ينفورماتسيا اشكەرەلەۋ: mzjubao@cnr.cn

ماڭىزدى حابارلار

ەكولوگيالىق ورتاسى قالپىنا كەلگەن ارحاي كولى

来源:جۇڭگو قازاق راديو تورابى     |责编:达吾力别克 |     发布日期: 2020-09-15 10:20

ءوز حابارىمىز. باس شۋجي شي جينپيڭ 2015-جىلى 1-ايدا يۇننانعا بارىپ قىزمەت تەكسەرگەندە مىنالاردى باسا دارىپتەدى: ەكولوگيالىق ورتانى كوز قاراشىعىمىزداي قورعاۋ، ەكولوگيالىق ورتانى قورعاۋدا، ءسوز جوق، ۇلكەن ەسەپ جاساۋ، ۇزاق بولاشاقتىق ەسەپ جاساۋ كەرەك. دالي وبلىسىنداعى ارحاي كولىنىڭ جاعاسىندا باس شۋجي شي جينپيڭ جەرگىلىكتى كادرلار مەن بۇقاراعا ارحاي كولىن ءسوزسىز ايتارلىقتاي قورعاۋدى تاپسىردى. 5 جىلدان بەرى ارحايدى قورعاۋ مەن جونگە سالۋدا كەزەڭدىك ونىمدىلىك قولعا كەلىپ، ارحايدى قورعاۋدان كەلگەن دامۋ تابىسى ءتىپتى دە كوپ ادامدى يگىلىككە كەنەلتۋدە.


لي جىشيان دالي قالاشىعىنداعى قايراڭ باسقارۋشى. ول باستىسى ارحاي كولىنىڭ بەتى مەن قايراڭىنداعى قوقىر-قوقسىقتاردى تازالاۋ قىزمەتىنە جاۋاپتى، بىرنەشە جىلدان بەرى ول ارحاي كولى ورتاسىنىڭ وزگەرىسىنە كۋا بولدى. وتكەن عاسىردىڭ 80-جىلدارىنان بەرى ارحايدىڭ ساياحات كاسىبى ۇشقان قۇستاي دامىدى. كول اينالاسىندا قوناق سارايلار مەن اسحانا-رەستۇراندار بەيبەرەكەت اشىلىپ، كەيبىر تيجارات ورنىنىڭ تاعانى كول جاعاسىنا قالاندى. تاعى ءبىر جاعىنان تۇرمىستىق لاس سۋلار ارحاي كولىنە تىكە جىبەرىلگەندىكتەن، 1996-جىلى جانە 2003-جىلى ارحاي كولىنىڭ بەتىن ەكى رەت كوك بالدىر باسىپ، سۋ ساپاسى كۇرت ناشارلادى.


ارحايدىڭ وزگەرىپ جاقسارۋعا بەت الۋى نەگىزىنەن وسى 5 جىلداعى جونگە سالۋدان باستالدى. 2015-جىلى 1-ايدا، باس شۋجي شي جينپيڭ يۇنناندا قىزمەت تەكسەرىپ، ارحاي كولى جاعاسىندا بىلاي دەپ باسا دارىپتەدى: ەكونوميكانى دامىتۋ كەرەك، الايدا ەكولوگيالىق ورتانى ءبۇلدىرۋدى بوداۋ ەتپەۋ كەرەك. ەكولوگيالىق ورتانى قورعاۋ ۇزاق ۋاقىتتىق مىندەت، بۇل مىندەتتى تىنباي اتقارۋ كەرەك، ارحاي كولىن ءسوزسىز ويداعىداي قورعاۋ كەرەك.


تۇرمىستىق لاس سۋلاردىڭ ارحايعا قۇيىلۋىنان ساقتانۋ ءۇشىن، دالي وبلىسى 2017-جىلى ارحاي كولىنىڭ ماڭىنداعى قوناقسارايلار مەن اسحانا-رەستۇرانداردى ۋاقىتشا جاۋىپ، كول اينالاسىندا بىلعانىشتى توسۋ ينجەنەرياسىن جۇرگىزدى. ءار وتباسى ءوندىرىس، تۇرمىس لاس سۋىن ءبىر تۇتاس ولشەم بويىنشا جيناۋ كولشىگىن سالدى، لاس سۋ تۇنعاننان كەيىن قىستاقتىڭ جيناۋ قۇبىرىنا قۇيىلىپ، سوڭىنان لاس سۋ ءبىرجاقتىلى ەتۋ زاۆودىنا ەنگىزىلدى. ءبىرجاقتىلى ەتىلىپ ولشەمگە تولعانسوڭ ەگىن شارۋاشىلىعى مەن ورمان شارۋاشىلىعىندا سۋارۋعا ىستەتىلدى. وسى ارقىلى لاس سۋ بەيبەرەكەت اعىلاتىن ءجايت كەلمەسكە كەتتى. گۋشىڭ قىستاعىنداعى حى ليچىڭ دا سول كەزدە ۇكىمەتتىڭ تالابى بويىنشا قوناق ءۇيىن جاۋىپ، تاعى ءبىر ءبولىم ۇيلەرىن شاقتى، ارحايدىڭ كوگىلدىر ايدىنىن قالپىنا كەلتىرۋ ءۇشىن 1806 وتباسى ۇيلەرىن شاعىپ كوشتى.


2018-جىلى 6-ايدا، ۇزىندىعى 4400 كيلومەتردەن اساتىن لاس سۋ جيناۋ قۇبىر تورابى سالىنىپ، لاس سۋ تۇگەلدەي جينالىپ، ءبىرجاقتىلى ەتىلدى. سول جىلى ەكولوگيالىق ءدالىز قۇرىلىسى باستالىپ، ارحايدىڭ تاعى ءبىر ەكولوگيالىق حاۋىپسىزدىك قالتقىسى ورناتىلدى.


ساناققا قاراعاندا، 2018 -، 2019-جىلدارى، ارحاي كولىنىڭ سۋ ساپاسى 7 اي بويى Ⅱ تۇرگە جەتىپ، نەگىزگى سۋ ساپاسى كورسەتكىشى جالپى جاقتان جاقسارۋعا بەت الدى. تاماشا ەكولوگيالىق ورتا وڭىرلىك ساياحاتتىڭ دامۋىنا سەرپىن بەردى، دالي وبلىسى 2019 – جىلى جيىنى 53 ميلليون ادام – رەت ساياحاتشى قابىلداپ، ساياحات جالپى كىرىسى 94 ميلليارد 100 ميلليون يۋاننان اسىپ، تەگىس ۇقساس مەزگىلدەگىدەن ارتتى.


اۋدارعان: امانتاي مۇسايىپ ۇلى

中央广播电视总台 央广网 版权所有

ەكولوگيالىق ورتاسى قالپىنا كەلگەن ارحاي كولى

باس شۋجي شي جينپيڭ 2015-جىلى 1-ايدا يۇننانعا بارىپ قىزمەت تەكسەرگەندە مىنالاردى باسا دارىپتەدى: ەكولوگيالىق ورتانى كوز قاراشىعىمىزداي قورعاۋ، ەكولوگيالىق ورتانى قورعاۋدا، ءسوز جوق، ۇلكەن ەسەپ جاساۋ، ۇزاق بولاشاقتىق ەسەپ جاساۋ كەرەك. دالي وبلىسىنداعى ارحاي كولىنىڭ جاعاسىندا باس شۋجي شي جينپيڭ جەرگىلىكتى كادرلار مەن بۇقاراعا ارحاي كولىن ءسوزسىز ايتارلىقتاي قورعاۋدى تاپسىردى