ٴوز حابارىمىز. پارتيا تاريحىن ۇيرەنىپ، يدەيانى ٴتۇسىنىپ، ناقتى ىستەر ىستەپ، جاڭا جاعداي اشتى. پارتيا تاريحىن ۇيرەنۋ تاربيەسى ورىستەتىلگەننەن بەرى، شينجياڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، پارتيا تاريحىن ۇيرەنۋگە، تۇسىنۋگە كۇش سالىپ، قاتاڭ شارا قولدانىپ، ناقتى ٴىس ىستەۋ جاعىندا ناقتى ونىمدىلىككە قول جەتكىزىپ، جاڭا جاعداي اشۋ جاعىندا قامال الۋعا ۇمتىلدى. شينجياڭنىڭ ٴىس جۇزىندىك جاعدايىمەن ۇشتاستىرىپ، بۇكىل رايونداعى ٴار دارەجەلى پارتيالى كادرلاردىڭ «بۇقارا ٴۇشىن ناقتى ىستەر ىستەۋ» امالياتتىق قيمىلىن ىلگەرىلەتىپ، مال فەرمالارىنا، اۋىل-قىستاقتارعا بارىپ، تيانشاننىڭ تۇستىگى مەن تەرىستىگىندە كورىكتى شينجياڭ قۇرۋدىڭ، وتان ارمانىن بىرگە جۇزەگە اسىرۋدىڭ قۇدىرەتتى وڭ ەنەرگياسىن توپتادى. 

    شينجياڭ ۇيعۇر اۆتونوميالى رايوندىق پارتكوم پارتيا تاريحىن ۇيرەنۋ تاربيەسىنە ايرىقشا ٴمان بەرىپ، اۆتونوميالى رايوندىق پارتكوم شۋجيى چىن چۋانگو گرۋپپا باستىعى بولعان پارتيا تاريحىن ۇيرەنۋگە باسشىلىق ەتۋ گرۋپپاسىن قۇرىپ، ارناۋلى ۇيرەنۋ ٴماجىلىسىن اشىپ، پارتيا تاريحىن ۇيرەنۋگە، ناقتى ارەكەتكە كىرىسۋگە ەرەكشە ٴمان بەردى. چىن چۋانگو بىلاي دەدى: ٴءبىز پارتيا تاريحىن ۇيرەنۋدى، تاربيەنى جاڭا داۋىردەگى پارتيانىڭ شينجياڭدى جونگە سالۋ جالپى جوباسىن ۇيرەنۋمەن، دايەكتىلەندىرۋمەن، قوعام ورنىقتىلىعى مەن باياندى تىنىشتىق باس نىساناسىن دايەكتىلەندىرۋمەن، تياناقتاندىرۋمەن تىعىز ۇشتاستىرامىز. پارتيامىزدىڭ 100 جىلدىق كۇرەسىنىڭ شۇعىلالى بارىسىن، پارتيانىڭ شينجياڭداعى ٴءار ۇلت حالقىنا باسشىلىق ەتىپ، بىرگە ىنتىماقتاسا كۇرەس جاساپ، بىرگە گۇلدەنىپ-كوركەيۋدىڭ تاريحي سەكىرىسىن ايقىن ءتۇسىندىرەمىز. 

    از ۇلت بۇقاراسى بىتىراندى قونىستانعان شالعاي مال شارۋاشىلىق رايوندارىنان جوڭعار ويپاتى مۇناي الابىنداعى ٴوندىرىس ٴبىرىنشى شەبىنە دەيىن، شينجياڭ الەۋمەتتىك اۋماقتارعا، كاسىپورىندارعا، جوعارى مەكتەپتەرگە بارۋ سياقتى الۋان ٴتۇرلى قيمىلداردى ورىستەتتى. پارتيا تاريحىن ۇيرەنۋ تاربيەسىنىڭ نەگىزگى ساتىداعى «سوڭعى ءٴبىر شاقىرىمىن» ىركىلىسسىزدەندىرىپ، پارتيا تاريحىن ۇيرەنۋ تاربيەسى مەن «بۇقارا ءۇشىن ناقتى ىستەر ىستەيمىن» اتىنداعى ٴامالياتتىق قيمىلدى ىشكەرىلەي توعىستىرىپ، «ۇعىسۋ، تيىمدىلىك جاساۋ، توعىستىرۋ» قيمىلى بويىنشا قىستاقتا تۇرۋ قىزمەتى مەن «ۇلتتار ىنتىماعىنىڭ بەرەكەلى شاڭىراعى» اتىنداعى تۋىستاسۋ قيمىلى سىندى 2 ۇلكەن دانەكەرگە سۇيەنىپ، بۇقارا ٴءۇشىن شىنايى، يگى ىستەر ىستەدى. چىن چۋانگو بىلاي دەدى: ەكىنى قورعاۋدى ءىس جۇزىندىك ارەكەت پەن امالياتتا ايگىلەپ، حالىقتى وزەك ەتكەن دامۋ يدەياسىنا تاباندى بولىپ، بۇكىل رايونىمىزداعى ٴءار ۇلت حالقىنىڭ ويلارىن، ارمان-تىلەگىن ارقاۋ ەتىپ، جۇمىسقا ورنالاستىرۋ، كىرىستى ارتتىرۋ، وقۋ-اعارتۋ، ەمدەۋ، قوعامدىق قامتاماسىزداندىرۋ، بەيقۇت ءٴۇي سياقتى حالىققا تيىمدىلىك جاساۋ ينجەنەريالارىن ويداعىداي اتقارىپ، ٴءار ۇلت بۇقاراسىن اناعۇرلىم مول تابىس سەزىمىنە، باقىت سەزىمىنە كەنەلتۋ كەرەك. 

    قازىر كوكتەمگى ەگىس مەزگىلى، كۇنلۇن تاۋىنىڭ باۋرايىنداعى قىزىلسۋ قىرعىز اۆتونوميالى وبلىسى اقتاۋ اۋدانى پىلال اۋىلىنىڭ قىستاقتا تۇراتىن كادرلارى پارتيا تاريحىن ۇيرەنىپ، قىستاق تۇرعىندارىنىڭ كوكتەمگى ەگىس جۇمىسىنا كومەكتەسۋدى ۇمىتپادى. شينجياڭ ٴتارتىپ تەكسەرۋ كوميتەتى، باقىلاۋ-تەكسەرۋ كوميتەتىنىڭ «ۇلتتار ىنتىماعىنىڭ بەرەكەلى شاڭىراعى» بويىنشا تۋىستاسقان كادرى جاڭ شياۋجۇن: ٴبىز وتباسىلارىنا بارىپ، بۇقارامەن بىرگە توعان قازىپ، بىرگە تاماقتانىپ، بىرگە تۇرىپ، بىرگە ەڭبەك ەتىپ، بىرگە ۇيرەندىك.-دەدى. 

    اقسۋ ايماعى ونسۋ اۋدانى الەۋمەتتىك اۋماعىنداعى پارتيا مۇشەلەرى مەن ەرىكتى قىزمەت وتەۋشىلەر «ۋ-ساي قىزمەت وتەۋ اترەتىن» قۇرىپ، الەۋمەتتىك اۋماقتاعى جەتىم-جەسىر قارتتارعا قارايلاستى؛ سانجى حۇيزۋ اۆتونوميالى وبلىسىنداعى پارتيا مۇشەلەرى ەرىكتى قىزمەت وتەپ، بۇقارانىڭ ارمان-تىلەگىن جۇزەگە اسىرۋىنا كومەكتەستى؛ قاشقار قالالىق اكىمشىلىك قىزمەت وتەۋ ورتالىعى وڭتۇستىك شينجياڭدا بۇقارانىڭ جۇمىس بىتىرۋىنە قولايلى «كۇن بويى» ٴىس ٴبىتىرۋ تەرەزەسىن تۇڭعىش اشتى. قالا تۇرعىنى ايشانگۇل: قازىر تۇسكى دەمالىس ۋاقىتىنان پايدالانىپ جۇمىس بىتىرۋگە بولادى، بۇل وتە قولايلى.-دەدى. 

    4-ايدىڭ ورتا شەنىنە دەيىن تيانشاننىڭ تۇستىگى مەن تەرىستىگىندە ٴبىر ميلليون 400 مىڭنان استام پارتيالى كادر «بۇقارا ٴۇشىن ناقتى ىستەر ىستەۋ» امالياتتىق قيمىلىنا قاتىناسىپ، ٴار ۇلت بۇقاراسى ٴۇشىن ناقتى ىستەر ىستەپ، قيىن ماسەلەلەردى شەشتى. 

    اۋدارعان: گۇلنۇر قابىلقاق قىزى