ينفورماتسيا اشكەرەلەۋ: mzjubao@cnr.cn

ماڭىزدى حابارلار

قاشقاردا اۋرۋ بەلگىسى جوق 137 جۇعىمدالۋشى جاڭادان ارتتى، جەرگىلىكتى ورىنداعى جالپى حالىقتىقتىڭ نۋكلەين قىشقىلىن تەكسەرۋ مەجەمەن 10-ايدىڭ 27-كۇنى اياقتالادى

来源:جۇڭگو قازاق راديو تورابى     |责编:古丽美热|     发布日期: 2020-10-26 10:18

 

    ٴوز حابارىمىز. مەملەكەتتىك دەنساۋلىق ساقتاۋ، سالاماتتىق كوميتەتى 10-ايدىڭ 25-كۇنى حابارلاندىرۋ شىعارىپ، قازاننىڭ 24-كۇنى ساعات 0 دەن 24 كە دەيىن، 31ولكە، اۆتونوميالى رايون، توتە قاراستى قالا جانە شينجياڭ ٴوندىرىس-قۇرىلىس بيڭتۋانىندا جاڭادان 15 ادامىنىڭ جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋىرۋىنا شالدىققاندىعىن، بۇلاردىڭ بارلىعى شەتەلدەن كەلگەنىن ايتتى. 10-ايدىڭ 24-كۇنى ساعات 24 كە دەيىن، دياگنوزى تۇراقتانعان ناۋقاس 265 ادامعا جەتتى.10-ايدىڭ 24-كۇنى ساعات نولدەن 24كە دەيىن، جاڭادان ارتقان مەديتسينالىق باقىلاۋدى قابىلداعان اۋرۋ بەلگىسى جوق 19 جۇعىمدالۋشىدان ٴبىر ادامىنىڭ دياگنوزى تۇراقتاندى. 

    شينجياڭ ۇيعۇر اۆتونوميالى رايوندىق حالىق ۇكىمەتىنىڭ اقپارات كەڭسەسى 10-ايدىڭ 25-كۇنى اقپارات جاريالاۋ ٴماجىلىسىن اشىپ: قاشقار ايماعى كونەشار اۋدانىندا 10-ايدىڭ 24-كۇنى جاڭا تيپتى ايدارشا ۆيرۋسپەن جۇعىمدالعان وكپە قابىنۋ اۋىرۋىنا شالدىققان اۋرۋ بەلگىسى جوق ٴبىر ادام بايقاعاننان كەيىن، شينجياڭنىڭ دەرەۋ اتتانىسقا كەلىپ ونىمەن جاناسقان، تىعىز جاناسقان ادامداردىڭ نۋكلەين قىشقىلىن تەكسەرىپ، 10-ايدىڭ 25-كۇنى تۇستەن كەيىنگى ساعات 2 گە دەيىن 137 ادامنىڭ تەكسەرۋ ناتيجەسى ٴبولىمدى بولعانىن، ماماندار دياگنوز قويۋ ارقىلى، ولاردىڭ بارلىعى اۋرۋ بەلگىسى جوق جۇعىمدالۋشى ەكەندىگىن ايتتى. مەملەكەتتىك دەنساۋلىق ساقتاۋ سالاماتتىق كوميتەتى كەشە قىزمەت گرۋپپاسىن شينجياڭنىڭ قاشقار ايماعىنا جىبەرىپ، جەرگىلىكتى ورىننىڭ جۇقپالى اۋرۋدان ساقتانۋ جانە ونى تىزگىندەۋ قىزمەتىنە جەتەكشىلىك ەتتى. قاشقار ايماعىنىڭ جۇقپالى اۋرۋدان ساقتانۋ جانە ونى ەمدەۋ قىزمەتىنە قولباسشىلىق ەتۋ شتابى 1-دارەجەلى ساقتىق شاراسىن قولداندى. 

    شينجياڭ ۇيعۇر اۆتونوميالى رايوندىق دەنساۋلىق ساقتاۋ سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ تانىستىرىپ بىلاي دەدى:جاڭادان ارتقان اۋىرۋ بەلگىسى جوق جۇعىمدالۋشىلار تۇگەلدەي 10-ايدىڭ 24-كۇنى مالىمدەلگەن جۇعىمدالۋشىنىڭ اكە شەشەسى جۇمىس ىستەيتىن زاۆودتاعىلارمەن قاتىستى. 

    قاشقار كونەشار اۋدانىنداعى تۇعىندار مەجەمەن 10-ايدىڭ 25-كۇنى تەكسەرىلىپ بولادى، باسقا اۋدان، قالالارداعى تۇرعىندار 10-ايدىڭ 27-كۇنى تەكسەرىلىپ بولادى. 

    قاشقار ايماعىندا تەكسەرىلۋى قاجەت ادام سانى 4 ميلليون 746 مىڭ 500 ادام، 10-ايدىڭ 25-كۇنى ساعات 14 كە دەيىن، 2 ميلليون 835 مىڭ 300 ادامنان ۇلگى الىنىپ، 334 مىڭ 800 ادامنىڭ ناتيجەسى شىقتى، قازىرگە دەيىن بوتەن احۋال بايقالمادى. 


    اۋدارعان: نۇربولات ٴداۋىتاقىن ۇلى

中央广播电视总台 央广网 版权所有

قاشقاردا اۋرۋ بەلگىسى جوق 137 جۇعىمدالۋشى جاڭادان ارتتى، جەرگىلىكتى ورىنداعى جالپى حالىقتىقتىڭ نۋكلەين قىشقىلىن تەكسەرۋ مەجەمەن 10-ايدىڭ 27-كۇنى اياقتالادى

قاشقار كونەشار اۋدانىنداعى تۇعىندار مەجەمەن 10-ايدىڭ 25-كۇنى تەكسەرىلىپ بولادى، باسقا اۋدان، قالالارداعى تۇرعىندار 10-ايدىڭ 27-كۇنى تەكسەرىلىپ بولادى