزدىك زاڭى شىعارىلىپ، «ٴبىر ەل، ەكى ٴتۇزىمنىڭ» باپتى قاداممەن باياندى ىلگەرىلەۋىن بەرىك زاڭدىق نەگىزبەن جانە حاۋىپسىزدىكپەن قامتاماسىزداندىرىپ، شياڭگاڭ تاريحتىڭ تىڭ بەلەسىنە كوتەرىلدى.


    جۋىقتاعى جىلداردان بەرى شياڭگاڭ قوعامىندا تۋىلعان بىلىقپالىققا جۇرەكتەرى ەزىلەتىن ٴبىر توپ جالىندى شياڭگاڭ جاستارى بار، ولار مەملەكەتتىڭ نەگىزگى زاڭى مەن شياڭگاڭنىڭ نەگىزدىك زاڭىنا بولعان تۇسىنىكتىڭ تايازدىعى مۇنداي ٴجايتتىڭ تۇپكى سەبەپتەرىنىڭ ٴبىرى دەپ قاراپ، سونىمەن ٴبىر اراعا باس قوسىپ نەگىزگى زاڭ مەن نەگىزدىك زاڭدى ۇگىتتەيتىن ماقالالار جازدى.


    -بىزدە 200 گە جۋىق مۇشە، 50 نەشە تىرەكتى كۇش بار. 2017 ـ جىلدىڭ سوڭىنان قازىرگە دەيىن نەشە مىڭ ماقالا جاريالادىق، جەكە باسىم 500 دەن استام ماقالا جازىپ جاريالادىم،-دەيدى چىن شياۋفىڭ ەسىمدى تىرىسشاڭ ٴارى باتىل زاڭ عىلىمى دوكتورى، ول شياڭگاڭ جاستارى شولۋشىلار ۇيىمىنىڭ «قارا قىلدى قاق جارىپ سويلەيتىن» اتقارۋشى ٴتوراعاسى.


    چىن شياۋفىڭ مەن ونىڭ سەرىكتەستەرىنىڭ كوپ ساندىلارىنىڭ زاڭ ساۋاتى مول. ولاردىڭ قاراۋىنشا، «ءبىر ەل ، ەكى ء تۇزىمنىڭ» نىق قادام تاستاۋىن كەپىلدەندىرۋ ٴۇشىن، زاڭمەن باسقارۋ نەگىزى كەم بولسا بولمايدى. وسىنى تانىپ جەتكەن ولار ورتالىقتىڭ شياڭگاڭعا ساياتىن مەملەكەت حاۋىپسىزدىگى زاڭىن قورعاۋىن ەرەكشە قۇپتاپ، ٴتۇرلى فورما، الۋان جولدار ارقىلى مەملەكەت حاۋىپسىزدىگى زاڭىن جاساۋدىڭ ماڭىزىن بايىمداپ، بوگدە نيەتتەگىلەرگە تويتارىس جاساۋدا.


    شى يۇڭچيڭ-شياڭگاڭ تۇرعىن ٴۇي دەلدالدىق قۇرىلىمى جۇڭ يۋان توبىنىڭ ءتوراعاسى. ول بىلاي دەدى: مەملەكەت حاۋىپسىزدىگى زاڭى شياڭگاڭنىڭ بولاشاعىنا ٴتيىمدى مە، جوق پا؟-دەگەندى ءۇي بازارىنىڭ بەتالىسىنان اڭعارۋعا بولادى. جىلجىمايتىن مۇلىك ساتىپ الۋ-شياڭگاڭنىڭ بولاشاعىنا سەنىم ارتقاندىق، ٴىس جۇزىندىك ارەكەتپەن قولداعاندىق.


    مەملەكەتتىك حالىق قۇرىلتايىنىڭ قاتىستى قاۋلىلارى جاريالانعاننان بەرى، شياڭگاڭنىڭ تۇرعىن ٴۇي بازارى ورنىقتى بولىپ، ٴبىراز قىمباتتادى. شى يۇڭچيڭ تالداۋ جاساپ بىلاي دەدى: مۇنداعى باستى سەبەپ-ادامداردىڭ كوپ ساندىسى مەملەكەت حاۋىپسىزدىگى زاڭى جولعا قويىلعاننان كەيىن شياڭگاڭنىڭ قايتا ورنىعاتىندىعىنا، ٴتىپتى دە جاقسى دامۋعا شارت-جاعداي جاراتىلاتىندىعىنا سەنىم ارتقاندىعىنان بولىپ وتىر.


    شياڭگاڭعا ساياتىن مەملەكەت حاۋىپسىزدىگى زاڭىن شىعارۋ جۇرت كوڭىلىن ورنىقتىرادى، بۇنى تەرەڭ سەزىنگەن 50 جاستاعى شۆەتساريالىق اندرۋ بىلاي دەدى: 3 جىلدىڭ الدىندا شياڭگاڭعا كەلىپ فينانستىق كەڭەس بەرۋ قىزمەتىمەن اينالىسقام. سول كەزدە شياڭگاڭ ورنىقتى، گۇلدەنگەن، ورايلارعا تولى، تۇرمىسقا قولايلى بولاتىن. الايدا، «ەرەجەگە وزگەرىس ەنگىزۋ داقپىرتىنان» تۋىنداعان تولاسسىز زورلىق-زومبىلىقتان ءبىر مەزەت شياڭگاڭنان كەتۋ نيەتىندە بولعام. ”شياڭگاڭعا ساياتىن مەملەكەت حاۋىپسىزدىگى زاڭى اتقارىلعاننان كەيىن، شياڭگاڭنىڭ بەيبىتشىلىك پەن زاڭمەن باسقارۋدى تەز ارادا قالپىنا كەلتىرۋىن ٴۇمىت ەتۋدەمىن. ىشكى ولكەلەر بازارى مەن حالىقارالىق بازاردى تۇتاستىرىپ جاتقان دانەكەر رەتىندەگى شياڭگاڭ بولاشاقتا ايىرىقشا ابزالدىلىعىن ٴتىپتى دە جاقسى ساۋلەلەندىرەتىن بولادى، سونىمەن بىرگە گۋاڭدۇڭ، شياڭگاڭ ، اۋمىن ۇلكەن شىعاناق رايونىنىڭ توعىسپالى دامۋ ورايىنان پايدالانىپ ٴتىپتى دە كەڭ دامۋ مۇمكىندىگىنە يە بولادى. قارجى قوسۋشىلاردىڭ شياڭگاڭعا سەنىمى ارتا تۇسەدى. مەن دە شياڭگاڭدا قالىپ جالعاستى قىزمەت ىستەۋدى جانە تۇرمىس كەشىرۋدى قالايمىن.

 

اۋدارعان: امانتاي مۇسايىپ ۇلى

中央广播电视总台 央广网 版权所有

«شياڭگاڭ وتان قۇشاعىنا ورالعاندىعىنىڭ 23 جىلدىعى» وتان قۇشاعىنا ورالعاندىعىنىڭ 23 جىلدىعىندا شياڭگاڭ كۇش-قۋاتىن شوعىرلاندىرىپ قايتا اتتاندى

23 جىلدان كەيىن، شياڭگاڭعا ساياتىن مەملەكەت حاۋىپسىزدىك زاڭى شىعارىلىپ، «ٴبىر ەل، ەكى ٴتۇزىمنىڭ» باپتى قاداممەن باياندى ىلگەرىلەۋىن بەرىك زاڭدىق نەگىزبەن جانە حاۋىپسىزدىكپەن قامتاماسىزداندىرىپ، شياڭگاڭ تاريحتىڭ تىڭ بەلەسىنە كوتەرىلدى.