ساۋدا مينيسترلىگى: ٴبىرىنشى توقساندا ەلىمىزدە ناقتى پايدالانىلعان شەتەل قارجىسى ۇقساس مەزگىلدەگىدەن %39.9 ارتتى،-دەدى
ٴوز حابارىمىز. ساۋدا مينيسترلىگى 4-ايدىڭ 15-كۇنى بيىل 1-توقساندا بۇكىل ەل بويىنشا ناقتى پايدالانىلعان شەتەل قارجىسى 302 ميلليارد 470 ميلليون يۋان بولىپ، بىلتىرعى ۇقساس مەزگىلدەگىدەن %40 كە جۋىق ارتتى،-دەدى.
ساۋدا مينيسترلىگىنىڭ ساندى مالىمەتىندە كورسەتىلۋىنشە، بيىل 1-توقساندا بۇكىل ەل بويىنشا شەتەل ساۋداگەرلەرى قارجى قوسقان 10 مىڭ 263 كاسىپورىن جاڭادان قۇرىلىپ، بىلتىرعى ۇقساس مەزگىلدەگىدەن %47.8، 2019-جىلدىڭ ۇقساس مەزگىلىندەگىدەن %6.7 ارتقان؛ ناقتى پايدالانىلعان شەتەل قارجىسى 302 ميلليارد 470 ميلليون يۋان بولىپ، بىلتىرعى ۇقساس مەزگىلدەگىدەن %39.9، 2019-جىلدىڭ ۇقساس مەزگىلىندەگىدەن % 24.8 ارتقان.
2021-جىلعى «جۇڭگونىڭ ساۋدا ورتاسىن تەكسەرۋ مالىمەتىنە» نەگىزدەلگەندە، تەكسەرۋدى قابىلداعان شەتەل قارجىلاندىرعان كاسىپورىنداردىڭ %61ى تاياۋ مەزگىلدەگى دۇنيە جۇزىلىك قارجى قوسۋ جوسپارىندا جۇڭگونى الدىڭعى ٴءۇش ٴءىرى قارجى قوسۋ نىسانالى جەرىنىڭ ٴءبىرى دەپ قاراعان. ساۋدا مينيسترلىگىنىڭ اقپارات مالىمدەمەشىسى گاۋ فىڭ بىلاي دەدى: ٴبىرىنشى توقساندا دامۋ ۇستىندەگى ەلدەردىڭ جۇڭگوعا قوسقان قارجىسىنىڭ ارتۋى ٴبىرشاما تەز بولدى، ال ەلىمىزدىڭ باتىس بولەك رايوندارىنىڭ شەتەل قارجىسىن باۋراۋ قۋاتى شىعىس، ورتا بولەك رايوندارىنان الدەقايدا جوعارى بولدى.
اۋدارعان: گۇلنۇر قابىلقاق قىزى