ٴوز حابارىمىز. پارتيانىڭ سىرتقى ىستەر قىزمەتىنىڭ 100 جىلدىعىن ەسكە ٴتۇسىرۋ جانە ج ك پ ورتالىق كوميتەتى شەتەلدەرمەن بايلانىس جاساۋ ٴبولىمى قۇرىلعاندىعىنىڭ 70 جىلدىعىن ەسكە ٴتۇسىرۋ جينالىسى 1-ايدىڭ 18-كۇنى بەيجيڭدە وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ ماجىلىسكە قاتىناستى ءارى ءسوز سويلەدى. ول بىلاي دەدى : شي جينپيڭنىڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ” ٴتورت تانىمدى “كۇشەيتىپ، ” ٴتورت سەنىمدى “بەكەمدەپ، ” ەكىنى قورعاۋدى “ورىنداپ، دۇرىس جولدان جازباي، جاڭالىق اشىپ، ٴورىس اشا العا ىلگەرىلەپ، جاڭا داۋىردەگى پارتيانىڭ سىرتقى قىزمەتىن جاپپاي، ىرىقتىلىقپەن ويداعىداي ىستەپ، پارتيا مەن مەملەكەت ىستەرىنىڭ دامۋىنا تىڭ دا اناعۇرلىم زور ۇلەس قوسۋعا قۇلشىنىپ، پارتيا قۇرىلعاندىعىنىڭ 100 جىلدىعىن ۇزدىك ناتيجەلەرمەن قۇتتىقتاۋ كەرەك. 

    ۋاڭ حۋنيڭ سوزىندە پارتيانىڭ سىرتقى ىستەر قىزمەتىنىڭ 100 جىلدان بەرى باسىپ وتكەن وزگەشە بارىسىن، اسىرەسە، پارتيانىڭ 18-قۇرىلتايىنان بەرى قول جەتكىزگەن تاريحي تابىستاردى ەسكە الدى. ول بىلاي دەدى: پارتيانىڭ 18-قۇرىلتايىنان بەرى، باس شۋجي شي جينپيڭ پارتيانىڭ سىرتقى ىستەر قىزمەتىن كۇشەيتۋ جونىندە ٴبىر قىدىرۋ ماڭىزدى بايىمداۋلار جاساپ، بەتالىستىق، ٴتۇبىرلى، ستراتەگيالىق ٴبىر سىپرا كەلەلى ماسەلەلەرگە ىشكەرىلەي جاۋاپ بەردى، بۇل جاڭا داۋىردەگى پارتيانىڭ سىرتقى ىستەر قىزمەتىن ويداعىداي ىستەۋدىڭ ٴتۇبىرلى ولشەمى، وعان، ٴسوز جوق، ۇزاق ۋاقىت تاباندى بولىپ، دايەكتى تياناقتاندىرۋدى مىقتى يگەرۋ كەرەك. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋدى ارقاۋ ەتىپ، جۇڭگو كوممۋنيستىك پارتياسىنىڭ حيكاياسىن ويداعىداي بايانداپ، دۇنيە جۇزىندەگى ٴار ەل ساياسي پارتيالارىمەن اۋىس ـ كۇيىستى، سەلبەستىكتى كۇشەيتىپ، دۇنيە جۇزىندەگى ساياسي پارتيالارمەن سەرىكتەستىك قاتىناس تورىن كەڭەيتىپ، جۇڭگوشا ٴىرى ەلدىك ديپلوماتياعا اناعۇرلىم ويداعىداي قىزمەت وتەپ جانە ونى جەبەپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. پارتيانىڭ باسشىلىعى مەن پارتيا قۇرىلىسىن جاپپاي كۇشەيتىپ، ساياسيدا تاباندى، كاسىپتە شوگەل، ستيلدە شىڭدالعان، ٴتارتىبى قاتاڭ جوعارى ساپالى كادرلار قوسىنىن قۇرۋ كەرەك.
ماجىلىستەن بۇرىن، ۋاڭ حۋنيڭ جۇڭگو كوممۋنيستىك پارتياسىنىڭ سىرتقى ىستەر قىزمەتى جونىندەگى فوتو سۋرەت كورمەسىن ەكسكۋرسيالادى.


اۋدارعان: سەرىك راقىم ۇلى