ٴوز حابارىمىز. جۇڭگو كوممۋنيستىك پارتياسى قۇرىلعاندىعىنىڭ 100 جىلدىعىن قۇتتىقتاۋ «100 جىلدىق كۇرەس، جاڭا ساپار» اتتى كولەمدى تاقىرىپتىق تىلشىلىك قيمىلى 1- ايدىڭ 18- كۇنى باستالدى، سۇيتىپ، پارتيا قۇرىلعان 100 جىلدان بەرگى تولاعاي تابىستارىن جىرلاۋ ۇگىت قيمىلى جالپى بەتتىك قانات جايدىرىلدى. 

    كولەمدى تاقىرىپتىق تىلشىلىك قيمىلىنىڭ باستالۋ سالتى بەيجيڭدەگى نەگىزگى ٴماجىلىس الاڭىندا وتكىزىلىپ، ٴارقايسى ولكە، قالا، شينجياڭ ٴوندىرىس ـ قۇرىلىس بيڭتۋانىندا بولىمشە ٴماجىلىس الاڭى قۇرىلدى. ورنالاستىرۋعا ساي، ورتالىق پەن جەرگىلىكتى ورىندارداعى باستى اقپارات قۇرالدارى الۋان ٴتۇرلى فورمادا، الۋان ٴتۇرلى ارنادا، كوپ ولشەمدى تۇرعىدان تۇتاس مەديادا تىلشىلىك ىستەۋ، حابارلاۋدى تىڭعىلىقتى ورىستەتىپ، جۇڭگو كوممۋنيستىك پارتياسىنىڭ 100 جىلدىق ۇلى بارىسىن، ۇلى تابىستارىن جانە باعالى رۋحىن تولىق ايگىلەپ، جاپپاي سوتسياليستىك وسىزاماندانعان مەملەكەت قۇرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ٴۇشىن قۇدىرەتتى ەكپىندەي ىلگەرىلەۋ كۇشىن ۇيىستىرادى. ورتالىق پەن جەرگىلىكتى ورىندارداعى باستى اقپارات قۇرالدارى تىلشىلەرىنىڭ ۋاكىلدەرى نەگىزگى ٴماجىلىس الاڭى مەن بولىمشە ٴماجىلىس الاڭىندا ٴسوز سويلەدى. 

    ورتالىق راديو ـ تەلەۆيزيا باس ستانسياسىنىڭ ٴتىلشىسى ۋاڭ چۇنشياۋ بىلاي دەدى: ٴبىز زەيىندى شوعىرلاندىرا وتىرىپ، ىجداعاتتىلىقپەن، كەمەلدىلىككە تالپىناتىن قىزمەت رۋحىمەن،، پارتيا قۇرىلعاندىعىنىڭ 100 جىلدىق جۇڭگو حيكاياسىن ويداعىداي بايانداۋعا كۇش سالامىز. 

    حالىق گازەتىنىڭ ٴتىلشىسى جياڭ لين بىلاي دەدى: نەگىزگى ساتىنىڭ جاعدايىن تولىق بەينەلەيتىن،تۇرمىسقا جاناسىمدى تاماشا تۋىندىلاردى كوپتەپ جازىپ، پارتيا حيكاياسىن، حالىق حيكاياسىن جاقسى بايانداپ، جاڭا ٴداۋىردى ويداعىداي ەستەلىككە الىپ، ٴىس جۇزىندىك ارەكەتىمىز ارقىلى پارتيانىڭ عاسىرلىق مەرەي تويىنا تارتۋ ـ تارالعى ۇسىنامىز. 

    شينحۋا اگەنتتىگىنىڭ ٴتىلشىسى جياڭ ساي بىلاي دەدى : قامال الۋ رۋحىمەن، جاڭالىق اشۋ تەبىنىمەن، ناقتى ىس ىستەۋ ستيلىمەن وزىمىزگە قاتاڭ تالاپ قويىپ، ” 100 جىلدىق كۇرەس جاڭا ساپار “ حابارلارىن جاقسى جازىپ، ويداعىداي حابارلاۋعا كۇش سالامىز. 

    2021 ـ جىلعى «كوكتەم مەرەكەسىندە نەگىزگى ساتىعا بارۋ» قيمىلى دا 1-ايدىڭ 18-كۇنى ٴبىر ۋاقىتتا باستالدى، بيىلعى «كوكتەم مەرەكەسىندە نەگىزگى ساتىعا بارۋ » ۇگىت قيمىلى پارتيا قۇرىلعاندىعىنىڭ 100 جىلدىق نەگىزگى جەلىسىن مىقتاپ ارقاۋ ەتىپ،ٴار شەپتەگى كادرلار مەن بۇقارانى، اسىرەسە، كوممۋنيستەردىڭ قىزمەتىنە ادال بولۋ، ادالدىقپەن ۇلەس قوسۋ سىندى اسەرلى اڭگىمەلەرىن جانە جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسى مەن كەدەيلىكتەن قۇتىلدىرۋدان قامال الۋ شايقاسىنىڭ جەڭىسىنە قول جەتكىزۋ سىندى تاريحي تابىستاردى ىشكەرىلەي ۇگىتتەيدى. 


    اۋدارعان: سەرىك راقىم ۇلى