ٴوز حابارىمىز. حىبەي ولكەسىنىڭ شىجياجۋاڭ قالاسىندا1- ايدىڭ 17-كۇنى ساعات 0 دەن 12 گە دەيىن؛ جاڭادان 27 ادامنىڭ جاڭا تىپتى ايدارشا ۆيرۋسپەن جۇعىمدالعان وكپە قابىنۋىنا شالدىققاندىعى تۇراقتانىپ، اۋرۋ بەلگىسى جوق 3 جۇعىمدالۋشى بايقالدى؛ شىجياجۋاڭ قالاسى دەنساۋلىق ساقتاۋ، قوعام حاۋىپسىزدىگى سياقتى تاراۋلار قاتىناسقان 50 قۋزاۋ ـ جەتەكشىلىك ەتۋ تەكسەرۋ گرۋپپاسىن قۇرىپ، بۇكىل قالاداعى 409 وڭاشالاۋ ٴتۇيىنى قۇرىلىسىنا جەتەكشىلىك ەتىپ، تەكسەرۋ جۇرگىزىپ، بايقالعان ماسەلەلەردى دەرەۋ وزگەرتتى. 

    شىجياجۋاڭداعى چياۋشي رايونى شينشى كوشەسىندەگى ٴبىر وڭاشالاۋ ورنىنان ٴتىلشى شيپاگەر شيڭ ليميڭنىڭ تەلەفوندا وڭاشالانعانداردىڭ دەنساۋلىق جاعدايىن سۇراپ جاتقانىن كوردى. 

    شيڭتاي قالاسى لۇڭياۋ اۋدانىنان 1-ايدىڭ 17-كۇنى جاڭادان 2 ادامنىڭ ىندەتكە شالدىعىپ، ٴبىر اۋرۋ بەلگىسى جوق جۇعىمدالۋشى بايقالعاندىعى تۇراقتاندى. شيڭتاي قالالىق ۇكىمەت 1-ايدىڭ 17-كۇنى لۇڭياۋ اۋدانىنىڭ 2-كەزەكتى نۋكلەين قىشقىلىن تەكسەرۋ مىندەتىن ۇستىنە العان جينان حۋاشي مەديتسينالىق تەكسەرۋ شەكتى سەرىكتەستىگىنىڭ تەكسەرۋ ناتيجەسىن وتىرىك مالىمدەگەندىگى جونىندە، قوعام حاۋىپسىزدىگى ورگانىنىڭ دەلو تۇرعىزىپ تەكسەرىپ جاتقاندىعىن حابارلاندىردى. حىبي ولكەسىنىڭ شيڭتاي قالاسىنداعى لۇڭياۋ قالاسى 1-ايدىڭ 18-كۇنىنەن باستاپ بارلىق تۇراقتى جانە جىلجىمالى جان سانىنىڭ نۋكلەين قىشقىلىن تەكسەردى. قازىر شيڭتاي قالاسىنا قاراستى نانگۇڭ، لۇڭياۋ قالالارىنان سىرت، باسقا اۋدان، قالا، رايوندار ٴوندىرىس، تۇرمىس ٴتارتىبىن ٴتارتىپتى قالپىنا كەلتىردى. 

    حيلۇڭجياڭ ولكەسى 1-ايدىڭ 17-كۇنى مىنانى حابارلاندىردى : حيلۇڭجياڭ ولكەسىنىڭ وسى رەتكى جۇقپالى جاعدايىندا ۆيرۋستىڭ جاسىرىلۋى كۇشتى، جۇعىمدالۋ قارقىنى تەز، تارالۋ كولەمى كەڭ بولۋداي جايتتەر بايقالىپ، بولىمدى جۇعىمدالۋشىلار قىستاق پەن وتباسىن بىرلىك ەتىپ توپتالىپ، كوپتەگەن رايونداردىڭ كوپ تۇيىندەرىندە ٴبىر ۋاقىتتا تاراتۋ ەرەكشەلىگى جارىققا شىقتى. 1-ايدىڭ 10-كۇنى سۇيحۋا قالاسى ۋاڭكۇي اۋدانىندا ىندەت بايقالعانىنان بەرى، 138 ادامنىڭ ىندەتكە شالدىققاندىعى انىقتالدى، مۇنىڭ ىشىندە ٴبىر قاتەرلى، سالماقتى ناۋقاس، 7 جەتى سالماقتى ناۋقاس بار، جالپى 163 اۋرۋ بەلگىسى جوق جۇعىمدالۋشى بايقالدى. حيلۇڭجياڭ ولكەلىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گى حۇڭ بىلاي دەدى : ولكە دارەجەلى ەمدەۋ، قۇتقارۋ شەبىندەگى ماماندار گرۋپپاسىنان 50 نەشە ادام مەن جەرگىلىكتى ەمدەۋ قىزمەتكەرلەر شۇعىل قۇتقارۋ قىزمەتىن ورىستەتىپ، ەمدەۋگە قاجەتتى ٴدارى-دارمەكتەر مەن جابدىقتاردى شۇعىل جوتكەپ، سۇيحۋا قالاسىنىڭ ەمدەۋ قىزمەتىنە كومەكتەستى. 

    سۇيحۋا قالاسى 1-ايدىڭ 17-كۇنى كەشتە قالا رايونىندا ەڭ قاتاڭ، دالمە-ٴدال باسقارۋ، تىزگىندەۋ شارالارىن اتقارىپ،، بارلىق موتورلى كولىكتەر مەن ەلەكترلى اۆتوموبيلدەردىڭ جولعا شىعۋىنا تيىم سالدى. ەرەن بازار، ٴدارى دۇكەنى سياقتى قاجەتتى تۇرمىستىق زاتتارمەن قامتاماسىزداندىراتىن كاسىپورىندار مەن ٴتۇيىندى ٴوندىرىس-مانەرلەۋ كاسىپورىندارىنان سىرت، باسقا ورىندار تيجاراتىن ۋاقىتشا توقتاتتى. 

    جيلين ولكەسى 1-ايدىڭ 17-كۇنى مىنانى حابارلاندىردى : بۇكىل ولكە بويىنشا جاڭا تيپتى ايدارشا ۆيرپسپەن جۇعىمدالعان وكپە قابىنۋ اۋىرۋىن تەكسەرۋدە بولىمدى بولعاندار 114 ادام بولدى، مۇنىڭ ىشىندە 102 ادام حيلۇڭجياڭ ولكەسىنەن كەلگەن بەلگىلى بولىمدى جۇعىمدالۋشىىلارمەن قاتىستى ناۋقاستارى. جيلين ولكەلىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى جاڭ يان بىلاي دەدى : بۇل ناۋقاس جەكە تيجارات كاسىبىمەن شۇعىلدانعان، تاياۋدا كوپ رەت حيلۇڭجياڭ ولكەسى مەن جيلىن ولكەسىنە بارىپ ـ كەلگەن، قيمىل كولەمى ٴبىرشاما كەڭ، ارالاسۋشىلارى ٴبىرشاما كوپ.1-ايدىڭ 6-كۇنىنەن 11-كۇنىنە دەيىن گۇڭجۋليڭ قالاسىندا، تۇڭحۋا قالاسىندا ورتا جاستاعىلار مەن قارتتارعا باعىتتالعان ٴتورت رەت ساتۋ قيمىلىن ورىستەتكەن. 

    جەدەل تەكسەرۋ ارقىلى جيلين ولكەسى ىندەتكە قاتىستى ادامداردىڭ كولەمىن تۇراقتاندىردى ٴارى نۋكلەين قىشقىلىن تەكسەرۋ كولەمىن كەڭەيتتى، جۇعىمدالۋشىلاردىڭ بارلىعى تىزگىندەلگەن ورىنىنان بايقالىپ، قوسالقى تارالۋ جايتتەرى جانە الەۋمەتتىك اۋماقتار ارا تارالۋ جايتتەرى بايقالمادى.


اۋدارعان: سەرىك راقىم ۇلى