ينفورماتسيا اشكەرەلەۋ: mzjubao@cnr.cn

ماڭىزدى حابارلار

جۇڭگو سىرتقى ىستەر مينيسترلىگىنىڭ مالىمدەمەشىسى ا ق ش-جاپونيا باسشىلارىنىڭ بىرلەسكەن مالىمدەمەسىندەگى جۇڭگوعا ساياتىن كەرەناۋ مازمۇندار جونىندە تىلشىلەردىڭ سۇراۋىنا جاۋاپ بەردى

来源:جۇڭگو قازاق راديو تورابى     |责编:古丽美热|     发布日期: 2021-04-18 16:32

 

ٴوز حابارىمىز. جۇڭگو سىرتقى ىستەر مينيسترلىگىنىڭ مالىمدەمەشىسى 4-ايدىڭ 17-كۇنى ا ق ش-جاپونيا باسشىلارىنىڭ بىرلەسكەن مالىمدەمەسىندەگى جۇڭگوعا ساياتىن كەرەناۋ مازمۇندار جونىندە تىلشىلەردىڭ سۇراۋىنا جاۋاپ بەردى.


    ٴتىلشىنىڭ: ا ق ش-نىڭ شىعىس بولەك ۋاقىتى بويىنشا 4-ايدىڭ 16-كۇنى ا ق ش ـ جاپونيا باسشىلارى كەزدەسۋدەن كەيىن ەكى جاق بىرلەسكەن مالىمدەمە جاريالاپ، تايۋان ماسەلەسى، دياۋيۇي ارالى،شياڭگاڭ جانە شينجياڭعا ساياتىن سونداي-اق نانحاي تەڭىزى سياقتى ماسەلەلەگە كوڭىل بولىپ نازار اۋداراتىندىقتارىن ٴبىلدىردى. جۇڭگو بۇعان قالاي قارايدى دەگەن سۇراققا مالىمدەمەشى بىلاي دەپ جاۋاپ بەردى: تايۋان دا، دياۋيۇي ارالى دا جۇڭگو تەريتورياسىنا جاتادى. شياڭگاڭعا، شينجياڭعا ساياتىن ىستەر بۇكىلدەي جۇڭگونىڭ ىشكى ٴىسى. جۇڭگونىڭ نانحاي تەڭىزى ارالدارىنا جانە ونىڭ ماڭىنداعى تەڭىز ايدىندارىنا تالاس جۇرمەيتىن يەلىك ۇقىعى بار. ا ق ش پەن جاپونيانىڭ بىرلەسكەن مالىمدەمەسى جۇڭگونىڭ ىشكى ىسىنە دورەكىلىكپەن كيلىگىپ،حالىقارالىق قاتىناستىڭ نەگىزگى ولشەمىنە اۋىر دارەجەدە قايشىلىق جاسادى. جۇڭگو بۇعان قاتتى نارازى، باتىل قارسى تۇرادى، ديپلوماتيالىق ارنا ارقىلى ا ق ش پەن جاپونياعا قاتاڭ مايدانىن ٴبىلدىردى. 

    مالىمدەمەشى بىلاي دەدى: ا ق ش پەن جاپونيا ەركىن،اشىق بولۋ دەپ اۋىز جاپپاي ۋاعىزداعانىمەن،ٴىس جۇزىندە ور قازىپ،تور قۇرىپ،جەمتىكتەستەرىن ايتاقتاپ قارسىلاسۋعا جەلىكتىردى، بۇل بۇكىلدەي ٴداۋىر اعىمىنا قارسى ارەكەتتەنىپ، ٴوز رايونىنىڭ جانە دۇنيە جۇزىندەگى باسىم كوپ ساندى ەلدەردىڭ بەيبىتشىلىككە تالپىنۋ، دامۋدى كوزدەۋ، سەلبەستىكتى جەبەۋ سىندى ورتاق تىلەگىمەن قايشى كەلگەندىك سانالادى، بۇل تەك دۇنيە جۇزىنە «ا ق ش-جاپونيا وداعىنىڭ» ٴوڭىردىڭ بەيبىتشىلىگى مەن ورنىقتىلىعىنا زيان جەتكىزەتىن ٴمانى مەن قارا نيەتىن ٴپاش ەتەتىن بولادى. 

    مالىمدەمەشى بىلاي دەدى: ٴبىز ا ق ش پەن جاپونيادان جۇڭگو كوڭىل ٴبولىپ وتىرعان ماسەلەلەرگە قاتاڭ مامىلە جاساپ، ٴبىر جۇڭگو پرينسيبىنە بويسۇنىپ، جۇڭگونىڭ ىشكى ىسىنە كيلىگۋدى دەرەۋ توقتاتىپ، جۇڭگونىڭ مۇددەسىنە زيان جەتكىزۋدى دەرەۋ دوعارۋدى تالاپ ەتەمىز. جۇڭگو بارلىق قاجەتتى شارالاردى قولدانىپ، مەملەكەتتىڭ يەلىك ۇقىعىن، حاۋىپسىزدىگىن جانە دامۋ مۇددەسىن باتىل قورعايدى.
جۇڭگونىڭ ا ق ش ـ ىندا تۇراتىن ەلشىلىگىنىڭ مالىمدەمەشىسى بىلاي دەدى : ا ق ش پەن جاپونيا اۋەلىٴوز رايوندارىنىڭ ٴتۇرلى سىن ـ سايىستارىنا توتەپ بەرۋ كەرەك دەپ داۋرىققانىمەن قازىر جاپونيادا ٴدوپ كەلىپ وتىرعان ەڭ كوكەي تەستى حاۋىپسىزدىك سايىسى جاپونيانىڭ فۋكۋسيما ارالىنداعى يادرولىق لاس سۋدى تەڭىز ـ مۇحيتقا اعىزۋدى ٴوز بەتىمەن بەلگىلەپ وتىر، مىنە وسىنداي ويسىز قىلىق وپاسىز ارەكەت وڭىردەگى ەلدەر مەن حالىقتىڭ ٴتول مۇددەسىنە اۋىر زيان جەتكىزدى. ا ق ش-نىڭ بۇنى ىرقىنا جىبەرۋى دە اقىلعا سيىمسىز. 

    جۇڭگونىڭ جاپونيادا تۇراتىن ەلشىلىگىنىڭ مالىمدەمەشىسى 4-ايدىڭ 17-كۇنى بىلاي دەدى : تاياۋدا جاپونيا جاق جۇڭگوعا ساياتىن ماسەلەلەردە ارت-ارتىنان كەرەناۋلىققا باسىپ، ەكى جاقتىڭ ساياسي سەنىمدىلىگىنە اۋىر زيان جەتكىزىپ، ەكى جاقتىڭ قارىم-قاتىناسىن دامىتۋ قۇلشىنىسىنا كەدەرگىلىك جاسادى. ٴبىز جاپونيانى جۇڭگو مەن جاپونيانىڭ 4 ساياسي حۇجاتىنىڭ پرينسيبى مەن قاتىستى ۋادەلەرىنە بويسۇنىپ، جۇڭگو-جاپونيا قاتىناسىنىڭ اۋرە-سارساڭعا تۇسپەۋىن، توقىراپ قالماۋىن، كەرى شەگىنبەۋىن قامتاماسىزداندىرۋعا، ٴىرى ەلدەردىڭ قارسىلاسۋىنان ساقتانۋعا ٴناسيحاتتايمىز.


اۋدارعان: كۇلان ىرىسباي قىزى 


中央广播电视总台 央广网 版权所有

جۇڭگو سىرتقى ىستەر مينيسترلىگىنىڭ مالىمدەمەشىسى ا ق ش-جاپونيا باسشىلارىنىڭ بىرلەسكەن مالىمدەمەسىندەگى جۇڭگوعا ساياتىن كەرەناۋ مازمۇندار جونىندە تىلشىلەردىڭ سۇراۋىنا جاۋاپ بەردى

بۇل تەك دۇنيە جۇزىنە «ا ق ش-جاپونيا وداعىنىڭ» ٴوڭىردىڭ بەيبىتشىلىگى مەن ورنىقتىلىعىنا زيان جەتكىزەتىن ٴمانى مەن قارا نيەتىن ٴپاش ەتەتىن بولادى